|
رد: دردشة حوامل أهل جدة - دردشة بنات جدة - تجمع حوامل مدينة جدة
الحمد لله على السلامتك يا موون ويتربى بعزكم ان شاءالله
ام عمرو ... منورة التجمع خوخة ..مبرووك الحمل الله يتمم لك على خير ياكريم ...انا بكرية واراجع في المركز الطبي الدولي عند دكتورة سحر عيدروس ... |
رد: دردشة حوامل أهل جدة - دردشة بنات جدة - تجمع حوامل مدينة جدة
كيفكم كروشات جدة
انا اليوم زوجي قلي انه لو ولادتي قيصري لاسمح الله راح ياخدني اولد في مستشفى الجامعه الحكومي اما لو طبيعي ان شاء الله وهادا المحتمل راح اولد في المستشفى اللي فيه الدكتوره اللي بتابع معاها اللي هوا مستشفى الزهرة لأن في الجامعه اللي راح يولدني رجال وانا لايمكن اولد طبيعي مع رجال -_- والله يتمم لنا على خير ونولد بالسلامه دعوااااااااااتكم |
رد: دردشة حوامل أهل جدة - دردشة بنات جدة - تجمع حوامل مدينة جدة
اهلين بنات كيفكم اتنا حامل ببيداية الشهر الثاني وحابه انضضم لكم
بالنسبه للاخوات خوخه وأم عبدالرحمن السلفيه انا راح اتكلم عن تجربتي ولادتي الاولى كانت بسليمان فقيه عند الدكتوره فاطمه العتيبي وصراحه مايحتاج اتكلم عنها لانها معروفه وارتحت لها كثير واهم اهم شي كانت عندي الخياطه الحمدلله بعد الولاده لا التهبت علي ولا كانت خياطه اي كلام زي الي يشتكو من خياطاتهم بعد الولاده كانت مره كويسه ولا تشق غالفخذ وهذا الشي حلو وطبعا بعد الاربعين دعيت لها كثير .... وان شاء لله حملي هذا كمان بأولد عندها بس مشكلتها زحمه موت موت ولا اقدر اروح للمراجعات عندها انا بس روحت الشهور الاولى فتحت ملف عندها واعطيتها كل التحاليل حقتي وحطتها بالملف بعد كذا زورتها مره او مرتين بالتاسع بس لانو مره مره مره زحمه عندها ووقت الولاده جتني مرتين مره اول مافتح الرحم 7سم ومره ثانيه وقت الولاده انا صراحه انصحكم فيها واكثر شي يعجبني فيها على كثره الناس والزحمه الا ان اخلاقها حلوه وابتسامتها ماتفارقها وولادتي هذي بأذن الله كمان عندها هذي تجربتي وحبيت افيدكم |
رد: دردشة حوامل أهل جدة - دردشة بنات جدة - تجمع حوامل مدينة جدة
كيفكم ياكروشات وكل عام وانتم بخير لله الحمد والمنه انا توني حامل ورحت اول زياره لي عند الدكتوره ولاء بندق في بخش فيه احد جربها او يعرف عنها شي وكذلك عن المستشفى حلو والا لا انتظر ردودكم كذلك عندي طلب تعرفون اذا فيه اي مكان يعطيني اجازه مرضيه لفتره طويله لاني اعمل معلمه بمنطقه نائيه بالجنوب وطريقها جدا سئ واخاف يصير لي شي وانا بالبدايه خصوصا ان حملي باطفال انابيب ياليت تفيدوني
|
رد: دردشة حوامل أهل جدة - دردشة بنات جدة - تجمع حوامل مدينة جدة
يابنات انا ابي اولد بالجامعه الحكومي رحت عندهم قالو لازم تجيبين تحويل ملف من المستشفى
اللي كنت اراجع عنده وانا كنت اراجع عند مستشفى المستقبل الدكتوره فاطمه مستشفى خاص تعتقدون انو مستشفى خاص يحول على حكومي تكفون ساعدوني انا بنهاية الثامن لازم افتح ملف بالجامعه الحكومي قبل ماتجيني الولاده ويحولوني على الطؤاري ويولدوني الممرضات لا انا ابي دكتوره مختصه ابي افتح ملف بس مااعرف اشلون |
رد: دردشة حوامل أهل جدة - دردشة بنات جدة - تجمع حوامل مدينة جدة
عاشقه اعتقد التحويل يتم من مستوصف الحي او مستشفي حكومي يعني جهة حكومية لاني كنت اول حملي اتابع في مستوصف الحي وطلبت تحويل مرة للملك فهد لبطني ومرة للولاده بس مدري اتاكدي من البنات انا هادي تجربتي مع التحويل ام بدر كم كلفتك الولاده عند فاطمه ؟ كنت اتمني اولد عندها بس زحمه كرهتني عمري + قالولي الستف حق ممرضات التوليد تغير وماعاد زي اول طيوبين ومدري ايش فخفت كيف مستشفي هاله بن لادن ؟ بالزات من ناحيه الممرضات والغرف وكدا ؟
|
رد: دردشة حوامل أهل جدة - دردشة بنات جدة - تجمع حوامل مدينة جدة
الف مبروك مون والحمد لله على السلامة
|
رد: دردشة حوامل أهل جدة - دردشة بنات جدة - تجمع حوامل مدينة جدة
كيفكم كروشات
مووووووون مبروك والف حمد لله على السلامه انا حامل بالشهر الثامن وماني عارفه وين اولد تكفون بايش تنصحوني عند اي دكتوره وكم سعر الولاده لان زوجي محدد4000 الاف للولاده الله يسهل علي وعليكم الولاده |
رد: دردشة حوامل أهل جدة - دردشة بنات جدة - تجمع حوامل مدينة جدة
تاج راسي
الولاده بالسعر دا الي محده زوجك كويسة حتلاقيها في اماكن كتيرة تقريبا في عندك مستشفى الحمراء في الحمراء وهالة بن لادن في الحمراء وكتير من الدكاترة اللي في المستوصفات يولدو في مستشفيات تانية يطلعولك بالميزانيه هادي تقريبا واظن مستشفي المستقبل كمان تقريبا دا سعرهم عرفان اختي ولدت فيه بـ 4600 وعند دكتورة ممتازة انا اروح لدكتورة اخدت اسمها هنا من البنات مدحولي فيها اسمها تيسير الكومي في مستوصف هاله بن لادن وتولد في المستشفي حقهم تقريبا سعر الولاده يوصل لـ قريب 4000 واقل هادا وانا طلبت غرفه منفصله لنفسي طبعا حطي ببالك لو طلبتي ابره ظهر راح تدفعي مابين 1000 الي 2000 ريال علي حسب المكان هادا سعر الطبيعي لانو القيصيري اغلى وماعرف عنه تقريبا للاسف الا انو متوسط الدفع يكون 5 الالاف او سته ازا تقدري روحي للدكتورة تيسير الكومي انا الان بالتامن ورحتلها عالتامن مرة ريحتني وطيبة وتجاوب علي كل شي زيما البنات قالولي والي بالمستشفي سالتهم علي خياطتها قالو كويسة مرة ماشاء الله لاني سالت وحده مسوية قيصري وتانية مسوية والده طبيعي عندها هيا واخت زوجها كمان في دكتورة امال العمر في الرويس كويسة ومدحولي فيها البنات كتير بس ماعجبني ماتجاوب علي كل سؤال لكن للامانه طيبه وتهتم بيكي وشاطرة بس ماتتكلم كتير ولاتجاوب وانا اطفش من الي كدا |
رد: دردشة حوامل أهل جدة - دردشة بنات جدة - تجمع حوامل مدينة جدة
السلام عليكم ورحمة الله وبركاته
حبيت اسالكم يا بنات في احد يعرف دكتورة خديجة عباس بمستشفي د. فقية انا بروح عندها بس مره زحمة بس كل الدكاترة في سليمان فقيه عليهم زحمة هي احسن ولا مستشفي الاطباء المتحدون لنو زوجي يقول غيري المستشفي عشان زحمة الانتظار فيدوني حبايبي hwaml13 |
| الساعة الآن 01:15 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .