|
رد: ** ليبيا زين علي زين ليبيا ورد وياسمين ** تجمع الليبيات
السلام عليكم ورحمه الله وبركاته
|
رد: ** ليبيا زين علي زين ليبيا ورد وياسمين ** تجمع الليبيات
اقتباس:
سلمك ياذووووق يارقة .. كلماتك المنتقاة تدخل القلب بدون استئذان حماك الله وحفظك ومشاء الله عليها جودي الامورة بدت تمشي ياسعدها ... وانت عاد اجري في جرتها انا توة بدت العطلة ومن قبل يعني عشائي دائما انصاص وبكثرة لحد الشبع طبعا اكيد اصاص عليها القيمة ولو الجو امصقع يكون معاها كباية حليب او اي شي ساخن مثلا سحلب لذلك في الليل ماعنديش حوسة وتخيلي نرقد 2 ونوض للفجر ولله الحمد ونفطر امتاعين الصبح ونخش نرقد ونوعى 10 او مرات 11 نفطر ودغري طنجرتي عالنار ونبدا في رويتا نفطرها ونغيرلها وعصومي وعليوة نشرف عليهم بس معلمتهم الله يبارك عليهم كيف ينظفو ارواحهم وانقول الهم البسو اللبسة هذي وايجيبوها ايوروها لي ونعطيهم الموافقة طبعا هذا كله وانا نشتغل شغل البيت مع الولحد انكون امكملة كل شي مع تطييب الغدا الواحد ونص اتجي ردينة من المدرسة نرضع روى ونمشي انا ونبه علي دودو انها ادير السلاطة وتوتي الفواكة وماتنساش تسخن الشاهي لبوها بعد ما يجي وفي اغلب الاحيان هو اللي يرفع فيا للمدرسة بس في الترويحة نروح مع الابلات علي كرعي وانجي نصلي العصر ونقرى اذكاري ونتغدى انا وعليوة ونتريح شوية يوعي توام روحي انديرو قهوة وبعدها هو يمشي نعد انا مع العيال اللي يبي حاجة نشرحها له اللي عنده توقيع وهكذا ونحضر انا دروسي او نصحح وندخل عانت الساعة 11 في الليل وبالنسبة لايام الفرح مانحكيلك عالزحمة اللي كانت عندي خاصة ان الفرح كان يوم 28 وامتحانات العيال 29 يعني زحمة زحمة آآآآآآآآآآآ ه زحمة زحمة لكن الحمد لله عدن علي خير ودست علي روحي وصبيت في العرس وساعدات بكل ما لدي حتى عمي بدا يشكر فيا ولحد الان كل مايشوفني ايربح لي ويقولي اجعنك ماتغيبي والحمد لله صح تعب عليا بس نشعر بلذة لاني نعتبر فيه طاعة لله سواء تعبي مع عيالي او زوجي اوحتى هل داري وتـــــــــــــــــــــــوة بدت العطلـــــــــــــــــة |
رد: ** ليبيا زين علي زين ليبيا ورد وياسمين ** تجمع الليبيات
جنودة
الغاليـــــــــــــــــــــــــــــــــــــــة وينك ؟؟؟ ربي يعاونك لا هية في القرايـــــــــــــــــــــــــة شن أخبار العائلة هنايا وشن أخبار خالاتك أكيد خاطرك في لمة معاهم إن شاء الله تتلاقوا على الخير والبركة وأنت مكملة ومتفوقة وعويلك في حجرك ياااااااااااااااارب أمولة الحبيبة آنست ونورت وليت أحرف منك حتى أني نطلع ونغطس شكرا على الكلمات الحلوة شن أخبار فطوم !!! بدت تناغي ولا مازال ؟؟ وتشبه شكون توا ؟؟ وربي يعاونك ويسهلك كل أمورك أم أبوني شن أخباره العريس ؟؟ أبوووووووون وإخوانه ؟؟ وكيف حال أم ورد وأمتى موعدهاااااااااااااااااااا أم نرجس مرحبتين بيك آنستينا ونورت الحتـــــــــــــــــــــــــــــة حبيبة حاتم ،،،،،،،،،،،، كيفك وكيف أحوالك وشن أخبار الحمل معاك ؟ أم نوزة يا هلا فيك مغطســــــــــــــــــــــــــــــة زي ناس هلبة كيف حال حمودي راهو كبر وولى راااااااااجل الله يحفظه وينور دربه |
رد: ** ليبيا زين علي زين ليبيا ورد وياسمين ** تجمع الليبيات
والله يا dr.loly هولندا هاليومين صقع بس مدايرة لعويلتي جو شتاء ليبي هههههه الحوش يفحفح وشق وكنا مكسدين على زميطة وشاهي اخضر نودك بيهم
|
رد: ** ليبيا زين علي زين ليبيا ورد وياسمين ** تجمع الليبيات
|
رد: ** ليبيا زين علي زين ليبيا ورد وياسمين ** تجمع الليبيات
الله يبارك
تقرير مفصــــــــــــــــــــــــل يعتمد كثيرا بعد معونة الله لك علـــــــــــــــــى اعتماد أغلب أطفالك على أنفسهم ،،، نقطة مهمة يجب أن أنتبه لها سهرك بالليل تعوضينه بنوم صباحي ،،، لكي لا تنهكي ~~~ موعد مدرستك مناسب جدا كأنه قيلولة ~~~ إمممممممممممم ترتيبات تدل على ربة بيت ممتازززززززززززة حفظ الله أوشي غزالة جبلنااااااااااا وبالنسبة لوقفتك في الفرح ،،،،،،،،،،،،،، صح ليك أهو كل شيء فات وتعدى ومش كل يوم غصرة ربي يحفظ أهل الجود ويكثر من المعترفين بأفضال أهل الجود ~~~~~~~~~~~~~~~~~~~ وعليكم السلام ورحمة الله وبركاته هلا بجيجي العزيزة |
رد: ** ليبيا زين علي زين ليبيا ورد وياسمين ** تجمع الليبيات
اهلا اثوره الغاليه
والوخيه الغاليه اوشي والحبوبه نوسه كيف حالكم كلكم ربي يحفظلك وليدك حمزة يا ام نوسه وربي يحفظه هو ووبيه وكل عويتلك |
رد: ** ليبيا زين علي زين ليبيا ورد وياسمين ** تجمع الليبيات
انا مشغووووله
انجرب في كيكه سوسو في هاليل هههههههههه شوي ونجئ |
رد: ** ليبيا زين علي زين ليبيا ورد وياسمين ** تجمع الليبيات
جييييييييييت شوي ونحرقت
تعرفوا قاعده ماذقتهاش وريحتها يمممممم شكله راجلي ورنوده بينوضوا من ريحتها الحلوه وخاصتا ان الطبخ مفتوح علي باقي الحوش هههههه |
رد: ** ليبيا زين علي زين ليبيا ورد وياسمين ** تجمع الليبيات
إيه والله
تستاهل تشحويرة في هالليل حتى أني عازمة على تجربتها بإذن الله نتخيل فيها توا كيف صنتها فايحة جيجي صحتين وعافيـــــــــــــــــــــــــــــــــــــــــــة أهلا بأم نرجس كيف حال حمزة بديتي توكلي فيه ؟؟ يمي يمي زميطة وشاهي أخضررررررررررر شنو بيعوا في هولندا في الزميطة والوشق ؟؟؟ |
| الساعة الآن 01:16 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .