|
رد: دردشة حوامل أهل القصيم - دردشة بنات القصيم - تجمع حوامل القصيم
ثانكيوو حبيباتي على الرد ان شالله اللقااه
|
رد: دردشة حوامل أهل القصيم - دردشة بنات القصيم - تجمع حوامل القصيم
صباح الخير كروشات
ام ميتو للحين ماولدتي ربي يسهل عليك ويعينك .. مها نجد انا كمان لي اسبوع افر بعنيزه ابي مشد ماحصلت ياليت احد يخبرنا وين حصله ؟؟ |
رد: دردشة حوامل أهل القصيم - دردشة بنات القصيم - تجمع حوامل القصيم
اقتباس:
ام ميتو تقول المشد الاندونيسي تلقينه عند سامره مقابل النخيل بلازا وسعره 40 او 50 مو متاكده و Alih تقول انا شاريتة من الحسون بس قبل 3 سنوات مادري الحين فية ولا لا بس ندوره وش ورانا ببريده يمكن ان شالله نحصله |
رد: دردشة حوامل أهل القصيم - دردشة بنات القصيم - تجمع حوامل القصيم
لا للحين ماولدت:(
الله يهون علينا يارب |
رد: دردشة حوامل أهل القصيم - دردشة بنات القصيم - تجمع حوامل القصيم
بنات مرت اخوي ولدت اليوم بالحبيب عند السودانيه انصاف
ماتمدحها تقول انها خشنه بالكشف وعورت البيبي وهي تسوي توسيع زي المخش كذا على راس بنتها حسبي الله عليها انا خلاص جزمت اولد عند اليمنيه عائشه حبوبه وناعمه بالكشف بس يارب يجي الفرج |
رد: دردشة حوامل أهل القصيم - دردشة بنات القصيم - تجمع حوامل القصيم
أنا اروح عندعايشة الصراحة حبيتها مرة
|
رد: دردشة حوامل أهل القصيم - دردشة بنات القصيم - تجمع حوامل القصيم
حلو حتئ انا بنت خالتي توها والدة بالحبيب تقول عند عايشة تقول رووووعة قمة بالهدوء ما روعتني تعاملها راقي
|
رد: دردشة حوامل أهل القصيم - دردشة بنات القصيم - تجمع حوامل القصيم
بنات ليال لها يومين مادخلت يارب تكون ولدت
|
رد: دردشة حوامل أهل القصيم - دردشة بنات القصيم - تجمع حوامل القصيم
الله يسهل ولادتكم جميعا امييييييييييين
|
رد: دردشة حوامل أهل القصيم - دردشة بنات القصيم - تجمع حوامل القصيم
انا بأذن الله بولد عند عائشه انا مرتاحه لها حييييييييل يكفي هدوئها
الله يسخرها يارب لنا وكل مسلم وييسر امر ولادتنا جميعا يارب تكون ليالي ولدت:) |
رد: دردشة حوامل أهل القصيم - دردشة بنات القصيم - تجمع حوامل القصيم
مرحبا .. كيفكم .. الله يهوون علي وعليكم يااارب .. انا بالشهر التاسع ودخل التاسع من يومين بس من زمان يقولون لي ولاده مبكره ولاولدت وكثير معي الم الدوره والافرازات ..كانت دكتورتي اللي اراجع عندها تقول بالثامن بتولدين لان التحجر مستمررر معي .. واللحين احس الم بس بظهري مدري هو ظهري او كليتي لاني مليانه التهابات بالمسالك ولافاد فيها مضاد او غيره ..
س// ان شاء الله يارب بولد في سليمان الحبيب لاني مجربتهم من سنتين ونص والحمدلله تجربه مقبوله .. بس دكتورتي اللي ولدتني مو موجوده اللحين .. والمره هذي ماراجعت فيه بروح وقت الولاده بس ادخل عليهم واستدعي الدكتوره اللي ابي .. سمعت مدح كثييير للدكتوره انصاااف وساجيلا وعائشه .. بس سبحان الله احس مرتاحه لانصاف مدري ليه .. بسالكم اللي تعرفون ولدوا عند انصاف وساجيلا وعائشه كيف خياطتهم ؟؟ كيف البنج وش يعطونك .؟ وعندي خووف كبير من انه يدخل ولدي حضانه طبعا لانهم لهم فتره يتكلمون واشاعات انهم يستغلونك في الحضانه بحجة ان الطفل محتاج حضاانه .. امممم انا اخذت ابرة اكتمال نمو الرئه طبعا لمخاوفي من ولادتي المبكره واللحين باول اسبوع من التاسع يعني اذا ولدت يكون طفلي طبيعي او يحتااج ؟؟ كثير هرررجي :( وووومدري ابي احد جربهم هاليومين بتعاملهم وقت الولاده وكذا ؟؟ وهل عادي استدعي الدكتوره لو هي مو مناوبه ولو انا ماراجعت عندها .. لاني عندي تقرير بحالتي من دكتورتي اللي اراجع عندها ..وووو رشحوا لي افضل دكتوره من ناحيه الخيااطه والتعامل وقت الولاده مع انها ماتجي الا اخرشي بس ابي اتطمن .. والميسر والمهون الله ان شاء الله تهوون .. كثير كلامي بس هذا كل مايدوور ببالي .. |
رد: دردشة حوامل أهل القصيم - دردشة بنات القصيم - تجمع حوامل القصيم
السلام عليكم
كيف حوامل القصيم ،،،، احب ابشركم اني ولله الحمد ولدت ورزقت بولد يوم الثلاثاء |
رد: دردشة حوامل أهل القصيم - دردشة بنات القصيم - تجمع حوامل القصيم
ماشاء الله الف الف مبروك يتربى بعز والديه والحمد الله على سلامتك فرحت لك مره
|
رد: دردشة حوامل أهل القصيم - دردشة بنات القصيم - تجمع حوامل القصيم
ليال وين ولدتي وكيف كانت ولادتك
|
رد: دردشة حوامل أهل القصيم - دردشة بنات القصيم - تجمع حوامل القصيم
كللللللووووولوووووووششششش الف الف مليون مبروك ياليال
الله يجعلة من حفظة القران وينفع بة والدية وجعلة قرة عينن لكم |
رد: دردشة حوامل أهل القصيم - دردشة بنات القصيم - تجمع حوامل القصيم
ام ابني انا كثثثثير من معارفي ولد بالحبيب
سجيلا مممممتااااازة والخياطة روعة بس عادي تكون مزحومة وتحولك علئ دكتورة الطوارئ اذا صرتي ماتابعين عندة اللي يتابعون لهم الاولوية انصاف يمدحونها بس يقولون انها خشنة بالتعامل معك اثناء الولادة خياطتها ممتازة عايشة ناعمة ومعاملتها حلوة وماتوترك اثناء الولادة والخياطة ممتازة الطفل باذن الله ماتوقع ان علية ضرر من الابرة لانها ابره احتياطية وجرعتها تعالج وماتضر باذن الله توكلي علئ الله واستخيري* |
رد: دردشة حوامل أهل القصيم - دردشة بنات القصيم - تجمع حوامل القصيم
كل عام وانتم بخير
الله يجعلها سنة خير وفرح ومسره علينا جميعآ .. مها نجد .. حصلت المشد الاندونيسي عند عطار الرسيني بعنيزه ليال .. الف مبروك والحمدلله على سلامتك يربى بعزك عقبالي يارب وكل الحوامل .. |
رد: دردشة حوامل أهل القصيم - دردشة بنات القصيم - تجمع حوامل القصيم
سلا ا ا ا ا م يسسعد صبآحــكم قصيميات كيفكــم .. اشوف كل النـآس هابه في الحبيب غريبه !! مع انو كل الولادات عندهم قيصري حسبي الله عليهم كثير من قريباتي ولدوهم قيصري عجلين بقووه
انا بإذن واحد احد راح اولد بالوطنــي مقتنعتن فيه اكثرر صراحه مع اني بكريــه |
رد: دردشة حوامل أهل القصيم - دردشة بنات القصيم - تجمع حوامل القصيم
الف مليووووووووووووووووووووون مبروك ليال
:( خنقتني العبره من الفرحه الله يخلي لك ابنك ويتمم عليك بالعافيه ياااااااااااااااااارب |
رد: دردشة حوامل أهل القصيم - دردشة بنات القصيم - تجمع حوامل القصيم
بنت عز
صديقتي ولدت بالقصيم الوطني تسبهم سب تقول يسهجونك لين يقرب يطلع الراس ومافي عناية بعد الولاده وخياطهم مش ولابد وانتي استخيري والله ييسر لك |
رد: دردشة حوامل أهل القصيم - دردشة بنات القصيم - تجمع حوامل القصيم
مـــآآشاء الله تبارك الله مبروووك ليـــآل الله يجعله من حفظة كتابه ويرزقك بره يارب وعقبالي وكل منتظرررره ان شاء الله ..
باقي حوالي اسبوع واغلق الخامس بإذن الله وربي يسهل علينآ مبروووك ع الجميــع السنه الجديده وربي يجعلها سنة خير وأمن وأمااان يارب |
رد: دردشة حوامل أهل القصيم - دردشة بنات القصيم - تجمع حوامل القصيم
اقتباس:
صباح النور والسرور غرييييييبة انا اكثر من 7 من قريباتي ولد فية طبيعي حماتي تقول قاعدة اصرخ واقول ولدوني عملية ورفضو يقولون الرحم مستجيب لطلق يعني ينفتح الوطني مااعرف احد جربة انا تعجبني نوال الي بالفريح بس مااحب المستشفئ نفسوة احسوة يضيق الصدر |
رد: دردشة حوامل أهل القصيم - دردشة بنات القصيم - تجمع حوامل القصيم
السلام عليكم كيفكم يابنات القصيم انا جديده عندكم
ودي استفيد منكم والف مبروك للاخت ليال ويتربى بعزكم00 بنت عز انا بعد مقرره بالقصيم الوطني بس ودي احد مجربه يرد علينا 00وبكم الولاده عندهم00 |
رد: دردشة حوامل أهل القصيم - دردشة بنات القصيم - تجمع حوامل القصيم
بنات ابي شغاله ايجار بالشهر تعرف للنفاس
|
رد: دردشة حوامل أهل القصيم - دردشة بنات القصيم - تجمع حوامل القصيم
صباااااح الخير لكل الموجوديييييين
ليال_ الف مبرووووك يتربى فعزوالديه والحمدلله على سلامتك بنت عز- امي مجننتني بالوطني وانا ابي الفريح احسن لي لاني مرتاحه لدكتورتي نوال لاني مجربه الولاده عندها راح اخلي امي تقرا كلام ام ميتو عن الوطني هههههههه عليا- صح يجيب الهم مو ضيقة الصدر بس نتحمل كله كم يوم وترجعين لبيتك يارب تفرج الهم- حبيبتي انا داقه عالوطني وسألت عن اسعارهم بس هذ الكلام من 3 شهور مدري تغيرت الاسعار ولا لسه ثابته الطبيعي= 4000 والغرفه الخاصه زياده 800 القيصريه= لاول مره 10000 ورقمهم 3836100 |
رد: دردشة حوامل أهل القصيم - دردشة بنات القصيم - تجمع حوامل القصيم
صبآآح الورد لكل المتواجدين .. اخبارركم وكيف الكرووش خخخخ
ام ميتــو / انا بستخير لكن والده فيه والده الله لايعوق بششرهههه < عنيده الاخت مدري احس اني كارهه الحبيب من الله وسمعت عن كم بنت ولدوا في القصيم الوطني ماعليه كلام Alih/ زوجي ذابحني بالفريح الا اولدي فيه لكن انا شايفه مبناه من كم سنه شين شين وشويه بحقه والا اعرف كثير ولدتهم نوال ممتازه مره ان كانهم رمموه قبل موعد ولادتي ذيك الساعه جيته خخخخ هلا وغلا ملكه القصيم / اقوول وانا اختك استخيري بس وروحي للوطني اسمعي كلام امك عندهم دكتورات ماشاء الله سأله عنهم وتوكلي ع رب العالمين اصلآ المكتوب راح يجيك سواء هنا او هناااك وانا مقرره ان شاء الله بنقل ملفي لهم بآخر شهر من حملي واروح اتابع بنفسي |
رد: دردشة حوامل أهل القصيم - دردشة بنات القصيم - تجمع حوامل القصيم
يارب تفرج الهــم هلا وحياك الله بيننآآ ,, اسعار القصيم زي ماقالت ملكه واشوفها مره كويسسه انا قبل كم يوم دقيت قالوا لي زي الاسعار وعندهم 4 طبيبات للتوليد 2 منهن سودانيات واحد رجل الظاهر
ملكـــة انتي في الاشهر الاخيره من الشريط اشوف يؤيؤ>ـ< << مسكت قلبه البنت هع ربي يفرج لك وعقبالنا ان شاء الله البكرر موشكله هههههههههه احس بنسوي بلاوي الله يستر وقت الولاده |
رد: دردشة حوامل أهل القصيم - دردشة بنات القصيم - تجمع حوامل القصيم
شكرن على الردود الحلوه بس مابي رجال وشلون
اسعارهم كويسه بس انا اللي عاجبني مكتوب باعلانهم ولاده بدون الم مدري وش قصدهم المهم بروح واشوف بنفسي |
رد: دردشة حوامل أهل القصيم - دردشة بنات القصيم - تجمع حوامل القصيم
الفريح بكم وعندهم الكمام وغرفه خاصه والا اسمع الصراااااااخ
هذا اكثر شي مخوفني |
رد: دردشة حوامل أهل القصيم - دردشة بنات القصيم - تجمع حوامل القصيم
اقتباس:
والي قرفني يوم اروح اولد المرة الاولة يوم دخلت دورة المياة ولقئ صرصور hwaml5وانا بكشك التوليد قالو مانفتح الا 3 قمت وطلعت هجيت ورحت للولادة ولدت عندهم انا عجزة عن نفسي يزيدها صرصورhwaml15 |
رد: دردشة حوامل أهل القصيم - دردشة بنات القصيم - تجمع حوامل القصيم
طيب من جربت فية دكتورة بالقصيم الوطني او احد مدحة زينة
|
رد: دردشة حوامل أهل القصيم - دردشة بنات القصيم - تجمع حوامل القصيم
مسااءء الورد كروشآإت ^^ .. كيف الصصحه تززقحون
ربي يفرج الهم شوفي الفريح شيليه من بالك ههههههه ياااع مابعد الصرصور شي ع قولة ALih من شفته وانا غاسلتن يدي من برى وشلون من جوه عاد لارحتي للوطني عطينا معلومات عنه واتوقع الي قريتي ولاده بدون الم يقصدون الكمامه سمعت انها عندهم بنااااااااااااااااات بنت خالتي والده وابي آخذ لها هديه بزورها الخميس بإذن الله جايبه ولد ومحتاره من وين انقي لها وابي احد يغفلف الي تعرف لاتبخل علي |
رد: دردشة حوامل أهل القصيم - دردشة بنات القصيم - تجمع حوامل القصيم
alih<<طيب عادي استدعي الدكتوره انصاف حتى لو مافتحت عندها ملف ..؟؟ يعني على طول للطوارئ وقت الولاده ؟؟
وعاىشه شجعتوني عليها بما ان يدها خفيفه بس كيف خياطتهم ؟؟ وخايفه يجيبو لي هاديه اللبنانيه بما ان ماعليا طلب :( بس ماابيها كيف اتفاهم معهم ؟؟ |
رد: دردشة حوامل أهل القصيم - دردشة بنات القصيم - تجمع حوامل القصيم
اهليييييييييييين وسهلييييييييين كيف الحلوات؟؟
Alih وش هالاسم صعب شوي00هههههههههه انا ماجربت القصيم ولا رحت له ولا اعرف مين الدكتوره الزينه بس استشاريات اكيد زينات بنت عز ابشري اذا رحت اخبرك 00 |
رد: دردشة حوامل أهل القصيم - دردشة بنات القصيم - تجمع حوامل القصيم
بنات اللي سبق واخذت الكمام تكلمنا عنه
|
رد: دردشة حوامل أهل القصيم - دردشة بنات القصيم - تجمع حوامل القصيم
احلى صباااااح للصااااااحيييييييين hwaml7
بنت عز انتي قلتي ان الوطني عندهم 4 طبيبات للتوليد 2 منهن سودانيات واحد رجل و4 ماذكرتيه --------------- عليا متى ولدتي فيه اخر مره فيه قبل كم والله خوفتيني الا الصراصير يمممممه قرف واخاف منها بس سمعت كلام ام ميتو عن الوطني عدم اهتمام بعد الولاده احترت انا مدري وش وراهم من كثر اللي يولدن عندهم احس انه مهجور لا والخياطه مش ولا بد ---------------- بنت عز بنااااااااااااااااات بنت خالتي والده وابي آخذ لها هديه بزورها الخميس بإذن الله جايبه ولد ومحتاره من وين انقي لها وابي احد يغفلف الي تعرف لاتبخل علي حبيبتي صديقتي يوم ولدت وجايبه ولد بعد صراحه مالقيت احد يغلف لي اضطريت اشتري تغليف عادي ورحت لمحل اللي اشتريت منه الهديه وغلفها بس احسن شي انك تغلفينها بمحلات الهدايا مثل مرايا واللي يسون الدروع عرفتيها مالك الاهذا احسن لك بنات مين جربت الطلوق ايش الالم اللي تحسين فيها وهل الالم هذه يعني راس الجنين تحت والله جننتني تروح وتجي خفيفه hwaml4 |
رد: دردشة حوامل أهل القصيم - دردشة بنات القصيم - تجمع حوامل القصيم
هلآ صبآح الجوري ملكة القصيم خخخ انا قلت الحين ولدت البنت مادخلت ^^
مدري الرابعه الطبيبه الظاهر ياجزائريه او تونسيه دقي ويعلمونك / تعالي من وين اخذتي الهديه لصديقتك اي محل بالضبط ؟ |
رد: دردشة حوامل أهل القصيم - دردشة بنات القصيم - تجمع حوامل القصيم
هههههههههه مشكوره على الصباحيه الحلوه
البنت شكله عنيده عيت تطلع يبي له جر بالقوه خخخخ اخذتها من سنتر بوينت ملابس فيها ميكي ماوس تجيك بسله حلوه مغلفه بقطعه شفافه ب90 وجالسه قماشه سماوي القاعده بيج ب120 من بيت الطفل اللي عند ماك اسعاره رخيصه مره نعمه هههههههه مدري محتاره بالوطني اخاف اتحسف اني رحت وامي الليل والنهار تتوعدني اني اخذ ملفي من الفريح وانقله للوطني واهز راسي علاشان امشيها ههههههههه |
رد: دردشة حوامل أهل القصيم - دردشة بنات القصيم - تجمع حوامل القصيم
الله يهون عليكم ويرزقكم بنونو الي يفرح قلوبكم تكفون ردو علي في موضوعي ارجوكن
|
رد: دردشة حوامل أهل القصيم - دردشة بنات القصيم - تجمع حوامل القصيم
اهلين صبايا صباح الخير
اشتياق وام ميتو من يومين مادخلو ان شاء الله ولدن |
| الساعة الآن 05:26 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .