رد: تجمع حوامل الكويت (( حياكم كويتيات ))
 

رد: تجمع حوامل الكويت (( حياكم كويتيات ))
 

السلام عليكم........
ابشركم انا ولدت بالسلامة الحمد لله والمنه بعد معاناة 15 ساعة لكن ربي حفظني بحفظه وهو خير الحافظين. كانت بداية ولادتي يوم الجمعة 24 الساعة 6 صباحا نزل علي ماي وبعدها رحت للصباح ساعة 8 صباحا قالولي مافي توسع بس دخلوني على اساس طلق صناعي
وبعدها عطوني تحميله للرحم وبعد مرور 5ساعات عطوني تحميله ثانيه وهذه انو كل شوي فحص تشققت من كثر الفحص!!! وبعد مرور 12 ساعة من المعاناة انفتح معي الرحم بس 3 وانا اطلب منهم الله يخليكم عطوني طلق صناعي وهم يقولون نصبر شوي وانا اتعذب لان في طلق يروح ويجي بس مافي توسع....وانا ادعي ربي واطلبه واهلي مشغول بالهم علي ؟؟؟؟ عطوني الساعة 11ليلا طلق صناعي بس كمية قليلة وبعدها قعت اصارخ واقول عطوني طلق ابي اولد حرام عليكم زادووو الطلق وولدت بعدها بنصف ساع40\1 صباحا 25\9\2010 ولله الحمد جبت احلى ولد بالدنيا...........ومحتارة بالاسم بين عبد الرحمن او يوسف
وهذه قصة ولادتي ومشكورين ع الدعاء لي وربي يسهل ع جميع الحوامل

رد: تجمع حوامل الكويت (( حياكم كويتيات ))
 

مرحبا شلونكم
انا صديقه يديده وحامل بالشهر الخامس

رد: تجمع حوامل الكويت (( حياكم كويتيات ))
 

اشيل الهم;الف مبروك ويتربى بعزكم انشاءالله
ولدتي بالصباح ولا وين وقوليلنا عن ولادتهم

رد: تجمع حوامل الكويت (( حياكم كويتيات ))
 

أشيل الهم :الف مبروك و حمدالله على سلامتكم انتي و البيبي يالله انتم السابقون و نحن اللاحقون وترى الاسمين حلوين وعلى قولة امهاتنا ((يا طلقه منسيه)) خخخخخخ
بمبوش:حياج الله
زود الغلا: الله يسلمج حبيبتي

رد: تجمع حوامل الكويت (( حياكم كويتيات ))
 

شلونكم بنات ولهت عليكم انا الحمدلله احسن وايد و الماي قاعد يخف بالتدريج الله يتمم على خير.
اشيل الهم :مبروك اللافي واذا انتي بالصباح انا موجوده تبين شي قولي. حلوين الاسمين بس عبدالرحمن وايد حلو لأن انا ودي اسميه.
بمبوش: حياج الله حبيبتي الله يتمم عليج
حبيبة مشعل: شلونج والله انا جربتهم قبل خمس سنوات كان عليهم ضغط و ما يعطون ويه. بس الحين ماشاءالله وايد احسن على طول دخلت من الطوارئ و حطوني تحت الملاحظة و اربع دكاتره فوق راسي وبعدها ودوني الجناح و كل يوم تخطيط و تحاليل من الصبح و احس ان الضغط قل عليهم فصاروا احسن بس الولادة ما جربتها انشاءالله بس اولد بالسلامه اوافيج بالأخبار

رد: تجمع حوامل الكويت (( حياكم كويتيات ))
 

واي توأم روحي الله يعينج على النومه هناك يالله بس عيالج يستاهلون التعب الله يقومج بالسلامه.

رد: تجمع حوامل الكويت (( حياكم كويتيات ))
 

السلام عليكم

انا ضيفه جديده علي تجمعكم الحلوو

وحامل بالشهر الثالث وفيني توائم

بنات ودي اراجع بالصباااح وانا تبع الفروانيه

شلون الطريقه؟؟

رد: تجمع حوامل الكويت (( حياكم كويتيات ))
 

ام ياسمين : اي والله الله يعين بس على قولتج اهم شي سلامتهم الحمدلله على كل حال.
نبض الكويت: حياج الله حبيبتي

رد: تجمع حوامل الكويت (( حياكم كويتيات ))
 

السلام عليكم ..
انا ضيفه جديده .. وان شاء الله اكون خفيفه عليكم
كنت ادور بالنت على مواضيع للحوامل وشدني وااايد المنتدى لاسمه .. الحمد الله انا حامل وهذا طفلي الأول بعد 6 سنين من زواجي .. والحين انا والحمد الله بالشهر السابع .. والله اسهل علي ان شاء الله بالشهرين اليايين .. ادعولي بنات