|
رد: تجمع حــوامل التوائم
الف مبروك الاميرة الصغيرة والحمد لله ع السلامة ياقلبي
وعقبالي يارب وكل الحلوين تعبت من الثقل والاستفراغ والحرقان الله يفرج لي ولكم يارب |
رد: تجمع حــوامل التوائم
كيفكم حبايبي ؟؟
انا حامل بتوام كل واحد بمشيمه .. بالشهر السابع .. اتابع في مستشفى البروكير في الظهران عندل الاستشاريه ناديه محمد احد منكم يتابع هناك ؟؟ احس من دخلت هالشهر وانا الثقل زايد عندي والنوم صعب وماشاء الله على توائمي ما يزيد نشاطهم الا وقت نومي انام على جنبي اليسار يرفس اللي باليسار اقلب عاليمين ونفس الشي ..والله مدري ارضي مين .. غير الاحساس اللي احسه ان البيبي متجمع على نفسه واحس اذا لمست بطني كاني ماسكته بيدي .. واحيانا يكون البيبي جهة ضلوعي ونفس الشي احسه يتجمع ويضغط على ضلوعي حتى هواي يغيب وما اقدر اتنفس الشعور مؤلم جدا .. هل هالشي طبيعي ؟؟ ويصير لكم ؟؟ عارفه اسالتي كثيره ولسه فيه بعد بس قلت احترم نفسي شوي و اخليها لمشاركات ثانيه .. علشان ارجع للتجمع مره ثانيه .. |
رد: تجمع حــوامل التوائم
ااااااااااااااااااااااااااالف اللللللللللللللللللف مبروك الاميرة الصغيرة ...والحمدلله على سلامتك والله يخليهم لك بصحة وعافية .
عواطف السلمان ............حبيبتي انا عيالي قبل بالخاص اما اللحين غير عشان توام اراجع بالصباح والعصر كويتيات فقط ويهبل بصراحة كني بخاص وحيل مهتمين فيني وسولس سونار رباعي من غير ما اطلب وانصحك اذا توام بالصباح والسهاله من الله , بنات اليوم رحت موعدي والحمدلله كل شي تمام وقالتلي الدكتورة اخذ حبتين حديد من نص الخامس افضل مع حبتين كاليسيوم وحبة فيتامينات مع ان نسبة دمي 11 تعتبر انزل شي بالطبيعي بس الحمدلله . |
رد: تجمع حــوامل التوائم
الف مبروووووووووووك الاميره الصغيره والف الحمد لله على سلامتك..
دلوعة حبيبي.. الله يعينااا والله الثقل عامل عمايله... وبالنسبه للمستشفى كثيييير ناس سمعت انها تمدحهاا والله يسخر لك خلقه يارب,, وضيق التنفس مرره يصير لي كثييير وخصواص انهم بسم الله عليهم كلهم فوق فضاغطين على القفص الصدري حقي .. زود الغلا احس مرررره كثير حديد وكالسيوم وفيتامينات انا بس اخذ حبة فيتامينات اللي تجي شامله كل شي وحبة كالسيوم لاني مو مررره مع مشتقات الحليب.. الله يهون عليناااااااا جميعااا يارب.. |
رد: تجمع حــوامل التوائم
صباح الخير
ألف مبروووووووك نونه وريم والأميره والحمدلله ع سلامتكم وسلامة الببيبيات شدعوه كروشات ماحد رد ع سؤالي مع اني أرد على كل اسئلتكم |
رد: تجمع حــوامل التوائم
توأمي حبيبتي انا حملاتي اللي قبل كله طبيعي ...
بس اللي اعرفة انه هواء ولازم تشربين اعشاب ومسهل ينظف البطن ويطلع الغازات وكثري من الرشاد ... واذا اللحين تقدرين تربطين اربطي ...وخلج على السوائل الحارة ...وهذي الاشياء اللي اعرفها الله يستر يا توامي لاني لو سويت عملية ماعرف شي ...وقبلاتي للتوائم الحلوين ... |
رد: تجمع حــوامل التوائم
بنات مين تحس ان الراس تحت كثير ويألم وكأني بالتاسع
والثانية راسها فوق على معدتي ...؟؟؟\ الدكتورة قالت عادي وممكن يبقون كذا للتاسع ويمكن لا العلم عند الله ... |
رد: تجمع حــوامل التوائم
السلام عليكم بناااااااااااااااااااات أن شاء الله تكونوا بخير وعافية ما شاء الله أغيب واحصل كل هذي الردود عيني عليكم بارده الف مبروك لكل إللي ولدوا نونه العسوله الاميرة الصغيره ريم وربي يحفظ أطفالكم وعقبالنا حزن الزمان يا قلبي ما قصدتك لوحدك أنا تجولت بالمنتدى وشفت صور أكثر بكثير من إللي أنتي حاطتنها ورسلت لهم لكن ما في إي أهتمام وكنتي أنتي من ضمن إللي رسلت لهم رساله وموضوعي فقط للتذكير والنصح لوجه الله تعالى واتمنى أن محد يزعل والله يشفيك وديري باللك على وزنك واهتمي بتغذيتك أنصحك كثري من الموز عند السحور وكلي لوز كثير زين وبعد لاتنسي الفواكه زينه والتمر الحين أقولكم عن أخباري أمس رحت المستشفى ومرتين بغوا ينوموني لكن ربكم لطف عشان مشكله الحديد كان من أخر موعد 14 أغسطس ماخذين مني عينه وطلع دمي نازل يعني الحديد داون وأمس مصره الدكتوره إلا لازم تنويم واخذوا مني عينه دم للفحص وانا خبرتكم عن أكلي للشمندر والكبده بس مو كثير الكبده بس بنسبة بسيطه وركزت على الفواكه لكن الحمد لله رب العالمين اليوم أتصلت أسأل عن النتيجه عن فحص أمس وقالت لي أن الدم أرتفع بعد ما كان 8 صار 11 الحمد لله رب العالمين وعندي موعد على الاسبوع القادم وموعد على 18 سبتمبر خلاص بيناقشوني على الولادة كيف أولد واحتمال hwaml15يولدوني وقالت يمكن قبل تولدين أحترت وخفت أمسhwaml03 كنت في رعب وانا بالمستشفى |
رد: تجمع حــوامل التوائم
هلا اختي حزن الزمان اناكنت احس ثقل في اسفل البطن يعني فوق المثانه الله يكرمك وهالاحساس احسه من نص السابع او اوله والبارح دخلت الثامن وكانت لي زياره عندالدكتور قال لي الكبير قلب راسه ان شاء الله ولادتك طبيعي من الفرحه حسيت فجاءه الوجع خف وقلت يارب يسر لي ولادتي وقال خلاص قرب راسه على الحوض التزمي الراحه ولاتمشي ولاتتحركي كثير لاني من اقل حركه احس اني باولد وربي يهونها علينا وانتي انتبهي لنفسك ويوم توصفي وضع التوينز حقك كانك توصفي وضع التوينز حقي بس الدكتور قال احسن وضع عشان الولاده اهم شي الاولاني راسه تحت وبعدين الثاني احنا نجيبهhwaml10
|
رد: تجمع حــوامل التوائم
مرحبا كرووشات
شخباركم ... نصيحة شبعوا نووووووووم راسي مصدددع hwaml4 من قلة النوم الله يعين بس نومهم بالنهار والليل مشتغلين علي اثنينهم خواتي الرضاعه عندي متعبه ومؤلمة ينزل دم شوي من صددري واذا رضعوا احس روحي تطلع من العوار شسووووي مفكره اعطيهم صناعي كله بس افكر اقول حرام الحليب وايد بصدري وهم يحليلهم نتف .. شسوي شوروا علي وشلون انظم نومهم حدها اعصابي تعبانه وريلي مااعتمد عليه اذا بالليل اعطيه وحده تكون البيبي بحضنه واشوفه نايم hwaml4,,, الله يعينا بس على تربيتهم |
| الساعة الآن 12:28 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .