| همسات شجن |
02-12-2013 12:18 AM |
رد: ماشاء الله وتبارك الله حامل يا بنات امانه ادعولي
الله يتمم لك على خير يارب ويقر عينك بذريه صالحه معافى قرأت استفسار لكِ عن تحاليل الاجهاض التحاليل اللي انا عملتها ضروريه بعد الاجهاض وفي الحمل الله يهديهم الدكاتره يشوفوا موضوع الاجهاض طبيعي وممكن يكون عكس كذا لازم يآخذوا كل الاجراءات والاحتياطات اللازمه انا لي تجربتين اجهاض والمره الاولى قالت لي الدكتوره عادي موضوع منتشر بين الحوامل وطبيعي المره التانيه الدكتوره كمان ماعملت لي اي تحاليل للحمل حتى بول الله يكرمك عشان الالتهابات ماعملت لكن الله سهل اموري و لقيت دكتوره ممتازه سوت لي كم تحليل هي ماشيه معايا بالتدريج وعندي موعد معاها بعد شهر فحبيت اقولك عن انواع هدي التحاليل لانها ضروريه جدا وماادري اذا فيه تحاليل تانيه لانو زي ما قلت لك هي ماشيه معايا بالتدريج عملت لي داء القطط والحصبه الالمانيه والهربس وفايروس تضخم الخلايا وكلها طلعت نسبتها عاليه عندي وتسبب اجهاض واذا ماصار اجهاض تسبب تشوه للجنين وقالت لي هذي الفيروسات ممكن تنشط مره تانيه مع الحمل لازم تسوي كل شهر اعاده للتحاليل وبإذن الله تكوني سليمه ويكون مجرد ابتلاء من الله الف مبروك والله يسهل امرك ويفرح قلبك
|
