|
رد: ديوانية البحرين - دردشة حوامل البحرين - البحرينيات
لا ما جفت ليش خاطرج فيهم
|
رد: ديوانية البحرين - دردشة حوامل البحرين - البحرينيات
فتاة // اي الحمدلله احس بحركة والحمدلله على كل حال
بنت الاياويد // انا في بيت اهل زوجي وشقتي في الطابق الثالث تخيلي ،، انا بغيت اتم في الطابق الارضي بس الله ماكتب وصار حظي فوق ،، وايد ادووخ وخبرج خالتي عوودة ما تقدر كل ساعة اتييني فووق ،، وبيت ابوي وايد بعيد عن بيت زوجي وعن شغله وهالثلاث ايام بيشتغل اول ليل ولازم ابي اسوي له الغدى مع ان قال لي لا اطبخين يالله جني وايد سندرتكم بسالفتي وسندرت زوجي وانا احن ،، وان شاء الله اسوي الي قلتي عنه والله ما يخيب العبد ،، مشكوورة حبيبتي |
رد: ديوانية البحرين - دردشة حوامل البحرين - البحرينيات
اي وايد جم مرة ادورهم مو محصلتهم، شكلهم وايد حلو
|
رد: ديوانية البحرين - دردشة حوامل البحرين - البحرينيات
فلونه حاولي تشغلين روحج لاتفكرين في هالسالفة كل ماتحسين انج بتفكرين لهي روحج في اي شي ، دامج في بيت اهل ريلج وطباخج بروحج خلاص تمي فوق لاتنزلين كل شوي واغراضج كلشي من فليل جوفي الي ناقصج وخلي ريلج اييب لج
|
رد: ديوانية البحرين - دردشة حوامل البحرين - البحرينيات
فلونه ما سندرتينا ولا شي
اخذي راحتج بنت الاياويد سئلي قريباتج يمكن يعرفون |
رد: ديوانية البحرين - دردشة حوامل البحرين - البحرينيات
لا عادي فلونه عزيزة وغالية لاتقولين جذي احنا حسبة خواتج واذا نعرف اي شي بنفيدج ونستفيد منج اذا في شي
|
رد: ديوانية البحرين - دردشة حوامل البحرين - البحرينيات
برب عن اذنكم
|
رد: ديوانية البحرين - دردشة حوامل البحرين - البحرينيات
ما قصرتوا والله
اي البارحة اقول حق خالتي خلاص ما بانزل الا الجمعة علشان الغدى لانه اذا يوم طاف وما نزلت تلفوني ما يسكت ،، اقولها ترى خلاص ثقلت عن قبل ماقدر انزل،، |
رد: ديوانية البحرين - دردشة حوامل البحرين - البحرينيات
اي فقيرة تسأل عنج ، بس بعد صعبه عليج ان ماتنزلين الا يوم في الاسبوع بس شتسوين حاولي على الاقل هالايام قبل لا تسوين الاتراساوند، انزين مايصير تصيرشقتج ارضي؟ لان بييج عقب اذا الله كتب ياهل صعبه عليج تركبينه وتنزلينه، فلونه ماشفتي الريش مال الشعر الي قلت لكم عنهم فيهم رازجي صناعي؟
|
رد: ديوانية البحرين - دردشة حوامل البحرين - البحرينيات
لا لانه اخوه العود في الارضي واذا الله يسر وخلص بيته بيطلع
وانا قالت لي خالتي نزلي معاي في الارضي في غرفة وحمام بس ما بارتاح الا في مكاني وخصوصا اهني البيت العود وكله يهال وعن ذي الرازجي اول مرة اسمع فيه ،، اذا تبين ياسمين طبيعي ومشموم ترى موجود عندي hwaml02 تدرين في محل في بوكوارة يم مري عنده هالشغلات نسيت اسمه يمكن تحصلين |
رد: ديوانية البحرين - دردشة حوامل البحرين - البحرينيات
تهقين عنده ؟ اذا عنده بروح آخذ لان وايد عجبني شكل الشباصة واهيه فيها الرازجي عجيبة ، عندج طبيعي بعد خوشي انعم الله عليج هههههههههه مشكورة، الله ايسرلج وتنزلين تحت اي مشكلة بيت اليده البيت العود وايد سندارة واذية مع اليهال الله يحفظهم
|
رد: ديوانية البحرين - دردشة حوامل البحرين - البحرينيات
اتصدقين عاد صرت اتخيل شكلها شلوون ،، انا اموت على ريحة الرازجي
شنو بطبخين غداج اليوم؟ انا باسوي اسرع شي سمج صافي مقلي وعيش ابيض ما لي بارض طباخ |
رد: ديوانية البحرين - دردشة حوامل البحرين - البحرينيات
اقتباس:
|
رد: ديوانية البحرين - دردشة حوامل البحرين - البحرينيات
فتاة // اي شعندج احبج واقلد عليج
شاسوي يختج ابي شي سريع وزوجي يحب السمج يوم كنت عزوبية كلش ما اكل السمج ،، عقب الخطوبة والزواج صرت اكل لانه لو على كيفه كل يوم اطبخ له سمج |
رد: ديوانية البحرين - دردشة حوامل البحرين - البحرينيات
زوجي بعد يحب السمج
|
رد: ديوانية البحرين - دردشة حوامل البحرين - البحرينيات
اليوم بسوي معكرونة دياي ريلي خاطره يقول تملل من العيش مابطبخ الا على الساعه 12 ونص لان مايي البيت الا على الساعه 3
|
رد: ديوانية البحرين - دردشة حوامل البحرين - البحرينيات
انا زوجي مايتغدى في البيت يتغدى في الشغل
|
رد: ديوانية البحرين - دردشة حوامل البحرين - البحرينيات
بل اكره شي اذا ريلج بيتغدى برع عيل بتتغدين بروحج؟من عندها طريقة حلوة حق المعكرونة انا بسويها على افخاذ دياي
|
رد: ديوانية البحرين - دردشة حوامل البحرين - البحرينيات
عليكم بالعاافية وانا باخليكم احين،، باسوي نصيحة بنت الاياويد
بانبطح شوي وبرفع ريلي ،، علشان اقوم اصلي واطبخ ودعواتكم بنات |
رد: ديوانية البحرين - دردشة حوامل البحرين - البحرينيات
لا اتغدى مع بيت عمي
|
رد: ديوانية البحرين - دردشة حوامل البحرين - البحرينيات
أها زين اشوة ، انا شكلي بسوي المعكرونة من الحين وبريح عشان عقب بس اصخنها احس بتعب وثقل ، تشوفين الحلقة الي في قطر الحين توها باديه؟ امي اتابعها وتقول وايد حلوة
|
رد: ديوانية البحرين - دردشة حوامل البحرين - البحرينيات
خلاااص انا زعلت من صج.. hwaml5
محد كلش كلش سأل عني هذا واني كنت مرقدة وداشة أمس أسأل عنكم وكاتبة قصتي بس يالله.. الله كريم :( |
رد: ديوانية البحرين - دردشة حوامل البحرين - البحرينيات
بنوتة سامحيني ماحطيت بالي على قصتج ماعليج شر ان شاء الله وأجر وعافيه وان شاء الله ماتحتاجين حق منظار ولا شي ، لاتزعلين منا عزيزة وغالية
|
رد: ديوانية البحرين - دردشة حوامل البحرين - البحرينيات
ما تشوفين شر بنوته
|
رد: ديوانية البحرين - دردشة حوامل البحرين - البحرينيات
بنت الاياويد لا شسمها الحلقه
|
رد: ديوانية البحرين - دردشة حوامل البحرين - البحرينيات
مادري تصدقين ههههههههههههه يعرضونها الساعه 11 في قطر فيها هيفاء حسين وكذا ممثل بحريني ومكس مع قطر والامارات بس حلوة، برز غداج؟
|
رد: ديوانية البحرين - دردشة حوامل البحرين - البحرينيات
اي برز الغدى
|
رد: ديوانية البحرين - دردشة حوامل البحرين - البحرينيات
مشكورين اللي سألوا وماقصرتووا بس قلت أعتب شوووي لأني كله ادش اتابعكم يعني بس انقطعت فترة بسببب المرض اشوفكم تسألون عن كل من إلا أني :( :(
|
رد: ديوانية البحرين - دردشة حوامل البحرين - البحرينيات
زين بالعافيه مقدما ، انا ماخذه طريقة معكرونة من المنتدى بس الحين مو عارفه شسالفة لان اهيه حامسه البصل والدياي ويا بعض وبعدين زادت الحمسه ماي وكتت فوقها المعكرونة المفيوحة عشان تصير نفس اللينه والحين سويت نفس طريقتها بس ماعرف شسالفة يمكن يبيلي اخليها فترة وعقب بينشف الماي وبتصير اوكي لان للحين مخليتها تطبخ ومانشف الماي
|
رد: ديوانية البحرين - دردشة حوامل البحرين - البحرينيات
فلــــــونه انتي بالسادس ورفع الريول خططططططططططططططر لا ترفعين ريولج خطر خطر
ارتاحي كثر ماتقدرين والدري لا تركبين ولا تنزلين عليه مثل ماقالو شوفي مكان وقعدي هالفتره فيه |
رد: ديوانية البحرين - دردشة حوامل البحرين - البحرينيات
وي طفلي حياتي خرعتيني
انا ما ارفع ريلي وايد ،، توني من البارحة ابتديت عقب ما قالت الدكتورة ان البيبي نازل @@ وارفعها على موسدة او ثنتين ما ارفعهاا مسافة عودة يعني الله يسترر خفت |
رد: ديوانية البحرين - دردشة حوامل البحرين - البحرينيات
اول مرة اسمع ان خطر انا كله يقولون لي رفعي ريلج على موسده لين تنبطحين وبالعكس ارتاح بس مادري اول مرة اعرف ان مب زين
|
رد: ديوانية البحرين - دردشة حوامل البحرين - البحرينيات
على موسده وحده مو مشكله بس ام مرت حماي كانت حامل وفي شهرها الخامس او السادس ومن تتعب رفعت ريولها لفوق الطوفه وماتت بنتها فبطنها وبعدين عرفت ان من هالسالفه الجنين يختنق اذا تتعلق لريول لفوووق بس مخده وحده او ثنتين مو رفاع يعني يتراوى لي عادي ماعليكم شر ماكان قصدي اخوفكم بس بغيت فلونه بسرعه تقرا لا تستمر برفع ريولها وايد
|
رد: ديوانية البحرين - دردشة حوامل البحرين - البحرينيات
عموما مشكوورة طفلي وان شاء الله خيررر
واناا ارفع ريلي بس على موسدة الي اعرفه الي ترفع ريلها على الطوف ويكون زاوية قائمة في التاسع تمرين مفيد علشان يصير راس الياهل تحت والله اعلم ومنكم نستفيييد |
رد: ديوانية البحرين - دردشة حوامل البحرين - البحرينيات
السلام عليكم خواتي شخباركم جميعا عساكم بخير وعافية
ومشكورين واااااااااااااااااايد على دعواتكم لي ووقفتكم معاي وربي حسستوني اني موغريبة وعندي خوات بالبحرين ربي لايحرمني من تواجدكم وان شاءالله ربي يتمم حمالكم على خير ويسهل عليكم ولادتكم ويرزقكم باللي تتمنونه يااارب اللهم ااااااااااامين بنت الاياويد مبروك ياقلبي لانه راس الياهل صارتحت وربي يتمم حملج على خير وتضمين البيبي بين يدينج وهو بكل صحة وعافية بنوتة حلوة ماعليج شر حبيبتي اجر وعافية يارب طفلي حياتي وحروف عاشقة وشمس الصباح وام خليل وفجورة واحلام ام مشكوووووووووووورين على دعواتكم الطيبة خواتي والله يتمم لكم على خير يااااااااارب فلونة اختي لاتحاتين انا يوم كنت حامل بولدي خالد صادني نفسج وقالت لي الطبيبة انه الياهل نازل كنت بنص الخامس وخرعتني بس بعدين رحت عند دكتورة اسمها دليوار باكستانية كانت بالسلمانية بالخاص وسويتلي سونار وقالت لي لاتحاتين بيرجع بيرتفع وقالت لي السبب الدري لانه انا نفسج كنت بالطابق الثالث وماكنت اقعد بالشقة وايد كل يوم اطلع وانزل وهم قالت لي لانه البيبي ماشاءالله كان وزنه فوق المطلوب يعني مربرب ههههههههه فنصحتني بالراحة وكنت دايما منبطحة ومريحة نفسي على الاخر وعقب اسبوعين سويت سونار وكان طبيعي ويوم يبته صج كان مربرب ههههههههه ماشاءالله عليه يبته 5 كيلو و200 غرام فديته وللحين مربرب ههههههههه لاتخافين اختي ارتاحي بس ومثل ماقالولج البنات حاولي لاتركبين دري في هالاسبوعين وطمنينا عليج انا اخباري الحمدلله رب العالمين بس للحين مانزل علي دم ولااحس بمغص ولاشي كاني قاعدة انتظر نزول الدم او الكيس ابي اقولكم شي بس عاد لاتتطنزون علي خخخخخخخخ البارحة الصبح كنت منبطحة على ظهري وكنت اتحسس بطني واقرى ايات من القران الكريم ومرة وحدة حسين نوع الرفرفة ببطني والله العظيم مااتوهم حتى ناديت الشغالة وقلت لها حطي يدج واهي بروحها خافت تقولي مدام جنو فيه ليش هاللون يتحرك بطن مال انتي يعني ماكان فيه الم ولامغص بس كان جذي نوع الرفرفة وصارت ورى بعض حوالي 5 مرات حتى اني كنت اطالع بطني اجوفه يتحرك خفييييييف بس تبين الرفرفة الغازات تسوي جذي؟؟؟ |
رد: ديوانية البحرين - دردشة حوامل البحرين - البحرينيات
اهلا ام عايشه الحمدلله رب العالمين وكل شي له حكمه وان شاء الله تكون الروح بثت في الجنين وكان كلامهم خطأ كل شي جايز اهم شي نفسيتش خليها عال وتأكدي ان رب العالمين هو احكم الحاكمين وهو ارأف علينا حتى من والدينا
موفقه |
رد: ديوانية البحرين - دردشة حوامل البحرين - البحرينيات
مشكورة اختي طفلي حياتي وكله بامر رب العالمين
الحمدلله على كل حال كاني انتظر ليوم الخميس عشان اذا مانزل بروحه اروح السلمانية بس زوجي موراضي يقولي انتظري لعقب العيد يمكن يكون كلامهم موعدل عنده امل للحين وعليه الله يعوضنا يارب فيه ضرر لومانزل الكيس بحاله انتظر لعقب العيد؟؟ |
رد: ديوانية البحرين - دردشة حوامل البحرين - البحرينيات
مادري والله اختي بس لو زين يسوون لش فحص اخير قبل لاينظفون اطلبي منهم هالشي
يمكن فعلا الجنين موجود |
رد: ديوانية البحرين - دردشة حوامل البحرين - البحرينيات
ايه انا قلت يوم الخميس بسوي اخر سونار
قلت بروح عند فهيمة وهم بروح ابن النفيس وبجوف اذا كلامهم نفس الشي خلاص بتوكل على الله وبسوي تنظيف والله بيعوضنا ان شاءالله استاذنج اختي بروح ادرس ولدي حشى ماجستير موابتدائي هههههه هالكثر واجبات والله اليهال تعبوا واهم توهم بالبداية كان الله بالعون تحملي بروحج حبيبتي مع السلامة |
رد: ديوانية البحرين - دردشة حوامل البحرين - البحرينيات
في امانه وحفظه
حياش الله |
| الساعة الآن 01:36 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .
null