|
رد: دردشة بنات فلسطين, دردشة حوامل فلسطين, تجمع بنات فلسطين
أوووووووووووووووووه بينك أنا بدي آجي و معي زوجي كمان لأنه بنموووووووووووووت فيهم
و كمان هويدة ببطني الها نصيب ههههههههههههههههههه |
رد: دردشة بنات فلسطين, دردشة حوامل فلسطين, تجمع بنات فلسطين
هبة انتي زوجك ما بيحب البازيلا
طيب كيف بتطبخي طبخة زوجك ما بيحبها؟؟؟ ليش ما طبختي مقلوبة صح بيحبها و لا انتي بتتمسخري و بتقولي ما بيحبها بس بالمقلوب |
رد: دردشة بنات فلسطين, دردشة حوامل فلسطين, تجمع بنات فلسطين
الله يكون بعونك ام عزمي
معلش بتهون كلها هالشهر وبتخلصي من الحمل وبتشوفي بنوتك بين اديكي بس الافرازات عند الكل مو بس عندك |
رد: دردشة بنات فلسطين, دردشة حوامل فلسطين, تجمع بنات فلسطين
والله بتنوري ام عزمي ياريتك بغزة
كان اجيتي عملتيهم انتي لاني حاسه حالي مكسله لسه بدي اروح من الشغل واعملهم |
رد: دردشة بنات فلسطين, دردشة حوامل فلسطين, تجمع بنات فلسطين
اجيت علة ريحة الاكل
صحتين صبايا انا هلا بوكل بشمام تفضلوووووووووووووووووووو |
رد: دردشة بنات فلسطين, دردشة حوامل فلسطين, تجمع بنات فلسطين
كيفكم صبايا
بينك روز انتي وين بتشتغلي صدقو لهلا ما تغديت والطبيخ اللوبيا الخضرا هيو عالنار |
رد: دردشة بنات فلسطين, دردشة حوامل فلسطين, تجمع بنات فلسطين
مين هون ندردش
انا عندي هالشي اني بطول بالنفاس يعني بعد بكرة بيصير 40 يوم و لهلا ما طهرت بزهق *ما يروح فكركم لبعيد* ولسا ركبت لولب و حيضل ينزل دم عبال ما جسمي يتعود عليه |
رد: دردشة بنات فلسطين, دردشة حوامل فلسطين, تجمع بنات فلسطين
هلا فيكي نبض قلب
بعين الله ان شاء الله بتقومي بالسلامة بعد النفاس وبترجعي للحياة - قرفـآآآآآآآآآآآآآآآآآآآآآآآآآآآآآآآآنـــــــــــــ ـــــــــــة موت ياربي الغربــــــــة شو مقررررررررررررررررررررررررررررررررررررفة صرت اتطاوش مع جوزي ع اقل شي والله منا طايققة حد وطول مبارح بعييييييييييط بدي ارجع ع غززززززززززززززززززززززززززززززززززة متت |
رد: دردشة بنات فلسطين, دردشة حوامل فلسطين, تجمع بنات فلسطين
هلا غمووض منورة وهلا بكل الصبايا..
نبض قلب منورانا من زمان عنك اهلا وسهلا فيكي مرة تانية؟.. انا الي مدايقني انو شعري بالرضاعه عمالو بيتساقط حاسة حالي ما رح يضللي شعر شو اعمل...؟ |
رد: دردشة بنات فلسطين, دردشة حوامل فلسطين, تجمع بنات فلسطين
سما الدنيا اهلن بيكي
طبيعي تساقط الشعر بعد فترة بيعاود يطلع بس انتي اهتمي فيه |
رد: دردشة بنات فلسطين, دردشة حوامل فلسطين, تجمع بنات فلسطين
انشالله الله يسمع منك..
كنت حابة ااقصو عشان يرجع يخمل بس انا قاصصتو مشفر وما بدي اقصرو كمان.... |
رد: دردشة بنات فلسطين, دردشة حوامل فلسطين, تجمع بنات فلسطين
مسا الخير صبايا
روحت من الشغل وعملت الغدا ونمت وماجليت الجلي قبل شوي صحيت عملت بسبوسه لزوجي طلبها مني كتير واليوم عملتها وجليت الجلي وهيني بدردش معكم مين هون ندردش سوى |
رد: دردشة بنات فلسطين, دردشة حوامل فلسطين, تجمع بنات فلسطين
مساكم فل يصبايا
عم بسمع قومي تنرقص ياصبيه ^_^ |
رد: دردشة بنات فلسطين, دردشة حوامل فلسطين, تجمع بنات فلسطين
نبض القلب حبيبتي انا بشتغل بشركة خاصة بالنقل والتخليص الجمركي والبريد الدولي الممتاز
|
رد: دردشة بنات فلسطين, دردشة حوامل فلسطين, تجمع بنات فلسطين
بنات انا بفكر اصبغ شعري قبل ما أولد
شو رايكم بتصحوني بهيك شي ولا لأ |
رد: دردشة بنات فلسطين, دردشة حوامل فلسطين, تجمع بنات فلسطين
مساء الخير للجميع
كيفكم صبايا وكيف ببيهات ان شاء الله تكونوا بخير وبسعادة |
رد: دردشة بنات فلسطين, دردشة حوامل فلسطين, تجمع بنات فلسطين
هلا احساس شو اخبارك ياعسل
انا عقلي صغير والله قاعدة بحضر في سبيس توووون هههههههه |
رد: دردشة بنات فلسطين, دردشة حوامل فلسطين, تجمع بنات فلسطين
هلا سهى منووووووووووووره
|
رد: دردشة بنات فلسطين, دردشة حوامل فلسطين, تجمع بنات فلسطين
مساء الخير بنات كيفكم شو اخباركم
سهى منورة ما يحرمنا هالطلة يارب شو اخبارك سما طبيعي تساقط الشعر انا خلال فترة حملي قصيته مرتين وقبل اولد راح اقصه كمان مره عشان بطلع افضل احساس منورة \ بينك روز منورة ويعطيك الف عافيه انا عملت معكرونة اليوم |
رد: دردشة بنات فلسطين, دردشة حوامل فلسطين, تجمع بنات فلسطين
هلا فيكم بينك وحواء
انا بخير كنت بزيارة لمدة يومين عند بيت حماي بخانيونس بس اقسم بالله ندمت على هالمشوار تعب ومرض وقرف انا ماعد اطلع من بيتي الا ان شاء الله بس للمراجعة دكتورة وساعة ولادة روحت تعبانة كتير كتير وزاد وجعي بكل جسمي وكمان نكسرت طحونتي وتنكدت كتير بالمشوار كل وقت احكي لزوجي بدي اروح على بيتي وسريري بدي انام وجع دبحني برجلي وجسمي وتقل الحمل صار اصعب من اول ياصبايا ودخول الحمام اصعب واصعب صار بالنسبة لي هي اخباري كلها بتعب وتملل صح |
رد: دردشة بنات فلسطين, دردشة حوامل فلسطين, تجمع بنات فلسطين
مسِـِ،ِـاء الخيـِـِـِ،ـر أخبـــــــــــاركـــــم *** الكِـِـل عم بيشكِـِـي ليــه ؟؟ و ااانا لسى جاي اشكي الي يومين بفضل الله داخله التامن تقل غير شكل حاسه خلص ما في مجال يتمدد البطن اكتر من هيك هههه جــــارة القمـــر ::: مبروك اللوك الجديد طالعه حلوه عليكي هههه ,, انا اول ما حملت ما قصيت شعري ما شاء الله صار تحت الخصر بشي5 سم تاركته ان شاء الله لبعد الولاده انا لونه كستنائي و كنت عامله خصل كراميل فاتح بس هلآ ما في شكل للقصه لانو طول ,, شو عم تمشي كل يوم ,, صحتين على ورق العنب خبرينااااااا كيف طلع طالماااا انك اااول مره بتعمليه hwaml03 بينــــك روز ::: عااااادي في هاد الوقت هاد الوجع اااانا متلك على اخر السابع حسيت فيه و امبارح كان موعدي مع دكتورتي و حكتلي ما بتقدري تسوي شي ,,هاد من تمدد عضلات و عضام الحوض و من تقل الرحم ,,اهم شي لا توقفي كتير و لا تطولي و انت قاعده ,, بعين الله حبيبتي ربي يصبرنا امـــــ عــــزمي ::: كيفك.؟. صحه على الكفته ,,انا عملت لازانياااا الله يعينك على الافرازات اناااا طول فترة حملي ما بشوف الافرازات ابداااا يااا دوب اقل من الطبيعي طب ليه الربط بسبب افرازات ؟؟ اقصد انها بتأثر على عنق الرحم ,,!! |
رد: دردشة بنات فلسطين, دردشة حوامل فلسطين, تجمع بنات فلسطين
هلا فيــــكٍ !! سهـــى !! حبيبتي يعني بدل ما تغيري جو ,, تنكدتي و تعبتي بمشوارك ان شاء الله تزوريهم المره الجايه بالعافيه و تنبسطي حاولي ريحي حالك هاي الفتره لحين يوم الولاده ان شاء الله المهم جنى بخير و بصحه لسى ما قرروا الاطباء يوم ولادتك؟؟؟ |
رد: دردشة بنات فلسطين, دردشة حوامل فلسطين, تجمع بنات فلسطين
هلا عيون المها
بتعرفي لما بشوفك والله برتاح نفسيا مابعرف ليه حاسستك متل اختي لكبيرة مابعرف هيك شعوري وبحسك حنونه كتير علينا الله يخليكي النا يارب على فكره انا ما الي اخوات كبار انا اكبر وحده بخواني كلهم يمكن مشان هيك بحسك اختي لكبار بالنسبة للوجع والله دابحني هيني قاعدة على لسرير وحاطه رجلية على مسنده وراكزه ظهري الله يكون بعونا والله خايفه من الوجع هاد |
رد: دردشة بنات فلسطين, دردشة حوامل فلسطين, تجمع بنات فلسطين
حبيبتي بينـــك روز ,, ربي يديمك و يعزّك و دائما تكوني مرتاحة البال و الخاطر ان شاء الله دائما نضل اخواااات في هالمكان اللي جمعنا شعور متبادل انا عكسك اصغر اخت نحنا 4 اخواات بس في اصغر مني اخوين ذكرتيني باخواتي كتير اشتقت الهم انا متلك معظم وقتي الفراااغ بضل ماده رجلي على مستوى هاي الوضعيه بتريحني |
رد: دردشة بنات فلسطين, دردشة حوامل فلسطين, تجمع بنات فلسطين
صحيح بينك روز ~~::~~ بالنسبه لصبغ شعرك ليه ما تستني بعد الولاده افضل أو اذا كتير مضطره حاولي تطلبي انو ما يلمس الصبغ جلد الراس (انتي شو ناويه تعملي خصل هايلايت و إلا صبغ كامل لكل الشعر تغير لون) انا تاركه لبعد الولاده لانو كتير بسمع انو مو كويس الصبغ خلال الحمل فمن باب الاحتياط افضل تتجنبي,,انا بس بعمل خصلات بين شعري تموجات ,, بس ماجله كل هاد ان شاء الله بعد الولاده غمُوْض أُنثَى اكيد الغربه صعبه و الكل بشتاق لموطنه الاصلي انا مشتائه لكل شبر في القدس خصوصا الاقصى و الصلاه فيه بس نصيحه مني ما تضلك تشكي قدام زوجك هيك بتحسسيه انو هو المذنب في عدم سعادتك و انو وجوده مش كفايه لحتى تكوني راضيه و سعيده اانا كنت اول سنه من وصولي لامريكا هيك و اضل حاطه البوم الصور و ابكي بس صرت كمان احس بالذنب لانو زوجي عمل المستحيل لحتى ما يخليني ما اشعر بالغربه فصرت احاااول اتأقلم مع الجو و اطلع على الامور الحلوه و انو في متلي كتير متغربين و انو زوجي كمان متغرب زيي و الو مشاعر متلي فقررت اني احمل و بالفعل بعد ولادتي باسيل حسيت انو الوضع صار بالنسبه الي افضل,, و وجود اسيل سد فراغي و صار فرحه الي و كمان في كتير عايشين جنب اهلهم و مش سعداء |
رد: دردشة بنات فلسطين, دردشة حوامل فلسطين, تجمع بنات فلسطين
يسعد مساااااااااااكم\ ما حد يحكي عن شد الرجل اليوم بشكي لامي اني وانا ماشيه بنفضح لما تشد اجري بموت منها كاني ببحسه قاعد على وتر او عصب بس ثانيه بروح ما بطول الوجع ...........وسبحان الله رجل وحد هي اليمين عيون المها اهلا بهالطله اهلا .............والله يا بنك روز سبقتيني بالحكي لاني كنت بدي اكتب لعيون المها اني بحسها اختي لكبيره ههههههههههه بس فعلا متل اختي لكبيره نفس الاسلوب والطيبه .........عيون المها خلص انتي العمده هون بالنسبه للمشي الله لا يورجيكم قال طلعت امشي مع مرت عم زوجي كل يوم بتمشي الله يسامحها ما مشيت صارت تركض وكل شوي تقلي شدي اجرك ...........وانا طلعت روحي صرت بدي ابكي ............المشكلة خجلت اقلها تعبانه لانها قالتلي قبل المشوار انها بتمشي مسافه وبسرعه قلتلها اكيد بقدر توكلي على الله ........... صرت اكل تمر الصبح والمسا .............. سهى هلا حبيبتي ربي يهون عنك ........متى ولادتك بينت؟ |
رد: دردشة بنات فلسطين, دردشة حوامل فلسطين, تجمع بنات فلسطين
جــارة القمـر "" طلتك الاحلى هههههه عمدة مين ,انا متنازل عنها , جاره بكفي زوجي بضل يحكيلي اهلا و سهلا رئيسنا كيف رضاك عناااا ههههه,, اذا لانا و اسيل بدهم شي بيحكيلهم زوجي اول شي اسئلو الريس ماما اذا وافقت انا ما عندي مانع ,, دائما يحكيلي زوجي شخصيتك قويه و واثقه من نفسك كنت اول زواجي متكبره شوي على زوجي (صريحه هه)بس غيرت نفسي هلآ بقدم كل طيبتي على طبق من فضه لبيتي و لسى بضل اقول مقصره بس طبعا تعاملاتي بره بيتي الها حسابات تانيه |
رد: دردشة بنات فلسطين, دردشة حوامل فلسطين, تجمع بنات فلسطين
اقتباس:
اكـــيد حبيبتي انا معك بهالشي , كمان انا مآخدة زوجي عن حب والله لو يروح آخر الدنيا بروح معاه , ودايما بحكيلو هيييييك بس والله كتير كتير مشتاقة لآهلي خصوصا كتير علاقتي قوية بماما وبابا ودايما بفكر فيهم وانا الكبيرة واول وحدة بطلع من عند اهلي " الوضع صعب كتير " وجوزي حرام والله دااااايما بيطلعني وشو ما بدك بعملك ياوردي عليا متل جوزك بأول سنة والله بيعمل المستحيل وما يشوفني هيك زعلانة او ببكي دايما بطلع وبتعرف ع ناس بس انا لأنه لسا ما صارلي سنة متجوزة وانا كمان كنت حامل ونزلت .. اتدايقت كتير بس صارلي فترة منزلة وبفكر بالحمل بس موقفاه حاليآ لانو عاملة حسابي ان شاء الله اولد عند اهلي الصيف الجاي .. الله كريييييم .. وانا بحكي متلك انه الولاد بيسدوا فراغ كبير بتلتهي فيهم انا تأقلمت عالوضع هون ومبسوطة كتير مع جوزي , بس بتيجي لحظات خلص عنجد بتحسي انك عااااجزة وبدك تشوفي اهلك ومش قادرة اكيد حسيتي بالشي هادا كتير الله يخليلك بناتك يـآآآرب ويسعدك انتي وجوزك ويخليكي انك فهمتيني ورديتي عليا كنت محتاجة شوية معنويات عالية ههههه وهلأ قاعدة بحكي مع ماما وبابا عالنت الله يخليلي ياهم يارب يسعد مساكو صبـآيـآ |
رد: دردشة بنات فلسطين, دردشة حوامل فلسطين, تجمع بنات فلسطين
بينك روز
بسمع انه الصبغة بالحمل مش منيحة بالمرررررة انا بنصحك تأجليها لبعد الولادة خليكي حريصة |
رد: دردشة بنات فلسطين, دردشة حوامل فلسطين, تجمع بنات فلسطين
جـ ـ ـ ـارة القـ ـ ـمـ ـر & بـ ـيـ ـنـ ـك روز بشكــــــــركم من كل قلبــــــــي http://forum.hwaml.com/imgcache2/hwa...285976_957.jpg ليلــــه هـــــاديه |
رد: دردشة بنات فلسطين, دردشة حوامل فلسطين, تجمع بنات فلسطين
اقتباس:
هلا فيكي حبيبتي بعين الله الحامل فينا وبشهور الاخيرة مفروض ما تطلع ولا تترك البيت حتى ساعة الولادة انا تعزبت وتعبت عشان خاطر اولادي بدهم يطلعوا باجازة عند بيت سيدهم وطلعت فيهم بس كان على حساب صحتي وتعبي بس حرام قدروا موقف وطلبوا نرجع على بيت لانه كان مفروض يقضوا خمس الايام عند بيت سيدهم بس شافوني كيف تعبت وماعرفت انام حكوا خلص بس تولد ماما بنرجع سألتيني متى راح يولدوني هما بيحكوالي حضر نفسي شهر جاي قبل رمضان بكون قربت اخلص تاسع وان شاء الله على خير المهم انتي كيف وبنات حلوين ربنا يحفظهم لك يارب وتوأم شو عاملين فيكي هلاء اكيد زاد تقل حمل عندك ووزن صار من الاسفل البطن الله يكون بعونك ويقومك بسلامة يارب |
رد: دردشة بنات فلسطين, دردشة حوامل فلسطين, تجمع بنات فلسطين
صباح الخير ياصبايا
كيفكم اليوم وكيف اصبحتوا ان شاء الله يكون اليوم عليكم خير وسعادة حبيبتي غموض مادايق نفسك وان شاء الله عن قريب بتشوفي اهلك الغربة صعبة وين ما تكون خصوصا اهل هي انا عايشة بغزة بس متل ما بتعرفي اهلي بتونس ودائما ببكي بدي اكون معهم وجنبهم وبتمر كتير علينا مناسبات وما بنقدر نكون مع بعض بس الحمد الله سنة وبعد 13 سنة بعيد عنهم قدرت اشوفهم واكون معهم وان شاء الله راح اكون دائما معهم ما راح ابعد عن اهلي اكتر من هيك لانه ماعد في عمر كتير اعيشه بعيدة عن اهلي واخواتي مهما كان زوجي واولادي اكيد ما راح يعوضوني عن اهلي وان شاء الله انتي حبيبتي تجتمعي مع اخلك واحبابك عن قريب وما تشعري بالغربة |
رد: دردشة بنات فلسطين, دردشة حوامل فلسطين, تجمع بنات فلسطين
يسعد الله صباحكم ويومك
ويارب يارب جميع يكونوا بخير وبصحة جيدة برجعلكم .......... |
رد: دردشة بنات فلسطين, دردشة حوامل فلسطين, تجمع بنات فلسطين
صباح الخير عزيزاتي شو اخباركم
عيون المها حبيبتي والله انا بحب اغير لونه كله بعدين اعمل فيه خصل بس خلص راح اعمله بعد ما أولد إن شاء اللها ولا يهمك غموض راح اسمع نصيحتك ياعسل عيون المها بجد انتي اجمل اخت إلي الله يديمك النا يارب |
رد: دردشة بنات فلسطين, دردشة حوامل فلسطين, تجمع بنات فلسطين
مساكم فل صبايا
انا بسمع في نسوان بيصبغو باخر شهر قال عشان لما يجي عليها الناس تكون بحله جديده بس هادي اكيد عندها 10 ههههههههه انا مانصحوني قلولي بعد ال 40 الحرص واجب |
رد: دردشة بنات فلسطين, دردشة حوامل فلسطين, تجمع بنات فلسطين
يسعد مساكم
شو عاملين انا غسلت |
رد: دردشة بنات فلسطين, دردشة حوامل فلسطين, تجمع بنات فلسطين
يسعد مساكم وكل اوقاتكم يارب
كيفكم شو اخباركم والله يا بنات صبحت مش طايقة حالي ذيقة نفس وحاسة نار بدها تطلع من جسمي لهلا صرت متحممة مرتين بمي باردة وعلى الفاضي اضافة لوجع ايدي مع النفاخ مفاصل اصابعي بوجعوني ما مصدقة ويخلص هالشهر وارتاح الاسبوع الجاي بنزل بالتاسع وحماتي بتقلي لسه التاسع اصعب الله يهونها علينا يارب ويخفف عننا باقي فترة حملنا وولادتنا يارب سهى منورة لما تكوني هون كثير بنبسط كيف صحتك اليوم ووضعك ان شاء الله تمام جارة ما تهلكي حالك بالمشي على مهلك بدك تقدري تولدي امشي كل يوم ساعة براحتك واعملي تمارين تانية بالبيت بتساعدك واشربي حلبة وزهورات اسمعت بتساعد بالتوسعات |
رد: دردشة بنات فلسطين, دردشة حوامل فلسطين, تجمع بنات فلسطين
مرحبا صبايا كيفكم شو اخباركم ؟؟ظ
كيف هالشوب معكم ؟؟ والله ما انا طايقه حالي كل شوي بتدوش ههههههههه مو جاي عبالي اعمل شي |
رد: دردشة بنات فلسطين, دردشة حوامل فلسطين, تجمع بنات فلسطين
مسا الخير حواملنا الحلوات
كيف حالكم انا اختكم من ليبيا حبيت امسي عليكم يارب تكونو بصحة جيدة |
رد: دردشة بنات فلسطين, دردشة حوامل فلسطين, تجمع بنات فلسطين
اقتباس:
بالنسبة للافرازات بتنزل بسبب الربط لأنه الخيط يعتبر جسم غريب و الرحم جزء حساس لهيك بتنزل بس مدايقاني كتير الافرازات كمان الها ريحة كريهة و ممكن تسبب التهابات و كمان ممكن تسبب ولادة مبكرة مع انه الغرزة معمولة لمنع حدوث الولادة المبكرة بس الافرازات هذه منها شو أعمل الحمد لله على كل شي كلها أسبوعين و لا تلاتة و بفك الغرزة بأول أسبوع بشهري انشاء الله بتعرفي صح كلام بينك روز أنا بحسك أختي الكبيرة لأنك كمان أكبر منا كلنا هون و تجربتك بالحياة طويلة و انتي أعرف منا بكل شي و بتنصحينا و بتفيدينا بخبرتك و كمان أكبر أخت الي عمرها 25 يعني أصغر منك و أنا يعني بالوسط في قبلي بنتين و ولد و في بعدي 5 بنات مهو احنا 8 بنات و ولد ما شاء الله 3 متزوجين و 5 بيدرسوا و أخي خلص دراسة و تزوج و عندو بنتين الله يرزقه بالصبيان |
| الساعة الآن 03:10 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .