|
رد: دردشة بنات مصر , دردشة حوامل مصر , تجمع بنات مصر
شكراااااااااااا ياملوكتى لكل التوضيحات دى
انا بقيت متردده اقوله مكتبتش كالسيوم يقوم يقول بتتدخل فى شغلى وسكت بس بقول لماما قالتلى لا المره الجايه لازم تقوليله ربنا يسهل لما اروحله |
رد: دردشة بنات مصر , دردشة حوامل مصر , تجمع بنات مصر
التطعيمات
انا مافتكرش حاجه غير حقنه التيتانوس بتتاخد حقنتين على شهرين من بعد الخامس بس ممكن تاخديها وممكن لاء ده علشان لو فى لاقدر الله تلوث فى وقت الولاده اما لو ولدتى فى مكان كويس خلاص الكلام ده للى بيولدوا بدايه انا اخدت واحده ومارضيتش اخد التانيه خفت على عمرى هههههه اصل المستشفى بتاعت البلد تخوف وتحسى انها مش نضيفه لانها قديييييييييمه اوووووووووووووووووى فخفت ليكون المصل مش كويس |
رد: دردشة بنات مصر , دردشة حوامل مصر , تجمع بنات مصر
انا قريت كلامك يارنا بس اذا كان فى ناس بتقبض الافات وبتعتصم جايز بس ماسمعتش ودول طبعا مالهمش حق بس دول كام فى وسط باقى شعب مصر التعبان
بس كل اللى اعتصموا ناس مش لاقين او مررتباتهم قليله جدا وصدقينى الناس اللى بتعتصم دول بيكون فاض بيهم ويتحملوا انهم يعتصموا فى الحر ولا البرد على حسب الوقت اللى هم فيها وبيستحملوا يباتوا ويفصضلوا بالايام والاسابيع علشان حد يسال عنهم ولا حياه لمن تنادى الناس اللى بجد بترضى باقل القليل بس هم يقولهم يخرجوا عليهم ويعرفوهم يسالوا عنهم مش كده وبالنسبه للى بيخرب يابنتى دول بلطجيه النظام القديم حاطه علشان نقول كده على الشباب الثوار وبالنسبه للعطله هم ماكنوش بيعملوا مظاهرات اللى فى الميدان غير بس يوم الجمعه وبعدين حتى لو الدنيا وقفت علشان البلد تتعدل وماله وبالنسبه ان اغلبهم جايين يهيصوا وخلاص ماعتقدش ابدا واحد ممكن يضحى بعمره او على الاقل يحصله عاهه علشان يهيص ابداااااا ممكن يقعد يتفرج على التلفزيون وخلاص |
رد: دردشة بنات مصر , دردشة حوامل مصر , تجمع بنات مصر
سيبكم بقي من االكلام في السياسه يلا اهي زي ماتيجي تيجي
انتوا بقي عاملين ايه هاتعملوا اكل ايه النهارده انا ماشيه علي الدايت بحذافيره وخسيت كيلو ونص في 3 ايام تتتتتتتا عقابل بقي ماخس ال12 كيلو كلهم ياااااااااارب |
رد: دردشة بنات مصر , دردشة حوامل مصر , تجمع بنات مصر
انا هقوم لحسن سلمى بتعيط انا كتبت الكلمتين لرنا بالعافيه
|
رد: دردشة بنات مصر , دردشة حوامل مصر , تجمع بنات مصر
لوكا الله يخليكي ما تخليش خطك مائل عشان انا مش عارفة اقراااااااااااااه
|
رد: دردشة بنات مصر , دردشة حوامل مصر , تجمع بنات مصر
والله ياملك انا متعاطفا جدا مع الناس اللي بتروح ارواحهم او بيصابوا في الثوره دي
وبجد بحلم ان مايبتش واحد جعان او ميبقاش معاه والدوله طبعا مقصره في حق ناس كتير بس اللي بوظ الدنيا اتشال خلاص وعملنا اللي مكناش نحلم بيه فيها ايه بقي لو نصبر كام شهر لحد ماواحد جديد يمسك البلد وكلامنا يبقي معاه هو ليه بنوجه كلامنا للمشير زفت ماهو متنيل علي عينه سايبها اصلا بمجرد مالانتخابات تنتهي ده واحد هايجيب لهم حقهم ده من اعوان مبارك بالعقل كده هما بيكلموا مين؟ بيوجهوا رسالة لمين؟ هو في حد عدل نقوله عايزين كذا ومش عايزين كذا وبعدين في ناس ياملك هي السبب في اللي هيا فيه اقولك ازاي يعني واحد ارزقي مرتبه 300 جنيه وتلاقيه بيخلف 5 عيال و7 عيال وبعد كده يقولك انا مش لاقي انا وعيالي طب بالعقل كده هانعملك ايه الدوله هاتفرق عربيات وتدخل ولاده مدارس لغات ههههههههههه احنا دوله ناميه ناميه ياجدعان ومسروقه بفالها 30 سنه كويس ان في ناس لسه لاقيه تاكل ربنا يعوض علينا بقي ونقف تاني علي رجلينا ونرجع احسن من الاول علي فكره ياملك انا مش بزعل خالص من الحوار مع اي حد حتي لو كنا مختلفين في بعض النقاط بس في الاخر احنا مجتمعين علي اصلاح حال البلد وده اهم حاجه ياقمر يارب انتي بس ماتكونيش متنشنه ياام سيمبا |
رد: دردشة بنات مصر , دردشة حوامل مصر , تجمع بنات مصر
أنا قلت لزوجي أنو أبن حماي ضربني و زوجي دق على أمو و عم يعيط و حماتي بهدلتني أنا شو زنبي والله موجوعه ما عم مسل قال انا عم مسل بهدلتني بهدلت الكلاب و هلق زاد وجعي أه يا رب أنا شو زنبي
|
رد: دردشة بنات مصر , دردشة حوامل مصر , تجمع بنات مصر
قلعتني من البيت على بالي اطلع لعند رفيقتي لأني كتير تعبت بس خايفه ما تزيد المشكله
|
رد: دردشة بنات مصر , دردشة حوامل مصر , تجمع بنات مصر
سميه منوره ياعثثثثثثثثل
دعاء ازيك وحشتيني من امبارح انا قريت ان الدكتور المهبوش بتاعك ده مش كاتب لك كالسيوم ماينفعش يابنتي انا دكتورتي كانت كده وانا قلتلها في وشها انا هاخد كالسيوم خدي ياشيخه وسيبك منه عشان البيبي وعشانك |
رد: دردشة بنات مصر , دردشة حوامل مصر , تجمع بنات مصر
ياحبيبة قلبي مين دي اللي طردتك حماتك
دول بيهزروا ولا ايه وبعدين اخو جوزك يمد ايو عليكي ليه؟ |
رد: دردشة بنات مصر , دردشة حوامل مصر , تجمع بنات مصر
اه يا رنا أنا منهاره على الأخر أبن حماي تانيأبتدائي كتير بيضربني و بيعزبني و زوجي بعيط عليه بس مافي فايده و أنا عم أكول شال رجله و ضربني على سفل ظري و من الظهر لهلق ما عم أتحرك من التخت و لما عم قول لزوجي تعال خدني على المشفى را ح و صار يعيط ليش ضربني و حماتي أجت و بهدلتني و قال نقلعي من البيت أنا لو علي مو طايقتها و نفس أطلع بس يجي زوجي بدي قله ما عاد خاف
|
رد: دردشة بنات مصر , دردشة حوامل مصر , تجمع بنات مصر
يالله كتير عم تعيط علي والله أنا بحالي ما بتحرش فيها بس مو طايقتني و على الطالعه و النازله بتبهدلني و أنا يمكن كون حامل لهيك انا بدي روح المشفى يا رب خلصني من هل بيت ملييييييييييييييييييييت
|
رد: دردشة بنات مصر , دردشة حوامل مصر , تجمع بنات مصر
ياعيني ياحبيبتي ليه بس كده
معلش استهدي بالله وقومي صلي كده واستغفري شويه ولما يجي جوزك احكيله وربنا يصلح الحال يالاء ويهديهم هاستأذنك انا عشان اقوم اصلي المغرب |
رد: دردشة بنات مصر , دردشة حوامل مصر , تجمع بنات مصر
طب يابنتي ماتخلي جوزك يكلمها ويقولها عيب كده
ليه بتعمل كده معاكي يعني في سبب ولا من غير سبب |
رد: دردشة بنات مصر , دردشة حوامل مصر , تجمع بنات مصر
هما بيقولو ان المشير لما يتنيل يغور فى داهيه هيسك الحكم 4
البرادعى حمدين صباحى حازم صلاح ابو اسماعيل وابو الفتوح دول هيمسكو شئون البلد لحد انتخاب رئيس المجلس العكسرى عمل ايه من يوم مامسك مصر متباطىء فى الحكم على مبارك واعوانه الخونه الحراميه النهابين اخد بنات فى شهر مارس من ميدان التحرير كانو عاملين اعتصام اخدهم وكشف على عذريتهم 3 ماتو يوم الاحتجاج اودام السفاره الاسرائليه احداث ماسبيرو ومافيها من قتل احداث العباسيه ومافيها من قتل يعنى معرفش يدير البلد ولا عرف يصلح اى حاجه فى البلد بل زادت خراب ودمار وكانه عاوز يوصل لنا ان عهد مبارك كان احسن مليون مره من اللى احنا عايشين فيه دلوقتى كلامى بقى غلط ولا صح ؟ |
رد: دردشة بنات مصر , دردشة حوامل مصر , تجمع بنات مصر
حد يقولى ياجماعه
انا عظمى مكسر ومدغدغ ميت حته بقالى فتره وظهرى بيوجعنى اوى ليييييييييييه ياترى ده من اثر الولاده ولا من الرضاعه مع ان والله انس رضاعته قليله اوى الدكتور بيقولى خمس دقايق من الصدر ده وتكرعى وخمسه من الصدر التانى للاسف بقى لو شلت صدرى من بوقه بعد دقيقتن ميرضاش ياخده تانى واد انف ومعدته صغيره زى ابوه |
رد: دردشة بنات مصر , دردشة حوامل مصر , تجمع بنات مصر
معلشششش يانيهال
بس متبقيش خايبه وعبيطه ده عيل صغير ازاى يضربك امسكيه اضربى وطلعى عين امه ولو حماتك كلمتك قولى له ربى ابنك ياختى الواد ابن سلفتى عندو 8 سنين فكرنى بقى مؤدبه ومحترمه وقعد يعاكس فيا ونا واقفه فى المسقط ويحدفنى بقشر الترمس يوم العيد واحنا بنظف الكرشه قعد اقوله يابنى اسكت ياحبيبى اسكت وده مفيش فايده ويطلع لسانو قمت شتماه شتمتين قذرتين من بتوع سوق السمك ههههههههههههههههههه عمرى اصلا ماقلتهم بس هو الواد ده مينفعش معاه غير كده لانه مجرم وتربية شوارع الواد اتصدممممممممممم مبقاش مصدق نفسه بقى دلوقتى عندو 11 سنه وبقى قمة الاحترام من يومها مفتحش بوقه معايا وبيقولى ياابله شيماء هههههههههههه انتى يابت خليكى جدعه واشتمي الواد ده ولو مسكتش اضربيه على قلبه |
رد: دردشة بنات مصر , دردشة حوامل مصر , تجمع بنات مصر
انا بذاكر فى ررررررررررغيكم
هههههههههههه وحشتوووووووووونى ادعوا لمصررررررر |
رد: دردشة بنات مصر , دردشة حوامل مصر , تجمع بنات مصر
عايزة ارد بس خايفة يارنا تزعلي بس بصراحة اتحرق دمي
انا ههدي شوية وابقي اجي تاني علشان ماخبطش جامد وتزعلي |
رد: دردشة بنات مصر , دردشة حوامل مصر , تجمع بنات مصر
اشربي لبن وخدي كالسيوم
وكلي بيض ده يافالحه من قلة الكالسيوم انا بشرب كوبايتنين لبن في اليوم وباكل بيضه كل يوم في فطاري ده غير الفيتامين كنت زيك كده وكنت بعيط من اللي فيا بس لحقت روحي اقوم انا بقي اتشخلع قبل ماحماده يجي اكوي الاؤصه واحط احمرات واخضرات سلاموووووووووووز |
رد: دردشة بنات مصر , دردشة حوامل مصر , تجمع بنات مصر
أها يا بنات والله مافي سبب أنا بحالي و هي بحاله و بشتغل و ما بخلي علي شي
|
رد: دردشة بنات مصر , دردشة حوامل مصر , تجمع بنات مصر
نيهال حبيبتي هوني علي نفسك وطنشي يابنتي لما يجي زوجك روحوا المشفي واطمني ده الاهم
وابقي احكيله وربنا يهدي سركم |
رد: دردشة بنات مصر , دردشة حوامل مصر , تجمع بنات مصر
ام بدوي تكونيش حبلة يابت والرؤية تحققت لسه دعاء بتقول حلمت انك حاطه تكير الحمل عندك
|
رد: دردشة بنات مصر , دردشة حوامل مصر , تجمع بنات مصر
توته ردي انا والله مابزعل
بس انتوا حسستوني اني يهوديه ههههههههههه ماقلنا ياجماعه متعاطفين ومتأثرين بس الصبر حلو هو انا كلامي ليه واقف في زور كل الناس ياجماعه والله انا مابزعل ومش عارفه ايه اللي يجيب الزعل اصلا دي مناقشه مش خناقه وبعدين هانقعد نلت ونعجن في حال البلد الكلام ممنوش فايده خلاص اللي حصل حصل واللي باظ باظ ربنا يستر بقي ونفوق |
رد: دردشة بنات مصر , دردشة حوامل مصر , تجمع بنات مصر
امين يا توته أنا المشله اني مليت و نفسي أروح لعند حد بس مالي حد هون بالكويت لو هون اهلي كنت رحت كم يوم أه يا رب أنت شايف و عارف
|
رد: دردشة بنات مصر , دردشة حوامل مصر , تجمع بنات مصر
كدة محدش عبرنى ولا ازيك يا سمسم
طييييييييييييييييييييييب يا وحشين |
رد: دردشة بنات مصر , دردشة حوامل مصر , تجمع بنات مصر
فى حد هناااااااااااااااااااا انا تعبت ونفسيتى ادمرت خلاص من الى حاصل فى البلد
|
رد: دردشة بنات مصر , دردشة حوامل مصر , تجمع بنات مصر
ازيك يا سمسمه يا عثل
|
رد: دردشة بنات مصر , دردشة حوامل مصر , تجمع بنات مصر
ياحبيبه قلبي يهودية ايه بس انت عارفة كويس اننا عمرنا ماهنقول حاجة تضايقك
ودي فعلا مناقشة بس احيانا الكلام بيحرق الدم جايز لاننا مخنوقين من اللي بيحصل فمش مستحملين بس اللي بوظ الدنيا اتشال خلاص وعملنا اللي مكناش نحلم بيه مين قال انه اتشال هو الاسم بس انه اتسال لكن كل حاجة ماشيه في البلد بايده وتخطيطه وده شئ واضح مش محتاج تفسير بتقولي اصبروا ارجع وقول صبرنا 10 شهور ايه اللي حصل فيهم انا عارفة انه مش هنغير البلد الخربانة 30 سنة في يوم وليلة انما نبدا فين بقي مافيش اي خطوة اتخذوها تفيد البلد لا دول خربوا اكتر خلوا الشرطة ترفع ايدها عن اي شئ بيحصل ولما يعتصموا تؤمرهم بالقتل والتمثيل بالجثث اللي بيعتصموا دول مش موقفين حال البلد دول واقفين علشان معترضين علي وقفة البلد اقتصاديا الاسعار زادت من بعد الثورة السلب والنهب ماقلكيش مين المسؤل عن كده دي ابسط الاشياء ماحصلناش عليها بعد الثورة وهي الامان بتقولي اللي بيعتصموا وهما بياخدوا الفات دول معاكي بيستهبلوا انما اللي في ميدان التحرير دول ليهم هدف واضح مصلحة البلد بالنسبة للي بيخلف 5 7 عيال ويرجع يقول مش لاقي اديها نظرة كده علي الصين الصين عدد سكانها مليار وشوية وبيخلفوا كتييييييييييييييييير برضه شوفي وصلوا لايه كل شئ بيصنعوه واختراعات عملاقة لو قعدنا سنين مش هنفذ اختراع منهم مانجيش نلوم الغلبان اللي بيخلف 5 عيال ونفسه يعلمهم ويربيهم كويس دي ابسط حقوقه اللي المفروض الدولة توفرهاله هو مش مطالب يحدد نسله علشان جناب الحكام واللي ماسكين الدولة بينهبوا ومش موفرين للبلد رزق لاولاده واولاد غيره اتمني انك تنظري علي نص الكوب الاسود المتلوث بكل شئ قذر عملوه فينا واللي لسه بيعملوه احنا مش متعاطفين علي اللي بيموتوا ولا بيتصابوا دول جزائهم النعيم عند ربهم انما احنا بنحكي حقيقة المفروض تكون واااااااااااااااضحة للجميع احنا عمرنا باذن الرحمن مانزل من بعض ابدا احنا اكتر بكتير من اصحاب اخوات وانا بكلمك بوجه الكلام كانه لنفسي مش لاني كلامك بيقف في الزور |
رد: دردشة بنات مصر , دردشة حوامل مصر , تجمع بنات مصر
معلش يا نيهال ربنا يهديهملك
اااااااادعى استغفرى كتير |
رد: دردشة بنات مصر , دردشة حوامل مصر , تجمع بنات مصر
سما وساره وتوته ونيهال ورنا مساء الخيييييييييييييييييييييييييير
|
رد: دردشة بنات مصر , دردشة حوامل مصر , تجمع بنات مصر
نيهال ياحبيبتى عندى احسااااااااااس جامد انك حامل
ربنا يكتبلك اللى فيه الخير يارب لما يجى جوزك روحى اعملى اختبار دم وان شاء الله تطلعى حامل وتنسى الزعل ده كله ومعلش منهم لله اللى بيضايقوكى |
رد: دردشة بنات مصر , دردشة حوامل مصر , تجمع بنات مصر
غن شاء الله يا نورا والله سمتلي بدني هلق حتى هديت شوي
كيفك انتي |
رد: دردشة بنات مصر , دردشة حوامل مصر , تجمع بنات مصر
سارة ايه الاوضاع فى اسكندرية طمنينا؟؟؟؟؟؟؟؟؟؟؟
|
رد: دردشة بنات مصر , دردشة حوامل مصر , تجمع بنات مصر
هههههههههههههههههه سمسمة ازيك ياقمر وزي القطط
ماانت قلتي بتزاكي قلنا نسيبك مانعملش دوشة علشان تركزي ههههههههههههه سارة ازيك ياقمر وزي يويو |
رد: دردشة بنات مصر , دردشة حوامل مصر , تجمع بنات مصر
نورا مبروك التانى هههههههههه
عقبال التاسع نيهال هو الاختبار اللى فات كان دم ولا بول؟؟؟؟؟ |
رد: دردشة بنات مصر , دردشة حوامل مصر , تجمع بنات مصر
انا قرررررررفت يا توتى من المذاكرة الحقيقية
بس كلامكو على قلبى زى العسل طبعا ههههههههههههههه |
رد: دردشة بنات مصر , دردشة حوامل مصر , تجمع بنات مصر
نورا بساء الانوار ياانوار هههههههههههههههههههههه
|
رد: دردشة بنات مصر , دردشة حوامل مصر , تجمع بنات مصر
الدنيا متبهدله وخصوصا فى سموحه وكله هجوم على الاخوان يعنى هما الى بيضربوا فى الناس او حتى لو نزلوا هيعملوا ايه انا جوزى اخ ونزل
وشبكات المحمول واقفه ومش عارفه اطمن عليه وقلقانه اوى دعواتكم |
| الساعة الآن 07:59 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .