|
رد: دردشة بنات فلسطين, دردشة حوامل فلسطين, تجمع بنات فلسطين
شايفة ام عبد الله
لما فتت الكل اختفى هههههههه والله انا بخير الحمدلله ، حركة عمورة بلشت توجعني شوي بعض الاوقات بس كله فداه ولا احلى من هيك الحمدلله امممم انا بدي اعمل مسقعة كوسه اول مرة بعملها وعندي كوسا ومو جاي عبالي اعمل لا محشي ولا مخشي ههههههه ادعيلي ان شاء الله تزبط وتطلع طيبة |
رد: دردشة بنات فلسطين, دردشة حوامل فلسطين, تجمع بنات فلسطين
يسعد هالصباح يانشيطات اللهم لا حسد :)
شلونكم صبايا انا صحيت حاسه زوري فيه احتقان شكلو زوزو عداني هيني بدي ابلش الف مع حماتي ورق عنب ونحشي كوسا تفضلو احنا زمان ماعملناه :) يمي يمي يمي |
رد: دردشة بنات فلسطين, دردشة حوامل فلسطين, تجمع بنات فلسطين
صحة وهنا يارب نطلع طيبة يارب ,, بس شو هاي ههههه اسمه غريب شوية
|
رد: دردشة بنات فلسطين, دردشة حوامل فلسطين, تجمع بنات فلسطين
احساس
يسعد صباحك والف سلامة عليكي لحقي حالك عشان ما تزيد المشكلة واشربي بابونج بالعسل او ليمون داااافي وصحتين عالكوسا وورق العنب :) ام عبد الله عادي كوسا ولحمة مفرومة مع صلصة طبقات وبالفرن ههههههه بس اعملها بقللك النتيجة ، متل مسقعة البتنجان ولا انتوا ما بتعملوها ؟ |
رد: دردشة بنات فلسطين, دردشة حوامل فلسطين, تجمع بنات فلسطين
يسعد صباحك احساس سلامتك وصحة وهنا اكلة طيبة كثير
دودو والله ما بعرفها ههههه صحه وهنا يارب .. دودو انتي عايشة بلامارات صح يعني شعل ولا دراسة |
رد: دردشة بنات فلسطين, دردشة حوامل فلسطين, تجمع بنات فلسطين
ام عبد الله
اه انا عايشة بالامارات انا وزوجي في دبي شغل طبعا ، اهلي واهله في غزة بس احنا هون مستقرين |
رد: دردشة بنات فلسطين, دردشة حوامل فلسطين, تجمع بنات فلسطين
تتهنو يارب يلا بكرا بيجي عمورة ع خير وبسليكي هههههه شو بيشتغل جوزك
|
رد: دردشة بنات فلسطين, دردشة حوامل فلسطين, تجمع بنات فلسطين
ان شاء الله الله كريم
زوجي مهندس كمبيوتر وانا من اول ما اجيت دورت ع شغل وحاولت اشتغل بس صعب بالبلد هاي الشغل كتييييييير بيعين الله |
رد: دردشة بنات فلسطين, دردشة حوامل فلسطين, تجمع بنات فلسطين
ههههه بكرا بتشتغلي بعمر هههههه الله يقومك بالسلامة يارب وتفرحي فيه
|
رد: دردشة بنات فلسطين, دردشة حوامل فلسطين, تجمع بنات فلسطين
صباح الخيرات
شو أخباركم حبيباتي إشتقتلكم كتير كتير |
رد: دردشة بنات فلسطين, دردشة حوامل فلسطين, تجمع بنات فلسطين
ام عبد الله الله يسلمك حبيبتي يااارب ويسمع منك
انبثااااااقة لسا مبارح كنتي ببالي والله شو اخبارك ووين هالغيبة طمنينا عنك ان شاء الله بخير ؟ اشتقنالك |
رد: دردشة بنات فلسطين, دردشة حوامل فلسطين, تجمع بنات فلسطين
اهلين دودو
الحمدلله ياقلبي بخير بس هالفتره ظروف ورا بعضها الله يعين وصبحت الدوره نازله وتعبانه منها مو قادره انام من وجعها وحاسه نفسيتي بالمره عن جد اشتقتلكم كتير |
رد: دردشة بنات فلسطين, دردشة حوامل فلسطين, تجمع بنات فلسطين
انبثاقة
سلاامتك حبيبتي الله يهونها عليكي يااااارب ديري بالك ع حالك واتدفي منيح واشربي اشياء سخنة وما تغيبي كتير خلينا نضل نطمن عليكي |
رد: دردشة بنات فلسطين, دردشة حوامل فلسطين, تجمع بنات فلسطين
الله يسلمك ياقلبي
هيني بشرب بلكي روقت عليها ان شاء الله ياقلبي تروح هالظروف ما ابعد عنكم |
رد: دردشة بنات فلسطين, دردشة حوامل فلسطين, تجمع بنات فلسطين
ولا يهمك وكلي امورك لربنا
وهو بيهونها من عنده ، اهم شي تديري بالك ع حالك وما تشوفوا شر ياااارب انتي وكل احبابك :) |
رد: دردشة بنات فلسطين, دردشة حوامل فلسطين, تجمع بنات فلسطين
مرحبا يا صبايا ..
سلامتك انبثاقة ما ع قلبك شر حبيبتي الله يهونها عليكي يارب دودو شو عن تعملي حلا اجت بس بدها تزبط الدوام الصباحي واختفت هههههههههههه يلا صحصحو يا بنات حيفا وينك بطلتي تفوتي طمنينا عنك |
رد: دردشة بنات فلسطين, دردشة حوامل فلسطين, تجمع بنات فلسطين
تسلمو خواتي ام عبدالله وحلا الماس
الدكتور حكالي احتمال ولد .. بس مش اكيد .. وحكالي المرة الجاي بيأكدلي يعني مثل ما حكت ام عبدالله شطووورة :) المهم الخلقة التامة والله يتمم امورنا ع خير يارب انا ما بدي اعمل غدا اليوم ولله الحمد لانه دار حماي ذبحو ذبيحة عشان سلفي وعيلته اجو من اميركا الهم غايبين 3 سنين .. وبدهم يعملو عشا منسف اتفضلووووووو |
رد: دردشة بنات فلسطين, دردشة حوامل فلسطين, تجمع بنات فلسطين
مسا الخيييييير
شو الاخبار ؟ في حد هون و الا لا ؟ فوفو بالسلامة ان شاء الله ربنا يتملك على خير |
رد: دردشة بنات فلسطين, دردشة حوامل فلسطين, تجمع بنات فلسطين
لولو
كييييفك شو الاخباااار اديه باقيلك لتفوتي التامن صحيح ؟ |
رد: دردشة بنات فلسطين, دردشة حوامل فلسطين, تجمع بنات فلسطين
اهلا دودو
ههههه كان الموبايل رح يخلص شحن و يطفي و انقزته باخر تانية ههههه انا الحمد لله ماشي الحال و الاه على سونا اخر مرة تخربطت السونار اعطى بزيادة اسبوعين يعني كاني في الاسبوع 29 او 30 هيك شي بس على حساب الدكتور العادي في 23 بدخل التامن يعني خربطولي الدنيا ههههه و تنتي كيفك و شو اخبارك ؟ |
رد: دردشة بنات فلسطين, دردشة حوامل فلسطين, تجمع بنات فلسطين
لولو
والله معك حق صارت خربطة بلكي الموعد الجاي بتتاكدي لانه لو ضل السونار معطي زيادة اسبوعين معناها السونار هو الصح والحمل بيكون صاير بكير انا الحمدلله بخير والحركة صارت تنغزني وتوجعني هاليومين بس متحملة عادي الحمدلله ، وموعدي يوم السبت مستنية على نااااااااااااار وعندي كبشة اسئلة للدكتورة |
رد: دردشة بنات فلسطين, دردشة حوامل فلسطين, تجمع بنات فلسطين
ههههه يلاا ان شاء الله بتتطمني يوم السبت
هههه انا دكتوري صار متعود على طبعي و كترة اسالتي و كل ما اروح بحكيلي يللا بلشي اسئلة ههههه و لما اجي بدي اطلع من عنده بحكيلي ليكون نسيتي شي هههه انا كمان الحركة صارت تنغزني بس اغلبها تحت تحت ان شاء الله خير |
رد: دردشة بنات فلسطين, دردشة حوامل فلسطين, تجمع بنات فلسطين
هههههه والله احسن شي
يعني لو ما سالناهم مين بدنا نسال انا صراحة ما بثق الا بكلام الدكتورة حتى لو حدا عنده خبرة حكالي اشي برجع بسال الدكتورة وبتاكد صح ولا غلط وطلعت في شغلات كتير الناس بيحكوها وهي غلط اصلا عشان هيك بسجل اسئلتي عالموبايل قبلزما اروح وببلش اسال يا ستي ربنا يتمملنا على خير جميييييعا وما يضيعلنا تعب |
رد: دردشة بنات فلسطين, دردشة حوامل فلسطين, تجمع بنات فلسطين
هههه اه و الله معق حق
انا نفس الشي الاه يسمع منك و يتمملنا بخير يااا رب هههههخ حاسة كانها طالعة تغير جو في معدتي هههه فوووق بتتحرك هلأ هلأ |
رد: دردشة بنات فلسطين, دردشة حوامل فلسطين, تجمع بنات فلسطين
ههههههه ماشاء الله
انا هيك بيصير معي بالليل او وقت النوم بحسه شوي ويقعد مكان القفص الصدري ههههههههه الله يخليلنا اياهم ونفرح بحركتهم وهم بحضننا يارب نفسي صحيح الموعد الجاي اشوفه ثري دي بوضوح كل مرة ما بكون واضح كتير هالمرة بلكي شفت ملامح |
رد: دردشة بنات فلسطين, دردشة حوامل فلسطين, تجمع بنات فلسطين
ياااا رب
لا بتشوفي الملامح ان شاء الله انا اخر مرة رحت كاااانت واااااضحة الملامح هههه شكلها زي ابوها رح تطلع بعدين انا قرأت من كم يوم انو بالاسبوع 27 بكون شكل البيبي مماثل تماما لبعد الولاة بس حجمه و وزنه بكون اقل سبحان الله |
رد: دردشة بنات فلسطين, دردشة حوامل فلسطين, تجمع بنات فلسطين
الله يسمع منك شجعتيني
هي الدكتورة الشهر الماضي قالتلي هالشهر الجاي ببين وبورجيكي بس قال هي بتقلي انه بيشبه ابوه ما بعرف كيف شافت بس نياله اذا بيشبه ابوه ههههههههه |
رد: دردشة بنات فلسطين, دردشة حوامل فلسطين, تجمع بنات فلسطين
ههههه ربنا يجيبلنا اياهم بالسلامة و يكونو بأحسن حال ان شاء الله
|
رد: دردشة بنات فلسطين, دردشة حوامل فلسطين, تجمع بنات فلسطين
امييييييين يارب الله يسمع منك يا لولو
شو لوين وصلتي صحيح بتجهيزاتها ؟ |
رد: دردشة بنات فلسطين, دردشة حوامل فلسطين, تجمع بنات فلسطين
مرحبا صبايا شو اخباركم ..
لولو ودودو انا بعرف انو السونار ما بحسب ع ايام الدورة بيعطي حسب الجنين ونموه يعني ازا بزيادة بيكون حجم البيبي وافي هيك بعرف ههههه انا الدككنورة حسب السونار هو بينحسب من اليوم 8 للدورة هاد ازبط حساب هيك دكتورتي حسبتو |
رد: دردشة بنات فلسطين, دردشة حوامل فلسطين, تجمع بنات فلسطين
خلصت ملابسها تقريبا و بزيادة كمان
تنا متاكدة في اشياء مش رح ييجيها الدور ههههه خصوصا الملابس الصغييييييرة لانه الواحد لما يشترب ملابس الصغار بينسا حالو هههه بتصير زي الادمان و هلا ضلت الاشياء زي السرير و الخزانه و هاي الاشياء و الاشياء الي بتقد فيهم هههه مش عارفة شو اسامي هاي الشغلات و بعدين هاليومين بدي اشتري اغراضي ان شاء الله و انتي وين وصلتي |
رد: دردشة بنات فلسطين, دردشة حوامل فلسطين, تجمع بنات فلسطين
اهلا ام عبد الله
هو مزبوط بس لما يكون في فرق واضح بالسونار يعني اسبوعين او اكتر معناها انه فعلا البيبي هيك تقريبا عمره يا ستي مش مهم المهم الصحة والخلقة التامة ولما الله يريد بيطلعوا على هالدنيا. ؛) |
رد: دردشة بنات فلسطين, دردشة حوامل فلسطين, تجمع بنات فلسطين
منوووووورة ام عبد الله
شو اخبارك يا حلوة ؟ اليوم مختفيين الصبايا |
رد: دردشة بنات فلسطين, دردشة حوامل فلسطين, تجمع بنات فلسطين
لولو
شطووورة عملتي متلي ههههه انا جبت كتير تياب اشي نيو بورن واشي من 0 ل 3 وحساهم كتاااار غير اللي ماما رح تجيبلي اياهم لما تيجيني والهدايا اللي قرايبنا باعتينلي اياهم وهدايا دار حمايا ههههههه ابصر السيد عمورة يلبس كل هالشغلات ولا لا يلا فداه كل يوم بغيرله اللبسة 3 مرات ههههههه انا كمان تقريبا متلك باقيلي التخت والخزانة والكوتة اللي بيقعد فيها والعرباية تعت الطلعة وباقي الاشياء بتجينا هدايا لانه بدنا نحط قائمة لاصحابنا عشان يجيبولنا اشيا نستفيد منها ممممممم شو كمان باقيلي اغراضي بدي اجيب بجامات وروب وقميص نوم طويل يعني للازمات واغراض النظافة تعت البيبي لسا كمان ما جبتها بخليها للاخر وبحس حالي كمان ناسية الف شغلة هههه |
رد: دردشة بنات فلسطين, دردشة حوامل فلسطين, تجمع بنات فلسطين
ههههه يعني زي بعض
و تنا كمان امي عملتلي شنته كبييييييييرة ههههه و كل ما اروح بتورجيني اشياء جديد جايبيتها ان شاء الله يهروهم بالعافية و برضو عمي و مرت عمي كل يومين و هم جايبين كم شغلة هههههه عمي لما يجيبلها اي شي بكون ملفوف و علبيه شبر و ورد عاساس هديه هههه و انا بثواني بخرب هاي الاشياء و برميها و بشوف شو جواتها ههههه بحكيلي عمي غلبنا صحاب المحلات عالفاضي هههه ههخخخ انا مش متخيله حالي بقميص نوم طويل بس لازم ههههه |
رد: دردشة بنات فلسطين, دردشة حوامل فلسطين, تجمع بنات فلسطين
ههههههه ضحكتيني
شوفي يا ستي وانا كمان ما كنت بدي قميص نوم بس قال شو قالولي لما يجيكي الطلق وبدك تولدي بيضلوا بالمستشفى يجوا كل شوي ويفحصوا من تحت وقال وقتها لازك تكوني لابسة شي مفتوح عشان ما تتغلبي ، يعني لقبل الولادة بس اما بعدها ان شاء الله ازا ولدت طبيعي والله اكرمني بجامات وبس |
رد: دردشة بنات فلسطين, دردشة حوامل فلسطين, تجمع بنات فلسطين
هههههه و انا امي و مرت عمي بيحكولي نفس الشي
يللا بعيننا الله بنتحمله كم ساعة ههههه ان شاء الله بنولد طبيعي ههههه لما قريت " يفحصوكي من تحت " قلبت معدتي و مغصني بطني ههههه |
رد: دردشة بنات فلسطين, دردشة حوامل فلسطين, تجمع بنات فلسطين
ههههههه انا ماجلة الخوف للتاسع
وبحاول اطنش وانسى مهل علينا ملحقين نخاف ونرتعب الله يستر |
رد: دردشة بنات فلسطين, دردشة حوامل فلسطين, تجمع بنات فلسطين
ههههه على قولتك
كلشي بوقتو حلو |
رد: دردشة بنات فلسطين, دردشة حوامل فلسطين, تجمع بنات فلسطين
اه والله كل شي بوقته حلو
على قولتهم استمتعي بحملك هلا ههههه |
| الساعة الآن 02:58 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .