|
رد: تجمع حــوامل التوائم
شلونكم بنات... وحشتوني وانتوا بعد ما تسألون عني :(
أنا صار لي يومين راقدة بالمستشفى معي طلق وعطوني إبر مهدئة للطلق.. وبعدين مليت مرة ونفسيتي تعبت وطلعت من المستشفى على مسؤوليتي.. ألحين قايلين لي لازم راحة وما اتحرك أبد الله يسهل علينا وعليكم ومبروك للي ولدوا والله يتمم لنا على خير يا رب |
رد: تجمع حــوامل التوائم
سلامتك أختي نارا
والله يتمم لك على خير ياعمري طيب ماجابوا لك طاري عن أبرة الرئه أو أنتي ماخذتها من قبل ..؟ |
رد: تجمع حــوامل التوائم
مرحبا كروشات
يحليل الكرش وتعب الحمل على التربية والسهرررر hwaml15 احس عيوني بتطلع hwaml03 من الصداع وقلة النوم يارب صبرني بس ماما وصلت بالسلامة امس مسكينة خليتها تنام وترتاح واليوم ناويه عليها ان تساعدني بالليل فيهم على الاقل انام كم ساعه لان احس من يوم ولدت وانا مو نايمة ولا مرتاحة الحلوات سهرانين طول الليل والنهار بسابع نومة يقعدون يرضعون وابدللهم البامبرز وينامون << فديتهم وهم نايمين hwaml02 ابي انظم نومتهم وموعارفه شلون .. صدري الحمدلله احس من قبل صرت اشفطلهم واعطيهم واليوم رديت اعطيهم صدري الحمدلله تقبلوه ... كروشات اللي سبق وولدوا متى ابدي اسوي رجيم واسوي رياضة يصير من الحين ابدي رجيم؟؟؟ الرياضه ماعندي وقت ابد الحين ممكن بعد شهور بس ابي رجيم عندي زيادة وزن عن وزني قبل الحمل 10 كيلو ابي انزلهم وافتك منهم ,, وبشنو تنصحوني اسوي مانع حمل ..؟ |
رد: تجمع حــوامل التوائم
تسلمين يالغالية قمرين 2 ماقصرتي الله يطمني ويطمنك ويفرج لنا يالغالية عندي موعد الاثنين ان شاء الله الله يصبرني يارب ويطمني
قلائد العز تسلمين يالغالية ع الدعاوي الحلوة من جد ماقصرتي اللهم امين واياك يالغالية وكل مسلم مرة ثقيلة بس دخلت بشوف ردودكم استودعتكم الله |
رد: تجمع حــوامل التوائم
مبــــــــــرووووووووكـ حـــــــزن دخــــــولكــ الــثامــــن وعقبـــــــال التــــــاسع والـــــولادة الســــهله أن شـــاء الله....
|
رد: تجمع حــوامل التوائم
اقتباس:
والله قلتي الي بخاطري جلست يومين افكر معقوله وارد واقول الله قادر علي كل شي ومره اقول يمكن ماحسبت زين الله يخلي لها ما عطها hwaml03 |
رد: تجمع حــوامل التوائم
اقتباس:
وانتوا أكيد عارفين أن وزن التوائم يكون أقل من الواحد بس الي أنا مستغربة منه شالقصد من هالكذب وفي شهر الصيام أستغفر الله وأتوب اليه دعواتكم يوصل وزن البيبي لكيلوين ونص قبل لا أولد وان ربي يسهل لي ولادتي والله يتمم لكم حملكم ويسهل ولادتكم |
رد: تجمع حــوامل التوائم
الله يتمم لنا ولكم يااخواتي الحوامل واكيد اصابعك مو زي بعضك
لاكن العبره في الهدف من وراء الكذب فهو ياانه استخفاف بعقولنا او انه هوايه لكل من ليسى له هوايه غير الكذب بس مااقول الاالحمد لله على نعمه العقل والله لايبلانا في انفسنا واولادنا ويجعلنا مباركين اينما ذهبنا يارب العالمين . وبنسبه يابنات للحسبه انا انصدمت امس كنت عند الطبيب في موعد واحسه مو شئ صراحه احس انه يكثر من النقاش في خارج الموضوع ويستهبل المصيبه انه اخصائي اجنه في مدينه الملك فهد والمصيبه يوم سألته في اي شهر قالي انتي في نهايه الرابع تخيلو وانا حاسبه اني في الخامس وسوا لي اشعه عنده في العياده يدوب دقيقتين ناضر فيهم وهو يسولف وبعدين شال الجهاز قلت له شفتهم قالي ايه شفتهم خلاص قومي وقالي ايش العلاجات الي تبغي اصرفها لك قلت الي تشوفه انت وسألته عن التحاليل وعن تحليل السكر قالي ماسويتي تحليل سكر قلت لا قال خلاص نسوي لك الشهر الجاي مع تحليل الغده والله يابنات خرجت من عنده محتاره هل هو فاهم لدرجه الغباء ام انه غبي لدرجه البلاهه او ان ماعنده سالفه تكفون الي تراجع في المدينه ترد عليه . |
رد: تجمع حــوامل التوائم
السلام عليكم حبيباتي
أختي نونه العسوله قرت عينك بالوالده الله يحفظها قولي لها صديقاتي الكروشات يسلمون عليك . ثم ياحبيلك لا تستعجلين ..! يعني يبي لك ست شهور على الأقل تستجمعين قواك من جديد ويرجع جسمك مثل أول وأصحي إلا الريجيم هالحين توك أنتي تحتاجين لغذاء جيد والنونوات يحتاجون حليبك أفيد لهم . ولعلمك الرضاعه الزينه ترد البطن للداخل وتشد العضلات .. وأهم شي حبة الفيتامين لا تتركينها ... على الأقل تعوضك وتزيد من جودة الحليب عندك . أخواتي الحوامل بقولكم معلومه مهمه جداً .. ترى وزن الجنين يبدأ بالزياده المنتظمه من الشهر التاسع يعني الجنين بالشهور الماضيه كان بطورنمو داخلي والتاسع هو شهر زيادة الكتله الدهنيه و اللحم بالجسم .. يعني ( الوزن ) سبحان الله وترى هذا من تجربه عندي بأولادي الله يطمن خواطرنا أجمعين و يتمم لنا ولكم شهور الحمل على خير ومسره ونسأل الله أن يرزقنا وإياكن أطفال أصحاء سليمين معافين من كل تشوه ومرض ويقر أعيننا وإياكن بحسن الخلق والخلقه . |
رد: تجمع حــوامل التوائم
أختي أم عزوز
هذا نموذج لبعض الأطباء المحبطين في المستشفيات الحكوميه الله يهديهم . هذا الطبيب ماراح تشوفينه المره الجايه . تبي تدخلين على غيره كذا نظامهم فإذا لقيتي لك طبيب أو طبيبه ممتازه .. أحفظي أسمها ويوم عيادتها بالتحديد وقولي لها مابي إلا أنتي وأطلبي ملفك يكون عندها بكل زياره . الله يسهل علينا وعليك ياعمري ويرزقنا أطفال معافين تامين الخلقه والصحه والعافيه ويرزقنا برهم ويقر أعيننا بصلاحهم دنيا وآخره . الله يسخر لنا ولك كل من فيه خير ونفع لنا وأجنتنا . أيه وبعد بقولك بخصوص الحسبه خلك مع شريط الحمل أنا شريطي مطابق للأشعه الصوتيه بالأسابيع والأيام .. وتوكلي على رب العالمين |
| الساعة الآن 03:26 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .