رد: تجمع الأمهات اللاتي سيلدن بشهر *ربيع الثاني* 1433
 

لقيت هالموضوع وحبيت اني أفيدكم به...،

بنات انا اليوم قعدت أدور مواضيع عن محفزات المخاض الطبيعية وشلون تبكرين في الولادة (دورت في مواقع أجنبية) ولقيت واااايد شغلات بس في بعضها ما اقتنعت حسيتها مو زينة وفي شغلات حسيت انها طبيعية وسهلة قلت بكتبها لكم وانتو قولو شرايكم،، واللي جربت بعضهم ويابت معاهم نتيجة ياريت تفيدناا..
أولا: الاسترخاء
قريت ان هرمون التوتر يأخر حدوث تقلصات الرحم وبدء المخاض، فالاسترخاء والتنفس مهمين جدا مع راحة البال.

ثانيا: التخيل باغماض العينين مع تخيل حدوث تقلصات الرحم ممكن انه فعلا يخلي الطلق يبدأ!! كثير مواقع قريت فيها هالشغلة.

ثالثاً: الجماع
لأن مني الرجل فيه مادة تحفز الطلق وكذلك العملية الجنسية نفسها تساعد على بدء المخاض.

رابعاً: الحركةخصوصا المشي الكثير، التمرينات الخفيفة والرقص!!

خامسا: تحفيز حلمتي الثدي
هالنقطة ما اقتنعت فيها بالبداية بس بعدين لقيتها في كل المواقع ومكتوب انها طريقة مضمونة!! الطريقة بالتفصيل انج تييبين فوطة صغيرة ناعمة جدا وتغمسينها في ماء دافي وتعصرينها وبعدين تحفزين فيها حلمة احدى الثديين يعني تحركين عليها الفوطة بخفة لمدة 15 دقيقة تقريبا، وبعدين بأي وقت تحسين فيه بتقلصات في الرحم (حتى قبل لا تكملين ال 15 دقيقة) وقفي وريحي 5 دقايق، وبعدين كرري العملية على حلمة الثدي الثاني أيضا 15 دقيقة وريحي 5 دقايق، وبعدين كرري هذي الخطوات كذا مرة وريحي وعيديها بعد 5 ساعات تقريبا، وبنفس اليوم ممكن يبدأ المخاض!!
وأكو طريقة ثانية: تحفيز لمدة دقيقتين وبعدين تريحين لمدة 3 دقايق وتكررين هالعملية لمدة 20 دقيقة وتكون 4 إلى 6 مرات في اليوم.

سادساً: الأناناس
فيييه أنزيمات تحفز الطلق وخصوصا الأناناس الطبيعي وليس المعلب أو العصائر

سابعا: الأكل ال Spicy يعني المبهر
خصوصا الأكل الهندي والمكسيكي والصيني أو أي أكل فيه بهارات وايد وفلفل

ثامناً: زيت الخروع
تاخذين الطبي من الصيدلية وتحطين 3 ملاعق فقط مع كأس عصير (يفضل أناناس) وتشربينه والأفضل ماتشربينه الا كان الرحم مفتوح

تاسعا: شاي الكمون
تاخذين شوي كمون تغلينه مع ماي وبعدين قصري النار عليه وخليه يرتاح 5 دقايق وبعدين حليه بعسل واشربيه ( مكتوب كوب واحد باليوم فقط).

عاشراً: الحقنة الشرجية
مكتوب لأن أغلب الحوامل يعانون من الإمساك، وبما أن حركة الأمعاء تحفز حركة الطلق فالحقنة الشرجية تييب تكرمون الإسهال اللي ممكن يحفز الطلق ( تقريبا نفس السبب مع زيت الخروع) ومكتوب ان أمعاء الحامل ممكن يكون فيها فضلات قديمة تؤخر بدء الطلق واذا طلعت تسهله.

احدى عشر: ركوب السيارة في طريق متعرج( كله مطبات مثلا)
مكتوب ان هالطريقة تخلي البيبي ينزل راسه تحت ويصير وضعه مناسب للولادة!!

اثنى عشر: عصير التفاح
أم إليان ضافت لنا عصير التفاح وتقول عن تجربة
وانا بضيف مشروب لذيذ تذكرته واهو انكم تاخذون عصير التفاح العلب (كي دي دي مثلا) وتغلينه مع أعواد قرفة (وهي بعد تسهل الولادة) وبعدين تشخلينه وتشربينه حار، لذيذ ويؤدي الغرض
على فكرة انا ما جربت ولا طريقة وناطرة أسمع آرائكم وشكرااااااااا





طبعا هالكلام شفتة بمنتدى ثاني قلت انقلة للاستفادة مع اننا نعرف ان كل شي بيد الله ..

رد: تجمع الأمهات اللاتي سيلدن بشهر *ربيع الثاني* 1433
 

سهاد
الله يسمع منك
سبحان الله مفعول السوره
اقول ماتحسي الام اوثقل

رد: تجمع الأمهات اللاتي سيلدن بشهر *ربيع الثاني* 1433
 

كروشات اليوم شلت جسمي كله
وجهي شمع بالمشغل وباقي جسمي انا بالبيت بس تصدقون بالثامن لما اشيل رجولي اقدر اوصل للاصابع الحين مااقدر معقولة كبرت بطني بهالفترة
ياااااااه نفسي اولد بعد مانظفت جسمي خخخخ
تخيلوا عاد يطلع الشعر مرة ثانية ووقتها تجي الولادة >>> قهررررر

افففف صابتني كحة بعد الشاور
بروح اعمل حليب وزنجبيل >>> يمكن تجيني اعراض زي دلع سارة خخخخ

رد: تجمع الأمهات اللاتي سيلدن بشهر *ربيع الثاني* 1433
 

ام شوووق اي الم بظهري يجنني هذا غير النوم ما اقدر اقلب نفسي الا بالقوة الله يكتب الاجر يارب ..

ام عزوز نعيما وعقبالي اتحمس بس بايش شلتي جسمك اذا حلاوة وش اسمها انا متعبني الشعر مرة صغير وضعيف صارت الماكينة ما تقدر تمسكة ... وشريت شرايح فيت قلت اجربها بس باقي ماتفرغت ..

رد: تجمع الأمهات اللاتي سيلدن بشهر *ربيع الثاني* 1433
 

بنات أروى ولدت الحمد لله على سلامتها
و عقبالنا يارب
يارب يارب ما يطلع فجر هالليلة الا انا والده

رد: تجمع الأمهات اللاتي سيلدن بشهر *ربيع الثاني* 1433
 

سهاد
مشكوره عالموضوع
شوفي انا ماحب اجرب المحفزات اخاف منها زي الخروع والاناناس وغيره
بس في اشياء صارت معي
يعني عندك الاسترخاء ساعدني وقت الطلق
وعندك قبل اولد يومين طبعا عندنا بتبوك جبل اللوز كان وقتها فيه ثلوج
فرحنا عليه واخذت من المطبات لما قلت بس الطريق يخوف كمان
فنزلت علي السداده وولدت بعد يومين
بس انا الله سترها معي
اعرف لك وحده قبل يومين الجنين اتوفى بالثامن اخذ زوجها مطب
وحست بالام لما راحت طلع متوفي
يعني شي خطير
واللي يناسب وحده مايناسب الثانيه

رد: تجمع الأمهات اللاتي سيلدن بشهر *ربيع الثاني* 1433
 

سهاد مشكورة ياقلبي ع الموضوع
رح اجرب بعض الاشياء

التخيل >>> كل يوم اتخيل الطلق والولادة وكل شي حتى لما اطلع من المستشفى واجي البيت هههههه

الجماع >>> مو دايما لظروف دوام زوجي هو بمنطقة وانا بمنطقة

المشي >>> صارلي 3 ايام امشي كل يوم نص ساعة

تحفيز حلمات الثدي >>> سهلة الطريقة رح اجربها ان شاء الله

ركوب السيارة في طريق متعرج >>> عند بيت اهلي مطبات وحفريات لانو في تصليحات بالشارع وكل مااطلع من البيت ياكلون المطب وانا امسك بطني خايفة ع النونو ع بالي مو كويس
بس من بكرا بقولهم دووووسوا عند المطبات ههههه

الاكل الحار >>> احيانا اسوي اندومي يممممم احب الفلفل الي معاه


باقي الاشياء اخاف اجربها وانا ماادري عن الرحم مفتوح او لا

رد: تجمع الأمهات اللاتي سيلدن بشهر *ربيع الثاني* 1433
 

ما شاء الله شهرة كيف عرفتي وكيف صحتها ووش جابت وكيف صحة النونو وربي مستانسة حدي يارب يارب يارب انك تكتب لنا ساعة ميسرة ..

رد: تجمع الأمهات اللاتي سيلدن بشهر *ربيع الثاني* 1433
 

اروى
الف مبرووووووك
ياحياتي اليوم كانت معنا
ا واااااي فرحت لها الله يقومها بالسلامه ايش جابت
ومشكوره شهره على هالخبر

رد: تجمع الأمهات اللاتي سيلدن بشهر *ربيع الثاني* 1433
 

ياعمري يااروى الف مبروووووووووووووك الحمدلله ع سلامتها
يارب لك الحمد ارتاحت
يارب عقبالنا