|
رد: حبيباتى سيدات ليبيا تفضلو لأعرف ما حالكم
ههههههههههههه ضحكتيني من وسط قلبي ياهدية بعد حكيتي ع الدببه
ربي يكون في عونكم انا من كثر مانحضر ف افلام اجنبيه دايرنهن رعب وهكي كان انحق واحد في طريقي الا ما انطيح انطب ساكته هههههه |
رد: حبيباتى سيدات ليبيا تفضلو لأعرف ما حالكم
ام فراس لما حملتي بنتك كم كان عمر وليدك
|
رد: حبيباتى سيدات ليبيا تفضلو لأعرف ما حالكم
اقتباس:
وفي طفل واكله دب وعجوز صينية رايحة متوقعينها يكون وكلها |
رد: حبيباتى سيدات ليبيا تفضلو لأعرف ما حالكم
اقتباس:
الحق لقيت عنده رقمي 44 لكن لأن موديل الفستان من جهة البطن والأرداف يلصق والشحوم عندي هاليومين بارزة ومنحبش نهائيا نلبس حاجة تفصل جسمي تفصيل فخديت 48 وتوقعت أنه يجي مش حلو لكن كويس أني خديت أكبر برقمين لأنه غطــــــــــــــــــــى جميع العيوب ......... مع أنه مافيش عيوب خخخخخخخخخخخخخ وسألته هل عنده جميع الأرقام لأنه عجب صاحبتي قاللي إيه وحتى في المخزن موجود ~~~~~~~~~~~ س / أمك مواليد قداش جنووووووودة ؟؟ اللي بتلبس زي قفطاني ؟؟ إهيء إهيء ربي يحفظها نمزح معك بــــــــــــــس يشرفني نلبس زيها ~~~~ اقتباس:
اقتباس:
وأعجبني فيك ........... مثابرتك على إرسال الرسائل بالرغم من أنه لا يرســــــــــــــــــــــل ولتعلمي أنه بإنتظار رسالتك ،،، وإن لم يبادلك الرد فاستمري في تعطيره بطيب كلامكــــــــــــ وأعجبني أيضا إهتمامك بنفسك وانتباهك لهندامك فرّحك الله بذرية طيبة مباركة معافاة في القريب العاجل اقتباس:
الله يهنيكم ويباركلكم في ذريتكم حلوووووووووووووة حكاية التسخين والتلميح ............. ليها نكهة يحتاجها الرجل ،،،،،،،،، كما تحتاجها المرأة لكي تبدعي مع زوجك انشغلي خلال ذلك اليوم بالإيحاء النفسي كي تكونين ملكة معشووووووووووووقة لم توضحي لنا مقدار سؤاله عنك ؟؟؟ اقتباس:
ويعقد العسل بينكم إمممممممممممممم مبارك القصة أنا من المغرمين بالقصات فإنني أراها من أفضل الطرق لتغيير الشكل منذ أن كان عمري 11 سنة وأنا شعري قصير لما انخطبت كان شعري دوووووب ما يغطي الرقبة فكان بحثي عن كوافيرة حاذقة تقدر دير تسريحة بهالشعرات غير اللي ساعدها أنه كثيف ولله الحمد اللهم بارك حفظ الله لك زوجك ولا أذاقك له شوقا ،،،،،،،،،،،،، ~~~~~~~~~~~~~~~~ وين رد سوسو اختفى ؟؟؟ سأعلق علك سوسو مرفقا بإجابتي أنا ونحن بإنتظار إجابات الآخرين ودمتن بود حبيبااااااااااااااااااتي |
رد: حبيباتى سيدات ليبيا تفضلو لأعرف ما حالكم
وينكم ام فراس وجنوده ؟؟؟
شكلكم رقدتو حتي أني سلامتكم سوما رقدت ومنستغل الفرصة منرقد معاها شوي كان جاني النوم وكان هذا منوض نفكر ماندير للعشي سلامااااااات |
رد: حبيباتى سيدات ليبيا تفضلو لأعرف ما حالكم
اقتباس:
كان عمره اربع شهور ... صغير ياروحي بس حاولت مانقصرش معاه بكل ف كل شئ ف العناية والاهتمام ماعدا الرضاعه الطبيعيه فطمته لانها مش ح تفيده خلاص بم اني حملت والحمدلله ع كل حال من اول ماطق 5 شهور بديت معاه بنظام غدائي كل شهر انخششله ف حاجات جدد حسب مايتقبل عمره عشااان نقويله مناعته ونفيده بكل انواع المعادن والفيتامينات ... وعطيته السيريلاك من نستله عشان غني بمادة البروبايوتيكس مهمه جدا... والحمدلله ع كل حااال .. اهو جبتله بنوته يلعب معاها وتونسه ويكبروا مع بعض |
رد: حبيباتى سيدات ليبيا تفضلو لأعرف ما حالكم
تساءل دائما ما هو الوقت المناسب لقص شعرنا، وهل هو بحاجة أم نتركه ليزداد طوله؟
يتطلب الحصول دائما على شعر جميل وصحي عناية خاصة. واذا كان شعركِ متلفا ولا يحتمل الانتظار عليكِ الذهاب فورا عند مصفف الشعر لقصه ولو لخمسة سنتيمترات، واذا لا يحتاج للقص اكتفي فقط بسنتيمترا واحدا أو اثنين. ومن الأفضل سيدتي قص أطراف شعركِ كل شهرين. الحالات التي تلجأين فيها الى قص شعركِ: - عندما يتحول مظهر شعركِ إلى الشكل الأشعث المسطح بسبب تشقق أطرافه ، لذا يجب تقليمها حتى يستعيد وضعه وسمكه وشكله. -عندما تصاب أطراف الشعر بالتشقق فيؤدي ذلك إلى مزيد من العقد والتشابك مما يصعب تمرير المشط أو الفرشاة وتسريحه بسهولة. -عندما يبدأ شعرك في النمو متخذا شكل شجرة الميلاد (christmas) أسفل ظهرك، فهذا وقت مناسب للقص. -عندما يحتاج شعرك إلى استخدام كميات كبيرة من المستحضرات الخاصة به والسيشوار في المنزل ورغم كل هذا لا يتحسن مظهره فهذا على الأرجح الوقت المناسب لقصه والتخلص من مظهره التالف. |
رد: حبيباتى سيدات ليبيا تفضلو لأعرف ما حالكم
اقتباس:
وطبعا لما يكون في الجامعة صعب عليا او عليه أنه نتواصلو هلبة بسبب أنه يكون مع الدكتور ومشغول أحيانا أني نبعتله رسايل شوق بس مش هلبة علشان ما نلهيشي عالدراسة وحتي لأنه يضطر يرد عليا وينشغل معاي ولما يروح للحوش نستقبله باحلى منظر وبابتسامة ولو معاه أكياس او حاجة نأخذهم من ايديه ونسأله شن جوه وكيف حال دراسته ونوتيله العشا وبعدها نقعمزو مع بعض نهدرزو ويقولي احكيلي شن درتي اليوم ومرات نلعبو بألعاب عالكمبيوتر واني زوجي مشكلته خجوول ميعرفش يقول كلام حلو ولا يعبر عن حبه الا بالفعل بس الحمد لله نحسه أحسن أنه ما يعرفش يقول كلام حلو خير ما نقعد نغار ونحرق في دمي وخصوصا اهني جو الاجنبيات واللبس يخلي الحجر ينطق ههههه ربي يستر علينا وخلاص بارك الله فيك موضوع حلو ومفيد يستاهل الطرح ربي يخليلنا أزواجنا ويعينه ويقدرنا علي أرضاهم والقيام بواجبتهم |
رد: حبيباتى سيدات ليبيا تفضلو لأعرف ما حالكم
اقتباس:
باهي الحمد لله علي كل حال كويس غلطة وجت في صالحك جبتي الاتنين ورا بعض وارتحتي ربي يخليهملك ويرزقك برهم معناها توا أني بنتي عادي ستة شهور نحمل واني مرتاحة وخصوصا هيا مسيكينه ما ترضعش مني الا في الليل بس يصير خير ان شاء الله تو نستخير بادن الله ونزيد نشوف روحي واللي فيه الخير يجيبه ربي |
رد: حبيباتى سيدات ليبيا تفضلو لأعرف ما حالكم
اي والله لبسهن بكل كاسيات عاريات والحمدلله زوجي غاض بصره ...
وحتي ان منقرف منهن مرة ايامات الفندق والله بدون مايقولها حسيتها ف عيونه خشت الهاوس كيبنق تنظف في السويت لابسه قصير وكات من فوق وجسمها تقول محروق من النمش زوجي غاض بصره ومع ذلك قالي قريب انرجع من منظرها |
رد: حبيباتى سيدات ليبيا تفضلو لأعرف ما حالكم
اقتباس:
الحمدلله ع كل حال .. اللي كاتبه ربي بيصير انت تريد وانا اريد والله يفعل مايريد والحمدلله ربي انعمني بهدوء وسكينه ابني ايام حملي ماتعبنيش حبيبي الصغير عكس الولي توا هههههههه موريتني النجوم ف عز الظهر وصعبه اشوية ف النوم حتي وهذا ليش ساهره انا توا... قبل زوجي معاها بس وجعني حراام قرايه توا كملت عطلته والولي ترضع طبيعي فقط.. |
رد: حبيباتى سيدات ليبيا تفضلو لأعرف ما حالكم
امــــــــــــــوله لها فتره ما خشت .. ان شاء الله خير
|
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
صباح العسسسسل يا حلوات
نهاركم سعيد توا عندنا الساعة 12ونصف ليلاً منحش نرقد غير قلت خلي نشوف مني نايضة فيكم نحس في روحي كسولة ودايخة من الجو نوو بكل ورطوبة واحياشهم اهني مافيهنش تكييف الله يهديهم والله منموت سااااخنة خشيت دوشت قلت بالك نبرد شوية والله مافي فايدة ربي يعين وخلاص الحمد لله سوما رضعت ورقدت واني لاحقتها سلااام |
رد: حبيباتى سيدات ليبيا تفضلو لأعرف ما حالكم
السلام عليكم ورحمه الله وبركاته
دهشت من كثر الصفحات تبارك الله ومشكورات حبيباتي اللي فقدوني |
رد: حبيباتى سيدات ليبيا تفضلو لأعرف ما حالكم
يومي كله مشغول امس من الصبح في حوش بوي خلاص ليها سلفتي 8ايام امس قلت اكيد حتنوض اتقوم بواجب امها لكن
لااااااااااااااااااااا عزوزتي مسكينه كانت عندي وتشكي منها طبعا انا انقوللها عادي وتو اليوم ادير ووووو انحاول انهديها وامها اليوم روحت وعزوزتي قالتلي من غير عصير وشكلاته والشاي والحلويات معادش اتمسي شئ هههههههههه ربي يهديها مع انها امس تبيني انروح العشيه انطيب وانا كنت بنروح غير بوي حبيبي ضغطه مرتفع شوي مارتاحش بالي وراجلي فطر مع خوي يوم التلاثاء كان اسبوع الولد ذبحوله وحلقوه وطبعا جيجي وحلت في اللحم هو جابه مقطع لكن شن كيسهولي ورتبته ودرتلهم طنجره قلايه وطيبت العشيه كسكسي وسلاطات وبطاطا مقليه امها طلعت صايمه كان هدا راني طيبت في حوشي وبعتت هكي اريح وعزوزتي حلفتلي عالكرشه او الدواره نضفتهم قريب ماتت فيهم في الشمس بره وانا رنوده جننتي وولاد عمها سلامتها يضربوا فيها احترت شن بندير انشدها جنبي اتولي تبي تلعب ولقيت حوش بوي امس ذابحين بوي قال لخوي المهم حست معاهم ودرت قلايه وشوينا وبوي الغالي جنبنا وخواتي كلهم جو كان الجو يهبببببل الله لايحرمني من لمتهم ياااااااااارب الخميس الجاي عندي حفله بنات زوز غاليات علي صحباتي ايام الجامع وفي الحوش ومن غير موسيقي لكن ماعنديش نيه بكل وبوي ليه شهر ونص بس مريض مازال لاحقه عالطلوع وفي نفس الوقت محتاره دوتي كالعاده هلبه بندوش لرنوده وبنكمل حوسه حوشي عندي مسح وتلميع ودولاب دار النوم بنرتبه من جديد وبندوش اني وبنبدا في الفطور خصوصا ان خاله راجلي بتجئ تفطر عندنا وبتبارك لسلفتي بس حنطيب في حوشي ونمشي قبل المغرب سلام ياغوالي توه |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
كيف حالكم قبل كل شىء أنا زعلانةمن فرووووووووسة |
رد: حبيباتى سيدات ليبيا تفضلو لأعرف ما حالكم
عليش زعلانه ..؟
|
رد: حبيباتى سيدات ليبيا تفضلو لأعرف ما حالكم
كله الا زعلك سوسو
|
رد: حبيباتى سيدات ليبيا تفضلو لأعرف ما حالكم
اخواتي الغاليات
ام فروسي \سوسو\جي جي \ام اجنادين \اوشي \اثري كيف حالكم ياغاليات ان شاء الله تكونو بالف خير يارب ومرحبتين بهداية الحلوة منورة التجمع اني نفسيتي تعبااااانه الايام هذه في موضوع شاغلني ومظايقني ع الاخر مع انه كنا سياحة في مدن اخرى غيرنا جو لكن في داخلي زعلاااانه حابه نحكيلكم لان نثق في حسن تفكيركم وخبرتكم في الحياة بس مش عارفه كيف نحكي يارب اهديني ويسر امري والله غالب |
رد: حبيباتى سيدات ليبيا تفضلو لأعرف ما حالكم
مبروك القصة فرووووووسة بس أنا لسة زعلانة
وبالنسبة ليا شعرى تعبان ومن غيظى فكرت المدة الفاتت نقصه لوذانى بعديت خزيت الشيطان وشعرى مش طويل يعنى مابين تحت اإلإبط ومابين وسط الظهر وزوجى يموووووووووت فى الشعر الطويل وأنا حتى لو نقعد سنة شعرى مايطولش فيسع |
رد: حبيباتى سيدات ليبيا تفضلو لأعرف ما حالكم
كيف حالك هداية وشن جوك
وإحكيلى بالتفصيل شن صار فى اللمة وكيف حال راجلك وبنتك اقتباس:
ووووووووووو والعرس ألأسبوع الجاى مش توا هههههه ماتضحكوش عليا خخخخخخخ |
رد: حبيباتى سيدات ليبيا تفضلو لأعرف ما حالكم
اه حبيبة قلبى الغالية أمولة
لابأس إن شاء الله خير فضفضيلى ياعمرى |
رد: حبيباتى سيدات ليبيا تفضلو لأعرف ما حالكم
اقتباس:
يتبع... |
رد: حبيباتى سيدات ليبيا تفضلو لأعرف ما حالكم
اهلا اخواتي من جديد
امولة نورتينا ... وخير ان شاء الله شغلتيني عليك |
رد: حبيباتى سيدات ليبيا تفضلو لأعرف ما حالكم
يللا ربى يهون عليك أمولة
فروسة أنا زعلانة لانك أمس تهدرزى ماشاء الله اللهم لاحسد وماقلتيش تفضلو حتى بالكذب فى مسابقة بحر العيون والله كان بودى نحضر الهدرزة السمحة ماتحرجيش منى بس زعلت تمنيت نكون موجودة اهىىىءءءءء مبيبة شوية الله غالب |
رد: حبيباتى سيدات ليبيا تفضلو لأعرف ما حالكم
اقتباس:
الشعر عادة يطول في الشهر سم .. ولا ماطولش معناها نفس ماقالتليلي اللي قصتلي ان الشعر من كثر التقصف معش يطووول ويقعد يتقسم وبرقي التقصف لفوق |
رد: حبيباتى سيدات ليبيا تفضلو لأعرف ما حالكم
اقتباس:
القروب لي ف مسابقه بحر كنت واخده عليه من ايامات ليبيا والفندق ايامات مسابقه ام ارجواااان لمن العباره... فا مفهمتش بجد؟؟؟ ولو ع مسابقه بحر العيون كيف بادية مالهش 3 ايام وامس انتي ماكنتيش فاتحه وقت المسابقه كانت هدايه بس موجودة.............؟؟ وعموما في مسابقه وردة بتبدا اليوم ف القسسسم الاسلامي..... وعندها مسابقه اجمل ديكور منزل وعادة يخطوا في اعلاناات المسابقات ديمااا في التجمع فا شن ذنبي نا ينزعل مني؟؟؟......... |
رد: حبيباتى سيدات ليبيا تفضلو لأعرف ما حالكم
يلا نستأذن حبيباتي...
بنعدوا لصاحب زوجي مراته جايبه اوليد من نص رمضان... |
رد: حبيباتى سيدات ليبيا تفضلو لأعرف ما حالكم
نبي نفضفضلكم ومعليشي تحملوني لو طولت لكن قتلني السكات والدموع اني زوجي انسان طيب وحنين وخلوق ويحبني بصدق وجربت في هلبا مواقف ولقيته جنبي وبصدق بس لايخلو الانسان من العيوب اني كان حلمي بيت صغير مستقل بسوره ونعيش اني وياه مرتاااحه بس هو كبير العيله وبوه مريض من زمان وهو تحمل مسؤلية اهله كأنه بوهم مع انه مهندس نفط لكن ماقدرش يتزوج لين زوج خواته كلهم وعالج بوه وتحمل مسؤلية العيله وبعدها بدا يبني ودار حوش ماشاء اللعه كبير وزي العسل لكن امه شرطتت قتله نبي نسكن جنبك ابنيلي قبل ع خاطر حوشها قالت قديم ويبي صيانه المهم بنالها حوش صغير في نفس صوري وقبل العرس قتله ارفعني عمره ورفعهاوتخيلو واحد خاش ع عرس بمجهوده الذاتي فقط يعني مفروض استقرار ولدها اهم المهم ماقدرش يكمل الحوش كله خلاه ع الزواق وخدا جناح بس كمله وتزوجنا فيه وفي العرس جابولي كسوة وذهب اقل مايمكن هو مقدراته لكن امه بالذات كان بأمكانها تساعده لانه من يوم مادار مرتب وهو راجعلها المهم في عرسي مشت شرت تاكم وحرير لروحها ومن رابع يوم العرس واني بحنتي دخلتني للمطبخ نطيب للعيله كلها بروحي وفي العرس والثالت والاسبوع دارتلنا مشاكل واهلي تحملوها فوق من النفس المهم وشرطت لازم لما تطلعو تقولولي واي حاجة تخش لحوشي والله حتي فطور الصبح لازم يجبلها قبلي مع العلم هي بمرتبها وعندها اربع شباب يخدمو وعزابه بس هي هكي المهم بنحاول نختصر والله العظيم خلتنا ع الحديدة ديما تطلب في فلوس وتوصي ع القضيه وكله من زوجي اني عشت اكره شهور ماحسيتش روحي عروس كل ماديرلي حاجه نخش نبكي وخلاص متقيده لانطلع ولامستقله ولما سافرنا خديت معظم اثاث الحوش وخديت لابتوب زوجي وخدت معاهم فلوس مرتبه نزلو بعدنا وصوري مدايره فيه جداول خضرة ومخازن ومخلياته حاله وحوشي حاليا تستعمل فيه علي مانوصفلكم استغلاليتها لينا مانقدرش رغم انها مش محتاجه ومن لما تزوجت بدت تلبس ع الموضه وتمكيج في المناسبات والحنة ماطيرش منها والله تقولو عروس هي مش انا رغم انها كانت تلبس في شاربات كبار وجلباب فقط توا تغيرت وللاسف لما صرتلي مناسبات والله اهلي بروحهم الي وقفو جنبي وهي زي الضيفه المهم حسيتها هي سبب تعاستي كلها
|
رد: حبيباتى سيدات ليبيا تفضلو لأعرف ما حالكم
اني فرحانه انه زوجي بار بوالديه لدرجة مستحيل يرفضلهم طلب نهائي من لما صغير بس ابو زوجي مقدر هالشئ وربي يحفظه طيب ويحبنا هلبا بس ام زوجي استغلت هالوضع واعتمدت عليه في كل صغيره وكبيره نست خوته وحطت الحمل كله عليه وتوا مشكلتي خلال دراستنا هنا ماشاء الله مرتبنا كويس وع اساس بنحاول نقتصد باش لما نروحو نكملو حوشنا ونرتاحو وهي زوجي يقولي وحسيته بدا حريص مش زي قبل رغم انه مش مقصر معاي لكن حسيته يحاسب ع الصرف بطريقه غير مباشره وانا قلت باهي كويس لمصلحتنا بس المده الي فاتت بعت جهاز ايفون غالي لخوه وقاله بيعه في ليبيا ودير بيه حاجة في حوشي قالي نبي كل مرة نبعت ويكمل الحوش بالشويا طبعا سمعت بيه امه طول قتله نبيه الايفون هديه رغم انه عندها هاتف جديد يعني 800 راحو ع الفاضي وهو طول قالها عادي خوديه وبكري صدفه شفته باعت لخوه رساله هدوما ارقام حسابي ولو تبو تحولو فلوس قولولي نبعتلكم؟؟
بصراحه اتنرفزت يعني هو يبيني نقتصد ونلقط باش يبعتهم لاهله والله خلاص وهما خوته يبنو ويفتلكو في حياشهم وماشاء الله مرتباتهم قويه مش محتاجين اني يابنات حسيت روحي بلا قيمه اني ماشتغلتش بعد تخرجي رغم انه تخصصي طب وسيبته وقعمزت في الحوش وخلاص وحاليا اني ربة بيت واجبي نطيب ونغسل وخلاص ولما نحتاج حاجه نطلع ونشري وهو يخلص عليا وان شاء الله لما بنروح بنرجع للحياة الي عشتها صوري مش قادرة ناخد راحتي فيه مع انه كان حلمي ندير جنان وحديقه حلوة وزوجي بيرجع يتحمل كل المسؤليات وبتستغلنا امه تاني هي توا البرا ومش مخليتنا في حالنا اني غلطانه والا مش عارفه حبيت نفضفض وخلاص تمنيت روحي نعيش بشكل بس للاسف شفت شكل تاني حرام عليا مانكفرش العشير وزوجي فضله فوق راسي بس عيبه ع حساب سعادتنا وراحتنا يرضي في اهله وكل شئ يزيد عن حده ينقلب ضده والا شن رايكم؟؟ اني نبي نكلمه بس مش عارفه كيف هو يحسابني ماعنديش علم بالايفون والفلوس؟ |
رد: حبيباتى سيدات ليبيا تفضلو لأعرف ما حالكم
اقتباس:
الله يعينك أمولة ويسامحها وبس شن تبي منكم هادي بدل ماتفرح لسعادة ولدها وتعاونه هيا بالعكس تزيد تستغل فيه شن بتقولي هي ؟؟!!!!!!!! عموما هيا المشكلة انها امه ومايقدرش يدير معاها شي ولايغير في الوضع شي وخصوصا قلتي انه طيب هلبة وبار بوالديه ومتحمل مسؤوليتهم من صغره لكن غلط يصرف عليهم علي حساب نفسه وعلي حسابكم انتم وخصوصا عندكم بيبي جاي في الطريق ومسؤليات مفروض يحط الحاجات هادي في اعتباره وانتي حاولي تناقشيه بهدوء وبدون ماتحسسيه انك مضايقة من امه اومن تصرفاتهم لان في النهاية هادي امه ومايرضي شي فيها حتي لو هيا الغالطو والحمد لله هادي نعمة البر ان شاء االه ربي حيعوضه ويعطيه علي قد نيته وبره باهله وانتي معادش تخممي وتبكي وترعشي روحك انتي حامل ويأثر علي نفسيتك وعلي الجنين سلبا عيشي حياتك وحاولي تستمتعي بوقتك واستغلي فرصة بعدكم عليها وريحي راسك منها شوية وان شاء الله بالك لما تروحوا وتشوف حفيدها ربي يهديها وتحن علي ولدها وتراعي ظروفه وانتي ادعي ديما انه ربك يهديها وصلح حالها وترأف بحالة ولدها وعلي فكرة حركة التفتليك اللي بدت فيه لما تزوجتوا (غييييييرة) وخصوصا لو كانت صغيرة نعرف هلبة عزايز يديروا فيها اللقطة هادي لما يشوفوا كناينهم حلوات ومفتلكات يغاااارو لكن هي الله يهديها شيبانيها زي ماقلتي مريض الله يشفيه عموما اسفه عالإطالة ونتمني انكون ساعدتك اوخففت عليك شوية وربي يصلح الأحوال |
رد: حبيباتى سيدات ليبيا تفضلو لأعرف ما حالكم
إمتعينى بيجو الليلة إن شلء الله
فروسة إن شاء الله ماتكونيش زعلت منى ممكن أنا تسرعت فى كلامى بس مايلوم عليك غير يللى يحبك |
رد: حبيباتى سيدات ليبيا تفضلو لأعرف ما حالكم
اقتباس:
أمه قاتله عطيهيلي اكيد حيعطيهلها ما عنداش كيف يدير تو لو هوا شراه مقصود ليها ممكن تلوميه لكن هوا انزنق وماعنداش خيار تاني أما لقطة الفلوس بصراحة عندك الحق تزعلي فيها لأنه لو أمه عرفت مش حتخليلكم شي استغفر الله استغفر الله ما نبيش نظلم لكن اكيد تقولك ما نبيش نخليله شي غادي علشان ما يصرفش عليها غادي بدون علمي هذا حسب ظني والله أعلم لكن أني والله الا فهمت شخصية عزوزتك وتفكيرها لأنه في منها نماذج هللللبة حتي اختي مسكينة مبتلية بوحدة زيها بس هي وضعها أصعب لأنها عايشة معاها في نفس الحوش علشان رجلها رأس وليد ما عندهاش غيره حتي بنات |
رد: حبيباتى سيدات ليبيا تفضلو لأعرف ما حالكم
اقتباس:
صار بيانسوك أهلك الليلة كويس يابختك مستاحشة تقعميزة مع أهلي وكل ليلة نحلم بيهم ربي يجمعني بيهم قريبا علي خير |
رد: حبيباتى سيدات ليبيا تفضلو لأعرف ما حالكم
اسفة سوسو فهمت غلط اللي بيجوك حوش شيابينك مش أهلك واللأ ؟
معليشي فهمت غلط من كثر ما مستاحشة أهلي حسدتك نحساب أهلك بيجوك هههههه |
رد: حبيباتى سيدات ليبيا تفضلو لأعرف ما حالكم
وامتاعينك بيجوك أنتي والا كانو مسافرين وبيروحو الليلة ؟
معليشي لأني تلخبطت صايمة هذا علاش هههههه |
رد: حبيباتى سيدات ليبيا تفضلو لأعرف ما حالكم
وينكم اليووم مكسدة الحكاية
|
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
|
| الساعة الآن 07:30 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .