|
رد: تجمع حــوامل التوائم
السلام عليكم
الله يرزقني معاكم واسولف معاكم وافرح زوجي بانتظارنا هالمولود اااخ يابنات والله اني اتمنى احمل وتنتهي مشاكلي مع زوجي ومع اهل زوجي ابي طفل يونس وحشتي والله الوحده من دون ضنى ولاشئ احس قدام زوجها دعوااااتكم لي بالشهر الفضيل الله يسعدكم اللهم اني اسالك يااكرم الاكرمينيارحيم يارحيم يارحيم ان ترزقني بحمل توام عاجلا يعوضني صبري وتفكيري وهمي وحزني |
رد: تجمع حــوامل التوائم
اقتباس:
سلامج وصل للوالده ووصيتها تدعيلكم الله يقومكم بالسلامة بشهركم التاسع يارب بخصوص الرجيم حتى امي هزئتني تقول مافي رجيم الحين بس انا مااحب المتن بس ان شاء الله خلاص باجل الموضوع مني ل 6 شهور الله يتمملك حبيبتي على خير وتفرحينا فيج اقتباس:
وانتي الف مبروك دخولج الثامن عقبال مانباركلج بالولادة اقتباس:
وتسكر بروحه والحين متزوجة يحليلها اقتباس:
سبحان الله يتني الفكره افتح تجمع بس قلت حرام نطلع من تجمع الحوامل قلت ننطر حواملنا يولدون بالسلامة ونتجمع كلنا بتجمع امهات التوام انتي كم عمر بنوتاتك الحين؟؟ ليش ماتسويلهم شريط للعمر |
رد: تجمع حــوامل التوائم
نونه الحمد لله على سلامه امك والله يخليها
بناااااااااااات من يوم حسيت ان السادس بيدخل مادري حسيت بشبح الولاده المبكرة ياررررررررب انك ماتخيب ضني يارب انك تمم علي وعلى اخواتي الدكتوره تقول احتمال ولاده مبكره لانك مع توامك كيس وضايق صدري يعني تتوقعون الدكتوره تعرف ان عندي احتماليه الولاده المبكره قبل ولا مااعتمد على كلامها لانه تقول السادس اوالسابع ماندري وخصوصا اني ماسويت ربط يارررررررب انك تسهل علي واخواتي وتمم علينا |
رد: تجمع حــوامل التوائم
محجبه توكلي على الله وخلي ثقتك بالله كبيررررره انا مثلك قايلين لي راح تولدين بدري والله كل اسبوع اقول بولد بس قلت اللي الله كاتبه بيصير متى ماولدت ربي كاتبه ربي عارف قدرتي وعارف تحملي الدكاتره بس كذا يروعون الواحد بس خليك مرتاحه ولا تجهدين نفسك واللي الله كاتبه بيصير .. انا سوو لي مسحه من تحت يقولون فيه هرمون اذا صار مرتفع فمعناته انك راح تولدين خلال الاسبوعين الجايه والحمد لله طلع عندي ناقص بس وهم ياخذون المسحه يعور شوي بس ممكن تخليك تطمنين اسألي دكتورتك عنهااا ...
والله يكتب لنا اللي فيه الخير يارب ويسهل لنااااا امورنا ياكريم.. |
رد: تجمع حــوامل التوائم
زود الغلا ..
أراجع عندهم خوفا من الولادة المبكرة لان المستشفيات الخاصة مايستقبلون الولادة المبكرة للتوام بسبب عدم توافر الحضانات والصباح الوحيد اللي الحكومة مزودتهم بالحضانات الفائقة بالعناية للخدج . |
رد: تجمع حــوامل التوائم
الأخت نونة العسولة ... حفظ الله لك ذيتك بخير ...
أولا : لا لا وألف لا ممنوع الرجيم ... خلي جسمك يرتاح شوي أولا حمل بعده رجيم ... بإذن الله راح ينتظم خلال ستة شهور وسنة ... ثانيا : إعملي رياضات بسيطة جدا ... رياضة البطن بس خفيفة خمس مات باليوم ... ثالثا : الرضاعة الرضاعة الرضاعة هي بحد ذاتها رجيم سليم ، لأن نصف غذائك يأخذه الأطفال - تبارك الله - ... رابعا : حاولي تكثي السوائل خاصة الزنجبيل والنعناع والكمون والشمر ... وبإذن الله راح ترتاحين ... توأمي ... الله يبارك لك بأولادك ... أولا : كثرة البكاء عموما الصغار - اللي أقل من 3 كيلو - لاحظتهم يبكون كثير من دون سبب ... ثانيا : عوديهم على الاستماع إلى القرآن من التلفاز أو المذياع .. هذا يريحهم ... ثالثا : الثقب في القلب عادي وكثير من الاطباء ما يخبرون لأنه ما فيه مشكلة مع الوقت هو ينقفل ويتسكر ... والحمد لله على العافية ... رابعا : كثير يقولون إن نفاس التوأم يقعد أكثر من 40 أو بعد الأربعين ينزل دم بعد فوق 10 أيام ... محجبة ... تمم الله حملك بخير ... طبيعي إن الواحدة بالسادس تخاف من الولادة المبكرة ، بس توكلي على ربك وهو الله يتمم حملك ...أنا بالثامن وحتى الأن تجيني وساوس الولادة المبكرة ... على فكرة أنا حملي كيس ومشيمة وهالحين في الاسبوع31 ، كل شيء بقضاء وقدر رب العالمين ولا تنسين إن الدعاء يرد القضاء ... ومادامك تراجعين لا تخافين ... ثقي بالله ولن يضيعك ربي أبدا ... |
رد: تجمع حــوامل التوائم
السلام عليكم
انا متابعه معاكم بس من ضيقة الحمل مالي خلق أرد |
رد: تجمع حــوامل التوائم
الله يبارك فيك توأمي....انا ولدت قيصري....ما تتخيلو كيف تعبت بس الحمدلله
لاتقلقي على بنتك ..بنت اختي كان عندها ثلاث تقوب في القلب من ولدت والحين صارت بالمدرسه والثقب انقفل من حاله يعني لا تقلقي واذا عالبكاء بناتي طول اليوم في نكد معاهم ..امي الله يخليها لي قالتلي اديهم حلبه قليل مره مع نعناع لانها تعتبر مهدئه لهم وعلى طول بعدها ينامو انا ما ربط بطني لاني مره خفت سبتها على الله.... انا اتمنيت التجمع من اللي شفتو من بناتي الله يحفظهم ...قلق وبكاء وقل نوم وتعبني معاهم الله يكرمكم الامساك يجلسو 4 ايام مايسو شي والله تعبت معاهم بس اذا اديتهم نعناع وكمون على طول يسوها بس خايف يتعودو عليه انا خلصت الاربعين طهرت يوم واحد بس و رجعت معايا بس قويه مره لمدة 7 ايام والاربعين كله ما طهرت ولا يوم نونه العسوله .. قلت تفتح تجمع لاني انا مو قادره اتصرف معاهم وقلت نستفيد من بعض |
رد: تجمع حــوامل التوائم
بنات تكفون كيف اقتبس سطرين بس من المشاركات وارد عليها
انا اضغط اقتباس بس يطلع لي النص كله بسرعه تكفون لاني ابي اشارك في موضوع مهم خارج المنتدى . |
رد: تجمع حــوامل التوائم
هلا كروشات شخباركم ... توأمي انا زوجي فيه ثقب وهو صغير هههههههههه وهذا هو ما فيه شي ..
|
| الساعة الآن 09:12 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .