|
رد: تجمع حوامل ليبيا
السلام عليكم
هلا بالكل ميرنا حبيبتي كلامك زي العسل ايهبل بس نبيك ادبريلي راي في حكاية الوزن نبي اندير حل جدري مش مؤقت وانتي دبري راسك معاي ما دخلنيش فيك بنزيدك على همك هم بس الله غالب بخصوص التقشير شكلك واقفه لعمرك وزي القمر صح انا من مدة جتني ضربة شمس ونصحوني بفازلين ندهنه على بشرة مبلوله قبل النوم والله يا ميرنا بشرتني اصفت وولت اتهبل حتى زوجي لاحظ وقالي احلويتي مع اني ليله انديرها و10ننساها وسر تاني للتقشير احسن من اي شي تاني تقشير وازاله شعر الوجه مرة في الاسبوع خودي عسل ادهني وجهك لمدة 15دقيقه وبعدين جيبي دقيق او بودرة اطفال وحكي وجهك بشكل دائري لان العسل لاصق لين يختفي العسل رح تلقى وجهك يبرق برق من النضارة والاشراق وانتي ادعيلي ربي يتمم حملي على خير وانا ندعيلك بالحمل التام والبيبي السليم المعافى |
رد: تجمع حوامل ليبيا
صحه النوم للبنات التانيات ام اسيل وهندية وحبل الوصل وينكم يا كسولاااااااااات
ادعولي الاتنين عندي موعد مع دكتورتي نبي نطمن على الجنين انشاءالله خير واطمني ان كل شي تمام لاني ما مشيتش مراجعه من شهرين تقريبا من اول يوم الرابع وانا توا ليا اسبوع ولله الحمد في السادس |
رد: تجمع حوامل ليبيا
ميرنا كيف حالك ربي يسهلك امورك انا تزوجت وسفرت ع طول للقطر وراجلى يشتغل هنا وانا مكسده حتى قرايتى ماكملته ايه تعرفت ع وحدات هنا مصريات وليبيات بس مش زى هلك وعربك وربي يسهل ع الجميع ليه سنتين وتسع شهور متغربه
|
رد: تجمع حوامل ليبيا
هلا بيك لولي
|
رد: تجمع حوامل ليبيا
اعيون راجلها حاضرين اندبر راسى بس بعد ما تجيبى والله العظيم ان تبقى عود تعرفى انا وصلت 90 كيلو وبديت نقص فى روحى وصلت 75 ومقاس لبس والله العظيم شريت مرة سروال مقاس 50 وراجلى اقريب مات شنو هض وين ماشى به والعرب ايقولو متريحة ياحنة لى بين الروايئة وكلت القطاطيس قاعد بلا اعيال وما عندها ما دير امغير تاكل مع العلم انى عندما اجوزت كان وزنى 45 لكن خشيت على الشاى الخضر بدون سكر و ملعقة خل التفاح على 5لترا ماء نشرب فى كوبين فى اليوم والزنجبيل انحط فيه فى كل تسوىة وكل اسبوع نوزن فى روحى
الطريقة ممنوعة على الحوامل |
رد: تجمع حوامل ليبيا
لولى المرجاوية
ربى يسعدك ويهنيك والله النت داير حل تعرفى انسهرى انا وهالبنات فى هذا التجمع اتقول قاعدت فى دار مقاعد ما انكسد بكل مفتك من القرمة وشيل الذنوب وانتى عارف طبعا عوايد ليبيات وينما يلتمن لى غايب يحطنه على القرمة وانا والله حل غايتى نمحه اذنوبى بيش ربى يرزقنى اعويلة شغال روحى فى النت دايما اطياح عليه وخاصتنا بعد ماتعرفت على الاخوات التى فى التجمع ضرورى ما نبشنا شوى ونسكر على فكرة خش راجلى على وانا نكتبلك توة قالى قوليها عرب المرج امسمينهم المراهقين قلتله عليش قالى علشن ترقات السيارات فى المرج من 22_18 والله كان كلمتى اهلك البسيهم |
رد: تجمع حوامل ليبيا
عيون زوجى ربى يتمللك على خير وطمنينا عليك وحاولى تكونى منتظمة ف المتابعة عشأن صحة البيبى
|
رد: تجمع حوامل ليبيا
تى كيف صار
وين ريحات ا لبنات المحليات حبل الوصل , ام اسيل , ام لقمان , الهندية ,ام ايسم , صابرة ,هاتو , احلام , خولة ما يخشن غير البنات الخارجيات لولى و عيون زوجها الحكاية فيها ان لهن يومين ما خشنش موش معقولة متفقات ) |
رد: تجمع حوامل ليبيا
ميرنا منحكيلكش على مشكلة الوزن الزائد والناس زايدتها معاى اللى يحقنى يقولى جمالك راحو ومنحبش من يعلق على شكلى تو ...حتى دبش مشريتش على اساس نبى ننقص شريت قونة وبلوزة سوداء ..لكن الباين انى بنتأأقلم ومع نى مش وكالة لكن الباين انها حكاية هرمونات ..
انا حايرة فة الفنانات يجيبن وميفهنش اى ترهلات ولازيادة |
رد: تجمع حوامل ليبيا
الهندية انستى وين ها لغيبة والله لى يومين انخش وما نلقى فى حد والله انشغالت عليكن
|
| الساعة الآن 07:11 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .