|
رد: دردشة بنات فلسطين, دردشة حوامل فلسطين, تجمع بنات فلسطين
هو انتي ما لقيتي حد تدردشي معه رحتي تتفششي فيا و تنتقديني أصلا أنا و لا مرة صدفت و دردشت معك لوحدنا سوا دايما مع بينك و احساس و غموض و سما و مسك وعسولة و حواء و ميسا يعني بعمري ما حكيت و تناقشت معك و انتي بعمرك ما اهتميتي لكلامي و لا علقتي عليه يعني مثلا لما أحط صورة لهويدة و أسأل شو رأيكم فيها كل البنات بيعلقوا و بيعطوا رأيهم الا حضرتك يا أبلة هبة و جاية هلأ تنتقديني و الله حلوة هاي لا و كمان كاتبة بأول تعليقك مرحبا يعني فكرك راح أقولك أهلا و سهلا فيكي و انتي عمالك تنتقدي فيا قدام البنات لا يا عمري ما حزرتي
اسمعي هي شغلة و بدي أقولك اياها مش ضروري أعجب كل الناس لأنه مو كل الناس عاجباني ها شو رأيك؟؟؟؟؟؟؟؟؟ |
رد: دردشة بنات فلسطين, دردشة حوامل فلسطين, تجمع بنات فلسطين
|
رد: دردشة بنات فلسطين, دردشة حوامل فلسطين, تجمع بنات فلسطين
يسعد مساكم ..........
غموض : انتي كم لك مغتربه .........؟؟ بحس انه الازواج المغتربين بتكون علاقتهم مع بعض قويه لانه ما في لهم الا بعض .........صح؟؟ الله يخليكم لبعض حواء : سلامتك يا قمر وتعي احكيلنا بعد الافطار شو النتائج ..ان شالله رواااااااااااء زهرة القدس: هلا وغلا في جارتي انا كمان من القدس وعمري 26 لسا جديد طبقتهم والله يرزقك الذريه الصالحه.......... احساس وبينك حاسستكم طولتو وانتو حوامل يلا شدو حيلكم وجيبولنا البيبيات ..........\ هبه: بالنسبه لقصة قميص النوم فمزبوط انا ما فهمت شو يعني كلمة متنيه وهي قالتلي شو هي لاني سألت افكار لبعد الاربعين فالوصف ما كان فاضح هي قالت انه قصير ......... وبس ام عزمي : روووووء يا جميل مالك عصبتي الله لا يجيب زعل وهويده ما شالله عنها باين عليها شطوره زيد واخيرا صار يضحك بس بستنا فيه يصير يناغي............. بنات غزه: ------ اليوم هلكت رحت سجل ابني بالداخليه وعلى الدور من الساعه 8:30 - 3 وانا هناك وتركت زيد عند حماتي ............كل هالفتره ولاني ما رضعت فتره طويله صدري دبحني ...... الله يعينا لما نفطمهم ............. |
رد: دردشة بنات فلسطين, دردشة حوامل فلسطين, تجمع بنات فلسطين
لييييييييييش يعملولي شطب عضوية ؟؟؟؟؟؟؟ الصورة ما فيها غلط هاد صورة واحد رافع أصبعه و مطنش و بيقول انا مش ضروري أعجب كل الدنيا لانه مو كل الدنيا عاجباني ليش عشان اللي فيها شاب؟؟؟؟؟؟؟؟؟؟
|
رد: دردشة بنات فلسطين, دردشة حوامل فلسطين, تجمع بنات فلسطين
جارة حبيبتي اله يخليلك زيد يا ربي و اخواته و أبوه
صح احنا خوات و يمكن أكتر بس انها تيجي تعمل فيا هيك ليش هو مزحي حرام و مزحكم حلال لا خلاص انسي أصلا شكلي حأبطل أفوت هون و حأندمممممممممممم باني فتت خلاااااااااااص نفسي انسدت عن المنتدى |
رد: دردشة بنات فلسطين, دردشة حوامل فلسطين, تجمع بنات فلسطين
يسعد مساكم
ام عزمي ولامره بنقدر نستغني عن خفة دمك وانتي يا هبة كمان اخت النا ما بصير هيك بعدين لما بدك توجهي نقد او اي شي لحد ابعتيله على الخاص يعني انا متاكدة لو انك قارئة كل الصفحات كان اعرفتي الموضوع وبشكل عام كلنا ستات متزوجات وبنعرف وبنفهم على بعض في كثيير شغلات بتنحكى رموز وبنفهم على بعض ومرات الواحد بضطر يحكي شي عشان يوضح نحنا هون كمان عشان نفيد بعض ام عزمي قلبك كبيير واكيد هبة وقت فهمت الموضوع راح تعتذر عن الي صار يسعد مساكم يا بنات مش الجو راق بيني وبين زوجي وراضاني وانا شايف التوتر انتقل للدردشة ههههههه والله بحبكم كثير وبحب دايما تكونوا مبسوطين |
رد: دردشة بنات فلسطين, دردشة حوامل فلسطين, تجمع بنات فلسطين
مساء الخير صبايا ... مالكم داخله ومبسوطه بدي اطمنكم على امي انها بخير ^_^ انا عارفه حتقولوا شو دخلنا هههههههه
لقيت في تتش بينكم ماسار شي ياصبايا .. عادي متعودين على كلمة دببه لانا فعلا كروشات ههههه ولا في حد بنكر انو مش دب ..تعرفي ياام عزمي سرت اخاف منك طلعتي عصبيه هههههههههه ... الكلام اخد وعطا ياصبايا ,,, والله الزوز ياام عزمي وجاره شكلو ناوي يصوم كل رمضان ... انا معادي على الاحد الجاي ياجاره يمكن تيجي قبل يعني على نهاية هالاسبوع ويمكن بعد ربنا يسهل ... حواء هما هيك الازواج مع رمضان اي شي بتدايقو منو بيجو للمدام يتفششو فيها مساكين احنا معهم ^_^ جاره متل شو بنختلف في العادات هاتي نتناقش بشي بدل مااحن فاضييين ... ونشوف مين احلى عاداتنا ولا عاداتكم ^_* الله يخليلك زوزو يلي تقلانه علينا فيه ومش راضيه تنزليلنا صورة لالو خايفه البنات هويده وبرلنت يحطوا عينهم عليه ولا شو ؟ هههههههههههههه واحلى مسا على كل صبايا فلسطين ... صبايا غزه .. والضفه ... والمغتربين |
رد: دردشة بنات فلسطين, دردشة حوامل فلسطين, تجمع بنات فلسطين
حواء تسلمي حبيبتي الحمد لله يللي تصالحتو
احساس حيبتي الحمد لله على سلامتها مامتك كيف ما النا دخل بالعكس كتير بيهمنا هالشي لانها هي اللي جابتك النا هههههه حبيبتي بعلرف اني بتبايخ بس لا بالعكس كتير مهم انه نطمن عللى مامتك لانه لما تكون مو منيحة انتي كمان ما بتكوني منيحة يعني راحتها من راحتك |
رد: دردشة بنات فلسطين, دردشة حوامل فلسطين, تجمع بنات فلسطين
مبرووووووووووك حواء شايفه ابو الشباب مابستغنى عنك ومابقدر على زعلك ...
جاره مافي شي يتطلب توقيف العضويه ... شروط الدردشه الادب والحمد لله مافي حد منا تعدى حدود الادب .. يعني احنا خوات وبنحكي في امور كتير خاصه متل ماحكيتي عاداتنا بتختلف عنكم شويه ... والكل متقبل المزح بين بعضنا ... واذا هبه بتدايق من هيك مزح خلاص يلي بريحها بنبطل نحكي معها زي هيك حكي .. كل واحد الو الحريه يحكي اذا متدايق من الكلام أنا عن نفسي عادي متعودة لان لقبي الدببببببببببببه هههههههههههههه من كتر ماانا منفوخه وان شاالله الدبه بعد ماتولد تنفس ^_^ |
رد: دردشة بنات فلسطين, دردشة حوامل فلسطين, تجمع بنات فلسطين
هلالالالالالالا احساس منورة
في مسميات بتختلف عن هون واسماء شغلات عادات وتقاليد كمان |
| الساعة الآن 01:43 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .