|
رد: تجمع الأمهات اللاتي سيلدن بشهر *ربيع الثاني* 1433
امييييييين
|
رد: تجمع الأمهات اللاتي سيلدن بشهر *ربيع الثاني* 1433
أمين يارب وتفرجها من عندك يا حي ياقيوم
|
رد: تجمع الأمهات اللاتي سيلدن بشهر *ربيع الثاني* 1433
صباااح الخير
والف مبروك احساس والحمدالله على سلامتج الله يرزقج بره ويصلحه ويجعله قرة عين لكم هلا وغلا بروق والف مبروك والحمدالله ومايشوف شر العريس الله يقومه بالسلامه ولاتخافين الصفار هين والكسر بهالعمر يجبر بسرعه ماياخذ ايام بس مستغربه شلون اكسروه لان المواليد اعظامهم سبحان الله تكون مرنه مو قاسيه مثلنا جعل ربي يحفظه لج * |
رد: تجمع الأمهات اللاتي سيلدن بشهر *ربيع الثاني* 1433
انا والله يادوب لحقت على الصفحات*
وكل مابطل المنتدى ادش اقرأ واقول اقرأ وبعدها ارد* ويجيني النوم واتحضن ايبادي خخخخخخخخخخخ* كان ام عزوز سالتني عن الكريم اذا مو ناسيه كريم حق التسلخات الي جت لي من تحت *لا اسمه بيتازون* قد عطوني بداية حملي اليكام بس احس هذا افضل من اول استخدام بين مفعوله* ام شووق انا نفسج نزل علي الجمعه افراز شفاف ومعه افرازات بيضاء واحيانا بروحه* وانتي نفس حالتي في ولادتي السابقه ماتنفجر عندي المويه الا قريب وقت خروج البيبي وهذا الي خوفني رحت وسويت سونار وقالوا المويه معقوله لان بولدي صارت قليله وسووا لي تحريض وطلق صناعي* يلااا جعل ربج ييسرها علينا وويسهلها* وبعد قريت وحده ماني ذاكره اتوقع ام عزوز تسال عن فوط لوتس* انصحج فيها خصوصا اول الايام ماعليج منها بدون اجنحه ولزق* هي تثبت تلقائي مايحتاج صدق كبيرة بس ترا تريحج على الاخر وحلوة لحد مايخف الجرح* لان العاديه الي نستخدمها بالدورة عن تجربه تعور بالخياطه تلزق فيها وتحكها لج وانتي مو ناقصه كل شوي الحمام وانتن بكرامه والا تسحبين بالكلوت* لكن لوتس تظل بعيدة عن الخياطه وتريحج انا استخدمها لحد ماتطيح الخيوط او يلتئم الجرح وبعدها يكون خف الدم عندي واستخدم مالت الدورة العاديه* بس انتبهوا من الويز يابنات حتى لو مناسبه لج انا ماكنت اصدق وكانت زي الحلاوة معي ومن سنه ونص *بس بدأت فيني بلاوي الله لايوريكم التهابات وحكه وفطريات ولا كانت تجي الا ثالث يوم بالدورة واوقفها واستخدم غيرها والحمدالله مع العلاج خفت كل الالتهابات والمشاكل* |
رد: تجمع الأمهات اللاتي سيلدن بشهر *ربيع الثاني* 1433
يلا بنات انا باقوم اصلي وادعي لنا
واقعد اعيالي لمدارسهم واضح ان كل كروشه لامه كرشتها ونايمه هههههههههههههه يلا اشوفكم وقت ثاني |
رد: تجمع الأمهات اللاتي سيلدن بشهر *ربيع الثاني* 1433
صباح السعاده والاخبار الطيبه
المقطع رهيب ويحمس وانا مصدقته ترى الوحده تقدر تتحمل وشفت عالطبيعه وحده جنبي ولدت عالصامت وربي ماصدقت وقلت اللي صبرها ان شاء الله بيصبرني وفعلا تحملت والمره ذي بتحمل والاجر عند الله بلا صراخ وبلا دلع كلها ساعات وتروح يارب هون علينا |
رد: تجمع الأمهات اللاتي سيلدن بشهر *ربيع الثاني* 1433
شهرزاد
طمنينا عليك يالغلا ان شاء الله خير |
رد: تجمع الأمهات اللاتي سيلدن بشهر *ربيع الثاني* 1433
سهاد
حلوه قصتك فعلا لازم تكون ثقتنا بالله كبيره |
رد: تجمع الأمهات اللاتي سيلدن بشهر *ربيع الثاني* 1433
صحيت عالمغص خفيف
وقلت خليني استنى الصلاه وبالمره امركم واشوف اخباركم ام مناير الله يسهل عليك ويرزقنا الولاده الميسره |
رد: تجمع الأمهات اللاتي سيلدن بشهر *ربيع الثاني* 1433
صبـآح التامل وصبـآح التوكل ع الله
كيفك أم شوق تصدقين بالله عاد انا جالسه أفكر وافكر ودوبي أكتشف انه ذا اخر اسبوع لي في التاسع ان شاءالله ربي يعديه ع خير واولد من غير لا تحريض ولا طلق صنـآعي عاد التحمل سبحان الله الواحد مايدري وش يسير معاه وماني متخيله نفسي كيف بيكون وضعي وقتها لكن اسال الله الكريم رب العرش العظيم أنه يرزقني صبر وقوة تحمل من حيث لا أعلم ولا أحتسب والجميع يارب يارب انه يرزقنا الاجر والعافيه ع كل اللي مرينا فيه و يعفو عنا ويستر علينا يارب ويرزقنا الفرج اللي مابعده هم ولا تعب يا ارحم الراحمين الا يا ام مناير وشلون وضع التحريض انا قالت لي اذا ماولدتي السبت راح اسوي لك تحريض :( لكن اسال الله الكريم رب العرش العظيم أنه يرزقني ولاده سهله هينه لينه سهله طبيعيه قبل يوم السبت يارب قبل مااخلص التاسع يارب |
| الساعة الآن 04:38 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .