|
رد: تجمع حوامل (( مكة المكرمة ))
اهلين خواتي كيفكم انشاءالله طيبين وكيف الحمل معاكم
يابنات انادخلت السابع ليه 4ايام سارينزلي شويه مويه وشدفي البطن وكل شويه الله يكرمكم اروح الحمام ولسه موعدي الثلاثاءانامني عارفه ايش اسوي انااقول لاني جبت اولادي ماسرلي كيده بس عشان في بطني بنت يسيركيده اتمنى تفيدوني الله يجزاكم خيرعلى فكره دوبي افتكرت انا سويت سونارفي بدايه الشهرالسادس في مستوصف الخالديه وقالتلي بنت بس في مشكله البنت جالسه عل المشيمه فامدري صح كلامها ولا لاهيا قالت اذانزل دم تعالي وانامرى مريحه نفسي وكمان رحت للممرخه وقالت البنت مرى نازله وهادي كم حاجه ياريت تقولولي |
رد: تجمع حوامل (( مـــكة المكـــرمـــة ))
سلام ياحلوين
كيفكم وحشتوني مرا مرا كلكم حبه حبه أنا ماكنت في البيت لي ثلاث أيام مو في بيتي وقبل شويه رجعت قلت أدخل أطمن عليكم شكلكم مشغولين مرا مافي صفحات بنوته توت انا لما نزلت مويه الدكتور أعطاني يوتوبار ثلاث مرات باليوم ووصاني ماأقوم بس مسدوحه حتى مااجلس عشان لاتنزل مويه حتى الجلوس ممنوعه منه بس تحملت وش أسوي وممرخه لاتروحي مو طيب موكل وحده تعرف للتمريخ ريحي نفسك ومادام انك دخلي السابع بأذن الله أنتي بأمان بس راجعي الدكتوره أرسلي زوجك يقولهم حالتك أنا كذا دخلك حاله أظطراريه وماقالو شي أستقبلوني أنصحك على صلاة العصر بكره روحي لعبد الماجد بمجمع الصفوه هو المساعد لمحمد خان بس تدخلي عنده لو كانت حالتك خطيره ينادي محمد خان لك ويفحصك وعادي عبد الماجد يستقبلك بأي وقت بس أنا أنصحك لو بتروحي بعد 2 الظهر عشان يكون محمد خان متواجد ولو سمح الله كان فيه خطر ينادوا محمد خان لك ماتشوفي شر والله يطمنك على البنوته وتشيليها بالسلامه يارب |
رد: تجمع حوامل (( مكة المكرمة ))
سلام عليكم اخباركم بنات ربي يستر عليكم جميعآ و يكون الجميع بالف خير يارب طبعآ الجميع عارف اني في جده عشان فترة العلاج الطبيعي حق امي و جلسات العلاج احد و ثلاثاء و خميس موعيدها كلها الصباح طبعآ اليوم كان عندها بس ما رحنا ولا بنروح و باقي 3 من غير حقت اليوم المهم الا صار امس لا ينقال ولا ينحكي لان الاخبار و البلاك بيري ما قصر بس طبعآ زوجي اتجنان ماقدر ينام امس و اليوم من الصباح اتصل قال انا بجي اخذكم و وصل لين اخر كبري الميناء و مقفلين نزل اتفاهم مع الضابط و قالو زوجتي و امها و هيا حامل و اهم شي اجيبهم مو مهم انا ولا السياره المهم قالو الضابت خلاص امشي بس ورا سياره كبيره عشان المويه و غامر و مشي و الحمدالله اني نحنا قاعدين في بيت اخويه في الحمراء يعني مرا قريب من كبري الميناء عشان يلف و يرجع و جا الحمدالله و رجع من نفس الطريق الا جا منو كل السيارات مخالفه اصلن لو ما خالفو ما يوصلو لان جها فيها مويه وجها مافيها يعني لازم و طلعنا على كبري الميناء في الاتجه الا يجيب على جده و طلعنا من فوق الرصيف و جينا الاتجه الثاني و السياره دخلتلها مويه و قعد زوجي يخرجها و الكفرات نسمت و دخلنا المحطه و سوينها والحمدالله وصلنا بالف سلامه هذا حالنا اجل كيف الا تعطلت سيارتهم في المطار و غرقو و .......و.......و...... الله يكون في عونهم يارب و يسعدهم مافي في يدنا غير الدعاء لهم ربنا قادر يرحمهم اسفه على الكلام الكثير بس تعرفوني بكل تفصيل لازم ^_^ أحلى موني اخبارك يا عسل و اخبار بنتك و النونو عسى يارب تكونو بالف خير & أمــــــل & منور بيكي و بكل الغالين يا قلبي انتي اخبارك و كيف صحتك الحين عساكي بالف خير doodi هلا اختي ان شاء الله الا ولدو و جهزو يقدرو يفيدونك في عيون زوجي بخير ربي يسعدك ايوا والله الواحد يلتهي و الله يلهي الجميع في طاعته انتي اخبارك عساكي بخير ثلجه فوشيه حبيبة قلبي ايوا من جد اتذكر تتكلمي و تسكتي و فجاء تتكلمي بسرعه و خرجتي و قلتي انك مرا تعبانه بس ماشاءالله تبارك الله وجهي حلو ولدك بسرعه ^_^ عسى ربي يحفظك يارب بنوته توت هلا يا عسل والله ما اقدر افيدك غير انك تروحي تراجعي في اقرب وقت ممكن و تطمني عسى ربي يطمن قلبك يارب و طمنينا نلي خانم يا هلا ياقمر اخبارك يارب تكوني بالف خير يارب تكون الثلاث الايام الا كنتي فيها برا انبسطي فيها يارب عسى ربي يطمن قلبك يا هو وين غنوجه هذي الا من جد ما تدخل مرا عسى المانع خير يارب وباقي الحلوين وينكم بس طمنونا بكلمه ولو جبر خاطر ربي يطمن قلب الجميع يارب |
رد: تجمع حوامل (( مكة المكرمة ))
هلا بكل حبيباتي الوالدات والي ماولدو يشدو حيلهم كيفكم ترا التجمع صار فاضي يخاف الواحد يدخل لحاله يصير له شي وما حد داري عنه يله ارجعو زي اول مره وناسه كلنا متواجدين ومستانسين فيه بنات غايبن عنا ايام كثيره بنعطيهم انذا وبعدين فصل اذا ماتواجدو في اسرع وقت ممكن لانهم وحشونا كثير وعلقونا فيهم وبعدين اختفو |
رد: تجمع حوامل (( مكة المكرمة ))
السلام عليكم
كيفكم ياحلوين ؟؟؟؟ خوفني كلام اموله وخفت من الفصل خخخخخخخخخخخ سلامه مامتك رحيمه يارب تقوم بسلامه وصحه وعافيه بنوته توت ماتشوفي شر ربي يكون معاك |
رد: تجمع حوامل (( مكة المكرمة ))
هلا كروزه يعجبني الي يسمع الكلام بسرعه شاطره وعقبال البقيه |
رد: تجمع حوامل (( مـــكة المكـــرمـــة ))
هلا حبيباتي
كيفكم الليله انا كالعاده ماأغيب ألا لظروف بس هالمره الظروف حلوه ولله الحمد رحومه والله خفت عليك وليوم كنت بدخل أطمن عليك والحمدلله أنك بخير والله العظيم تذكرتك وقلقت عليك خصوصا لما سمعت أن في حالات ولاده بالمنازل خفت تكوني ولدتي من الفجعه الله يستر عليكم وعلى جميع المسلمين الله يكون في عون أهل جده وربي حرام اللي ساير أرواح راحت بسبب الغش والأهمال كيف أوربا وأمريكا تجيهم أمطار مايصير فيهم كذا ألا السبب الغش في تصريف مياه السيول عندنا مابيدنا ألا الدعاء لأهل جده الله يحفظهم يارب ومصير الغشاش يلاقي جزاه في جهنم يارب أصحاب زوجي أرسلو صورة الكورنيش مره أنفجعت متساوي مع البحر كنا ناوين نروح نتمشى هالأسبوع بس بطلنا انا انبسطت بهالأيام اللي كنت غايبه فيها طلعتي كانت فجأه بس كانت موت حلوه تمشيت مع أهل زوجي وانبسطت اللهم لك الحمد اموله هلا بهالطله الحلوه أنا كمان أخاف على البنات لما يطولوا مايدخلون بصرحه يوحشوني كروزه هلا ياقمر كيف النونو يارب تكونو جميعا بخير |
رد: تجمع حوامل (( مـــكة المكـــرمـــة ))
سلام عليكم
مررررة خفت من امولة علشان كذا دخلت انا الحمدالله بخير جاتني اللدورة ربي كريم انا المفروض انسي موضوع الحمل ان شالله احاول |
رد: تجمع حوامل (( مـــكة المكـــرمـــة ))
نلي كيف الحمل ومعاكي الربط ان شالله بخير
تنمشي تخرجين ولا ممنوعه |
رد: تجمع حوامل (( مـــكة المكـــرمـــة ))
هلا كوكب
كيفك ياقمر بالنسبه لسؤالك اخرج بس مو كثير خروجي بحساب وأذا خرجت مااتحرك كثير صح كنت أتمشى بس مره مااشيل شي ومسدوحه في تمشيتنا وزوجي يمشي بالسياره مره بشويش مايسرع وينتبه للمطبات وأنا كمان منزله الجلسه بالسياره جلستي كأني شبه مسدوحه وبيني وبينك حسيت بشد في بطني وتعب بس لما رجعنا ماطلعت بيتي ريحت يوم عند ام زوجي لأن بيتي درج وخفت اطلع الدرج والحمدلله كنت خايفه من الخروج بس قرأت على نفسي وتوكلت على الله وماأجهدت نفسي أبدا والحمدلله يارب ولاتفكري بالحمل أبدا أبدا والله ياكوكب أنا تعبت قبلك من التفكير عيشي أيامك وخليها على ربك ولاتنكدي على نفسك وأنتي الحمدلله مافيكي عيب يمنع الحمل كل المسأله أنو مايثبت وهذا حلها بسيط مثبتات وربط وربي يسهل لكن لاتجهدي نفسك بالتفكير والحمل بأذن الله جاي بس داومي على قرأة سورة البقره وقيام الليل على طريقة الرسول عليه الصلاه والسلام أبحثي عنها بالنت والله تشوفي الخير وماتندمي |
| الساعة الآن 03:30 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .