|
رد: دردشة بنات العراق, دردشة حوامل العراق , تجمع بنات العراق
هلوووووووووووووووو ومساء الخير على كل البنات شلع
كل عم وانتم بخير بمولد سيد الكائنات المصطفى عليه الصلاة والسلام |
رد: دردشة بنات العراق, دردشة حوامل العراق , تجمع بنات العراق
هلو هباوي وانتي بالف خير يعيده علينا وعالجميع بالايمان والخير والبركة والسلامة والامان
|
رد: دردشة بنات العراق, دردشة حوامل العراق , تجمع بنات العراق
نجلاء كل عام وأنت بألف خير
عمر مديد وسعيد يارب. هبة شلونج؟ بديتي تتوحمين لو بعد؟ أنفال الله يكون بعونج ويصبرج أستغرب شلون القلب اللي حب بيوم يتحول إلى مصدر تعب ومعاناة عذورة كلامج ذهب وفعلا أغلب الدول الخليجية الثروة من الله والعقول من برة معتمدين بالطب وبالتجارة وبغيرها على عراقيين ومصريين وغيرهم وأنا مثلج أحس الجاي أحسن لان دوام الحال من المحال ومثلما كال بدر شاكر السياب الشمس أجمل في بلادي من سواها والظلام حتى الظلام هناك أجمل فهو يحتضن العراق. |
رد: دردشة بنات العراق, دردشة حوامل العراق , تجمع بنات العراق
زنوبه حبي اتفائلي خير وادعي الله واستعيني بيه
وشكرا للتهنئه حبي وانتي بألف خير يارب يفرحج بجاه النبي محمد قمر منوره حبي شخبار حملج ومبارك عليناوعليكم مولد سيد الكائنات عليه افضل الصلاة والسلام |
رد: دردشة بنات العراق, دردشة حوامل العراق , تجمع بنات العراق
هلاو زينب ..صدك شعجب ليهسة مماخذين ايميلات بعض
راح ادزلج ايميلي ع الخاص. |
رد: دردشة بنات العراق, دردشة حوامل العراق , تجمع بنات العراق
شكرا غاليتي ام الوقه يارب تحتضنين الق بالخير والعافيه..
بالفعل لايوجد اجمل من الوطن وان مر علينا مالم يمر على بشر من قبل.. لكن الظلام وان طال لابد للنهار من مجيء.. |
رد: دردشة بنات العراق, دردشة حوامل العراق , تجمع بنات العراق
والله مااعرف كل من ورايه بس الحياة الواقعية متعبة بغض النظر عن العواطف
تره احنا العراقيين ماعدنه غير ننتقد هذا وذاك ..هسه شنو حاصل الامارات ؟؟تعتبر من اكثر الدول رفاهية ومرفهين شعبهم سواء العقول من بره او من جوه المهم حاولو بان يحسنون من وضع بلدهم ويرفهون شعبهم عالاخر خو مو جماعتنا بله بيش استخدمو عقولهم بس فهموني بالبوك والنهب لاموال الشعب ..دخلونه ساكتين لخاطر الله تعالو شوفو هنا مجرد المواطن اذا عقد عقد زواج بس ياخذ العقد ويروح للبلديه تنطيه لو شقه لو بيت ملك يعني الي يتزوج ميفكر ان يكعد ويه اهله لو ياجر لان بيته موجود هذا ابسط شي لو التطور التقني والتكنلوجي الي دخلوه للبلد الي خله الانسان يختصر هواي امور عن طريق التلفون لو النت والي بعد قرن متوصل للعراق لو الرواتب الي ينطوها للموظفين وماعدهم واحد يتخرج ويكعد بالبيت كولولي انت اكثركم متخرجات ليش ما عينوكم لسه ..وين لعد التقدير لهذه العقول مو الي كاعد بالبيت وميدري بالعلم شديصير يكول احنا زين وضعنا بس من يطلع ويشوف العالم ليوين وصل يكول احنا باي قرن ؟؟بعدنا بالقرون الوسطى |
رد: دردشة بنات العراق, دردشة حوامل العراق , تجمع بنات العراق
الله يسلمج ويخليلج أيهومي.
|
رد: دردشة بنات العراق, دردشة حوامل العراق , تجمع بنات العراق
عيوني زينب محد يغالط نفسه ويكول العراق مزدهر
الشعب تأذى وشاف ويلات ولا يزال بس أكو ناس متفائلة وأكو العكس وانا عن نفسي ما أبدل العراق ولا حتى بأحلى منتجع بهاواي. |
رد: دردشة بنات العراق, دردشة حوامل العراق , تجمع بنات العراق
منو يبدل بلده هذا الشي اكيد بس وداعتج نفسياتنا تعبانه وتعبنا بما فيه كفايه ومحصلنا شي
حقيقة محتاجين لراحة نفسية والله حرام العمر يضيع ويه راح الكهرباء اجت المولدة طفه ابو المولدة الكلب ابن الكلب ..ماعدنا بنزين ..اليوم ازمة مال بنزين والدنيا صيف ورمضان اروح اخذ سره بنزين(طبعا هو صايم والحر يموت وكتله العطش)يا ماكو مي شرب روح اشتريلنه طبعا بالطريق شبع طسات يعني اذا سيارته موديله 2012 تصير كول 1975 عباره عن عربانه بسبب الطرق والحفريات ..اهو الطريق مسدود منا حاطين حواجز كونكريتيه لو اسلاك يروح لغير شارع اهووووووو اليوم سدوه لان اكو حفريات مال مجاري (طبعا صارلها اكثر من5 سنين )زين شوكت تخلص هالمجاري ..هاي البنى التحتيه هلكد تطول لعد شوكت نعمر البلد ها اليوم زياره ومسددين كلللللللللللل الفروع يعني واحد ميكدر يطلع سيارته من باب بيته ولتكولون لا لانهالشي صار بكربلا بزياره الاربعين احلى بهذله تبهذلنه ولمدة 15 يوم حتى الحسين ميرضى بيها , و و , و الخ اااااااف |
| الساعة الآن 05:46 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .