|
رد: تجمع اللي بيولدون في شهر ذو الحجه
دادو,,
جوانا مو عاجب زوجي :\ ودارين ياقلبي لو بكيفي سميت ههههههههههههه,, قلبي مدينه,, ديانا يقولوا مو عربي ومايسجلوه لي وكمان معناتو الهة فقلت نغيرو ,,وانا عشان كذا ابغى اسم من دحين عارفه لمن اولد حاقول سموا اي شي وبس فعشان كدا من الحين ابغى اقرر خلاص طفشششت,, اخر مره ابو زوجي قاللي سوي قائمه عشرين اسم وتعالي عندنا نسوي قرعه وكل شوي يرسلوا ليا اسماء هههههههههههههههه والله متحمسه اعرف ايش حيصير اسمها بالاخير .. بالنسبه للحركه مره صاير ترفيسها قوي والله تلاقيني فجاه اتحرك من مكاني زوجي يتفجع ايش فيكككيييي اقولو جالسه ترفسني هههههههههه ghooosha,, كيف استعدادك للولاده.؟؟؟ انا امي يمكن تجيني خميس وجمعه تاخد عمره وتشوفني ومره متحمسه ابغى اوريها تجهيزي مررررره وحشتننننني ياااارب تجي اخاف ماتلاقي حجز.. |
رد: تجمع اللي بيولدون في شهر ذو الحجه
اجوان ..جهزت كل شي لدرجه انو طفشت من الفضاوة..بس باقيلي شوكلاته النونو واشياء الضيوف دا اذا جاني احد
تجي مامتك بالسلامه يارب |
رد: تجمع اللي بيولدون في شهر ذو الحجه
أنا نفس حالتك عنقود بالأسبوع 33ونزل عليه أبيض زي المناديل بس أتوقع طبيعي والبني نادر مره تقدر كمان تتابعي غسان تطمني
|
رد: تجمع اللي بيولدون في شهر ذو الحجه
صباح الخير حبيباتي كيفكوم اتمنى لكم كل خير و ما تكونو كيف حالتي الزفت
أم ماهر الله لا يكتب عليكي الطلق الصناعي انا لما توفت بنتي عملوه لي شفت الموت والكل الي جربو قالي هيك يعمل انا عملولي تحاميل.الحمل فيه 40 اسبوع اصبري شوي بس ادا دخلت الاسبوع 42 لازم يعملوه لك ربنا يكتب ليك يلي فيه الخير.بس جماع انصحك لانو ممكن يعملك بكتيريا في ها الاواخر ما عدا ادا كنتي بتنامي من غير ايلاج.هدا راح يساعدك لانو يلي يجيب الطلق هو لما توصلي للنشوة.وبقي اعملي دوش ساخن هدا كمان بيساعد هن بيعملوه dadooكيف صار يبنك الله يطمنك عليه بادن الله وتشوفي اولادو اما باقي الحوامل اشكركم على مروركم والله يسهلكم ويناولكم يلي ببالكو ويسهل ولادتكم GhoOosha شكرا حبيبتي كتير اتمنىلك ولادة ميسرة |
رد: تجمع اللي بيولدون في شهر ذو الحجه
حبيباتي ينتو لما تريدو تستديرو للجهة الاخرى بالنوم هل بتقومو تم تستديرو ولا تستديرو على طول ونتو نايمين فيه وحدة قالتلي لازم تقومي وتستديري لانو خطر تستديري هيك .ومن بيالمه عضم الوركين بالنوم
|
رد: تجمع اللي بيولدون في شهر ذو الحجه
جداوية انتي كاتبة ليه مغتربة
|
رد: تجمع اللي بيولدون في شهر ذو الحجه
ام السعد...لازم تجلسي وتستديري للجه التانيه..يقولو عشان الحبل السري كا يتلف على الجنين........ والله انا لو كنت واعيه لنفسي قمت وجلست واذا لا الف واكمل النوم الله الحامي بس..الوركين وقت النوم معناته انو انتي نحيفه او سريرك قاسي...حاولي تحطي فرشه طريه شويه وارفعي رجلك على مخدات او حطيها بين رجولك ونامي على جنبك..انا عن نفسي دي الوضعيه المريحه ليا دحين..اتمنى اكون افدتك
|
رد: تجمع اللي بيولدون في شهر ذو الحجه
GhoOosha صباح الخير حبيبتي كيفك اتمنى لك نهار سعيد انا هيك اقول ينو السرير قاسي او يني نحيفة بس بيقلولي لا هدا طبيعي بالحمل.انا فعلا نحفة و حتى السرير مو عجبني. انا ما بنام من شدة الالم في الاوراك انا حتى اخواتي البنات لما كانو في فترة الحمل ما سمعت حدا بيشتكي من الاوراك.تصوري انو شهر ما نمت لا بالليل ولا بالنهار فما كنت متأكدة فلو السرير ابدلو بس انا كيف قلت نحيفة كتير
|
رد: تجمع اللي بيولدون في شهر ذو الحجه
اما المخدات فنا جربتها في كل الاتجاهات ما نفعت بس احطها بين فخودي لاني برتاح فيها ولاني كنت قبل الحمل متعودة انام على نصف بطني فهلا احطها مشان استند عليها وما استند على بطني اما الاوراك فجربت كل شي ما نفع حتى اتعب و قو من النوم
|
رد: تجمع اللي بيولدون في شهر ذو الحجه
صباح الخير ’ كيفكم يامهات النونات
الله يحيكم افطور معايا |
رد: تجمع اللي بيولدون في شهر ذو الحجه
GhoOosha شكله انا وانتي هنولد سوا لانه مافي فرق بيننا بس 3 ايام
|
رد: تجمع اللي بيولدون في شهر ذو الحجه
مساء الخير ..
حلا جده انا معاكم بعد بس فرق 3 ايام انا 35 اسبوع و 5 ايام .... الله يسهل علينا ... |
رد: تجمع اللي بيولدون في شهر ذو الحجه
قمااااااااااااااري
كيفكم وربي وربي وووووووووووحشتوني قد البحر وسمكاتو اول شي حابه اشكر اجوان واعتدرلها لان مارديت ع مسجاتها الله يسعدك ماقصرتي وحابه اشكر كل من سأل عني برضو كمانا الله يسعدكم انا الفتره اللي غبت فيها عنكم مرا مرا تعبت نفسيتي لاخر درجه ماادري كيف اوصفها لكم ولااادري لا عن جوال ولاحاجه يارب لك الحمد والشكر اول شي بفضل رب العالمين وزوجي واهلي سرت احسن من اول ويااارب لك الحمد والشكر كما ينبغي لجلال وجهك وعظيم سلطانك وضع البيبي نزل للحوض والله العظيم لمن تكون ثقتك بالله وانتي متاكده كل التاكد ان هو القادر ع كل شي تحسي براحه تامه ومايخيب ظنك وكتر الاستغفار والصدقه وصلاة الليل ( كمان كنت احبي بعد كل فرض والله تعببببت بس الحمدلله واكتر شي كنت اركز ع وقت الصباح واطول في السجود ) ومانسيت عطر المكان ان شاءالله ربي يطمن قلبها وكل حامل انا دحينا تجيني الام فضييعه مااقدر امشي مرره الدكتوره تقولي طلق مزيف دا الاسبوع قالت مرا ضروري اريح ع طول بس حبدا من الاسبوع الجاي امشي نص ساعه لان ان شاءالله حدخل شهري والاسبوع اللي بعده ساعه في اليوم امشي وانا دحينا حفرفر في الصفحات اطمن ع اوضاعكم هههههههههه |
رد: تجمع اللي بيولدون في شهر ذو الحجه
عسسسسسسسله يادووووبا ماصدقت لمن قريت اسمك ،، يبغالك فرررش قلقتينا عليكي
بس الحمدلله اهم شي انك بخير والنونو كمان قلب ،، ربنا يسهلنا يااااارب Ghoosha استممممممري في الدععس ما شاء الله ،، وارسليلي اميلك ع الخاص عشان اضيفك في الفيس بووك بنااااات بكره عندي موعد سونار رباعي ،، تتوقعو حيكون باين النونو ولا مابيبان ،، لانو قريت انو احسن في الشهر السادس والسابع |
رد: تجمع اللي بيولدون في شهر ذو الحجه
ههههههه والله ياقلبو لاتلوميني
ايوا ان شاءالله يبان كانو في فيس بوك وفون وزحمه ههههههه دادو كيف ولدها؟؟؟؟ وعطر المكان كيفها ؟؟؟ |
رد: تجمع اللي بيولدون في شهر ذو الحجه
سلام عليكوم هل الصلاة بتلف الحبل السري على الجنين وانا مهددة بولادة مبكرة فهل الصلاة على الكرسي جائزة.
|
رد: تجمع اللي بيولدون في شهر ذو الحجه
انا كنت اصلي ع الكرسي
يجوز ياقلبو بس سبحان الله لمن تصلي وتسجدي تحسي ان ماحيضرك شي لان بتكوني قريبه لربك الله يتمملك ع خير اهم شي وقت النوم لمن تقلبي ع الجنب التاني اجلسي وبعدها غيري |
رد: تجمع اللي بيولدون في شهر ذو الحجه
عسله شكرا على تجاوبك حبيبتي. بس لما اصلي على الكرسي مابحس بالسجود يلي فيه بادعي .وفيه شي تاني لو تكرمتي تجاوبيني عليه هو اكل عصير الليمون الحامض في السلطة مضر للجنين او يقدر لا سمح الله يصير للجنين شي لانو لما توفت لي البنت في السادس قالولي ينتي اكلت ليمون حامض .وها شي ضل ببالي طول ها المدة.
|
رد: تجمع اللي بيولدون في شهر ذو الحجه
والله ياقلبو انا كان وحامي ع الليمون بشكل مو طبيعي
بس تعبني لان عندي قالون ووقتها كان عندي تقلصات لكن غير كدا ماادري وادا الشي خايفه منو يضرك لاتقربي منه |
رد: تجمع اللي بيولدون في شهر ذو الحجه
السلاااام عليكم
اخباركم يالغوالي...؟ اشتقت لكم مررررررررررررره طمنوني عنكم وعن احوال بيبياتكم...؟ |
رد: تجمع اللي بيولدون في شهر ذو الحجه
عسله الف الحمدلله على السلامه .... قربنا على الولاده الله يسهلها ...كنا قلقانين عليكِ بس الحمدلله انكطمنتينا ....
|
رد: تجمع اللي بيولدون في شهر ذو الحجه
الصمت عشقي كيفك ان شاء الله تمااام ...
ghooosha انا عندي حساب في الفيس بوك بس ما اتعامل مع الجوال مع المحمول .. ام السعد الله يبعد عنك الوساوس ... ويسهلك امورك .. بنات خايفه من القيصري وكمان من الطبيعي دعواتكم الله يسهلنا جميعا !!! |
رد: تجمع اللي بيولدون في شهر ذو الحجه
قلبي مدينه
الحمدلله بخير بس التعب يهد الحيل ان شاء الله مايضيع تعبنا و نفرح بشوفة اطفالنا واهم بين يدينا اخبارك انتي يالغلا...؟ |
رد: تجمع اللي بيولدون في شهر ذو الحجه
عسسسسسسسلللله...تبغي تشوفي غلاكي علينا شكلك هاااا..اقلك بلاش تمشي لانو حبيبه موني حاتفرشك وانا حاعضك الين تولدي <<<لاحظي انو كمان بنريحك من المشي هههههههههههه والله قلقتينا عليكي ياعسل ..بس معذوره كلنا تجينا حالات تقفل معانا حبتين..ايوة تبغي نفسبك ؟ اسدحي ايميلك في الخاص وهيا بنا نلعب هههههههههههه
ام السعد...اجل غيري مرتبتك وجربي ..والليمون مره مو مضر فيه فيتامين سي بس ضرره انو يسبب حموضه ..ومافي اكل مضر في الحمل بعد الولاده فيه اشياء ممنوعه اكلها بس في الحمل مافي ..لا توسوسي كل مكتوب من عند الله. .وبالنسبه للصلاه على الكرسي ان شاء الله انها جايزه لانو انا ما اقدر اصلي طبيعي ..مسويه عمليه قبل الحمل ومسويتلي شد فظيع..يارب يتقبل حبيبة موني... دحين اسدحلك ايميلي دوووغري حلا جده ..هوا الشريط يقول 35 و7 ايام اظن وهوا يتغير كل احد بس انا قبلها بكل ربوع ادخل اسبوع تمام كده؟ ليا فتره دا حسابي معا الدكتوره..دحين رحت لدكتوره جديده ايش قالت..قالت انو انا في 37 اسبوع يعني دعستلي اسبوع وكم يوم في التاسع ..دحين اتلخبطت حساباتي كلها فالله اعلم اني سابقتك باسبوعين وحغني حركب الحنطور واتحطنطر ههههههههههههههه معليش مره مهلوسه |
رد: تجمع اللي بيولدون في شهر ذو الحجه
قلبي مدينه ...مو مشكله الفيس حلو والتواصل فيه يكون مستمر خلاص ارسلي ايميلك خاص
|
رد: تجمع اللي بيولدون في شهر ذو الحجه
ووااااااااووو عسله يادووووبا وينك اقلقتينا والله صايرة افكر فيك كتير
قبل ما انام اقول وين اختفت هذي؟!شو صار لها >>خوووووووفتيني مررررره بس كنت متفائله فيك خيييييييير ياعسل... تدري نفسي اهاوشك ههههههه ومتل ماقالت GhoOosha بتعضك وانا كمان احب العض بصراحة... المهم كيفك وشو اخبارك والله انت الي وحشتينا وماتشوفي شر قلبووو بس لاتعيديها ... |
رد: تجمع اللي بيولدون في شهر ذو الحجه
الله يسعدكم ويريح قلبكم
ويسهلها علينا يارب والله القفلات معايا دي الايام مكترتها hwaml4حبتين هههههههه |
رد: تجمع اللي بيولدون في شهر ذو الحجه
السلام عليكم ورحمة الله
هلا بنات كيفكم هلا ام السعد ان شاء الله انا مغتربه بحكم بعدي عن اهلي 1000 كيلو بس بنات من يجيها الم بالمنطقه الحساسه وياليت اقدر امشي واحسه خلاص بينزل شي احد زيي الله يهونها يارب علينا |
رد: تجمع اللي بيولدون في شهر ذو الحجه
كيفكم مامات,,
عسله,, شوفتي غلاكي هيا عاد لاعاد تعيديها هههههههههههههه انا ماعرف ايش فيني هدي الايام عالحلويات حتى دحين داخله يوتيوب وجالسه اشوف مقاطع تشوكلت وكب كيك,, شوفوا هدي فكرتها غريبه تنفع في حفلة اطفال : http://www.youtube.com/watch?v=TD3WB...feature=relmfu |
رد: تجمع اللي بيولدون في شهر ذو الحجه
مساء الخير حوامل كيفكم
هل من احد هنا؟؟؟ |
رد: تجمع اللي بيولدون في شهر ذو الحجه
هلا اجوان
ايوا شوفت الله يسعدكمhwaml03 حرام عليكي تحطين زي كدا في دا الوقت مرا تشهييييي ههههههه بالله مين يجبلي زي كدا دحينا جداويه مغتربه الف سلامه عليكي تجيني دي الآلام حتى والله افكر كيف اولد من قوة الألم الله يسرها ويسهلها علينا يارب اليوم ماما الله يهديها هيا واختي حطموووني قالو حتولدي ع نهاية القعده وانا متامله ع البدايه |
رد: تجمع اللي بيولدون في شهر ذو الحجه
ليالي
مساء النور يب نحنو هنا hwaml7 |
رد: تجمع اللي بيولدون في شهر ذو الحجه
هلا والله عسله
كيفك وكيف الحمل معاك ؟؟ |
رد: تجمع اللي بيولدون في شهر ذو الحجه
هلا
والله تعب وخوف وقلق قلة نوم والحمدلله بس راضيه بكل شي اهم حاجه اشوف حبيب قلبي ولدي ع خير ان شاءالله وانتي ايش مسويه؟؟ |
رد: تجمع اللي بيولدون في شهر ذو الحجه
والله يوم مرتاحه ويوم تعب مو طبيعي
الحمدلله على كل حال النوم يالله زين ننام اربع ساعات انواع الارق والتعب خليها على ربك اللهم لك الحمد والشكر يارب |
رد: تجمع اللي بيولدون في شهر ذو الحجه
مراااااااااحب
انا ولادتي ب19 ذالحجه باذن الله والحين محتاسه بالتجهيزات للنفاس وانصحكم بمحل الملاك الصغير بالدمام قريب الجلوية لتجهيز سرير واغراض المولود ومحل بيبي هاوس وجنبه محل حسام بالذات عنده ثياب استقبال موديلاتها جديدة وحلووة واسعارها بين ال120 و150 بسوق الحب جنب بوتيك نسرين مقابل محل المريول الحر اتمنى اني افدتكم |
رد: تجمع اللي بيولدون في شهر ذو الحجه
أهلين بنات كيفكم ؟
" عسله " منوره التجمع ولك وحشه بس أشوف البنات يسألون عنك !!! بنات مين منكم آخذة مشد لبعد الولاده ياليت تقولنا عنه في مشد حست عليه 10 صيدليات ما لقيت مقاس m بس لقيت L تنصحوني أخذ هذى المقاس لان وزني قبل الحمل 55 والحين باول التاسع 67 ساعدوني بخبرتكم ؛) |
رد: تجمع اللي بيولدون في شهر ذو الحجه
غلا
هلا الله يتمملك ع خير يارب قلب غيث النور نوركم الله يسعدهم سؤالهم والله نساني التعب بالنسبه للمشد انا ليسا حطلبه من وحده جاويه ماادري انو متوفر في الصيدليات ولاحتى ادري انو مقاسات هههههه ومن سؤالك نستفيد ؛،؛ |
رد: تجمع اللي بيولدون في شهر ذو الحجه
قلب غيث اخبارك سمعت كثير مايمدحون المشد يقولوا الشماغ احسن انا مثلك اول ماحملت 55 والحين توني بداية التاسع وصلت 65والله يعييينا
|
رد: تجمع اللي بيولدون في شهر ذو الحجه
لسلاام عليكم
اخباركم ياكروشات اتمنى تقبلوني معاكم لاني معاكم راح اولد في الحج ويارب اكون نهايه القعده لاني تعبت كثير وماودي اطول دعواتكم لي اولد طبيعي |
| الساعة الآن 10:26 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .