|
رد: ديوانية البحرين - دردشة حوامل البحرين - البحرينيات
اقتباس:
مبروك حبيبتي والله يدوم عليكم السعادة بحق محمد وآل محمد ويحفظ لش زوجش المحب وأولادش الغالييين ويقومش بالسلامة وتكبر الفرحة التعارف شيء جميل خصوصا إن إحنا على أرض واحدة والله يقدم إللي فية الخيرونتلاقى في الأفراح وعلى الخير والسلامة |
رد: ديوانية البحرين - دردشة حوامل البحرين - البحرينيات
السلااام
شخباركم كلكم خذ لكم فتره محد مداوم شصاير؟ ابسأل سؤال فحص ماقبل الولاده اللي من تحت شلون يسوونه وامته؟ وليش؟ ويعوور؟ ابي بالتفصيل الممل |
رد: ديوانية البحرين - دردشة حوامل البحرين - البحرينيات
السلام عليكم
شخباركم اني متضايقه ولاقدرت اقرا كلامكم بصراحه واحاتي ام عايشه شخبارها؟؟ رحت اليوم موعدي وقالو لي عندي سكر ويبغون يعيدون التحليل ابو 4 مرات وحدي خايفه وش الاكلات اللي لازم اكلها وشنو لازم اسوي عشان يتعدل السكر؟ |
رد: ديوانية البحرين - دردشة حوامل البحرين - البحرينيات
طفلي حياتي ماتشوفين شر
انه بعد مثلج وبيعيدونه لي بعد كم يوم بو 4 مرات وبعد قاعده اخربط في الحلويات لاني من النوع اللي اذا اتوتر اكل سوييت وام عايشه مسكينه تقول طلع الكيس فاضي ومافي جنين |
رد: ديوانية البحرين - دردشة حوامل البحرين - البحرينيات
اهلا فجوره ماعليها شر ام عايشه الله يعاوضها خير ان شاء الله
اني بعد من قبل ماحب الحلاوه والحين موتي وامس بالخصوص عاطيني حلوه لذيذه ويازعم كل يوم باكل منها افففف بلوه هالسسسسسسكر |
رد: ديوانية البحرين - دردشة حوامل البحرين - البحرينيات
وأني بعد قالوا لي فيني سكري يازعم
عاد من هالعصير اله يعطونه اياه لازم غصب يصير فينه يعني شيء طبيعي تاريخ 1/11 موعدي حزبانة عدل اربع غرشات بخلص دمي الله يغربلهم |
رد: ديوانية البحرين - دردشة حوامل البحرين - البحرينيات
سلام بنات
أم عائشة الله يعوضك خير ان شاء الله |
رد: ديوانية البحرين - دردشة حوامل البحرين - البحرينيات
انزين اني اروح المستشفى بروحي محد ويايي عادي يعني ؟؟
يقولون ناس يغمى عليهم من سالفة كل شوي سحب دم |
رد: ديوانية البحرين - دردشة حوامل البحرين - البحرينيات
خيو نور الدنيا اطلبي من ادارة المنتدى يعدلون اسمش روحي قسم الشكاوي والاقتراحات واطلبي تعديل الاسم
|
رد: ديوانية البحرين - دردشة حوامل البحرين - البحرينيات
فجورة وطفلي حياتي وحنون لا تكثرون من الحلويات اني ما عندي خبره في السكر بس الله يعينكم ويصبركم وما تشوفون شر
احس راسي يدور من ريحة الصبغ كلش الريحه تحت قوية والحين كل قاعده فوق في الطابق الثاني والدرايش مفتوحة الله يساعدني هاليومين لين تروح الريحه اقول محد عنده طريقة تروح ريحه الصبغ او تخففها hwaml5 |
رد: ديوانية البحرين - دردشة حوامل البحرين - البحرينيات
هلا شمووس
عجل متعلقه فوق ها هههههههه .. المهم ادا تبين تروح الريحة سوي شبة تخفف من الريحة وادا ما تقدرين عليها تخلين فحمة بروحها في المبخر وهي تمتص الريحة هذا إلي اعرفة .. وعلى طول خلي درايش الغرفه مفتوحة عشان تتهوى .. |
رد: ديوانية البحرين - دردشة حوامل البحرين - البحرينيات
اقتباس:
مشكورة أختي |
رد: ديوانية البحرين - دردشة حوامل البحرين - البحرينيات
سلام خواتي شخباركم جميع
مادخلت ماليي خلق مشاكل الدنيا ملوعه جبدي أحلام أم الله يعينش على اليهال بروحش ويرده لش بالسلامه ان شاءالله صبري روحش والله يعينش حنين الماضي الحمدلله بخير دامش بخير ان شاءالله حروف عاشقة ماباقي شي الله يسهل عليش ان شاءالله أم كرار ماعندي فكرة اختي وسلامتش الف سلامه ان شاءالله أم عايشة الله ياجرش اختي ويصبرش ان شاءالله وعسى ان تكرهوا شيئا وهو خير لكم جربت احساسش هذا باثنين قبل، الله يعوضني عنهم ان شاءالله ويارب يارب يارب يمدش بالصحه والسلامه وتيين عقب كم شهر تنضمين لنا بحمل طبيعي من الله ان شااءلله... قلوبنا وياش. شمس الصباح مااشاءالله كل عام وانتي بخير والله لايغير عليكم ان شاءالله فجوره اذا ياش الطلق يسوون الفحص، عادي لا تشدين روحش واخذي نفس عميق متواصل طفلي حياتي الله يعينش ان شاءالله اني بعد للحين مارحت لنتيجتي موعدي خلف يومين خففي اكل العيش، المعكرونات، الاكلات بشكل عام وبسش حلويات اكلي جبن قليل الدسم، حليب قليل الدسم، سكر قليل، ابعدي عن الدهون اكلي فواكه بس لاتاكلين اللي فيها سكريات مثل الموز والهمبا وصدقيني بسرعه بينزل اهم شي تواصلين لا تحبطين روحش مع كل اكله تاكلينها ماتشتهينها قولي الحمدلله، صدقيني بتهون عليش لاني مريت بالسكر بولدي يارب مافيني هالمره يارب. ماقلتين جم كانت نسبة ارتفاعه؟ قعدي شوي في السياره عقب سحب الدم لا تسوقين مباشرة خليش مريحه شوي وبعدها توكلي على الله. |
رد: ديوانية البحرين - دردشة حوامل البحرين - البحرينيات
السلام عليكم خذلي نص ساعة بس اقرى السوالف الي طافتني ماشاء الله عليكم ياما تدشون ياتدشون مرة وحده هههه الله يزيدكم ، ابشركم راس الياهل صار تحت بفضل الله ودعواتكم والله يثبتها ان شاء الله يارب لي التاسع ومشكورين على دعواتكم
|
رد: ديوانية البحرين - دردشة حوامل البحرين - البحرينيات
سلالام
مشكوره ام خليل طمنتيني لاني ما اكلت شي من رجعت غير توست وجبن وبس والحين ارتجف من اليووع قمت قليت نجت وشربت حليب قليل الدسم ماقدر مت مت وضايق خلقي خاطري في حلوى وامس موزعين بيت خالتي وعاطيني قطعه ويش حلاوتها وعن ببدأ فيها اليوم ومالمستها بس باكل شوي منها عن خاطري وباشوف لي صرفه ويى طريقة اكلي من الحين لاعاده التحليل وربي يسهل امري وامركم ولا يطلع فيش ان شاء الله |
رد: ديوانية البحرين - دردشة حوامل البحرين - البحرينيات
بنت الاياويد الحمدلله رب العالمين الله يطمن الجميع ان شاءالله ويعوض ام عايشه بحمل سليم ثابت ويرزق كل محرومه
|
رد: ديوانية البحرين - دردشة حوامل البحرين - البحرينيات
ام خليل مادري جم نسبة ارتفاعه سألتها وايد مرتفع لوشوي؟؟ الا تقول فيه ارتفاع شوي بس لازم نتأكد من خلال اعادة التحليل والله كريم
|
رد: ديوانية البحرين - دردشة حوامل البحرين - البحرينيات
سلام
داشة على السريع ،، حبيت اسلم عليكم وانا اليوم رحت حق التراسوند وهذي المرة الثانية الي اسوي فيهاا كنت احاتي من البارحة ومارقدت عدل،، سبحان الله مادري ليش موعدي الساعة 10 وانا من ثمان ونص قمت من النوم دشيت على الدكتورة وكان ما لها خلق كللش وبسرعة بسرعة تبي تخلص كانت تجوف البيبي واهي ساكتة انا استغرربت ،، شوية وراحت يابت معاها دكتورة ثانية ويتحجون انجلينزي عبالهم مافهم لهم ،، سألتهم شصاير ؟؟؟ الا تقول لا مافي شي ،، سألتني عندج آلام قلت لها لا ,, ينزل عليج ماي او دم؟؟ قلت لها لاا ،، اسألها شفيه البيبي الا تقول توج داشة السادس والبيبي وايد نازل تحت ،، اقولها يمكن لاني ضعيفة وطويلة الا تقول لي مادرري وبس قمت وانا حدي متوترة وماعرف شسالفة وما عرفت شنو اسألها كللش طلعت ويا زوجي حدي خايفة يعني شنو البيبي وايد نازل ،، يمكن من الم المثانة اللي كان يصيدني وكنت احس بضغط تحت والله ألف فكرة وفكرة ترووح ولا ادري شااسوي ؟؟؟ بنات ادعووا لي ان البيبي يرجع وضعه الطبيعي واذا احد عنده اي فكرة او سمع من قبل عن شي اقدر اسويه علشان يرتفع البيبي شوي لا يبخل علي لانه هذا اول بيبي لي وماعندي خبرة في هل سوالف ؟ امي تقولي ارتاحي و خالتي تقولي ماعليج من كلامها وزوجي وداني مستشفى ثاني وحزة الي رحنا علشان نعيد الالتراسوند كان الي يغطي قسم النساء دكتور وطبعن ما خلاه يسوي لي ،، وبس هذاني على حالتي ماعرف وين اروح ولا شاسوي ؟؟ والله البارحة كنت مستانسة اقول في خاطري اعرف شنو نوع البيبي؟ واليووم ولا على بالي اهم شي الله يثبت حملي ويكون كل شي طبيعي وو يعديها على خيرر سووري جني وايد طولت السالفة بس احس روحي بانفجر من التفكير ادعووا لي بناااات |
رد: ديوانية البحرين - دردشة حوامل البحرين - البحرينيات
ماتشوفين شر فلونه وان شاء الله يارب يثبت لي ولش وماعليش الا العافيه ان شاء الله يرجع لوضعه الطبيعي
ليش مارحتي لفهيمه المطوع فنانة التراساوند حدها عشان تطمنين ماعليش شر |
رد: ديوانية البحرين - دردشة حوامل البحرين - البحرينيات
مرحبااااا حوامل شخباركم شمسوييين ؟؟ من زمااااان ما دشيت لأن صادتني ظروووف .. رقدوني في التخصصي لأني فجأة جاني مغص كلش قوي وبعدين نزل الألم عند الخاصرة اليمين ودشيت على دكاترة ومحد استوعب شنو المشكلة ..
المهم قالوا ليي لازم منظار ومانقدر نسويه أحين مافي إلا عقب الولادة .. وعايشة على مسكنات الألم :( شخباركم وشمسويين ؟! وحشتني سوالفكم ومافيني شدة أقرأ مادري جم صفحة واجد فاتوني .. :( |
رد: ديوانية البحرين - دردشة حوامل البحرين - البحرينيات
صباح الخير كروشات
الله يعوضج بالحمل الثابت ام عائشه بنت الاياويد الحمدلله طمنتينا سوري ما اقدر ارجع حق الصفحات الي فاتوني لانه من التلفون قاعده الانترنت ما ادري شفيه مو شغال باركوا لنا انا وحنين دشينا السابع |
رد: ديوانية البحرين - دردشة حوامل البحرين - البحرينيات
شموسه اعذريني دخلت بس نسيت اقول لج كل عام وانتي بألف خير
|
رد: ديوانية البحرين - دردشة حوامل البحرين - البحرينيات
صباح الخيررر
حروف اي قاعده فوق اضحكي ههههههههه الله يدوم لينا هالضحكه وبجرب نصيحتش بسوي شب وبشوف يمكن تخف الريحة ام خليل مشكورة وما تقصرين فلونة لا تحاتين اذا انتين مو حاسة بألم خلاص لا تفكرين وروحي الي دكتورة ثانية وان شاء خير وما بنساش من الدعاء الفتاة الذهبية مبروك دخولك السابع وعقبال التاسع صادني في الليل قريب اذان الصبح شد عضلي في الريل ومن قوته قعدت اصارخ وللحين ما راح احس العضله كلش مشدودة والظهر بعد ما ادري ليش يجي الشي مرة وحده يا ما في شي او كله على البعض يالله الحمد لله قلت اصبح عليكم واروح اقضي اشغالي ام عائشة طمنينا عليش وما تشوفين شر |
رد: ديوانية البحرين - دردشة حوامل البحرين - البحرينيات
صبااح الخير شلونكم مشكورين على ردودكم ، وام عايشه الله يعوضج ان شاء الله وماتدرين يمكن خيره وصلاح لج من اتييبين طفل مشوه او فيه شي بس الواحد يقول الحمدلله على كل حال وانتي ماشاء الله مبين عليج ايمانج قوي الله يقويج ان شاء الله ويمسح على قلبج ويعوضج خير يارب العالمين، فلونة انا سمعت ان اذا اتعبين روحج وايد يصير جذي في البيبي حاولي تنبطحين وكله رفعي ريولج فوق ولاتمشين وايد يعني لاتهلكين روحج ،الفتاة وحنين مبروك دخولكم السابع وعقبال التاسع ، حروف عاشقة عجبتني القاعدة الي قلتيها وانا بنفسي حسيت فيها سبحان الله يوم افتر راس الياهل صرت نشيطة شوي عاد مو وايد بس يصيدني تعب طبعا ، وشمس الصباح كل عام وانتي بخير حبيبتي والله يخليكم حق بعض ويهنيكم تستاهلين كل خير ، ام حماني شكلها رجعت بيت ريلها الله ايسر امورها ، جني وايد هذرت بس لاني من زمان مادخلت واليوم انا اجازة ماعندي دوام ، شخبار الطباخ عندكم انا زوجي خاطره في معكرونة دياي بسويله
|
رد: ديوانية البحرين - دردشة حوامل البحرين - البحرينيات
هلا والله شمس
صباحج عسل ياقلبي انا بعد قاعده اشتغل بس اطل اجوف من رد وأرد عليه وكمل شغل |
رد: ديوانية البحرين - دردشة حوامل البحرين - البحرينيات
صباح النور ، شمس اانا دايما يصيدني شد بدى معاي من السابع اقعد زوجي من النوم لان ماقدر اقوم ويصيدني الم فضيع ، زوجي ياخذ ريولي ويرفعها على فوق بس يشدها من القاعه ولازم ماحركها واصير شوي زينة وساعات يصيدني واقوم امشي على طول بعد اصير اوكي الله يعينج على الشد وايد كريه
|
رد: ديوانية البحرين - دردشة حوامل البحرين - البحرينيات
هلا بنت الاياويد
عمتي خاطرها في سمج صافي نسوي لها ولايهمها |
رد: ديوانية البحرين - دردشة حوامل البحرين - البحرينيات
الله يعطيج الصحة والعافية ، خلصتوا اغراض البيبي خلاص؟ انا اقول حق زوجي من امس خل اروح بعد مذركير مجمع الرفاع اخذ لها لين تكبر شوي اثياب صيفيه دام بصكون المجمع وتخفيضاتهم وايد روعة قالي مرة ثانية بس اعتقد ان لي اخر الشهر وخلاص
|
رد: ديوانية البحرين - دردشة حوامل البحرين - البحرينيات
انا باقي لي شنطتين وأغراض استحمام
|
رد: ديوانية البحرين - دردشة حوامل البحرين - البحرينيات
انا خذيت بانيو من طابا وايد حلو ولونه بعد روعة على دينارين وشي وفيه منهم طقم كامل بستة دينار يعني كلشي فيه ،شنطة خذيت لها من فارنا بس وحده مع الفراش مالها طقم ب19 اعتقد
|
رد: ديوانية البحرين - دردشة حوامل البحرين - البحرينيات
استخدام العافيه يارب
|
رد: ديوانية البحرين - دردشة حوامل البحرين - البحرينيات
صبااح الخيرر
اول مرة اقعد هالحزة ،، خايفة يصيدني شي وانا راقدة مادري عن روحي طفلي حيااتي // زوجي مو راضي اسوي احين ،، يقول لي نطري عالاقل اسبوع علشان يمديج ترتاحين ويتغير وضع البيبي ،، احين ما منه فايدة الالتراسوند شمس الصباح // الشر ماييج وماتقصرين حبيبتي بنت الاياويد // اتصدقين كل من قال لي من التعب وانا ماريح روحي كلش يازعم للحين ماحس بالثقل وايد ،، وشقتي في الطابق الثالث وخبرج دري كل يوم انزل واركب وغير جذي يوم الجمعة كنت رايحة مجمع الرفاع باجوف التخفيضات الي قلتي عنها وكان زحمة وايد ،،افتريت ولا خذيت شي مب عارفة شنو الالوان الي باخذها وفي بالي انطر موعد الالتراسوند وما عرفت شنو البيبي ولا تطمنت عليه يالله الله كرريم |
رد: ديوانية البحرين - دردشة حوامل البحرين - البحرينيات
فلونه ان شاء الله البيبي بخير وما فيه شي
|
رد: ديوانية البحرين - دردشة حوامل البحرين - البحرينيات
الله يسمع منج فتاة وانا بدون شي اوسووس واحين الدكتورة قالت لي البيبي نازل
ولا انا اقولها عادي دشيت السادس ابي اطمن روحي بروحي لانه اهم مامنهم فايدة الا تقول لي لا مب عادي توج داشة السادس ،، مع ان انا اجوف بطني فوق شلون البيبي نازل مادري ،، |
رد: ديوانية البحرين - دردشة حوامل البحرين - البحرينيات
حبيبتي لا يهمج كلامهم اهم شي انتي تحسين بحركه البيبي
|
رد: ديوانية البحرين - دردشة حوامل البحرين - البحرينيات
فلونه الله يعينج بعد الطابق الثالث انا كان الطابق الاول ومن اوصل اشوف الموت بعيني ومنها غيرت الشقة لان اوردي كارهتها متنسيه فيها والحمدلله الرب مايقصر حصلت شقة ارضي راحة الحمدلله ،
ترى يمكن الدري له تأثير يعني حاولي تركبين مرة وحده او تنزلين مرة وحده وحاولي تريحين روحج يا انج تيلسين بيت امج فترة او بيت اهل ريلج شوفي انتي لج مكان مافي دري تمي على الاقل اسبوعين جذي وخلج كله رافعة ريولج ، انا يوم الدكتورة قالت لي الراس فوق واحتمال قيصري ماجذب عليج وايد كنت خايفة بس الحمدلله بالدعاء وكثرة الاستغفار وعندي زيت الزيتون خليت ريلي يقرى فيه وكل ليلة امش على بطني واقرى المعوذات والحمدلله الله مايخيب ظني الحمدلله والشكر ، الفال لج يارب بس مثل ماقلت لج ريحي روحج وحاولي حتى لو انتي قاعدة خلي ريولج فوق لاتنزلينها تحت والله يطمن قلبج يارب |
رد: ديوانية البحرين - دردشة حوامل البحرين - البحرينيات
وينكم؟صخيتو مره وحده
|
رد: ديوانية البحرين - دردشة حوامل البحرين - البحرينيات
ههههههههههههههه مرة وحده او يسكتون مرة وحده مافي حل وسط
|
رد: ديوانية البحرين - دردشة حوامل البحرين - البحرينيات
ههه شدراني
|
رد: ديوانية البحرين - دردشة حوامل البحرين - البحرينيات
نسيت اسألكم في ريش مال الشعر فيهم رازجي صناعي في احد شاف وين يبيعونهم من قبل؟ تشوفينهم جنهم صج رازجي بس اهو صناعي ؟
|
| الساعة الآن 07:42 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .