|
رد: دردشة بنات ليبيا , دردشة حوامل ليبيا , تجمع بنات ليبيا
سلم ايدياتك اوشي ويعطيك صحيحتك وبالهنا والصحة تاكلوها
|
رد: دردشة بنات ليبيا , دردشة حوامل ليبيا , تجمع بنات ليبيا
لا محرجتش والدليل قاعدة ناخد ونعطي لاني والله لو نحرج حندير خروج ومعاد نفتح عالمنتدي ابدا حتي خلف الكواليس طبعي شوي شين hwaml4نمشي صح وكان حد غلط فيا انطنشه ولاناخد ونعطي معاه
فشوفيني انا قاعدة انهدرز وعادي ونفكر في المربي اللي اديري فيها ياقمر ههههه ابعتيلي منها وفي حاجة بنقولهالك اني مانطلعش هلبة يعني مناسبة او 2بالكثير بحكم لانمشي لصالة ولامنظومة فهمتيني وتعرفي انا انموت في الهدرزة<<<والدليل ردك بعشرة ردود هههههههه خصوصا العشية مع شاهي العالة وانروح منحبش انكلف حد لاغداء لاعشاء حتي لو نعرفة مايتعبش لا ماديا ولا جسديا ولااااااا انحب المناسبات الرسمية وحدة تشبح للتانية وخلاص انا لما نلبس ونكشخ لنفسي ولزوجي وبس بحكم ان صعب نجيب وحدة تمكيج ووحدة اتحني<<والله ديما انحني حتي بروحي باش ايشوفني زوجي درتها 2بس كمفاجاة لان تعرفي مرةتغيري ارواب لون شعرك تسمني تضعفي كلة مقدور علية لكن زي المناسبة صصصصصصصصصصصععععب هههههه |
رد: دردشة بنات ليبيا , دردشة حوامل ليبيا , تجمع بنات ليبيا
سلمك ياحبيبة هاذو طرفين اسهفت عليهم شموسة
اتفضلي خودي واحد خخخخخخخخخ |
رد: دردشة بنات ليبيا , دردشة حوامل ليبيا , تجمع بنات ليبيا
ياااااااااااهووووووووووووو وين عديتوا <<<قلبت شرقاوي ياحبي ليهم ولهدرزتهم السمحة يارب احفظهم
|
رد: دردشة بنات ليبيا , دردشة حوامل ليبيا , تجمع بنات ليبيا
لالالالا اوشي ابعتيلي صونيتي بروحي ياغالية
بصارة ياعسل والله كاني كليت مادام كليتي منها وسمي عليا طريف صغيرون <<مش طماعة ههه |
رد: دردشة بنات ليبيا , دردشة حوامل ليبيا , تجمع بنات ليبيا
حبيبة جيجي وسوسو ربي يدوم المحبة بينكم
اكيد كل وحدة فيكم فهمت عالثانية ... صحححححححح |
رد: دردشة بنات ليبيا , دردشة حوامل ليبيا , تجمع بنات ليبيا
نجيها ياربي جيجي الحانطة ضي التجمع اللي ديمة منورته
حتى انا انحب لهجتكم ... وبالنسبة للبسبوسة ياقلبي هانعطيك طرف بالكثير طرفين عشان الرشاقة |
رد: دردشة بنات ليبيا , دردشة حوامل ليبيا , تجمع بنات ليبيا
والله خيرك سابق يكفي انك اتوديني من قلبك الله لايحرمني منك ويحفظ لك صغارك وزوجك وكووووووووووول غالي عليك ياااارب
سوسو هادي عسولة التجمع مستحيل نحرج منها غالية وتبي مصلحتي بس ربي يحفظها |
رد: دردشة بنات ليبيا , دردشة حوامل ليبيا , تجمع بنات ليبيا
بالنسبة للموضوع اللي قلت الكم عليه بنستشيركم فيه هو ..........
انا مدحل الحوش لما اتخشي من الباب الرئيسي علي يدك اليمين دروج امدايرة فيهم حوضين حلوين حاطة فيهم ياسمين بلدي وافرنجي ومسك الليل ونهاية الدروج فريندا كبيرة علي شكل حرف ال بالانجليزي حاطة فيهم اصيصات نباتات منزلية جبتهم السنة اللي فاتت ايهبلو وكل اللي ايجو عطينا منهم كيف ينزرعو والحق انا شاريتهم ما يقار 30 اصيص ب 300 دينار ... بعد ما مرضت ما عتش اهتميت بيهم وحدات ايهبلن ماتن وحدات قاعدات لكن انحسهن مش تمام غيرت التربة وزدتها رملة وونقطع في الاوراق الصفراء ونسقي فيهم شوي شوي بس انحسهم مازل ما اصلحو فا أللي عندها فكرة او خبرة تقولي |
رد: دردشة بنات ليبيا , دردشة حوامل ليبيا , تجمع بنات ليبيا
بما اني حساسة شوي <<<لا والله هلبة ههههه
تعرفوا احيان تدمع عيني لما انشوف كيف الهدرزة كلها مفيدة ووحدة اتود التانية وتنصح التانية ندعي من كل قلبي الله لايفرقني عليكم يااااااارب وهدا بالنسبة ليا اول واخر تجمع لبنات ليبيا مادام مرتاحة فية مستحيل انبدل عليكم ابدا كلكم غاليات علي قلبي بنات انا قلقانة ومشغولة هلللللبة علي ام ناريز ردها مش مريح ابدا ربي ايفرج عليها وان شاء الله المانع خير وربي ايدلها عالطريق الطحيح وينزل الطمانينة علي قلبها <<مش حابة انخوفكم عليها لاكن بجد انا مشغولة من الصبح انصبر في روحي ممكن اتخش وطمنا ياااااارب ان شاء الله خير اثري شوي وتطلع زي القمر في الليل هالسهارة |
رد: دردشة بنات ليبيا , دردشة حوامل ليبيا , تجمع بنات ليبيا
جيجي ياقلبي اذا عند فكرة قوليلي ... غير انا توة الست روى موعد نومتها نمشي انجهزها
نتلاقو بكرة باذن الله ليلتك سعيدة في حفظ الرحمن |
رد: دردشة بنات ليبيا , دردشة حوامل ليبيا , تجمع بنات ليبيا
السلالالالالالالالالالالام عليكم مين اتجي تسهر معاي
|
رد: دردشة بنات ليبيا , دردشة حوامل ليبيا , تجمع بنات ليبيا
وعليكم السلام ورحمة الله وبركاتة
ام معاد منورتنا اليوم متواجدة هلبة دوم ياربي |
رد: دردشة بنات ليبيا , دردشة حوامل ليبيا , تجمع بنات ليبيا
والله يااوشي ماعندي فكرة ابدا ان شاء الله ايفيدوك البنات
وليلتك اسعد في رعاية الله استودعك بالله الذي لاتضيع ودائعة |
رد: دردشة بنات ليبيا , دردشة حوامل ليبيا , تجمع بنات ليبيا
ام معاد سامحيني لو اختفيت بدون استاذان نسمع في السيارات صحاب زوجي الاول الاول ولع سيارتة وبيروحوا
|
رد: دردشة بنات ليبيا , دردشة حوامل ليبيا , تجمع بنات ليبيا
اثري وينك انفكر انكلم هويدا نحجزها يوم السهرية لكن خايفة انجازف مع اني واثقة من دوقك لكن انا من نوع نطحطم كان معجبنيش يعني مانمشيش للعرس ههههه او نمشي ومش مستمتعة او نمسحة وادير مكياج بروحي
|
رد: دردشة بنات ليبيا , دردشة حوامل ليبيا , تجمع بنات ليبيا
ام معاد وينك
|
رد: دردشة بنات ليبيا , دردشة حوامل ليبيا , تجمع بنات ليبيا
ااااااااااااااه ظهرى تكسر من الوقوف وخدمة بالخلاط وتقشير وغسيل ووو
تعرفى ياجيجيى حشمة منك معاش نقدر نحكى قدامك على شىء بحكم انك حامل والله تدللى للمربى غير وين نلقاك ونجيبهولك |
رد: دردشة بنات ليبيا , دردشة حوامل ليبيا , تجمع بنات ليبيا
اني قعدة غر النت ضعييييييييييييييييييييييييف
|
رد: دردشة بنات ليبيا , دردشة حوامل ليبيا , تجمع بنات ليبيا
مشكوووووورة سوسو واصلة من غير متخممي فيا ربي سلم ايدياتك ويعاونك
|
رد: دردشة بنات ليبيا , دردشة حوامل ليبيا , تجمع بنات ليبيا
معليش ام معاد يكفينا وجودك وان شاء الله النت يتقوي عنك
|
رد: دردشة بنات ليبيا , دردشة حوامل ليبيا , تجمع بنات ليبيا
اااه عييت تعرفو ا الصغار رقدو من صلاة العشاء معجزة خخخخخخخخخخخ
منو موجود |
رد: دردشة بنات ليبيا , دردشة حوامل ليبيا , تجمع بنات ليبيا
السلام عليكم أنييييييييييييييييييييي
موجودة فراشــــــــــــــــــــــــة الليل تحييكم ~~~ عاد خير من خفاش الليل خخخخخخخخخخخخخخخخخخخخخخخخخخخ |
رد: دردشة بنات ليبيا , دردشة حوامل ليبيا , تجمع بنات ليبيا
من امبارح لتوا نلقى عشر صفحااااااااااااااااااااااااااات
حرام عليكم معاش عرفت شن بنرد ولا شن بنقول ؟؟؟؟؟؟؟؟؟؟ |
رد: دردشة بنات ليبيا , دردشة حوامل ليبيا , تجمع بنات ليبيا
~~~~ جنــــــــــــــــــــــــودة
مبارك تسجيلك بالبيضاء ؟؟؟ تصوري نصيبك كانوا مصكرين التسجيل من قبل ما نحمل بجود وفتحوه توا إستثناااااااااااااااااااائي سبحان الله جعله الله لك فاتحة خير بذريـــــــــــــــــــة طيبة |
رد: دردشة بنات ليبيا , دردشة حوامل ليبيا , تجمع بنات ليبيا
جـــــــــــو جـــــــــــــــو ~~~
شريتيها البدلة الهنديــــــــــــــــــــة ؟؟؟ أني تأجل برنامج المشية للمحل ،،، قالي مش العرس تأجل معناها حتى المشي تأجل ~~~~ ردي بالك يا غاليـــــــــــــــــة علي صحتك قاعدة صغيرة ،، وطاهقة بصحيحتك ،،، صحتك أوزنيها بميزان الذهــــــــــــــب ~~ يقول المثل : كان الفلاحة يوم نشمر ونجي غااااااااااايرة لكنها دوووووووم خلي يقولوا بايرة مش تحسابونــــــــــــــي بايرة ؟؟؟ اليوم طواريء لأن الجو تنظف من الغبرة وصار مغري للتنظيفات العميقة أول ما تصبحت علي الجنااااااااااااااان وبعدين الروااااااااااااشن وبعدين الأبواب مع الحوايج في الغسالة والغدي فوق النار """"""" بازيلياء وسلايــــــــــــــط """"""" مع الحمام والمطبخ واليوم مافيش دروس ، الخميس إجازة ســـــــــــوســــــــــــو~~~~~~~~ صحة ليك ،،، صاحبة واجــــــــــــــــــــــب هذا بيان أخت صاحبتك مالا كان صاحبتك شن كنت بترفعيلها ؟؟؟ الله يبارك ما قصرتيش بـــــــــــــــــــــس عندي تعليق وتعقيب واحد ::: صاحبتك الله يكمل عليها بالخير عندها علم بالحاجات اللي بتجيبيها ؟؟؟ قصـــــــــــــــــدي ماحلاها الهدية اللي تجي في مكانها بالظبط توا حني كعائلة وحتى كصاحبات مقربات وين تقرب مناسبتك يتصلوا بيكويقولولك بنهنوك علي هاذيكا الحاجة .... توا كان عرس بنت أختي في شهر 11 الله يبارك الأحباب كل واحد خذي حاجة،،، مافضلش لأم العروسة إلا ديكور الصالة لأننل مانديروش أعراسنا في صالات الأفراح فخدينا تحت العرص متاع جيرانا لكن شكله كئيــــــــــــــــــــــــب بكل امشي اتفقت مع مهندسة ديكور ،،، خلت هذاكا المكاااااااااااااان حاجة ثانية المهم............. لو اتصلت بصاحبتك وقتيلها بالك تبي حاجة نعاونك فيها ؟؟؟ طبعا بتقولك جيتكم سادة قوليلها : مادامك ماتبيش تقولي أني بنجيبلك معششة 50 طرف ،، وكان تحسي في معازيمها أكثر تلغي الموز والمشروب مثلا وتزودي عدد المعشعشة باش تهنيها علي حاجة وهذا شيء مجرب ،،،، في اسبوعي ولماتي اللي جابلي حاجة من باب المفاجأة الغالب مااستفدتش منها وحدة جايبتلي حااااااااااااااااااااافظة مليانة كعك مالح مظفور أني موصي علي خوه بالظبط ؟؟؟؟ حد مثلا يجيبلي صندوق موز وأني شاااااااااااريه موز وشوفي جوك الموز مع جو السخاااااااااااااااااانة وقداش بتاكلي وبتوكلي ~~~~ صح الموز غيريه نحس فيه مش ماشي مع المناخ ،،، وأكيد شارية موز ومادامكم عويلة وحدة الله يحفظكم استعملوا اسلوب إعطاء العلم ،،، والله فكرة مريحة ونافعة ~~~ وإن شاء الله مردود في نجاحك وحجتك ~~~ |
رد: دردشة بنات ليبيا , دردشة حوامل ليبيا , تجمع بنات ليبيا
أوشـــــــــــــــــــــــــــي
أهلا بيك ،،،،،،،،،،، شن أخبار الشرق ؟؟؟ إنت في درنة ولا البيضاء ؟؟؟ ولا المرج ؟؟؟ نعرف إنك من طبرق ... لكن وين السكنى ؟؟؟ تحديداً ربي يحفظ أوخياتك ويزيدهم من فضله .......... لكن تعرفـــــــــــــــــــــوا أني ممكن مسمومة شويــــــــــــــــــة لكن أني ضد العفس علي القلب والصحة وتوفيـــــــــــــر كل مايشتهيه الزوج داااااااااااااائما وأبدااااااااااااااا أقصد المرأة تمر بمراحل توهن صحتها وتغير مزاجها دورة ، حمل ، وحام ،، ترزين ، نفاس ، سهور ليل مع الأطفال وهي أمور معفيين منها الرجال فلاحـــــــــــــــــرج إن تدلعت شوية حينما تكونين بحاجة للراحة والاستجمام وهذا مش عيب فيك بل هو أمر يزيدك أنوثة ورقة ونعومة ويحسس زوجك أنك تستاهلي الاهتمام والرعاية المثلى لأن اللي مايديرش لروحــــــــــــــه قيمة مايدروهالاش الناس ~~~ قاعدة أراها ذهبيـــــــــــة أني مش من باب تخبيب الزوجة على زوجها ’’’’ لا والعياذ بالله ولكن من باب أن دوام الحال من المحال والإنسان عرضة لتغيرات تقلل من جودة عطاءها فإن إعتاد الزوج على نمط معين من الرفاهية صحيحة تاعبة مرتاحة متكدرة مش حيتقبل أي تقصير ، ويعتبره من واجباتك بعد أن كان ينظر إليه على أنه من جمايلك °°°°° خلاصـــــــــــــــــــــة سنوات زوجيــــــــــــــــــة ~~~~~~~~~~~~~~~~~~~~~~~~~~~~~~ |
رد: دردشة بنات ليبيا , دردشة حوامل ليبيا , تجمع بنات ليبيا
باقي الحبايب
أم نوزة ،،،،،،،،،،،،،،،،،،،،،،،، توكلي على العزيز الرحــــــــــــــــــــيم ولا تستسلمي للأحزان ،،،،،،،،،،،،،،،،،،،،، وكوني أقوى بـ" لا إله إلا الله " شمـــــــــــــــــوسة ،،،،،،،،،، لاباس على عبوسي ،،، أعتقد لازم ياخذ مضاد مادام حرارته شايطة ردي بالك عليه أم فروسي ،،،،،،،،،،،،،،،،، لا هية في التجهيز والتوتااااااااااااااااااااي سفرة موفقة ،،، في مرضاة الله أم معاذ ،،،،،،،،،،،،،،،، قمر غاب عناااااااااااااااااااااا وطل علينا فأشرق بنوره تجمعناااااااااااااااااا أمووووووووول ،،،،،،،،،،،،،، شن أخبار الوحام ؟؟ أم وسونة ،،،،،،،،،،،،،،،، قريب الخير يوصل ... بالسلامة إن شاء الله طمنينا الباقيات اللي مابيتش نسميهم باش يعرفوا غلالالالالالالالالالالالاهم كلكم تصبحوا علي خير السلام عليكم الساعة 2 ونصف إلا خمسة هذا وين رقدت البنوتة |
رد: دردشة بنات ليبيا , دردشة حوامل ليبيا , تجمع بنات ليبيا
اتري واوشي وام فراس بارك الله فيكم علا ردودككم الي اشرحت صدري وانا توا حالي الحمد لله بس في موضوع صاير انا خايفة منه هلبة
|
رد: دردشة بنات ليبيا , دردشة حوامل ليبيا , تجمع بنات ليبيا
جوجو ماشاء الله عليك ست بيت من الطراز الاول نبيك تقوللي علا اسماء محلات الاطفال لي قلتي عليهم مرة في عرادة نبي ناخد لنوزة حاجات للصيف وبنسالك انت تقري ولالالا وتسكني جنب شيبانيك ولا بعاد
|
رد: دردشة بنات ليبيا , دردشة حوامل ليبيا , تجمع بنات ليبيا
سوسو شن جو القراية
|
رد: دردشة بنات ليبيا , دردشة حوامل ليبيا , تجمع بنات ليبيا
السلام عليكم
|
رد: دردشة بنات ليبيا , دردشة حوامل ليبيا , تجمع بنات ليبيا
صباح الخير
والله يابنات انحس روحي معادش نتحمل هالايام جايني علي قلة النوم رقدت جنب زوجي وبنتي في سريرها وقلت اذكاري ولاااااااااااااا قال النوم انجيك عاودت الاذكار فوق 10مرات ونفس النتيجة وحشاكم ماشية جاية عالحمام المهم الساعة2قلت خلاااااااااااص زي الليلتين اللي فاتوا انوض انصلي ونكسب الاجر خيرلي صليت ماكتب ربي والساعة4قرات سورة الكهف ومن شوي كيف سقدت راجلي للجامع نوضتة بالدعاك هههه وصليت ركعتين وقلت والله الا منشوف البنات وبالاخص اثري فراشة الليل هههه ربي يحفظها ام ناريز فرحت هلبة اني اطمنت عليك وتوكلي علي ربي ومش حيصير الا كل خير ياااااارب اسماء المحلات بيبي ماكس ولجين ولجين ايجي في سومافروا العاشوري في المثلث بازبط وانتي ماشية لعرادة وعاليسار نفس الطريق بيبي ماكس وفي محل مقابل العاشوري بالزبط اسمة روبين حتي هو روعة ومبروك مسبقا hwaml7 |
رد: دردشة بنات ليبيا , دردشة حوامل ليبيا , تجمع بنات ليبيا
كيف حالك ام وسونة ربي يسخرلك ولادتك علي كل خير يارب
|
رد: دردشة بنات ليبيا , دردشة حوامل ليبيا , تجمع بنات ليبيا
**امل ليبيا **
فاقدينك بشدة وينك طمنينا عليك |
رد: دردشة بنات ليبيا , دردشة حوامل ليبيا , تجمع بنات ليبيا
توة سلام يادوب انكمل اذكار الصلاة واذكار الصبح واذكار النوم
وياااااااااااارب ايجيني النوم اول منكملهم احتمال نمشي لحوش بوي بعد صلاة الجمعة والله اعلم فنتلاقوا علي كل خيييييييييييييير والسلام عليكم ورحمة الله وبركاتة |
رد: دردشة بنات ليبيا , دردشة حوامل ليبيا , تجمع بنات ليبيا
السسﻻم عليكم
|
رد: دردشة بنات ليبيا , دردشة حوامل ليبيا , تجمع بنات ليبيا
السلام عليكم ورحمة الله وبركاته
اوشي ربي يعطيك الصحة الباين حوشك كبير وشن قصة 400,000 بتبيعوا انا كنت اول ماتزوجت تنظيف ومسح كل يوم انا وزوجي بس القيته تضييع وقت وبدل مانضيعه في تنظيف زايد نقعد مع راجلي او اندير اي شي ثاني جتني فترة درت حتي اشغال يدوية من الكساد ,,, وتوا بديت انقسم في الاعمال علي عدة ايام حتي مانتعبش رغم ان حوشي صغير والوقت الباقي للمطبخ او لنفسي |
رد: دردشة بنات ليبيا , دردشة حوامل ليبيا , تجمع بنات ليبيا
كيف الحال ام معاذ وام وسن وام نوزة
|
رد: دردشة بنات ليبيا , دردشة حوامل ليبيا , تجمع بنات ليبيا
جيجي تعرفي انا تفكيري بينك وبين سوسو
في حاجات ناخدها سعرها معقول ومرات غالي حسب الميزانية وحسب اللبسة فمثلا قبل مانتزوج مكنتش نشري هلبة وحتي في العيد مرات مانشريش لان مايعجب فيا شي ففي سبيل اني نشري حاجة مميزة نضطر ناجل حتي نلقي طلبي ولما نلقاه حتي لو غالي ناخده مايهمنيش فتلقي عندي لبس محدود بس راقي ونازك وانا من النوعية يلي نحافظ في لبس قاعد حتي بعد ماتزوجت واستفدت منه هلبة خصوصا لبس الحوش ,,, وبعد الزواج بديت بين الغالي والرخيص حاجات بسيطة للمناسبات البسيطة يعني قفطان قصير لعزومة علاخفيف مش معقولة بيفوت 150 وحتي 100 هلبة وفساتين السهرة حسب الفرح قريب او بعيد فمثلا في عرس حماتي ماشريتش فستان جديد لبست فستاني يلي لبسته في البيان ويلي واخداته في عرس خالي ولبست قفطان تايقر قصير ثاني والاثنين قديمات بس مش شايفينهم اقارب زوجي وفي اكثر من مرة نلبس في قفطان البيان يلي جابوه في بياني لين طلعت سعره وزيادة ولبسته في اعراس اقاربي واقارب زوجي ,, وطبعا كله مستور لاني انركب في جاكيت فوقه ,, واخر قفطان شريته كان غالي لاني فكرت قبل مانخده عدد المناسبات يلي بنلبسهم فيه وكلها في اماكن تستاهل لبس راقي وغالي ,, وانفكر اني انأجره لانه كبير وحلو وبسيط في نفس الوقت الموديل المنفوخ من تحت ,, وزيادة انحب نطلع في الكسوة لبسة والحنة في الليل بصدرة ومش مشكلة الصدرة تتعاود عندي بدلة صغييرة وكبيرة متاعات عرسي وتركيبة حرير التطريز الهندي غير الحوالي احني في ال زاوية نلبسوا فيهم لمات النافس اكثر شي وانا انحب نلبسه لانه يرحني من التفكير في شعري .. وتوا عندي عرس قريب راجلي وبنمشي معاهم للكسوة انفكر شن نلبس وقلت ياريت عندي قفطان هندي هدوا يلي طالعات توا زي يلي حطت صورتهم شموسة او قفطان مغربي بس عندي سبب يخليني منشريش كم مرة بنلسه غير انضيع فلوسه ,, واخر كندرة خديتها ب 50 هذه اغلي وحدة ناخدها في حياتي واكثر من السعر هدا مانفكرش اني نتزاوجه وحتي هدا وانحس بتتانيب الضمير مش عارفة ليش وحتي حقيبة متاعت مناسبة ديمة الي 30 لانها مش حتتلبس هلبة او احني في الزاوية مايركزوش علي الخامة او الجودة .. حتي البدلة كبيرة ولا صغيرة يقولوا فضة كاملة ب 1000 صراحة انشوف فيها مبالغة لان هكي بيئتنا مايركزوش الا علي الالوان ولما اتقولي سعرها يعلقوا عليك ,, وعن قناعة وتجربة القيت روحي سواء خديت غالي او رخيص ديمة نبي نجدد ونطلع بشي جديد فلهذا ديمة وسط وديمة انقول لنفسي هدا لو بيهم ذهب خير ,, رغم اني بمرتبي والحمد لله بس نحتاج اني انحوش منهم حتي نساعد زوجي او اهلي في اشياء معينة |
| الساعة الآن 04:05 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .