|
رد: حبيباتى سيدات ليبيا تفضلو لأعرف ما حالكم
طبعا مش الكل عجبني المخصر بالذات مش عاجبني نبي الموديل الواسع هلبة
فكرت انخيط زيهم ممكن تجيني ارخص |
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
هذه سعرها 290
وتقريبا ساهلة خياطتها مافيهاش اي تعب شن رايكم فيها |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
|
رد: حبيباتى سيدات ليبيا تفضلو لأعرف ما حالكم
اليوم طلعنا ... طعمنا الولي وبعدها عدينا لمول كبير جنبنا جبنا بعض الاشياء للمنزل... واشوية حاجات مطبخية وغدائيه
واطفاليه هههههههه وخشينا محل الحاج مصطفي ماشاء الله مافي حاجة مافيه نقصد الحاجات الحلال والعربية اممممممم جبت منه مكدوووووووس باذنجال عيوني وكركدية و10كيلو كسكسو و اشوي بهارات قريب نفتح بهن محل جبت كسبر بري ووفلفل ابيض مطحوون هذا سمح ف البشاميل وهيل وجوز الطيب مطحون وبابريكااا خضرااا عندي حمراا واشوي حاجات اخري من ضمنهم شـــــــــــــــــــاني غازي تقول الاقاعدين ف ليبيا وطبعا قبلها تغدينا ف السلطان اوبن بوفيــــــــــــــه... خديت اشوي كبسه ع كباب مشوي وسممبوسه وفلافل وكثرت سلاطات.. فتوش تبوله سلطة تركيه طحينة فرينش فرايز وسلطة خضروات بنعناع ولبنة ومخللات لين زوجي قالي شن بتغدي سلاطات ههههههه بم اني الاكل اخدت طشة بكل حاجة حاجه واحلي شئ اليــــــــــــــــــــــــــــوم هـــــــــــــو هــــــــــــو واخيــــرا’’’’’’’’’’’’’’’’’’’’’’’’’’’’’’’’’ قصـــيت شعري........ |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
|
رد: حبيباتى سيدات ليبيا تفضلو لأعرف ما حالكم
لقيت صالوون مكتوب عليه فور هير ليديز...
هنا الشعر بروحه عندهم مش مع الكوافير ليا مدة نا وزوجي ندوروا في حاجه هك مش مختلطه...يعني لي نلقوا فيهن رجال ع صبايا يعني راجل يقصلك مثلا لا هذا نساء فقط...وحاجة بروفيشينااال من الاخير يعني مش هوايتها اتقص لا قارية قص شعر واهير استايلر مدة 4 سنوات ... والقصه كلفت بليبي 40ديناار طلعت صاحبته لبنانية عسوووله بكل طبعا نا شعري كان طويل لعند اخر الظهر بس الحق تعبني واااااجد اخر فتره ف التسريح وتقصف بشكل رهيب ويط،،،،،،،،،،،،،،،،،،،،يح يطيح يطيح وخلاص لعند مازوجي ينفجع كل مايلمس شعري يلقاااه في يديه حتي فيي المحل ماهانش عليها اتقصه قالت من زماااان ماشفت شعر طويل هيك خخخخخخخخ بس قتلها شوفي بروحك انه متعب وهكي قالت صح خصيصا مع رضاعه طبيعيه يتعب ويتساقط الشعر عموما اتحدد ف طول القصه وانقوله زيد ي لعند ماوصلنا لعند تتحت الكتف بشوي جابته ليا بطريقه دائريه .. حلووووووووة بكل واول مرة ف حياتي ننعجب بقصه هكي... عارفين من مدة 13 سنه ماقصتيش...... وماكنش يهووون علياااا اصلا والحق ف المناسبات ديما يقولولي شعرك حلو بس بجد مع المسؤليات والاطفال والحمل وقلة الاهتمام به تعب شعري ولاوا مرة نرضي ع قصته هكي..... |
رد: حبيباتى سيدات ليبيا تفضلو لأعرف ما حالكم
لاااااااااااااااااااااااااااااااااااا
بس ماتقهرينيش وتقولي شعرك كان طويل |
رد: حبيباتى سيدات ليبيا تفضلو لأعرف ما حالكم
اهو جت الاجابة بروحها... فداك ياحنة
تتهني بالقصة بس الحق زعلت لان الشعر مايهونش |
رد: حبيباتى سيدات ليبيا تفضلو لأعرف ما حالكم
السلام عليكم
كيف حالكم جميعا ليكم وحشة يا خسارة ديما لما تتجمعو يكون الوقت مش مناسب ليا ولما أني نخش يكون الوقت مش مناسب ليكم hwaml79 |
رد: حبيباتى سيدات ليبيا تفضلو لأعرف ما حالكم
اقتباس:
ومافيشي روح تقصف وطياح حالة وخلاص لكن لما تقصي تحسي روحك منتعشة والله أني جربت بعد الجياب ومع الرضاعة يطيح بشكل فضيع حتي أني قصيته لكن بروحي لان مالقيتش ولا صالون نساءي كلهم مختلطات ورجلي قالي كان طلعت القصة مش حلوة منرقد في الصالة نين يطول هههه لأنه هو مش من أنصار القص ويحب الشعر الطويل بس الحمد لله جت القصة حلوة وعجباته hwaml7 |
رد: حبيباتى سيدات ليبيا تفضلو لأعرف ما حالكم
جنودة العباية كيف ماقلتي بسيطة وتهبل
يمكنك ان تخيطيها احسن وتضيف الها لمسات خاصةي |
رد: حبيباتى سيدات ليبيا تفضلو لأعرف ما حالكم
كيف حالك هدية وحال سوما شن دايرين
|
رد: حبيباتى سيدات ليبيا تفضلو لأعرف ما حالكم
يلا بما انه مافيشي حد بنمشي نديرعشا للعيال
لان بوهم اليوم ماسك في التحلية وعلى فكرة هو اللي كلمني اليوم |
رد: حبيباتى سيدات ليبيا تفضلو لأعرف ما حالكم
عدنــــــــــــــــــــا
|
رد: حبيباتى سيدات ليبيا تفضلو لأعرف ما حالكم
اقتباس:
|
رد: حبيباتى سيدات ليبيا تفضلو لأعرف ما حالكم
اقتباس:
اهلاااااااا وأخيرا في حد خش hwaml7 |
رد: حبيباتى سيدات ليبيا تفضلو لأعرف ما حالكم
كيف حالك اليوم يا ام فراس وكيف حال فراس والولي
|
رد: حبيباتى سيدات ليبيا تفضلو لأعرف ما حالكم
اقتباس:
يسلمك عزيزتي... فعلا والله حاسه اني منعنشه بكل تقول حمل ثقيل كان ع ظهري وشلته هههههههههه حتي نا زوجي يحب الشعر الطويل بس ساده سنتين وشهرين هههههه وانا من انصار الشعر الطويل.. بس مع حملين وتعب الحمل والرضاعه الطبيعيه الشعر خلاص عدا فيها .. وانا معش عندي بال له وتقصف واجد من تحت ... بجد تعبني اخر فتره يطيح بشكل مخيـــف... و حسيت ببيك صح ... ونحن بينيوكاسل عايشين ف منطقه يكثر بها المسلمين والليبين وطبعا الانجليز لذلك في محلات ومحلات حلال واجد...ومطاعم ع كل شكل بس افضلهن اللبنانيات... وهالصالون هضا خاص بالنساء فقط وراق جدا ... وجنبنا في محل خاص بالواكسنق... الشمع... والوجه ومساج والاقنعه والمانيكير والباديكير والحنه الهنديه ... والميك اب والصالون اللي قصيت فيه شعري خاص بالقص والفرد والصبغات والقصه عجبت زوجي جدا لدرجة الانبهــــــآر فعلا حسيتها ع وجهها |
رد: حبيباتى سيدات ليبيا تفضلو لأعرف ما حالكم
حالنا تمام الحمدلله اليوم م الصبح براااا كنا الولي عندها تطعيمة كان خدتها طبعا حكيت للدكتوره ع تطعيمة الكبد الوبائي ان خدتها مند الولاده بليبيا ولازم تاخد التنشيطيه... عطتني موعد لها ف نص 9 ان شاء الله
بعد اتطق 6 شهور.. ادهورنا وتغدينا برااا وشرينا اشوي حاجات للمنزل بعدها جينا روحنا نا خلاص دهشت ههههههه زوجي قال نعدوا الحديقه كان هكي اتفاقنا بس قتله خلاص خود فروسي وعدوا بم ان السوم ما نزلش من الكروسه واجد ولعب قال خلاص انسيله خصيصا الحديقه فيها درجاحه بحماية مناسبه للاطفال بعمر فراس والعاب اخري ع سنه ... وقعد يحبهن واجد ...وتعود عليهن... شئ يوم انصورها لكن الحديقه حلوة وهواها نقي وفيها مكان مخصص للشواء |
رد: حبيباتى سيدات ليبيا تفضلو لأعرف ما حالكم
جيجي غياب...
ان شاء الله خير |
رد: حبيباتى سيدات ليبيا تفضلو لأعرف ما حالكم
اثري ح نجاوب ع اسئلتك
ونعطيك الطريقه انتي وجنودة اشويااات بس |
رد: حبيباتى سيدات ليبيا تفضلو لأعرف ما حالكم
بنات نبي نسألكم علي حاجة ونبي رايكم فيها
طبعا أني جبت نهاية اتنين يعني بنتي أسبوع او عشرة أيام وتسكر السادس وطبعا في ضغوطات عليا من كل النواحي يبوني نحمل مرة تانية ههههه واني ودن من طين وودن من عجين لأني تعبت هلبة في الحمل الأول لكن الجاب ماشاء الله علي قولة جارتي الاردنية شمة هواء في يبره يضربو فيها في الظهر تخدر الجزء اللوطي كله ولا كأنك تجيبي ماشاءالله أني سميتها اليبرا السحرية هههه لاني كنت منموت من وجع الجياب لكن لما ضربتها ناكل كاني كنت نكذب جابولي عصير شربت وبعدها رقدت وطفو عليا الضي هههههه المهم للسبب هذا ولأسباب تانية من ضمنها الجنسية الكندية يبوني نجيب عيل تاني اهني وبعدها نرتاح فترة طويلة عادي وهما يكبرو مع بعض والصراحة بدت الفكرة تخش في راسي وبالذات زوجي من ضمن اللي يضغطو عليا ها شن رايكم لأني محتارة الحق وقاعدة نقدم ونوخر هما عندهم حق واني عندي الحق إني نشوب مني اللي شفته في الوحم تصورو توحمت من الأول للتاسع وبروحي اهني وااك عليك ايام hwaml4 |
رد: حبيباتى سيدات ليبيا تفضلو لأعرف ما حالكم
القلوب عند بعضها ام فراس
حتي نفكر نقص شعري وقاعده مافاتحت زوجي في الموضوع طبعا شعري طويل الي ركبتي بس خلاص تعبني تقصف ويطيح والله يابنات لما نمشطه كل مرة يتعب المشط وبدي خفيف ومتعب في التسريح نبي اندرجه ,, حتي لو مشيت لحفلة نقدر نخليه مفتوح شن رايكم وديمة في الحوش لافاته شن الفايده منه صار كله سلطات ام فراس انموت في السلطات اوشي خلاص توا معادش عندك عذر صوري وحطيلنا |
رد: حبيباتى سيدات ليبيا تفضلو لأعرف ما حالكم
والله هدية انتي ادري بحالتك
بس انا متشحورة علي خاطر حتي نحمل ننصحك تحملي قبل كنت مش من مؤيدي الحمل علي طول بس اتجيبيهم وانتي صغيرة مرات افضل ويكبرووا مع بعض وانتي شن عندكم غيرهم في كندا تربيتهم بس مش لو كنتي في ليبيا طلوع ومشاوير وغيرها ومازلت نقول اانتي ادري بظرفك احبيبه وربي يسهلك |
رد: حبيباتى سيدات ليبيا تفضلو لأعرف ما حالكم
سلمك يا جنوده ومشكورة علي نصيحتك وان شالله
ربي يعطيك مافي بالك ويرزقك بالحمل السليم والمعافى عاجلا غير اجلا ياااارب ما تخميميش حبيبتي ولا تحطي في بالك ربي عادل وما ينسي حد تصوري أني أمي قعدت خمسة سنين ما حملتش واهي ماشاء الله جابت عشرة المسالة تبي صبر بس وربك يفرج ان شاء الله |
رد: حبيباتى سيدات ليبيا تفضلو لأعرف ما حالكم
اقتباس:
كانا أني للركبة ما نفرط فيه حتي لو كان فيه شعرتين بس ههههه الطياح والخفة تقدري تعالجيهم وتلقيلهم حل لكن الطول يكمل عمرك ولا يطول بالذات اللي نوعية شعره صعب أنه يطول لكن مرات نقول والله الا عندك حق لما يكون طويل ومافيشي منظر ضعيف هلبة متعرفيش كيف تعاملي معاه وكيف اديريله في المناسبات |
رد: حبيباتى سيدات ليبيا تفضلو لأعرف ما حالكم
والله كل مناسبة انخممله
لو بنلبس حرير مرتاحه ولو نلبس بدلة حتي هوا في نوع من الراحه بس فستان سهره هيا المشكلة لاااا حتي انا كنت هكي نقول الشعر الطويل حلو بس ضعيف ومتقصف مشكلة حتي في علاجه متعب وعارفة انتي مع كثرة التدويش مش مساعد خصوصا في الشتاء مااحلاه ادوشي وتربطي وتمشطي بسرعه |
رد: حبيباتى سيدات ليبيا تفضلو لأعرف ما حالكم
سوسو كيف حالك ليك وحشة
توا خلاص كملتي من العزومة ومن العرس غدوة خشي هدرزي استاحشنا هدرزتك .....والا بتعدي للعرس حتي غدوة ؟ |
رد: حبيباتى سيدات ليبيا تفضلو لأعرف ما حالكم
اقتباس:
وراهو يطيح هلبة لكن ماشاء الله باهي قاعد مليان لين متعبني لما نستشوره ياخد وقت |
رد: حبيباتى سيدات ليبيا تفضلو لأعرف ما حالكم
ام فراس اطلع وبان عليك الامان
والا فالحه في اللايكات بس تعالوا هدرزواااا شن درتي غداك اليوم هدية |
رد: حبيباتى سيدات ليبيا تفضلو لأعرف ما حالكم
اقتباس:
نفسك ياجنودة حتي نا ديمة لافته فووووق...كنت وانا فوق من ركبه بشويات كان بس بجد شن ينفع بعد تقصف والتقصف رقا وااااجد وخلي الشهر يتشاابك تخيلي وصلت بيا درجة قعدت نبكي منه بعد اخر حمام درته وقعدت اندير لمشطته ف الف حساب بجد تعبني مع ان مش نوعية خشنه بالعكس وزيدها يازايد بعد الحمل ومع رضاعه طبيبعيه هو لي فسد بكل... ومع التدويش ع قولتك صعب ف التجفيف خصيصا ف الشتا وانا ف انجلترا نيوكاسل اصل الثلج والبرد هنا... حاليا حاسة براحة مش عاديه خلاص الناس ف ليبيا ملوا من شكلي هههه كنت مميزه بين سلفاتي كلهن قصير شعرهن كاااري متفقات ههههههه وسلفتي لي بعدي كان شعرها طويل حتي هي ف فرح بنت صبيتي(بنت حماتي) قصاتها فرنساوي لودنيها بجد طلعت عليها حاجة روووعه... نا قصيتها بطريقه نقدر نلفه وف نفس الوقت بسيطة تحت الكتوف ودارتلي فيه لمسة دائريه لاني قتلها مانبيش ستيبس(مدرجات ) وزوجي كان معارض القص بس هو بروحه بعد شافه يطيح ومتعبني شجعني ع قص قالي توا يطول ويقوي ومنها حتي تغيرة لووووك... والحمدلله النتيجة كانت حلوة وعجبااااااته بكل توا مرة طالقته ومره دايره قرن بالنص ومرة رافعته ساسوكي ههههههههه فرحانه به |
رد: حبيباتى سيدات ليبيا تفضلو لأعرف ما حالكم
حرام عليك كيف فتحت درتلك لايك وقعدت نكتب ف رد بسسس ههههههه
|
رد: حبيباتى سيدات ليبيا تفضلو لأعرف ما حالكم
درت العشا خفيف تعشينا .. ولميت الحوسه وغسلتها وبرمت ع مطبخ
ودرت فروت سالاد وسقعت وتوا ناكلوا فيا تفضلن........... |
رد: حبيباتى سيدات ليبيا تفضلو لأعرف ما حالكم
هدية بالنسبة لموضوع الحمل ع بنيتك في كيف ماقالتلك جنودة بالضبط...
مع اني الحق كنت ضد هالفكرة ... بعد جبت فراس كنت ناوية نوقف سنتين وحتي زوجي يبي هكي... بس قدره الله فوق كل شئ وحملت بالغلط ... في الاول احبطت جدا وتعبت نفسيتي خصيصا مع كلام الناس....... وبعدها الحمدلله رضيت وقمة الرضا وخصيصا بعد عرفتها بنووووته ... صح تعبت وهكي بالحمل... بس مجرد ماجبتها وشفتها نسيت وراح كل التعب... وانتي وظروفك ... وبم انك براا حتي حلوة يونسوك في غياب زوجك ومنها تروحي ويكونوا شادين روحهم اشوي.. وخصيصا لو بكندا يعطوا بالجنسيه ف فرصه ان اصغارك ياخدوها |
رد: حبيباتى سيدات ليبيا تفضلو لأعرف ما حالكم
جنودة وين رحتي مش بتهدرزي؟
|
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
شن الجو
خل منحكيلكم علي لمة أمس طبعا هي مش لمة رسميات لالا جمعة حلوة جت بالجو احني أربعة اللي مشينا وهي الخامسة أول ماوصلنا جابتلنا عصير بروحه مش نروأ عطشنا لان أمس نو ورطوبة وبعدين شوية وجابتلنا شاهي وفطيرة بالعسل وكيك وطبعا لا ارتحت لا في ماكلة لا شراب من سوما سلامتها حركية هلبة وكان حطيتيتها في الوطأ شوية تلقيها بعيييد عليك ههههه مع أنها قاعدة ما تمردش لكن تنقلب مرة علي بطنها ومرة علي ظهرها وهكذا نين توصل للمكان اللي تبيه وكان شديتيها في ايديك تدف بيديها ورجليها وتلعب نين تقلق بصراحة المهم شوية وقلتلهم أني نستادنكم ياجماعة منروح بكري قبل الليل وقت عليا امشي ناضت تحلف المرأة قاتلي مانك متحركة من مكانك قالت مازال الوقت منديرو عصيدة ومنهدرزو العشية طوييلة مازال استسلمت وقعمزت لكن والله ما ريحتهم كل شوية نهدد فيهم بالمرواح ههههه والله ألا عندي الحق طريق طويلة وحني في جيهتنا يطلعولنا حتي دببة يدورو ما يأكلو في الكنايس حشاكم والله ديما يحطولنا في اعلانات في الاسانسيرات يحذرو فينا منهن وهنا ياكبدي كلهن احياشهن قراب جايات علي رجليهن أما أني هو اللي بنحصل بعدين المهم كلية معهم شوية عالسريع ونظنا ركبت في الباص الساعة 8 وصلت للحوش التسعة إلا شوي الدنيا كيف بادية اتظلم والحمد لله جت علي خير لقيت راجلي متصل بيا بيسأل وينا لتوا غير كنت في الباص ودوشة ماسمعتاش لقيته جاي وكيف ادن المغرب صلينا ودرت العشي وخلاص |
رد: حبيباتى سيدات ليبيا تفضلو لأعرف ما حالكم
اقتباس:
احني نتعشو عشي بس لان راجلي يروح متأخر يتغدى في الجامعة واني نمشي في حالي بخفيف |
رد: حبيباتى سيدات ليبيا تفضلو لأعرف ما حالكم
اقتباس:
فعلا معاك حق... وانا عليش بديت في الدايت قبل رمضان ...مع اني مقصره فيه اشوي وعليش نحاول هالايام انغير من استايلي... كله ف الاول والاخير عشان خاطر زوجي ولو تعددت الاسباب,,, وتسلمي ع الطرح الاكثر من رائع ونستنوا في اجوبتك انتي غاليتي... |
| الساعة الآن 07:01 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .