|
رد: دردشة بنات المدينه المنوره - تجمع حوامل بنات المدينه
ههههههههههه سوما دحين ما قضيتي للان وتبغي تولدي من جد شكلو هرمونات الحمل ماثرة عليكي
انا قضيت وخلصت وقضيت اغراض العطار معا اني ما اكثر منها بس اخدت كمون ويانسون وشمر وقرفه وكراويه وسكر نبات ووووو مرة وخلصت اغراض الصيدليه تعرفي باقيللي اسوي المجلس عشان استقبال الضيوف يعني بس ارتب اغراضي انا اشتريتها وخلصت وووو ايش كمان صح سويت هدايا استقبال بسيطه باقي اولد بس |
رد: دردشة بنات المدينه المنوره - تجمع حوامل بنات المدينه
صح نسيت باقيللي بس التقديمات حقت الضيوف ان شاء الله اروح احجزها دي اليومين
بعدين من قاللك انو الاسبوع 35 توك داخله التامن بالعكس شوفي دا الجدول http://forum.hwaml.com/imgcache2/hwa...896575_387.jpg مراحل الحمل بالاسابيع... *********** الشهر الاول من اول يوم في الدورة الشهر الثاني 5 اسابيع و4 ايام تدخلين الثاني الشهر الثالث 9 اسابيع تدخلين الثالث الشهر الرابع 13 اسبوع و3 ايام تدخلين الرابع الشهر الخامس 17اسبوع و6 ايام تدخلين الخامس الشهر السادس 22اسبوع ويومين تدخلين السادس الشهر السابع 26اسبوع و5 ايام تدخلين السابع الشهر الثامن 31اسبوع و1 يوم تدخلين الثامن الشهر التاسع 35اسبوع و4 ايام تدخلين التاسع الله يتمم على كل حامل حملها ويسهل عليها .. والله يرزق كل محرومه بالذريه الصالحه .. |
رد: دردشة بنات المدينه المنوره - تجمع حوامل بنات المدينه
سوما اظن لو ولدتي 35 اسبوع لسه الجنين باقيله ويحتاج حضانة
انتي اسألي دكتورتك وتطمني ربي يكتبلك الخير |
رد: دردشة بنات المدينه المنوره - تجمع حوامل بنات المدينه
احلى ليان والورد الناعم وسنة حلوة كيفكم ليه مختفين
|
رد: دردشة بنات المدينه المنوره - تجمع حوامل بنات المدينه
غنج انثى وحشتيني يا قمر
طمنيني عنك وعيالك كيفهم |
رد: دردشة بنات المدينه المنوره - تجمع حوامل بنات المدينه
اقتباس:
حلو الاسماء اللي اخترتيها بس اسم تولان غريب شوي اول مره اسمع فيه ومفرش اللنفاس صادقه والله غاليه شوي ومحتاااره اصلا فين اشتري |
رد: دردشة بنات المدينه المنوره - تجمع حوامل بنات المدينه
اقتباس:
وحتى اذا ماخلصتي بس على الاقل فكرتي ايش بتسوي والاكل اهم شي في النفاس كثري من اللحم اتذكر لما كنت بنفاسي على بنتي كانت شغالتنا الاندنوسيه تقولي كولي لحم كثير هذا كويس يخليكي قوية بعد ماتخرجي وحتى مرقة اللحم كانت تقولي اشربيه مررره كويس وبعدين لما بحثت وسالت طلع ان شرب مرقة اللحم مايسبب امساك |
رد: دردشة بنات المدينه المنوره - تجمع حوامل بنات المدينه
السلاااااااااااااااام عليكم .. غبت عنكم يومين وحشتكم ولا لأ؟؟
كيفكم يا بطابيط ؟؟ وكيف البطبوطات الزغيرة جوه؟؟ انشاء الله بخير .. اهلن وسهلا بكل الحوامل الجدد اللي انضموا لنا .. ايلاف .. ازا حتولدي قيصري وشايلة هم في ايمن عفيفي في المواساة اسالي عنو مزبوووووووط..وانشاء الله ترتاحي في المواساة.. ربي يريح قلوبنا اجمعين .. ايوه يا بنات ياريت نغير موضوع الدكاترة والمستشفيات ترا انهلكنا من الكلام فيهم هههههههههه وتعبنا ونفسيتنا تعبت وربي ... خلينا نتكلم عن البيبي .. والله نفسي اشوفو واشوف وجهو الصغنون التعم يارب يبلغنا جميعا سلامتنا وسلامة اولادنا وبناتنا.. واقترح عليكم موضوع جديد.. ايش حترسلي رسالة من جوالك عشان تبلغي حبايبك وصحباتك واهلك بسلامتك وسلامة البيبي .. ونشوف احلى رسالة ايش حتكون.. |
رد: دردشة بنات المدينه المنوره - تجمع حوامل بنات المدينه
هلا رحيق كيفك؟؟ انا الحمد لله ماشي الحال بس مدري ايسبي سرت احس ظهري يالمني كثير اي وقفة او شوية شغل احس حيلي مهدود مدري من زيادة الوزن ولا ايش ؟؟
الله ييسرها .. |
رد: دردشة بنات المدينه المنوره - تجمع حوامل بنات المدينه
اما انا اذا جبت بنت بسميها جنان << بس لسى ماشاورت زوجي بس انا ابغاه
واذا ولد يزيد متفيقين من الطرفين وبالنسبه للنونو ماجهزت له ولا شي ولا قطعه ولا حتى انا ماجهزت لي شي بالمررره بس ان شاء الله راح ابدا الاسبوع الجااي بروح اكشف بالاول اذا بنت او ولد وبعدها اقضي وما ابغى اشتري مفرش نفاااس كبير بروح بيت العروسه او محلات المفارش بشتري مفرش لنفر واحد والنونو نفسي اشتري له من السرر اللي على شكل سله لقيتها عند مذركير وماماز وباباز وبشتري لي بجامات للبيت وروب واحد للاستقبال لاني ما احب الارواب ابدا ما افكر اكثر الصراحه على بنتي سويت وسويت وسويت وكلها مانفع لي بعدين لا ملابس ولا المفرش الكبير اللي كان معاه اغراض توزيعات وسلات والحركات كلها رميتها عشان كذا اللحين ما افكر اكثر ابدا اما الاعشاب الى الان محتاره ايش اشتري ابغى اسوي لي نظام سهل ومفيد وما ابغى اكثر بالاعشاب اما للخياطه بستخدم الملح والماء الدافي والارطا وخواجوا وكريم ميبو او اللي عليه صورة الاسد ومطهر بيتادين وطبعا اهم شي اهتم بجسمي اسوي لي كريمات ادهن فيها والبطن اربطها بالمشط الاندوسي وتقريبا هذي الاشياء اللي خطرت في بالي واللي اهم شي لازم اسويها |
| الساعة الآن 08:11 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .