|
رد: ديوانية البحرين - دردشة حوامل البحرين - البحرينيات
الله يسمع منش يا رب
تدرين سوه لي زوجي مفاجئة رومانسية رحنا المطعم مع اني ما كان لي خاطر اني اروح واكل اي شي بس رحت وكان زوجي مو على بعضه يقوم يطلع ويرد مرتبك بس ما اتوقعت ان يسوي مفاجئه مثل جدي تدرين رجل شرقي خخخخ المهم اني طلبت بس حمص كان خاطري فيه وعلى ما اصور اليهال وهم ياكلون اكلو الحمص مالي وطبعا زعلت ابغي حمص لانه خلص كاني طفله يقول زوجي اكلي اي شي خفيف ويانا تالي تشبعين المهم طلب لي حمص بس الغريب ان يجون يشيلون لصحون وينظفون الطاولة ولا واني ولا على بالي طايحه في الحمص ولا مهتمه ابهم المهم وبعد ما خلصو تنظيف الطاولة راحو تقريبا ثانية والا هم جايبين كيكة مع الشموع طبعا كانت صدمة وفرحه واحتفل طاقم المطعم بي خخخخخخخخ واني تشققت حدي وبما اني كنت اتمنى ابدل الكيكة مالت العام الماضي اصريت مثل اليهال الا ابغي الكيكة الباقي اخذ معاي ما اعطي احد خخخخخخخخخخ وزوجي يقول انتي رزيله الكاست كله احتفل وانتي الكيكة تبغينها بعد اصرار منه خليت الكيكة بس اخذت الشموع مال الكيكة احتفظ به للذكري هذا اول جزء من عيد ميلادي يتبع بس ابغي اعرف انتي اهني لو رحتين |
رد: ديوانية البحرين - دردشة حوامل البحرين - البحرينيات
عجيب ..
هني هني كملي :) عليش بالعافية والله يهنيش |
رد: ديوانية البحرين - دردشة حوامل البحرين - البحرينيات
شكلش للحين تعبرين :) اني هني ما رحت مكان ..
|
رد: ديوانية البحرين - دردشة حوامل البحرين - البحرينيات
رجعنا البيت وانه حدي متشققه وجه وقت الهدايا عطاني ولدي الصغير كوبه مكتوب عليها اسمي واهداء وزوجي طقم ذهب ابيض المهم اني كنت فرحانه حدي اني زوجي رومانسي وما توقعت ان تطلع منه هالحركة
نجي لليوم الثاني وهو يوم الجمعة احنا بالعاده نطلع العصر بس لان زوجي نام العصر ما حبيت اقعده وقلت عندنا الليل بنطلع علشان اليهال ولكن في المغرب كل ما يرن تلفونه يطلع عني ويروح بعيد وكل ما قول له خلنا نطلع قال لا انتظري عندي رجال بيجي بعدين بنطلع راح بس اشترى عشاء وقعدنا نتعشى ودق جرس البيت قلت خلاص الفرج جه اخيرا وصل الرجال وبنطلع راح زوجي ما مهل الا هو رد من جديد طبعا سيده قلت له صوبه الرجال راح وما اشوف الا حاط ايديه على اعيوني واخذني الي الصاله طبعا واني بذيك الحاله الف فكره وفكرة في راسي والا هو مسكين مسوي بعد لي كيكتين وحده بالفواكة والثانية بالشكولاته وحاطينهم على استاند دراجة هوائية وكانت مفاجئة ثانية لي hwaml03 ولكن رد وهداني بعد هديتين عطر وكتابhwaml7 وولدي الكبير بعد عطاني عطر وقعدنا نصور واني بدبتي يعني كان جو كلش حلو والحمد لله رب العالمين كنت متشككه حدي وامس بعد رحت موعدي عند كيرن وشفت البيبي وولدي مسكين انزهك يقول يوووووووووو في صدق جاهل اكو خخخخخخخخخخخ وطمنتني على الجنين الحمد لله واليوم اكو عندنا صباغ يصبغ المجلس بعد وخلااااااااااص هذة اخباري كلها حسيت اني في هاليومين كاني اميرة اتدلل عكس العام الماضي والحمد لله رب العالمين احمد ربي واشكره بعد تعب وصياح واجهاض ومشاكل كانت هالأيام من اجملها وتصديقين مشتاقة اشوف بنتي كل يوم اكثر من الثانيhwaml7hwaml7 |
رد: ديوانية البحرين - دردشة حوامل البحرين - البحرينيات
اقتباس:
خخخخخخخخخخخخخخخخخ اي خلصت تعبير |
رد: ديوانية البحرين - دردشة حوامل البحرين - البحرينيات
هههههههههههههههه
عجيب الله يهينش يا وخيتي والله حركات رومنسية عن جد ،، الصلاة على النبي عشان ما تقولين حسدناش خخخخخخخخخخخخخ اي صحي على طاري كرن هذه إلي في ابن النفيس ؟؟ وبكم عيادتها حابة اتابع عندها في نهاية الاسبع واحتمال الولادة هناك بعد .. |
رد: ديوانية البحرين - دردشة حوامل البحرين - البحرينيات
افااااااااااه عليش لا تقولن جدي ولو مو حاسبتنكم مثل خواتي ما قلت ليكم التفاصيل احنا خوات
فتح الملف يمكن ثلاثين اقل اكثر ما اذكر وبعدين المتابعه على 15 دينار بس الولادة بصراحة ما ادري لاني بولد في جدحفص والتحاليل عندهم نااااااااااااار يعني المختبر اول تحليل سويته عندهم غرشتين دم طلع ب 56 دينار هي شاطرة بس مغرورة |
رد: ديوانية البحرين - دردشة حوامل البحرين - البحرينيات
ههههههههههه
امزح وياااش شموووسة ،، ولو انتي مثل اختي .. وعن طاري المستشفى تعبت من السلمانية هلكوني لو تشوفين ويش سووو فيني لما ترقدت عطوني دواء ما يناسبني وخلوني اصير حالتي حالة كاني مينونة من جدي قاعده ادور لي مستشفى ثاني اولد فيه حتى لو بفلووس استخفيت والمشكله ادا رحت جدحفص بحولوني السلمانية وهذه قصتنا حتى زوجي يقول بس ما تروحي المستشفى اخر مره اوديش .. |
رد: ديوانية البحرين - دردشة حوامل البحرين - البحرينيات
اقتباس:
انتي روحي وشوفي اسعارهم هي كيرن شاطرة بس بيحسبون عليج الغرفه والدواء وكل شي لاني اني سويت مرة في ابن النفيس عندهم عمليه لولدي كلفتني الف دينار بس العملية غير التحاليل والدواء والمتابعه |
رد: ديوانية البحرين - دردشة حوامل البحرين - البحرينيات
كل عام وأنتي بخير حبيبتي شموس
عسى ربي يبعد عنش كل سوء ويملي حياتش فرح في فرح ياااااااارب سامحيني كنت غايبة عن المنتدى عشان جدي ماهنيتش من قبل عاد انا بهنيش بطريقتي الخاصة واتمنى تكون حلوة على قلبشhwaml02 http://forum.hwaml.com/imgcache2/hwa...904721_346.jpg عاد الترجمة حاولي فيها قبل لاترجمها ليشhwaml02 حروف حبيبتي شخبارش؟؟؟ تصدقين يوم غبت عن المنتدى كله كنت احاتيش واقول في قلبي ان شاءالله ماتولد اله في التاسع والحمدلله طلعتي للحين بدبتش ولله الحمدhwaml7 ام عائشة عسى ربي يعوضش بجنين آخر وتدخلين وتبشرينا بأسرع وقت الحمدلله رب العالمين انتي عندش على الاقل اولاد اثنين فيعني ضقتي طعم الامومة تذكري هذه النعمة وطمني قلبش لأن ربش مايضيع دعاء عباده وان شاءالله راح يعوضش بجنين ثاني |
رد: ديوانية البحرين - دردشة حوامل البحرين - البحرينيات
خخخخخخخخخخخخخ هلا حنون الله يبارك ليش اقول بس فهمت الكتابه الآولى اما الباقي ولا شي خخخخخخخخخ
|
رد: ديوانية البحرين - دردشة حوامل البحرين - البحرينيات
يلا باركو لي ولفتوووت
لأن اليوم دخلنا السابع فتاة مبروك عليش دخولش السابع يا دبدوبةhwaml02 سؤال يسدح نفسه الحين عقب ما اولد بالسلامة راح يرجع وزني نفس قبل صح لأني صايرة دفشة حتى زوجي فشلني قبل جم من يوم كنت حاطة صور الملجة يقول كنتي خفيفة نفس الريشة والحين اذا انام جني فيل من ثقلي مااقدر اخف عمريhwaml02 |
رد: ديوانية البحرين - دردشة حوامل البحرين - البحرينيات
شموس الغاية من البطاقة الحجي اله فيها مو الجملة الاولية بس يا حبيhwaml02
عندما أتيتي الى الحياة كانت الملائكة تبكي في السماء لأن ملاك من عندهم غاب عنهم ونزل إلى الارض ليكون أنتيhwaml84 |
رد: ديوانية البحرين - دردشة حوامل البحرين - البحرينيات
اي والله يا خيوو ،، السلمانية ما يخلون الواحد صاحي لو تدرين رحت ولادة يبون يوقفون الطلق راحوا عطوني دوه خلاني على طول ارجع ولا عندي حواس حتى قمت اوصي زوجي على الياهاال ونشف دمي مره وحدة حتى قالواا محتاجة نقل دم فلم هندي صار ما يتصدق .. حتى من زود كل هل الاحداث مره وحده زوجي ما قدر يسيطر على اعصابة قام يصارخ يقول لي اخر مره اجيبش هني لو تموتين في البيت جت الدكتورة تقول لايكون عندكم مشاكل خخخخخخخخخخخخ ضحكتني واني كلش كانت نفسيتي تعبانة .. يالله اهم شي انقضت السالفة على خير .. والله يستر لوقت الولادة ..
|
رد: ديوانية البحرين - دردشة حوامل البحرين - البحرينيات
خخخخخخخخخ يعتمد عليج يعني بعد الولادة سوي تمارين رياضيه ولا تشربين غازات مثل البيبسي وتحركي ولا تشربين وقت الوجبه ماء او عصير يا قبل او بعد علشان ما يصير ليش كرش وكل شدي بطنش الي الداخل
|
رد: ديوانية البحرين - دردشة حوامل البحرين - البحرينيات
الله يساعدش حروف اني ما احب السلمانية كلش اكرها
|
رد: ديوانية البحرين - دردشة حوامل البحرين - البحرينيات
اقتباس:
هلا هلا حنووونة منورة الديوانية اليوم .. تسلمين لي حبيبتي ومبروك دخولش السابع عقبال التاسع يارب والولاده بالسلامة اي للحين مقاومة ههههههههههه الله يقضي هل كم سبوع على خير ولا تنسينا من الدعاء .. |
رد: ديوانية البحرين - دردشة حوامل البحرين - البحرينيات
نسيت حنون مبروك الشهر السابع وعقبال التاسع
|
رد: ديوانية البحرين - دردشة حوامل البحرين - البحرينيات
نسيت ماقلت لكم
البارحة صادني موقف مضحك ولدي قام يرفس بشكل قوي حتى زوجي كان قاعد على اللابتوب لاحظ دبتي تتحرك بصورة غريبة بصراحة الرفسات قوية ماادري شلون كأن يدلدغني من داخل ومرة وحدة يرفس وتمللت عدل لأن كان يألم شوي وما كنت اقدر اتحرك يوم قعدت صلاة الصبح جفته هادئ وما في اي حركة كسر خاطري وجتني الصيحة hwaml80لأني هاوشته البارحة وقمت كلحين اقول له يلا بس عاد مللتني اني اذا اولد اتخيل روحي بسوي ماتم طول اليوم حده قلبي رقيق واجيني الصيحة من اتفه الاسباب |
رد: ديوانية البحرين - دردشة حوامل البحرين - البحرينيات
اقتباس:
خخخخخخخخخخخخخ اي الحين بعد الترجمة فمهت مشكورة حبيتي وانتي اللي ملاك hwaml7hwaml7 الله يهنيش يا رب ويتمم عليج |
رد: ديوانية البحرين - دردشة حوامل البحرين - البحرينيات
اقتباس:
بنات عندي فكرة مادري بتتقبلونها لو لاhwaml86hwaml94 أني عن نفسي احب اتعرف على الكل واوسع دائرة معارفي على طول اشرايكم نسوي تجمع ونروح بيت وحدة أواجون شقتي ترى حده عادي ونتعرف على بعض عن قرب وبجذي نكون اصدقاء طول العمر لأن عارفين مشاغل الحياة اكيد مابنقدر طول عمرنا بس على المنتدى نطمن على بعض عن جد خاطري اجوفكم من قرب واقعد معاكم وربي الشاهد |
رد: ديوانية البحرين - دردشة حوامل البحرين - البحرينيات
اقتباس:
|
رد: ديوانية البحرين - دردشة حوامل البحرين - البحرينيات
هههههههههههههه حنون كانش مثلي
على الرفساااات حدث ولا حرج توني البارحة اقول لزوجي سودان ويه ولادك مجنني من الترفيس واخر شي لما وقفقواا اقول مساكين قسيت عليهم من الهدرة هههههههههه مينونة .. |
رد: ديوانية البحرين - دردشة حوامل البحرين - البحرينيات
اقتباس:
|
رد: ديوانية البحرين - دردشة حوامل البحرين - البحرينيات
اقتباس:
اي حنون فكرة حلوه لاني اني بعد احب اتعرف ويكون عندي معارف حتى لو ما اشوفهم كل يوم في اختراع اسمه نت وتلفون عادي نقدر نتواصل |
رد: ديوانية البحرين - دردشة حوامل البحرين - البحرينيات
ههههههههههههه
شمووس الله يدوم هالضحكة يارب .. هههه ويش اسوي ساعات استخف واهدر عليهم .. |
رد: ديوانية البحرين - دردشة حوامل البحرين - البحرينيات
يلا زين الحمدلله لاقيت من يشجعني
عجل لحد الآن انا وشموس وحروف ننتظر باقي العضوات ونقرر عقب في بيت من نلتقي |
رد: ديوانية البحرين - دردشة حوامل البحرين - البحرينيات
ان شاء الله العدد يزيد
|
رد: ديوانية البحرين - دردشة حوامل البحرين - البحرينيات
إن شاء الله ونسوي تجمع بطاااات و بشااات ههههههههههه يالله قبل لا اسويها واصير رشيقة
|
رد: ديوانية البحرين - دردشة حوامل البحرين - البحرينيات
حروف باقي كم اسبوع وتدخلين التاسع يا الرشيقه
|
رد: ديوانية البحرين - دردشة حوامل البحرين - البحرينيات
اقتباس:
خاطري اجوف دبتش قبل لاتولودينhwaml02 بننتظر هاليومين يدخلون باقي العضوات وراح نتفق ان شاءالله |
رد: ديوانية البحرين - دردشة حوامل البحرين - البحرينيات
اي احسن قبل الأمتحانات
اقول حروف خلي دبتش في البيت وتعالي علشان حنون ما تشوفها تخيلو شكلكم في مكان واحد وكل وحده تبغي من يمد ايده علشان يقومها من مكانها والدبه في دبه الثانية تصادم دبيب ههههههههههههه |
رد: ديوانية البحرين - دردشة حوامل البحرين - البحرينيات
يلا حبايبي اخليكم الحين
بقوم اغسل مواعين ريوقي من اول ماقعدت للحين بس قاعدة جدي على اللابتوبhwaml02 والتلفزيون نجوفكم على خير |
رد: ديوانية البحرين - دردشة حوامل البحرين - البحرينيات
اقتباس:
حتى عيوني دمعت اتخيل الوضع نفس ماوصفتي ولا تخيلي حروف انتي بس عبارة اثنين اتخيلها وهي تمشي تروح يمين ويسار ماتقدر تصلب عمرهاhwaml02hwaml82 |
رد: ديوانية البحرين - دردشة حوامل البحرين - البحرينيات
على خير يا رب اخذي راحتش اني بعد بقوم استعد للصلاة وبعدين اسوي الغذاء
اليوم عيش وسمج صافي |
رد: ديوانية البحرين - دردشة حوامل البحرين - البحرينيات
اقتباس:
|
رد: ديوانية البحرين - دردشة حوامل البحرين - البحرينيات
مسامحة خليتكم تهدرون بروحكم
اتصلت لامي وقعدت اهدر وياها تبي تجي تشوف ويش عندي في البيت واني ومخصلة مسكينة تجي تساعدني وهي هبابها على روحها ولدي اساسا عندها نايم .. واختي بعد حامل متنسية تنام عندها الصبح .. اني ما بقى عليي شي على التاسع باقي ثلاثة اسابيع عفر لو اقل ... هههههههه شموس اي والله كل وحده تبي الثانية تسندها ويه الدبه اتخيل الوضع تجمع حوااامل ههههههههه عجيب .. |
رد: ديوانية البحرين - دردشة حوامل البحرين - البحرينيات
ههههههههههههههههه ان شاء يكون اللقاء قريب حتى لو البنات ما بغو يتعارفون خلونا احنا نتعرف
الحين بخليش ما باقي شي على الأذان الظهر اشوفك على خيررررررر |
رد: ديوانية البحرين - دردشة حوامل البحرين - البحرينيات
لا تطنزون علي بتشوفوني اني ارشق وحده فيكم هههههههههههه اني بعد بقوم اشوف الغسالة وشموس لا تغارين علي اني بعد غدايي سمج صافي وعيش ابيض .. يالله نشوفكم على خير وان شاء الله نلتقي ونتفق على التفاصيل اكثر .. وتحملوااا بروحكم بس مثل ما قلت ليكم لا تطولون ترى اني يومين وووالده ههههههههههههه
|
رد: ديوانية البحرين - دردشة حوامل البحرين - البحرينيات
اقتباس:
واايد كنا نحاتيش ،الحمد لله على كل حال حبيبتي وكلي امرك لرب الكون وحدة موزع الأرزاق ومحد بيدة رزقة ،الله يحفظ لش أولادش وزوجش وبتحملييين إنشاء الله مرة ثانية طبيعي وماتحتاجيين عملية الله كريم ولاتيأسين من رحمة رب العالميين ذكرتييني بإختي صار ليها 10 سنين متزوجة وللحين ماحملت وسووت عملية أنابيب بهذاك الحساب من سنتين وكلنا فرحنه بس ماصار حمل وتعبت أثناء نقل البويضات منها قصدي السحب وصار ليها نزيف وبعدين صادها خووف شديد من عدم نجاح العملية وصارت كله ترجف وخايفة وصادها جفاف وركبوا عليها 5 أكياس مغذي وفي الأخير قاليها الدكتور ماصار الحمل وللحيين خايفة من إعادة المحاولة ،سووت العملية في عيادة البركة عند نفس الدكتور وللحيين عندنا أمل كبير بأنها تحمل ،كاسرة خاطري في كل ولادة لي تحضر ويايي وتحمل المولود أول وحدة hwaml78وتقعد تلاعبة وتصورة وتضمة وطول الوقت في حضنها ،الحمدلله يارب ترزق المحروميين ذرية صالحة ويعوضش يالغالية وإذكري من تضيق بش الدنيا من الهم إضحكي في عيون أولادش وبينزاح همش لأنهم سلوة الدنيا والله هداياه كثيرة فكوني بإنتظارها |
| الساعة الآن 03:11 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .