منتديات حوامل النسائية - دردشة بنات فلسطين, دردشة حوامل فلسطين, تجمع بنات فلسطين

سلام عليكم كيفكم شو اخباركم
جارة الحمدلله برلنت يوم عن يوم وضعها تمام انا اخذتها بمراجعة الاسبوع كان زايد وزنها 350 غرام ما شاء الله حكالي الدكتور ممتاز هلا عندها طعم الشهر يوم الاربعاء راح اخدلها وزن كمان الحمدلله صحتها كثير منيحه

بالنسبة للادول انا بعطيها اياه من عمر اسبوعين

ميسا مبروك لاختك وان شاء الله تضلي منورة هالتجمع ما تطولي الغيبة

ام عازمي ما شاء الله عليها بنتك الله يحميلك اياها يارب

سما وينك مختفيه طمنينا عنك

عسوله الله يسعدك يارب ويفرحنا بخبر حملك قريب انتي وحيفا يارب

لولو حمادة بالنسبة لولادك انتي بتقدري تنظميهم ومن هم صغار وتعوديهم كيف بدك لانه بس يكبروا شوي بكون هالشي صعب

انا بعدني على حياة الامومة جديدة بس شفت امي كيف كانت تعمل معنا وكمان خواتي المتزوجات نفس امي اخت الي عندها ولدين وبنت بتقدري تحكي عنهم عصابة بس لتشفيهم ما شاء الله عنهم بتستغربي انهم بهالعمر وبهيك فهم وعقل وادب انا ما بحكيلك انهم ما بغلبوا بالعكس بس نظام الام مع اولادها بلعب دور كبير ........ يعني ابنها لاختي لكبير عمره خمس سنين والتاني ثلاث والبنوته سنتين منسقه بينهم وبين شغل البيت وزوجها والزيارات واهتمامها بنفسها كمان

اختي التانية عندها بنت سنتين وتوام بنت وولد كمان نفس الشي متبعة اسلوب خاص معهم

اهم شي نظام النوم اذا اتعوودوا علي كثير بترتاحي يعني ما تخليهم براحتهم يسهروا

طبعا التنتين ازواجهم بساعدوهم ودورهم اساسي بالبيت وبتربية الاولاد

واذا بدك شي واقعي وعملي في برنامج على mbc4 عن كيفية تربية الاطفال ومعاملة الاهل معهم

وبالنهاية حكيتلك شخصيتك هي الي بتحدد كيف نظام بيتك اقراي عن هيك امور بالنت وفي برامج كثيرة على اليوتيوب كمان بتساعدك بتتعبي هلا بس بعدين بترتاحي

انتي شغل البيت اعملي اول باول هيك ما باخد منك وقت كبير وكمان بتلاقي وقت لحالك وخلي دايما اسلوب حوار بينك وبينهم

مبارح كانت عزيمة بنات حماتي عندنا عشان هيك كنت تعبانة ما قدرت افوت قال جاي على بالهم الكبسة الي بعملها انا والله بعدني تعبانة لسه مخلفة جديد صارلي ثلاث اسابيع بس وبعمليه بس ما حد مراعي هالشي لتشوفوا شو عملولي بالبيت تقول زلزال ضارب البيت لقبل لفطور ما خليت شي طبخت وعملت كلشي اول باول هلا ذوقا المفروض بعد لفطور يساعدوني بتصدقوا غصب عنهم قامو الاكل وجلو جوز بنت حماتي لكبيرة حكالهم لتكونوا مستنين حد يقيم الاكل ويجلي عنكم مرت اخوكم مخلفةجديد وتعبانة يعني شغلة احراج ......... حماتي كثير بتحطني تحت الامر الواقع انا ما بحب اكسفها طيب هي عازمة بناتها وانا لو مش تعبانة ما بسال انا شو دخلني كلشي يصير ببتي ولا حمدا ولا شكورا بعد ما روحن بتقلي حماتي حزنت على بناتي قعدن يجلن كان اجيتي ساعديهن انصدمت ....... مش المفروض تحزن علي انا الي ميكله هوى وتعبانة

اخ يا بنات والله اخرتي انجلط