|
رد: تجمع حوامل سوريا-دردشة ورود سوريا-دردشة الغاليات
اهلا فيكي حبيبتي شزا منورة اسم بنتك كتير حلو الله يتمملك علا خير انشالله وييسرلك امورك انا سيدرة صرلي مزوجة سنة وتلات شهور عندي ولد عبودي عمرو تلات شهور عل تمام وصرلي بدبي سنة وشهر ومانزلت فيهن ولا مرة علا سورية بسبب الاوضاع مع انو عندي مادة لازم قدمها واتخرج عم ادرس فرنسي بحلب بس ما قدرت انزل يا ستي الله ييسرلنا امورنا ويوفقنا ويكون مع اهلنا بسوريا
|
رد: تجمع حوامل سوريا-دردشة ورود سوريا-دردشة الغاليات
انا اليوم عاملة سمك بالفرن وبطاطا وصلطة تفضلوووووووووو
|
رد: تجمع حوامل سوريا-دردشة ورود سوريا-دردشة الغاليات
سيدرة ...تسلميلي ...عيونك الحلوين ..والله يخليلك هالقمر ...
عفكرة أنل كمان درست بحلب ...والي كتير ذكريات فيها ... وصحتين وهنا عالبطاطا مممم....مافي بعد الأكل السوري أنا أخواتي بالامارات ونص قرايبيني بدبي.... شوبدنا نعمل تشردنا والله يا سيدرة ...الهه يكون مع أهلنا وكل أهل سوريا ونرجعلها ونحنل وبيبيهاتنا |
رد: تجمع حوامل سوريا-دردشة ورود سوريا-دردشة الغاليات
ياي ..يا صبايا أنا كتيييير متحمسة عأساس بكرى جوزي ياخدني نجيب سرير لكوكي...ههه حاطة عيني عليه من شهر ...وعم قووول بكير ...بس كأني حسيت أنو رح يروح مني وضليت نق لوعدني هههه...عنجد كيدنا عظيم ..
وبحطلكن صورتو وسعرو ومن وين مشان اللي ناوية تجيبءمتلو ومشان اللي لسا محتارة ... وباخد رأيكن ... |
رد: تجمع حوامل سوريا-دردشة ورود سوريا-دردشة الغاليات
ههههههه شزا اكيد السرير حلو كتير مبين زوقك حلو الله يسلمك حبيبتي تسلمي عيونك الحلويوانشالله بتفرحي بشوفت كوكي نايمي بسريرها يارب
|
رد: تجمع حوامل سوريا-دردشة ورود سوريا-دردشة الغاليات
قوليلي سيدرة كيف كانت ولادتك ...أكيد بما انك بأميركا عطيوكي ابرة ضهر أنا ما رح أخذها ..وعذبك الصغير حتى رضع ؟وعم ترضعيه طبيعي عطول ؟ والقطب راحت فورا شي ؟
ههههازا كنتي شاطرة ردي عالكل ....معليش عم عذبك |
رد: تجمع حوامل سوريا-دردشة ورود سوريا-دردشة الغاليات
شزا اناماني قاعدة باميركا انا بدبي حبيبتي وبالنسبة لابرة الضهر انا الحمدلله ما عطوني ياها انا حطولي بنج بخاخ بالانف وابني الحمدلله رضع ورضاعتو لهلا طبيعي بفضل ربنا ولله الحمد وبالنسبة للاطب مو دغري بيطيبو بدهن شويت وقت يعني عل اربعين راحو الحمدلله بس حسب كل وجدة ونوعية جسمها واديش ابطينلها كنت اكل كتير تمر وحتا انقعو بالحليب وتاني يوم اخلطو عل خلاط واشربو وكنت ادعي لربي كتير مشان ييسرلي اموري والحمدلله ربنا مافي اكرم منو وباخر شهر صرت امشي كتير شي ساعة مع اني كنت اتعب كتير بس اجي علا حالي التلي الدكتورة انو المشي كتير منيح والحمدلله بالاخير ربنا بيسر سبحانو ما اكرمو
|
رد: تجمع حوامل سوريا-دردشة ورود سوريا-دردشة الغاليات
لك اهلين والله بالصبايا سدورة وسروؤة وشذا كتيير اشتأتلكن والله الكن وحشة يعني انتو عم تتواصلوا عالواتس اب ونحنا مالنا حق فيكن! اي هيك هه رجع التجمع نشاط وحيوية متل قبل حاسي حالي عم اعمل دعاية لشامبو هههههههههه
حبيبتي سروؤة شواخبارك وشو اخبار الامورة الزغنوطة انشاالله اوضاعكم واوضاع اهلك بخير وسدورة حبيبتي كيفو عبودي الحلو الله يحميه يارب سدورة انتي من وين من سوريا؟والله نسيت وهلأ بحبشت بين الصفحات مشان اعرف وماطلع معي شي وانتي اي سنة بالجامعة؟ وانا راحت علي سنة لاني مانزلت عالامتحان وانا عم ادرس بحلب حقوق شذا ياألبي معناها جيتي عالسعودية والاحداث كانت مشتعلي ييي منيح لأدرتي تطلعي والله اهل حمص ابطال الله ينصرهن على فكرة انتي من وين من حمص؟وانا اللي ساكني بامريكا موسيدرة مشان تكون ولادتي انشاالله سهلي ألتلي الدكتورة امشي بالاسبوع تلات مرات كل مرة نص ساعة بس الله وكيلكن عندي تريدميل وماعم اقدر امشي عليه لاني بتم مشغولي بحماتي آخ يابنات والله أديش ماكانت الحمايي سهلي بتم حمايي وأعدتها عندي صعبي وخاصة انا مابأدر اطلع من البيت ابدا لاعندي حدى من اهلي روح لعندو وغير جو ولابأدر اطلع برى البيت لعند حدى من معارفي لاني لسا مااخدت شهادة السواقة اجلت الموضوع مشان مايصير خطورة عحملي اثناء الفحص والله رح طق من الملل كتير الغربي بدولة اجنبية صعبي الله يعينا بس |
رد: تجمع حوامل سوريا-دردشة ورود سوريا-دردشة الغاليات
سلام صبايا كيفكون اشتقتلكون
منورة عن جديد بسبوسة والله يصبرك عالغربة ببلد اجنبي جد صعبة كتير حاسة فيكي انا كتير كنت انعس وحس بالخمول ونام كتير بس انتي هلأ مافيكي تاخدي راحتك قلبي معك الله يقويكي وياجرك الثواب على صبرك على حماتك وان شاء الله يارب بترق الايام ومابتحسي الا ووولدتي بالسلامة وتشوفي البوبو باحسن صحة مبروك شفتي البيبي انا لما شفت رنوشة اول مرة كمان اول الرابع طار عقلي وهبط قلبي شعور لا يوصف الله يطعم كل مشتهية يارب ندى الشام مبروك حبيبتي رح تدخلي الرابع والله يعينك عالوحام شكلك انتي وبسبوسة نفس الاسبوع الله يقومكون بالسلامة ياااارب شذا 100اهلا وسهلا فيكي حبيبتي واهلا ومية اهلا باهل حمص الابطال الله يقومك بالسلامة يارب وتشوفي كوكي باحسن صحة وخلقة انا كمان بالسعودية من سنة ومتزوجة من سنة مقيمة بالرياض حامل بالشهر التامن على ابواب التاسع ان شاء الله ومعي بنوتة رح سميها رانيا لاتشكيلي على حياة السعودية شو مملة وصعبة انا دقت منها كتير وعلى فكرة بانتظار صورة سرير الامورة لاني انا لسا ماجبت سرير رنوشة ومحتارة بنوعو والله يقومنا كلنا بالسلامة ياااااااااااااارب |
رد: تجمع حوامل سوريا-دردشة ورود سوريا-دردشة الغاليات
اقتباس:
والتمر والاناناس بدي بلش فيهن من التاسع كمان..تمارين القرفصة وهدول الشغلات hwaml7...انت من وين من سوريا ؟؟ |
| الساعة الآن 06:47 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .