|
رد: تجمع حوامل ليبيا
السلام عليكم
انا من شوية فطرت وانشاء اللة ربي يتقبل صيامي وصيامكم انا بس حبيت نسأل على موضزع نقط الدم الخفيفة بعد التبويض وقبل موعد الدورة يعني مافيش وحدة مر عليها الشئ هذا ؟؟؟اللي تعرف اترد علي |
رد: تجمع حوامل ليبيا
كيف صار مافيش حد
|
رد: تجمع حوامل ليبيا
يسعد مساكم شن اخباركم توا تقبل الله رجاء وسورينام صيام مقبول وان شاء الله في الجنة
ام سعد مفهمتيش منك يعني مش كويس في السابع الراس فوق ولاشنو |
رد: تجمع حوامل ليبيا
اختي ليبيا قلبي ماتخافي بكل من كون ان راس الجنين فوق وخاصة في السابع لانة انا لما حملمت بأبني كان الراس فوق في السابع وبعدين لما دخلت التاسع كان الراس تحت ومافيش مشكلة واما بالنسبة للحركة و المشي فقللي منهن بقدر المستطاع لانة الاجهاد في السابع مش كويس وخلي المشي والحركة في التاسع وانشاء اللة ربي اتمملك على خير
|
رد: تجمع حوامل ليبيا
ماشي باي انا توا نبي انطفي النت لانة جانا ضيف انكلمكم بعدين
|
رد: تجمع حوامل ليبيا
السلام عليكم
كيف الحال سورينام نورتي وان شاء الله صيامك في الجنة ليبيا متخافيش من وضع البيبي حتى انا كان فارسي وتساوا في الاسبوع الاخير في السابع وتو نزل للحوض ومستعد للحظة الولادة |
رد: تجمع حوامل ليبيا
اليوم طلعت انا وراجلي بنشري حاجات
ناقصيني للمستشفى يعني بنجهز شنطة المستشفى متع الولادة المهم طلعت لي غوط الشعال بناخد قفطان عجبني واحد رقمة 42 وانا في المحل حسيته كبير لاني من فترة بديت نلبس 40 وقبل الحمل كان رقمي 38 المهم خدينا القفطان وراجلي يقولي بالك صغير خودي اكبر منه طارتلي منه وزعلت قلتله مستحيل يكون صغير انا خايفة يجيني كبير شرييييييييييينا القفطان ولما روحت بنقيسه ماباش يخش جاني صغير والله اتاترت وقالي غدوة بنرد وبنجيبلك 44 http://forum.hwaml.com/imgcache2/hwa...444506_567.gif تخيلو من 38 لي 44 والله زعلت وهو يقولي سمنتي ويضحك عليا وزني ولا 70 من 50 الى 70 20 كيلو زيادة . |
رد: تجمع حوامل ليبيا
اقتباس:
آآآآآآآآآآآآآآآآآآآآآآآآآآآآآآمين يااااااااااااااااااارب العالمين ياعيني عليك يا سورينام دعوة تشرح القلب الف شكر والله يفتح عليك ويباركلك في صغارك ويباركلك فيهم ويطول عمرهم وتشوفيهم احسن الناس . |
رد: تجمع حوامل ليبيا
تقبل الله صيامكم لو تعرفوا الصداااااااااااااااااااااااااع قتلني اليوم ، روحت بكري من العمل رقدت شوية ونضت الساعة 11:30 تصوروا من هداكا الوقت للساعة 11 في الليل وراسي صداع ، درت فطوري ارز مخلط و شربة دشيشة وقلايه والله ما ذقته بكل شربت قهوة وكيكة كريم كراميل و فواكه ، والله توا بس حسيت روحي ارتحت شوية الحمد لله ربي يغفرلنا ويتقبل . |
رد: تجمع حوامل ليبيا
رجاااااااااااااااااااء
بالنسبة لسؤالك اني حملي الاول صااااااااااااار معاي هكي وهادي اسمها " التوراية " ، وفي الغالب تقعد 3 ايام والدم يكو ن قليل وغااااااااامق |
| الساعة الآن 12:30 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .