|
رد: الغاليات بنات فلسطين اتفضلو هون.....
صباااااااااحكم فل
كيفكم بتحكو بموضوع بيهمني كتير انا بعرف بعض الطرق لمنع الحمل مثل اللولب والحبوب والعازل الذكري ومش حابة بعد ما اولد استخدم اللولب والحبوب لانهم بيحكو مش منيح شو الطرق الي بتستخدموها ؟ |
رد: الغاليات بنات فلسطين اتفضلو هون.....
هلا فوفو منورة يا قمر
في العازل الذكري والمانع الطبيعي افضل طريقتين |
رد: الغاليات بنات فلسطين اتفضلو هون.....
صباح الخيرر ... كيفكم وشو اخباركم ...؟؟
|
رد: الغاليات بنات فلسطين اتفضلو هون.....
كيف مانع طبيعي ؟
العازل الذكري مرة حكيت ل جوزي عنه بيحكيلي في احلامك نستخدمه ههههه شكلهم الرجال ما بيحبوه |
رد: الغاليات بنات فلسطين اتفضلو هون.....
ههههههه
إي الرجال ما بحبو العازل |
رد: الغاليات بنات فلسطين اتفضلو هون.....
يسعد مساكم
منورين كيفكم وكيف اولادكم؟؟ |
رد: الغاليات بنات فلسطين اتفضلو هون.....
مسا الخير يا حلوات
لسه عم تحكوا عن نفس الموضوع ... انا اليوم ركبت اللولب وان شاء الله برتاح عليه مع انو هاي مش اول مرة بستعمل اللولب ام مروان هههههههههه انا جوزي ما بيحب ولا أي نوع لا العازل ولا المانع الطبيعي كمان وحبوب الحمل بيقلي ما تفكري فيها نهائي لهيك ما الي الا اللولب الحل والوحيد ... فوفو وحواء منورات يسعد ربي هالمسا شو أخباركم ؟؟ شو عملتوا غدا ولا بعدكم انا عملت اليوم مفركة بطاطا ( بيض مع بطاطا ) لأنو رجعت من عند الدكتورة موعد الغدا والمفركة سريعة وسهلة ههههه ما لحقت اطبخ شي |
رد: الغاليات بنات فلسطين اتفضلو هون.....
نور العمر
هلا يا حلوة كيفك ؟؟ طمنيني عنك وكيف زغارك ؟؟ دموع الليل مسا الورد حبيبتي .. طمنينا عنك بعد الولادة كم صرلك والدة وكيف البيبي ؟؟؟ احكيلنا قصة ولادتك ... |
رد: الغاليات بنات فلسطين اتفضلو هون.....
اهلا حلا منوره
انا الحمدلله بخير صار الى 20 يوم والده والبيبى كويس الحمدلله بيس مابينام بالليل وابنى الكبير مجننى بيغار كتير من اخوه مش عارفه شو اعمل معه ـــــــــــــــــ انتى كيفك حلا وكيف اولادك ؟ وكيف المدرسه معهم؟ بوساتى الهم |
رد: الغاليات بنات فلسطين اتفضلو هون.....
الله يخليلك إياهم يا رب
قصة النوم ما تسألي عنها كتير عانيت لحد ما انتظم نوم ابني أما الغيرة حاولي انك ما تعطي اهتمام للصغير قدام الكبير وضلي امدحي بابنك الكبير انو شطور وخليه يساعدك بحمام البيبي مثلا يجيب الشامبو أو الحفوضة أو الاواعي وانتي جيبي لعبة أعطيها الو وقوليلو هاي من أخوك لأنو بيحبك وشوي شوي رح يتعود على وجود اخوه ورح تخف غيرتو انا ولادي بخير الحمد لله ... برتاح من مشاغبتهم لما يكونوا بالمدرسة |
| الساعة الآن 12:21 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .