|
رد: تجمع حوامل ليبيا
انا امس جنى صبايا فى حوش امى ومش غابية امشيت من الصبح نوتى الموالح والعشاء واولامس مشيت عزيت وزى مقتيلى خليت سلامى حار والامور تمام وملقيش لاعمتى ولاحماوتى غادى ربك سترنى
تو موش عارفة الواحد شنو يدير فى الحمو الغذاء نقعد نفكر شنو مطيبة اليوم |
رد: تجمع حوامل ليبيا
السلام عليكم ورحمة الله
هلا بالغوالي هلا بميرنا الحلوة ربي يحليك ويخليك دوم حلوة ورشيقه ويرزقك بالذرية الصالحه خلاص انا عبيت اعليك في احكاية الرشاقة واول ما نولد تاني يوم ديريلي برنامج خاص نمشي اعليه نبي في 3شهور انولي 60كيلو بس هنديه ما اديري شي في بالك وخليك حلوة من داخل ساد انا مش هامني الناس بس حكايه اللبس مضايقتي كل شي حلو رقمه من 38 الى 42 والكبير مش حلو وخاصة هنا في المانيا ارقامهم تبدا من 34تخيلي واكبر رقم في اللبس الشيك 44 اما قسم المقاسات الكبيرة يحشم كل الناس عملاقه وتخوف نتحشم نخشله مع راجلي مكتوب عليه الاسمxxxxl |
رد: تجمع حوامل ليبيا
مساء الانوار عيون زوجى وربى يكملك على خير فعلا مشكلة اللبس ...لكن انقولك حاجة مرات هرمونات مش مأكلة ولازم ممارسة الرياضة ونحس فيها صعبة مع أنى لما كنت بنت نتلايض تو مداير برنامج نفتح المسجل ونرقص 10 دقايق فى اليوم ..
وفيه مشروب انقصت عليه كيلوين وفى نفس الوقت مدر للحليب ماء مغلى فى ملعقة صغير شمر + فلية + كمون حلو + سكر نبات فى المساء وبيهدى الاعصاب ,,, |
رد: تجمع حوامل ليبيا
وينك ياميرنا ؟؟
|
رد: تجمع حوامل ليبيا
وينكم اليوم نخش ونطلع مفيش حد كساد
|
رد: تجمع حوامل ليبيا
كيف حالك عيون زوجى وشن دايره فيك الغربه خلينا نتلاقو ونهدرزو ع الغربه
|
رد: تجمع حوامل ليبيا
ميرنا كيف حالك ضحكتينى تو نلبسهم ماعليك ايه صدقتى الهدريز هنا يمشي الوقت وتفتكى من القرمه وع فكرة الحمل ماتفكري فيه بكل تو يجى هو صعب انك ماتفكريش فيه بس حاولى تلهى روحك باى حاجه وربي يسهل عليك وعلى كل وحده خاطرها فى بيبي وعليك بالاستغفار والصلاه ع سيدنا محمد عليه الصلاه والسلام لانه سبب الاستجابه
|
رد: تجمع حوامل ليبيا
لولى 2010 كيف حالك شكله مفيش حد الا انا وياك انظر وين اليوم ام اسيل وميرنا
|
رد: تجمع حوامل ليبيا
صباح الخير اليوم الجمعة وراجال كلهم قاعدين مانوصيكنش لى توعة منكن اتعدى للمكياج ولبسة الخفيفة واقصيره والله الله فى اشعر وديرن فطور سمح وخلى لبتسمة لعند الوذان نين يمشى فكنكن من المشاكل ولى فى عقلها خرابت سوق تزمطها نين ايعدى وطلعن على الجلبية البيضة والفرملة السمحة وحديها وركن تنسنا اليوم خوذن القصاصة وانتنا لى قصن اظافرهم وراكن تنسن السبابطيط بدون تلميع ولى تقدر اتعطيه على راس قبل ماينوض من افراش ماتقصرش هو متسبح متسبح انتقمن منهم وانا اولكم طالعة شورة يااااااااااااااا ويله منى ههههههههههههههههه
|
رد: تجمع حوامل ليبيا
خير يابنات وحشتني مووووووت اناالنت متاعي اسمه واي ماكس كان له يومين خارب والله وحشتوني انا الدورة مازالت ماجت ودرت تحليل امس وطلع سالب واليوم 31 من الدورة مش عارفة سبب عدم نزولها توا نبي ننزل نتغدى مع عمتي وفي العشية عازمتكم على قهوة راكن تغيبن
|
| الساعة الآن 02:43 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .