|
رد: تجمع امهااات ذو الحجه
جمان ..........اولا حمدالله على سلامتك ويبارك بمولودك وان شاءالله مأجورة .ا انك اتعبت بالولادة حاولي ترتاحي وتسعيدي صحتك على قد ما تقدري واي حد ممكن يساعدك اطلبي منة وابا لاتهملي نفسك والراحة. وحاولي ما تفكري حاليا الا براحتك حتى داومي وانت بصحة مليحة واذا تقدري تأجلي الدوام اجلية
اي حد تعين جديد لازم يتغلب بالبداية وبعدين تتستقر الامور اهم شيء تنظم وقتك وامورك والا ما تلاقي حل والله يسرلك. |
رد: تجمع امهااات ذو الحجه
اجوان
قلبو الف سلالالالامه عليكي ماما عيوش انا زي حالتك في بيتي وحايسه حوسه مالها اول ولااخر قلبي مدينه الف سلامه لي قلبو |
رد: تجمع امهااات ذو الحجه
صبااااح الخير لآحلى مامات
اخباركم ياحلوات واخبار نونواتكم،،،؟ لكم وحشه ياعسولات |
رد: تجمع امهااات ذو الحجه
صباح الخير مامات
اخباركم واخبار الكتاكيت |
رد: تجمع امهااات ذو الحجه
مامه عيوش
الصمت عشقي عسله زهرة الموسم يسعد لي صباحكم جميعا اثاريكم علا وقت الدوامات تصحصون وانا امس الين 3 الفجر افرفر بالمنتدى واقرا بهالمواضيع وقريت موضوع ولادة الي كاتبه رجعت لكم بقصة ولادتي ومره تأثرت بقصتها وتعبها لدرجة جاني كابوس وربي حلمت اني بولد ولافي دكتوره تولدني واخرتها اختي الممرضه بالواقع اشوفها بالحلم تقةل خلاص انا بولدك وانا اهرب منهم خخخخخخخخخخخ جمان حمدالله علا سلامتك. ولاتتضايقين افرحي بالوظيفه والمولود وكل شي له حل وملح الحياه التعب وصراحه دكتورتك علا اللي سوته لاكن فيها الخير طيبت خاطرك و صالحتك وسوت لك تجميلي اهم شي |
رد: تجمع امهااات ذو الحجه
جمان الف مبروك و الحمدالله على سلامتك ...
و هذي حال الدنيا .. الصمت عشقي .. الله الله وينك ..؟ بجد اختفيتي .. انشالله تكوني بخير و بصحه و سلامه .. غلا حبيبتي المشد انتي فكيه شوي بين كل وقت و وقت يعني بعد ماتفطرين و العصر و قبل لا تنامين خلي حد يسويلك مساج و بعدها لفيه لا تسوين مثل الاندنوسيات .. ووووو لو تدررون انا وين ...........؟ فجأءه البارح زوجي قال بجيك و اخذني هههههههههه من دوون سابق انذار المسكين ماصدق يقولون خلصت الاربعين .. على طول جاء.. امي قامت تبكي و اختي .. و انا سويت معاهم الفلم و صرنا نبكي ههههههههههههههه امي تعودت على بنتي .. و بيتنا من النوع اللي لا دخل في اي طفل غير تحس الكل مجتمعين حوله اذكر اخوي بأحد عياله بعد ماخلصت زوجته الاربعين راحو الجبيل كان وقتها ساكن بلجبيل ثاني يوم الصباح الساعه 5 و نص امي و ابوي راحو لهم ههههههههههههه انقهرت وقتها كنت ادرس وله كان رحت معاهم.. وووووووووووو زوجي مستغرب يقول ليه المبالغه ..؟ هههههههههه و الحين مافي اله انا و بنتي قاعدين بلشقه و قااعده اكررف على خفيف .. منظرر الشقه مع حوووسة الاغراض تنررررررفز ... |
رد: تجمع امهااات ذو الحجه
هلا مشاعل
ايه فكيته امس بالليل وكنت رابطته يومين حسيت بطني يحكني ومحمررر اووؤ رجعتي شقتك حمدالله عالسلامه والله انا امي من الحين قاعده تحاتي اذا رحنا شقتي وش بتسوي عاد حنا ماعندنا اطفال ابد واخر نفاس عند امي قبل عشر سنوات تقريبا ولد اختي شكلنا بنسوي فلم اذا رجعنا. زيكم خخخخخحح ماقلتي لنا وش الاكشن الي صار لما رجعتي وكيف النوم مع المولوده |
رد: تجمع امهااات ذو الحجه
انا أعترف اني قد المسئوليه
اقدر اتحمل مسئولية 3 او 4 اطفال لكن من سنتين و طالع مو نتفه ام شهر شهرين مع ابو 3 سنوات .. انا حدي خايفه ولد زوجي معاي الحين و انا أصلن ماأبيه يروح لأمه لكن بنفس الوقت حاليا يبي لي فتره على بال ما بنتي أتأقلم معاها و اتعود على نظامها بلعربي الين تستقر حالتها من ناحية النوم و الغازات و الخ.. و اهل زوجي الحمدالله ماشكيت منهم مرتاحه معاهم لكن مافي حد منهم بيساعدني و انا بروحي بلجبيل .. يعني تخليو اول ماتزوجت و طحت ذيك الطيحه من مستشفى الى مستشفى و تعب و حراره توصل للاربعين و تتعداها .. اللي بلاخر طلعت عين ماصلت على النبي .. المهم كان بوقتها ولد زوجي عمره سنه و شهرين المهم انا اخذته عندي بعد الزواج بأسبوعين عشان يتعود علي ... كنت اتعب و اقاووم الى اخر لحظه لما احس ان عيني بتغفل عنه و مااقدر اسوي له شي .. ادق على زوجي و اقوله .. خلي اهليك يجون يأخذونه او انه انا بروح هناك اقعد.. لان بيت اهل زوجي قريب بينا شارع بس لما اروح عندهم تعبانه و ربي يادوب اقدر امشي يشوفون امسكه و اوديه الحمام و اسوي له كل شي يقولون لي خلاص روحي ارتاحي واضح انك تعبانه.. و لما اقعد بلشقه و يجون يأخذونه وربي بس ساعتين او 3 ساعات و يرجعونه لي .. انقهر حزة بخااطري بس ماقلت لاحد من اهلي و لا شكيت لزوجي قلت اصبر و ربي يعيني انا كنت اخاف عليه .. انه يجوع يبي يغير و مااقدر اقوم اسوي له شي .. صعبه في ذمتي .. عاد البارح لمحة لزوجي قلت له الله يستر بس لما اروح هناك محد بيعاوني .. قال لا انشالله ماتحتاجين حد .. قلت له تذكر في بداية زواجنا يوم اتعب محد كان مهتم .. ماابيك تعتبر كلامي تحريش على اهلك لكن في تميز بلمعامله هو اصلن زوجي ينقهر من ذي الطريقه هو عارف ان عندهم حرركات التميز .. لكن كلامي معاك الحين لمجرد الخوف بكره لا صار شي هنا و له هناك لا تلومني لا اهملت في احد من عيالك سوى البنت وله الولد ماعندي فرق بينهم .. لكن خايفه عليهم بنفس الوقت... و مشكلتي الثانيه ان الخدامه اللي عندي خااااااااااااااااااااااااااااااااااااااااااااااطري أكفخها و ماابي اصارخ عليها وله ابين لها اني ماابيه بكره تسوي شي في ولد زوجي وله في بنتي وله في بيتي عموما و امووت بحسرتي .. الخدامه بجد تقهر اربع و عشرين سااعه بلجوال و لما اقولها هذا لا تلمسينه تروح تلمسه انا مااخليها تكرف كثير انا اللي اطبخ و انظف غرفتي و اغسل الملابس هي يادوب الصاله ووو تكوي الملابس و تمسح الشبابيك وانتهينا انا بلاصل جايبتها عشان تنتبه لولد زوجي لما أكون مشغوله و لما ابي اريح .. مااحب الخدامه تهتم في بيتي .. هي تنقهر ليش ماتخليني اطبخ يعني انا وسخه ليه ماتخليني اغسل الملابس يعني انا بأكل الصابون .. حتى ولد زوجي انا اللي اسبحه ماابيه يتعود على الخدامه بس يادوب لو انا مشغوله اخليها تحل محلي لدقايق او لساعات .. فا صايره تعاند لما اقولها شي تقول والله ماسمعت خااطري بجد اكفخها و هي كذابه .. الله يعين الجميع ياربي يهون علي و اقدر اتحمل مسئوليتهم و لا احتاج لأحد .. |
رد: تجمع امهااات ذو الحجه
مشاعل همنيها وتهون اصلانادراماتلقين خدامه زينه ولازم البيبي الجديد تسير الوحده ماهي عارفه وش تسوي شفيني هذا رابع واحد بس محتاسه فيها
بنات رحت الدكتوره قالت خياطتك كويسه بس انا قلت ابغى اسوي تجميل قالت خلاص اعطيك بنج كامل وبتجلسي عشرايام تتالمي ولاتقدري تجلسي والحين محتارهاسويها ولالا |
رد: تجمع امهااات ذو الحجه
غلا
الحمدالله بنتي مو مزعجه بلنوم ياربي لك الحمد بس هي حاليا شووي تعبانه .. بسبب البلغم مو قادره تطلعه فا تتضايق بعض الاحيان تقوم بليل تبكي .. بس الحمدالله احسن من قبل .. اووووووووووووووووووووه يا غلا لما رجعت البيت .. انصدمت صدمه اليمه.. مو أنا مشكلتي مع زوجي انه يستحي و مايعرف كيف يعبر عن شعووره البارح بجد صدمني هههههههههه بس مااشتكيت عليه هههه اول مادخلنا الجبيل سوى لي زفه .. بهررنات السياره اقوله ليه تززعج الناس قال مبسووط بس حبيت ابلغهم انك جيتي الجبيل طبعا انا hwaml53 المهم وصلنا قالي لحظه لا تنزلين عشان البنت ما يدخلها الهواء ابي انزل السرير و ارتبه و بجي اشيلها قلت اوكي يلا .. اخذ السرير و رتبه و انا بلسياره وينه ماجاء نزلت بسررعه اله هو في وجهي يقولي معليش شقة عزووبي الحلويات بكل مكان ههههههههههه قلت لا اهوون من غيرك اهم شي ماتوسخ طلع يجيب باقي الاغراض و انا لسه بلصاله اتفقد الاوضاع المهم رحت الغرفهhwaml03 الغرفه مشغل فيها شموع و ابجوره خطيره تطلع اشكل قلوب و مدري ايش حمراء و و ابجوره على شكل قلب احمر و مكتوب على السرير احبك و مسوي بلورد قلب و من داخل كاتب احبك و مشتري لي قمصان نوم قليلة ادب هههههههههههه و موزعها على السرير ههههه و سله من بدي شوب و عطر .. اخر شي كنت أتوقعه منه لانه يستحي على الاخر.. و بدليل الحياء الاخ قعد براء الشقه في البرد من زود مايستحي مادخل.. و انا اناديه يسوي نفسه مشغول و يتصدد هههههههههههه حالته صعبه لما دخل الشقه مستحي مو قادر يحط عينه بعيني و يتعذر يشيل الشنطه ههههههههه نزلت الشنطه من يده hwaml67 خليته يستحي على الاخر هههههههههههه بعدها قالي نورتي البيت و هيك شغلات .. الله يهديني و يهديه و يجمع دايم بين قلوبنا بلخير .. بس بجد القمصان قليلة أدب ماأتجراء البسهم أصلن لا جيت ابشتريهم اخاف انه يقولي ماتستحين هههههههههههه وله ماتعجبه هلحرركات .. الله يعين و بس |
| الساعة الآن 03:34 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .