|
رد: ديوانية البحرين - دردشة حوامل البحرين - البحرينيات
بنت الاياويد ،، ههههههههههههههههههههههههه خمسين دينار هاا
اتصدقين صرت احاتيج وكل يوم ادش ابي اعرف ولدتي والله للحين .. الله يسهل عليييج وتبشرينا بولادة سهلة .. طفلوو .. انا ضعيفة من جذي دبتي واضحة .. الله يبعد عنا العييين .. باجر عندي مشوار حق الوزارة وابي البس دفة وسيعة علشان ما يحبطوني مثل كل مرة .. كل مرة اروح الوزارة ارجع وانا اصييح وحالتي حالة .. ادعوا لي بنااااااات الله يسر اموري باجرررر وعالاقل ما يقولون لي شي يحطبني عن التوظييف :( وايد احاااتي وافكر شبيصير باجرر .. حتى ريلي يقول لو على كيفي ما اوديج لانه ادري فيج بتفتحين مناحة باجررر وهالبيبي مسكين معذبته .. اذا اروح ارجع نفسيتي زفت ماشتهي اكل |
رد: ديوانية البحرين - دردشة حوامل البحرين - البحرينيات
اي طف طف ..عقدني دمي..بس الحين .. صرت خروف.. وااايد آكل خضره .. حتى البقل قمت آكله ههههه
آكل وانا مغمضة عيوني..اغصب على نفسي..بس علشان يرتفع..لأن خفت من سالفة نقل الدم..صادني وسوووووووواس |
رد: ديوانية البحرين - دردشة حوامل البحرين - البحرينيات
روز عليج بصالونة الدال وايد ترفع الدم واكلي تكة وبقل عشان تضيع الحسبه بس حزتها باتي في بيت امج عشان ريلج مايختنق خخخخخخخخ ، فديتج فلونة ماتقصرين بس اهم شي دعواتكم الطيبة لان الدور علي الحين الله يسهل يارب ويسهل عليكم كلكم باذن الواحد الاحد ، روز شكلج نفسي انتي من الثقل لين امشي يصيدني ضباب على عيني ودقات قلبي سريعة وجني بطيح في الارض اركض سيدة انبطح ربي يهون عليج وينقلكم كلكم لي تمامه يارب العالمين
|
رد: ديوانية البحرين - دردشة حوامل البحرين - البحرينيات
لا اسم الله عليش روز مو لهالدرجه توها بنت خالتي امس تسولف تقول ترى الدم عادي يرتفع بسرعه هي نزل عليها وايد يوم كانت حامل بس انتظم اكلها وطاحت في الفواكه والخضار صار تمام التمام لا تحاتين
|
رد: ديوانية البحرين - دردشة حوامل البحرين - البحرينيات
فلونة..ان شاء الله ما يصيدج احباط ولا شي.. وتحققين اللي تبينه..بس حتى لو ما صار خلي نفسيتج كوووول..انتي ماتدرين الايام شنو مخبية لج..
|
رد: ديوانية البحرين - دردشة حوامل البحرين - البحرينيات
روز انتي للحين ما تاخذين حبوب الحديد ؟؟ باذبحج ترى تاكلين بقل وحبوب الحديد وردي اشحلاته ما تاخذيينه ...
طفلوو .. شنو اتقصين علي انتي فلافل دلع .. جنج داخلة فوال تطلبين لكم عشى.. وانتي من كثر ما تقولين قرعة وصلعة شكلي صج باييب هالبنت مادري هالولد اقررع بسبتج يا النحييسة.. وانتي سي فرحان على قوولتج شلون بيكون شعرره ذيل حصاان |
رد: ديوانية البحرين - دردشة حوامل البحرين - البحرينيات
ان شاء الله يارب بنت الاياويد ربي يقومش سالمه غانمه وتشوفين بنتش كأنها البخت ويبلغنا كلنا بشوفة ضنياتنا سليمين معافين وحليوين حتى لو وحده فيهم قرعه تبقى بنت اخت عزيزه وغاليه مرد بيطلع شعرها
|
رد: ديوانية البحرين - دردشة حوامل البحرين - البحرينيات
فلونه توني اكتب التعليق الاخير واقول ياخوفي بنت او ولد فلونه الشعر يهبهب وولدي مادري بنتي اللمعان لوين موصل قرعه خخخخخ لكن كله يهون في صحتهم وسلامتهم
|
رد: ديوانية البحرين - دردشة حوامل البحرين - البحرينيات
الله يسمع منج يارب مشكورة على هالدعوات الطيبة ، فلونة لاتتضايقين اذا الله لايقول صار شي باجر ترى ماتدرين الله شنو كاتب لج وكله قولي خيره من رب العالمين ترى كلش مب زين حق البيبي تضايقين روحج
|
رد: ديوانية البحرين - دردشة حوامل البحرين - البحرينيات
بنت الاياويد هههههههههههه
خله يختنق ههههههههه تصدقين اول ماكليت بقل .. بعدها على طول انظف اسناني فوق العشر مرات .. مو مشتهيه نفسي.. وآكل علوج..اقول له الريحة ماتروح..يقول لي عااادي..راضي بالوضع ههه .. الله يسمع منج طف طف .. لو في الاشهر الاولى ما حاتيت هالكثر..حتى ريلي يقول لي اول مرة شوفج خايفة على روحج هههههه |
| الساعة الآن 07:19 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .