المشاركة الأصلية كتبت بواسطة روعة النسيان (المشاركة 2459195)

ولدي الله يهديه 3سنين ونص
عدو نفسه

المشاركة الأصلية كتبت بواسطة mishael (المشاركة 2459159)

والله ياأم اسكندر ودي بالعمره بس اذا فكرة فيها العام بالطواف ومافيني بيبي اغمى علي من الخنقه والله بغيت اموت وبهذلة زوجي معي
،،انا احس انك حامل فبنوته الله يناولك اللي فبالك ويجيبها بالسلامه

المشاركة الأصلية كتبت بواسطة Marawy (المشاركة 2453226)

مجنونته ،، (اميرة الورد)،،
هلا فيج بيننا ،، شلونج وشلون النونوات ؟ ربي يتمم لج على خير يارب وتفرحين فيهم ،،

الم الظهر والبطن طبيعي ،، ما اعتقد له حل غير ترتاحين ،، انا ذابحني ولما ارتاح يزيد علي ،،

اي والله صدقتي المفروض الوحده مننا تستودع جنينها لربها ،، وهو الحافظ ان شاء الله ،، احنا لو نترك التفكير والوسواس كان ارتحنا والله ،،

فديتهم ربي يحفظهم ،، بجد شعور حلو وغريب لما يتحرك النونو ،، وانتي ما شاء الله الحركه بتكون عندج اوضح واقوى لانهم توينز ،، ربي يحميهم من كل شر يارب ويبلغج بشوفتهم ،،

ومافي احلى من انج تشوفين فرحة اهلج واهل زوجج بحملج ،، والله عمري ما بنسى شلون امي وخواتي واهلي استانسوا وامي بكت من الفرحه فديت قلبها وباست زوجي من الوناسه هههههه بعدين استوعبت انها ضمته وباسته وهي تستحي ،، هههههههه وغير ام زوجي ربي يحفظها تكلمني بالجوال وتصيح مسكينه من الوناسه ،، اصلا يومها تلفوني ما سكت ،، طول الوقت يرن يرن يرن وغير المسجات ،، ههههههههههه هذا وبعدني ما عملت سونار ولا حتى تحليل دم ! بس تحليل البول بالمستشفى ههههه

الفاززلين وايد زين وينفع بجد ،، حتى زيت الزيتون ،، حاولي ما تنسين تدهنين بطنج وصدرج وحتى فخوذج ،، وهو يقلل الخطوط وظهورها ،، حتى اختي لما شافت بطني من يومين قالت لي انها لما كانت حامل ما حطت ولا شي ببطنها صار بطنها خريطه من الشهر الرابع تقريبا ،، واختي الثانيه نفس الشي وتقول كان يحكها كثير ولما تحكه يطلع دم ،، انا من عرفت اني حامل بشهرين بديت استخدم كريم (بالمرز) والحين استخدم فازلين وبالليل استخدم زيت زيتون لجسمي كامل ،، ومافي الحمدلله خطوط غير اللهم خطين صغار كلش واحد يمين والثاني يسار السره ،، وان شاء الله ما يزيدون ،، وبالنسبه للترهل سمعت ان فيه كريمات خاصه للترهلات تنباع بالصيدليه ،، تحطينه بالنفاس وتستعملين المشد ،، وتحاولين تخففين اكل ودسم وامشي شوي ،، وان شاء الله ترجع اجسامنا نفس قبل واحسن ،،