|
رد: دردشة بنات ليبيا , دردشة حوامل ليبيا , تجمع بنات ليبيا
السلام عليكم كيف حالكم وشن مدايرين مع الصقع
بالنسبة ليا اني جااااااااااااااامدة هههههههههههههههههههه ميمونة ربي يقوي سعد وخيتك ويجعلها زواجة الدهر يارب ام قصي يارب تطلعي حامل والدورة ماتشوفيها الا بعد 9 شهور سالي كيف حالك وربي يتبت صغيويرتك وينبتهم وتفرحي بشوفتهم شمس الزمان خليك وين ماراجلك وين ماانتي عيون صحيحة الشاهي وبالنسبة ليا مانشربش في المنبهات ام معاد وام ورد ربي يدوم لمتكم وخيه رغودة وسعي بالك وبادن الله الجاي احلى وشكرا لكل من سال على بنتي ودعالها اليوم الحمدلله حالها احسن وياريت كلكم تدعوا لبنت اختي بعد غدوة فضانيتها طبعا حنديروا شكلاتة كوالتي استريت ورزاطة وعبمبر وقهوة عربية وكابتشينو ونوعين حلويات من النحلة و العشي رز مسقي وبوريك الورقة المجبودة ومبطن وسلايط وفواكة وبقلاوة وباكو خشب فيه مكسرات وكونفيتي وخلاص |
رد: دردشة بنات ليبيا , دردشة حوامل ليبيا , تجمع بنات ليبيا
وووووووووووووو مكيدين وينكم
ميمو مبروك ع اختك ليبيا كيف حالك وحال نوزه عيون لاباس ع خالك وطهور |
رد: دردشة بنات ليبيا , دردشة حوامل ليبيا , تجمع بنات ليبيا
السلام عليكم ورحمة الله
كيف حالكم يالموجودات وسلام للغايبات شمس الزمان يا احبيبه قصدك الطيارة تقعد في الجو 14 ساعه هلبه هلبه ربي يعينك انا من اول ساعه تمر نبدا انحس بالملل انا سافرت ببنتي كانت اول رحله عمرها شهرين وسافرت عمرها 6 شهور وسافرت وعمرها سنة وشهرين وتوا سافرت وعمرها سنتين و7شهور قولي 3 سنوات لكن اطول رحله ليا كانت 4 ساعات ونص لما روحت اخر مرة بنتي جاها اسهال في الطيارة كل شويه خاشه طالعه عالحمام انغير في البمبرز ولازم انعبي الشنطة بما لذ وطاب باش انزلبحها وتسكت وما اديرش الشطانه واضايق الناس ولازم شنطة الطيارة فيها غيار ليا وزوز لبسات ليها لاني بنفترض انها اترجع اعليا حاشاكم ولو كانت عندك مرضعه الحليب ومررتيها من السير مع الشنطة في التفتيش ما تشربيهاش لبنتك ممنوع لوحيها قصذي الحليب غيريه وديري غيرها ولو بنتك تمشي لازم كل ساعه توقفيها تلعب في كرسيها او تتمشى في الممر بين الكراسي ولو حالتكم كويسه ننصحك تحجزي عالدرجة الاولى اريحلك في النوم وفي خدمات المضيفات ليك وربي يوفقك في سفرتك وتمشي وتجي بالسلامة يارب ولازم تصوريلنا الصين خشي على موضوعي وديريلي موضوع صيني زيه ههههههه ونتمنى اني افدتك ولو بمعلومه صغيره |
رد: دردشة بنات ليبيا , دردشة حوامل ليبيا , تجمع بنات ليبيا
قصة قصيـــرة جداً .. ولكنها مؤثــرة ..
{ ولو كنت فظاً غليظ القلب لانفضو من حولك } ... .. .. .. .. دخل لص بيت مالك بن دينار " رحمه الله " .. فبحث عن شئ يسرقه فلم يجد .. ثم نظر فإذا بمالك يصلي .. فعندها سلم مالك ونظر إلى اللص فقال : " جئت تسأل عن متاع الدنيا فلم تجد ... فهل لك في الآخرة من متاع ..؟! " .. فإستجاب اللص وجلس وهو يتعجب من الرجل ..!! فبدأ مالك يعظ فيه حتى بكى .. وذهبا معاً إلى الصلاة .. وفي المسجد تعجب الناس من أمرهما : " أكبر عالم مع أكبر لص .. أيعقل هذا ..؟؟! " .. فسألوا مالكاً فقال لهم : " جـــــاء ليسرقنـــــــا .. فسرقنـــــا قلبـــــــه ^_^ |
رد: دردشة بنات ليبيا , دردشة حوامل ليبيا , تجمع بنات ليبيا
زهرة الله يسلمك وما تشوفي شر وكيف حالك وحال ليونه
ليبيا قلبي صحه العشي شهتينا بالمحاشي ونزلي صورة السويسرول سالي بنشوقك اكتر خليها غدوة |
رد: دردشة بنات ليبيا , دردشة حوامل ليبيا , تجمع بنات ليبيا
كيف حالك يا ام وسونه وحال وسن اليوم ولاباس اعليها
|
رد: دردشة بنات ليبيا , دردشة حوامل ليبيا , تجمع بنات ليبيا
والله الحمدلله ياعيون بس تاعبه من السهور مع وسن ومش عارفه
شن بيفيقني الصبح للعمل اه اه اه اه بس اليوم وسونة احسن الحمدلله والله قريب هبلت اني بوها البارح من الحرارة مابتش تنزل لكن في الاخير نزلت بعد جهد جهيد ههههههههههههه كيف حالك انتي وكيف حال صغيويرتك |
رد: دردشة بنات ليبيا , دردشة حوامل ليبيا , تجمع بنات ليبيا
الحمدلله على سلامتها وانتي امتى بديتي تمشي للعمل ووين؟؟ ووين اتحطي في وسن؟؟
|
رد: دردشة بنات ليبيا , دردشة حوامل ليبيا , تجمع بنات ليبيا
اني متعينة من 2006 خدمت سنتين وطلعت خارج الملاك الوضيفي بس توا رجعونا
والمدير عاطيني 12 الحصة احتياط ومقسمهوملي على 3 ايام يعني من 2 الى 5 سبت واتنين وخميس ونشتغل في مدرسة تانوية للولاد علوم هندسية بحكم مؤهلي |
رد: دردشة بنات ليبيا , دردشة حوامل ليبيا , تجمع بنات ليبيا
بالنسبة لوسن نجيب في وحدة من بنات اختي تبات عندي وتقعد بحداها الصبح
وفي العشية نروحوا بيها |
| الساعة الآن 08:30 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .