|
رد: دردشة بنات فلسطين, دردشة حوامل فلسطين, تجمع بنات فلسطين
احنا بالقدس الها 3 ايام شوووب كتير والله سبحان الله بيوم وليله اختلف الجوو صاار برد كتير ومطر انا انصدمت ههههههه ,,سبحان الله
|
رد: دردشة بنات فلسطين, دردشة حوامل فلسطين, تجمع بنات فلسطين
نحنا عنا بنغني تيرشرش .. يعني ما في مطر بس رشرشت شوي وهس هوا وبرد
سبحان مغير الاحوال |
رد: دردشة بنات فلسطين, دردشة حوامل فلسطين, تجمع بنات فلسطين
هههههههههههههه حلوه تيرشرش
دارين مبروك الرخصه مقدما ان شالله تتوفقي فيها :) |
رد: دردشة بنات فلسطين, دردشة حوامل فلسطين, تجمع بنات فلسطين
يسعد مساااااكمــ
حيفاااا: بكزب عليك ازا بحكيلك اني ما اتأثرت لقرأت شو كاتبه ......وبطلت اعرف اكتب ...والله اليوم ما فارقني النكد وزميلتي بتحكيلي ليه مزاجك انقلب ....انا اسفه اني بحكيلك هيك ....لكن ربنااا كبير ما بينساااا حد ورحيم ... ربي يؤجرك بمصيبتك ويخلفك يبراااا منهااا ......ربي يرزقك الحمل عاجلا غير اجل ......ويقر عينك برؤيته .... |
رد: دردشة بنات فلسطين, دردشة حوامل فلسطين, تجمع بنات فلسطين
الحمد لله خف كتييير وجع الراس
صح راسي بجعني بس مو زي إمبارح والله امبارح ما كنت قادرة أكح من وجع الراس بس لسا الانفلونزا ما خلصت والكحة ذبحتني كتيييير وما أعطوني ولا أي نوع أدوية حكولي عليكي بالبابونج بس اليوم جبت ورق جوافة وغليتهم وشربت كاسة عشان الكحة تروح ومن بعد ما شربتها حسيت الكحة بلشت تخف وان شاء الله بتخف ع الآخر بس يا جماعة الخير بآخر مرة كان عندي موعد وفحصت الدم كان سكر الدم 76 وكان قوة الدم 10.8 ومن لما شفت دمي 10.8 انصدمت وانصعقت كمان لأنه عمري بحياتي ما كان يوصل دمي لـ 10 يعني أقل حاجة كان يوصل لـ 12 وآخر مرة برضو كان دمي 12 وهلأ 10.8 بجد مش عارفة شو بدي أعمل لحتى يقوى دمي أكتر |
رد: دردشة بنات فلسطين, دردشة حوامل فلسطين, تجمع بنات فلسطين
ام مروان
سلامتك ......بيحكوووو وجع الراس قلة سوائل .......اسربي مي....... مسك:: منوره |
رد: دردشة بنات فلسطين, دردشة حوامل فلسطين, تجمع بنات فلسطين
حبيبتي جارة ، معلش ما تزعلي حالك ولا تتنكدي ، انا مش زعلانه بالعكس متأكده انه هالشي خييير ، صح عشت يومين طايرة من الفرح ، بس كمان ربنا ما كتبلي ياه ، يعني لا اعتراض على حكم الله ، ومتأكده ربنا رح يعوضني باحسن من اللي راح ، وياستي اللي من الله حياااه الله
وان شاء الله ما بكون مصدر نكد لحدا بعد اليوم هههههه ، يارب يرزقني الحمل الثابت السليم المعافى انا وكل متمنيه :) يسعدلي روحك حبيبتي :) مساكم خيييييير جميعا واسفه اذا ما رديت على الجميع بس حاسه جسمي مكسر ، ولسا ما نزل علي دم ولا شي ، يوم الاربعاء موعدي عند الدكتورة وان شاء الله خير :) |
رد: دردشة بنات فلسطين, دردشة حوامل فلسطين, تجمع بنات فلسطين
ان شالله خير ياحيفا
|
رد: دردشة بنات فلسطين, دردشة حوامل فلسطين, تجمع بنات فلسطين
صبايا غزه اسمعتو عن الانفجار يلي ع البحر قبال المتحف
منطقتنا وماسمعنا فعلا انفجار غامض بقولو في حاله خطيره وحاله فيها بتر ياحرام حتى البحر متنفسنا سار خوف |
رد: دردشة بنات فلسطين, دردشة حوامل فلسطين, تجمع بنات فلسطين
الله يحميكم جميعا احساس
الجو كتييييير بارد شو نايمين بدري اليوم |
رد: دردشة بنات فلسطين, دردشة حوامل فلسطين, تجمع بنات فلسطين
اه صحيح عسوله وبينك شو أخبارهم
ما الهم حس هاليومين ان شاء الله يكونو بخير |
رد: دردشة بنات فلسطين, دردشة حوامل فلسطين, تجمع بنات فلسطين
يسعد صباحكم
كيف اصبحتو اليوم انا خلصت شغل عند حماتي ووهس خلصت شغل ببيتنا جد تعبت وهس بدي ابلش احفر كوسا للغدا بدي اعمل مخشي كوسا |
رد: دردشة بنات فلسطين, دردشة حوامل فلسطين, تجمع بنات فلسطين
صباحو صبايا
كيفكم اليوم ؟ بينها كانت في مشكلة الصبح في المنتدى ما كان راضي يفتح ؟؟ عسولة شو اخبارها ليش ما بتدخل هاي الايام يا رب يكون خير ؟؟ بينك و حواء ويييينكم انتو كمان يللا تعو طمنونا عنكم فوفو الف سلامة عليكي بالنسبة لنسبة الدم انا برضو من اول ما حملت و هي اعلى شي وصلته 10.9 اخر شي قبل يومين عملته كانت 9.9 مع اني باخد حبتين حديد مش وحدة و اكلي عادي ماشي حاله بس الدكتور غيرلي حبوب الحديد لنوع تاني لانو دمي ما بيرتفع عليها بس انتي كلي رمان و بندورة و بنجر و سانخ و هاي القصص ههه هاي الشغلات بسمع انو فيها حديد و بترفع الدم ربن يتمم للجميع بخير و يرزق كل الي بدهم يحملو ان شاء الله كلللل الصبايا ربنا يسعدكم و يجعل ايامكم حلوة |
رد: دردشة بنات فلسطين, دردشة حوامل فلسطين, تجمع بنات فلسطين
يسعد صباحكمــ،
حيفاااا: لاااا ابدا حبيبتي والله فهمتيني غلط بالعكس انتي مش مصدر نكد بنووووووووووب يا هبوله ........ بس لانك غالية علي ومتل اختي ....تأثرت فيكي ..........وربنااا يكتبلك ويكتبلي كل شي حلوووو بهالدنياااا ----- يااااا بنااااات اليوم 11 للدورة بسبب اللولب ......مع انه دورتي 5 اياااام و اللولب عجب علي..... مع اني حاطه نوع خفيف ....ياربي زهئت وتعبت ،،،،وفوء كل هاد دمي ضعيف ........ |
رد: دردشة بنات فلسطين, دردشة حوامل فلسطين, تجمع بنات فلسطين
شو اخباركم صبايا
بنات اليوم نزلت ع الحلو فاااااارم اشتري شنته عامل قسم لكل شي ماشريت شنته دخلت قسم الاطفااالاااااااال وماطلعت الا وانا شاريه شغلاتو رهيبه وماركات بجد بجنن رجعالو يوم الاربعا ما اكتفيت بدي ارجعلو كمان لما ينزل الصيفي لسى مانزل بس عندو عطر اطفال 150 شيكل شكلو بجنن :) سرير بيبي ع الكهربا حكيت لجوزي البطن الجاي بدي واحد متلو هاد يلي عندي مش سرير هاد هبل ههههههههههه |
رد: دردشة بنات فلسطين, دردشة حوامل فلسطين, تجمع بنات فلسطين
جاره راحعي دكتورتك اذا شي طبيعي لا تدايقي عادي
انا وانا بنت كانت دورتي ل7 يوم لما تجوزت سارت 4 ايام |
رد: دردشة بنات فلسطين, دردشة حوامل فلسطين, تجمع بنات فلسطين
احساس:
يااا بنت شهيتي قلبي على الشوبنج ............والله فتحتي نفسي.......... بدي روح لف على كم محل معناهااااا بدي اشتري لماما هديه ......واشتريلي كم غرض ......... بس المشكلة الوقت ,........ممممممممـ صحيح تتهني بالمشترياااات |
رد: دردشة بنات فلسطين, دردشة حوامل فلسطين, تجمع بنات فلسطين
تسلميلي حبيبتي جاره انا بملابس وشغلات الاطفال بنسى حالي وعقلي هههههههههه
كانت مشترياتي لالي وخاصه الحلوقه اكتر شي بحبهم بالاكسسوارات والبيجامات هلا اجاني زوزو وسار كل التسوق لالو :) روحت احكي لجوزي قلي ولا يهمك الك عندي مبلغ :) صحيح جاره انتي شو شريتي لحماتك ؟؟ مش حكيتي حتعطيها فلوس ؟؟ باني انا لحتى الان مش عارفه شو اجيبلها!! |
رد: دردشة بنات فلسطين, دردشة حوامل فلسطين, تجمع بنات فلسطين
احساس:
شريت لحماتي استاند اللي بيتقدم فيه الحلويات منقوش عليه نفس لون صالونهم لما اهديتها ياااا حتطو بالصالون بيجي الفكره متل هاي: http://t1.gstatic.com/images?q=tbn:A...V_n-twAHfj7SHG بالاضفة لمبلغ |
رد: دردشة بنات فلسطين, دردشة حوامل فلسطين, تجمع بنات فلسطين
مرحبا صبايا كيفكم
انا بخير الحمد لله وبدي سلامتكم يعني لو حابين تعرفوا اخباري hwaml13 حيفا حبيبتي الله يعوض صبرك خير وهالشهر اهدي وارتاحي خدي فترة نقاهة وما تقهري حالك بتحملي ما تخافي بس اصبري واتركي الامور تصير على مهلها وان شالله سنة الجاي بتلاقي بيبي زغير بين ايديكي دارين اهلين وسهلين فيكي اموت بالقدس انا انا كمان من القدس بس متزوجة عالناصرة مش من زمان يعني بس من 3 سنين حلا مبروك البيلفون كتير حلو انا جوزي اهداني قبل سنتين ايفون 4 وطار عقلي فيه لحد اليوم طاير لولو حبيبتي سالت عنك العافية منيح انو حدا سال عني بكيف لما حدا يتزكرنيhwaml7 انا يا صبايا لحد هلأ ما طبخت مش عارفة شو اطبخ وجوزي كمان شوي بيجي راح يزعل مني لو ما لقي طبيخ مطلعة كفتة بس مش طالع عبالي اعمل فيها اشي لا صينية بطحينة ولا اي شي تاني بركي بعملها كباب وبقليها مع سلطة وبطاطا ومكابيس على راي جوزي هو بحب هدا الاكل شوفو انا عم بفكر وبكتب ههههههههه معلش اثر عدم النوم الجيد مرة بنام بالليل ومرة بالنهار ونومي متقطع كتير يلا بعين الله |
رد: دردشة بنات فلسطين, دردشة حوامل فلسطين, تجمع بنات فلسطين
جارة الستاند كتييييييير فكرة حلوة وما بتخطر على بال حد
انا كمان مش عارفة شو اشتري لحماتي مفكرة اشتريلها ثريا لانها نزلت طقم صالون جديد وامي كمان ما بعرف شو اشتريلها ا>ا عندكم اقتراحات احكولي |
رد: دردشة بنات فلسطين, دردشة حوامل فلسطين, تجمع بنات فلسطين
مرحبا صبايا كيفكم
انا ما بدي اشتري شي ل عيد الام .. امي بعيدة عني في الامارات واانا في فلسطين ..وحماتي ما بدي اشتريلها .. اذا امي ما اشتريتلها ما بشتري ل حماتي هههههه |
رد: دردشة بنات فلسطين, دردشة حوامل فلسطين, تجمع بنات فلسطين
مرحبا يا حلوين بما انو حديسكم عن عيد الام ..انا ما جبت لماما شي لانو عم تغير ببيتها عم تجدد ..تهد حيطان وترتب وما بعرف شوو وبدها تنزل عفش جديد ..حكيت بالمره بجيب هديه وحده وتكون محرزه ... وحماتي ما بهمها هالشي هههههههه ولاا ماما ما بهمها كمان ...بس حلو الواحد يعمل جوو
|
رد: دردشة بنات فلسطين, دردشة حوامل فلسطين, تجمع بنات فلسطين
كيفكم بنآت شو اخبآآآركُم ..
حيفآ اول شي عنجد الله يعينك وربي يعوضك خير ان شآء الله زعلت كتير لما حكتلي انبثآقة ,, بس برضو بنفس الوقت هالشي خليه دافع قوي الك ولزوجك الشي يلي صآر معنآهآ انه الامل كبير كبير ومافي اي مشآكل وبس توكلي ع ربنآ :) وتعي طمنينآ عنك حبيبتي - حلآ نسيت ابآركلك بالموبآيل الف مبروك حبيبتي شكلهم فعلآ ازواجنا متفقين :) تتهني فيه يابطة - جاآآرة حلو كتير الستآند وفخم ,, هدية موفقة وكل عام وامهاتنا وحماوآتنآ كلهم بألف خير يارب - مين عندو اخبار جديدة كمان ..!! الحوآمل وينهم يجو يطمنونا عنهم ويحكولنا كل وحدة هلا بأي شهر وصلت هبوش ودودو ولولو وحلا " اعتقد " وحوآء وعسوووولة ,, مين كمآن ! ي الله بكون بدي اكتب كتير حكي ولما ابلش اكتب بأنسى كل شي اووووف :( بآكل كيكة برتقآل وبشرب نسكآفيه وبستنى زوجي يرجع من دوامو وطابخة صينية خضآر بصدور الدجاج اتفضلوآآ |
رد: دردشة بنات فلسطين, دردشة حوامل فلسطين, تجمع بنات فلسطين
دآرين كيفك منورة شكلك جديدة هون صح ؟!
|
رد: دردشة بنات فلسطين, دردشة حوامل فلسطين, تجمع بنات فلسطين
مرحبا
كيفكم ؟؟؟ بما انكم فاتحين سيرة عيد الام فأنا كنت ناوية لامي ع عباي بس امي غالية كتير ولئيتها كتير ئليلة عليها وهلأ محتارة والله خصوصا انها تعبانة فبتمني وبترجاكم تدعولها ربنا يشفيها ويعافيها ويعطيها طولة العمر وتشوف خواتي عرسان يارب |
رد: دردشة بنات فلسطين, دردشة حوامل فلسطين, تجمع بنات فلسطين
مسا الخيييير
مين هون ؟؟ ام عمر الله يسلمك و لو انتي دايما في البال عموض و الموجودين يسعد مساكم و المختفيين يللا تعو بلا كسل |
رد: دردشة بنات فلسطين, دردشة حوامل فلسطين, تجمع بنات فلسطين
ام محمد يسعد مساكي
ربنا يشفي امك و يخليلكو اياها و يطول بعمرها ان شاء الله بتفرح ببناتها و والادها و بتسوف ولاد ولادهم كمان ياااااااااا رب |
رد: دردشة بنات فلسطين, دردشة حوامل فلسطين, تجمع بنات فلسطين
مسا الخيرات
شو أخباركم حبيباتي ام محمد سلامتها يالغاليه ربي يخليلكم اياها ويعطيها الصحه والعافيه وتفرح فيكم جميعا وتشوف احفادها ياااااارب غموض الي ماخد عقلك يختي هههههههه وصحتين ياقلبي لولو يسعد مساك ياقلبي |
رد: دردشة بنات فلسطين, دردشة حوامل فلسطين, تجمع بنات فلسطين
اهلا اهلا انبثاقة منورة يا عسل
شو كيفك و شو اخبارك ؟ |
رد: دردشة بنات فلسطين, دردشة حوامل فلسطين, تجمع بنات فلسطين
ياهلا فيك ياقلبي
نورك ونور الموجودين الحمدلله بخير ياقلبي .. وبردانه هالجو عم يلعب فينا كسلانين هالفتره شو قصتكم المهم تكونو بخير عسوله وبينك وحواء ودودو ومسك ونبض وام عبدالله وعيون وكل البنات ذاكرتي خربانه هاليومين ههههههه |
رد: دردشة بنات فلسطين, دردشة حوامل فلسطين, تجمع بنات فلسطين
ام محمد ,, الله يشفيها الوالدة ان شاء الله وتشوف اخوتك عرسآن يآآرب
- لولو ,, اديش صرلك كم شهر هلأ حآمل وشو نويتي تسمي البنوتة ؟ - انبثآآقة ,, نورتي يا عسل ههههههههههههه صدقيني ما حدا ماخد عقلي غير جوزي لهلأ ما اجى الله يعينو دوامو اليوم متعب خصوصآ هلأ بدآوم بمستشفى اطفآل وعلمك كيف بيكون مستشفى الاطفآل شو عم تعملي ,, ملآحظة انا وياكي متنشطين بالنهار اليوم هههههههههههههه والله انا اليوم قمت عزلت البيت كلووووووو |
رد: دردشة بنات فلسطين, دردشة حوامل فلسطين, تجمع بنات فلسطين
ههههه سلامتك ذاكرتك يا بنت الحلال
جد البنات مختفيين ان شاء الله خير انا مللانه و زهقااانة و حالتي حالة |
رد: دردشة بنات فلسطين, دردشة حوامل فلسطين, تجمع بنات فلسطين
غموض انا هلا باول السابع عقبال عندك تنتي و حيغا و انبثاقة ياااااااا رب
هههه الي ناخد عقلك يتهنى |
رد: دردشة بنات فلسطين, دردشة حوامل فلسطين, تجمع بنات فلسطين
نووورك ياقلبي والحاضرين
ياعمي يتهنى مين قده ماشاء الله الله يعينه ويعطيه العافيه اه شايفه دخلنا مع بعض ونشيطات كمان ههههههههه لا والله انا عزلت ايديي ورجليي من كم يوم مكسله اسويهم بس خلص عيب علي ههههههه بس برضه الشتا بيستر علينا ههههههههه الله يسلمك لولو ياقلبي تعالي خدي طفش مني هالايام عن جد شو هدا الروتين قاتل لازم نغير ونعمل شي |
رد: دردشة بنات فلسطين, دردشة حوامل فلسطين, تجمع بنات فلسطين
ما تدقو عالاخطاء الاملائية
محسوبتكم داخلة من الموبايل هههه |
رد: دردشة بنات فلسطين, دردشة حوامل فلسطين, تجمع بنات فلسطين
ههههههههه مسامحينك لولو
يلا ربي يتمم لك ع خير وفرحتنا فيك بسلامتك وسلامة الاموره |
رد: دردشة بنات فلسطين, دردشة حوامل فلسطين, تجمع بنات فلسطين
ي الله عدت الشهور بسرعة يا لولو يلآ يآرب يتمم لك ع خير يا قلبي
والله يسمع منك يارب :)) انبثآقة نعيما هههههههههههههههه اكيد الشتآ كان ساتر والله بكرآ بيجي الصيف وقرفو كل يومين بدك تسآوي بس احنا شمست عنا من يومين وصآر الجو دافي الحمدلله احسن من الشتا والمطر |
رد: دردشة بنات فلسطين, دردشة حوامل فلسطين, تجمع بنات فلسطين
تسلمي انبثاقة
هههههه عجبتني عزلت ايديه و رجليه هههههه يللا ريتو نعيما |
رد: دردشة بنات فلسطين, دردشة حوامل فلسطين, تجمع بنات فلسطين
غموض تسلمي حبيبتي
الله كريم |
| الساعة الآن 04:49 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .