|
رد: ديوانية البحرين - دردشة حوامل البحرين - البحرينيات
بنت الاياويد // انا كان خاطري اصبغه في عرس حماتي بس قالت لي حماتي الصبغ مب زين لا ريحته ولا تركيبته ،، بس في الصالون قالو لي عادي بس ما سألت دكتورة وخفت فما صبغته .. لا تستعيلين سألي احسن
ام عايشة // افا عليج انا باطرش لج الصافي ،، عندي وايد بس عاد باطرش لج الصافي وطرشي لي مضروبة hwaml02 مابي ولدج او بنتج يصير فيهم شامة ،،، انا اعذرج بس ترى النفسية وايد تأثر على البيبي ،، رفعي معنوياتج وتوكلي على الله وربج ما يرد دعاء المؤمن والله يثبت لج الحمل وتبشرينا باجر بتوأم قولي ان شاء الله hwaml03 انا اوسوس على الادوية وعلى المستشفيات ما عندي ثقة في ادويتهم حتى الحديد ما خذيته الا عقب ما سألت الصيدلاني والممرضة ودشيت على دكتوورة احنا كله جذي ،، على قولة امي عندج انتي ضيق عند الله سعة والله كريم يلا باقووم اسوي السمج |
رد: ديوانية البحرين - دردشة حوامل البحرين - البحرينيات
شمس الصباح
أتوقع المراخ يعور مادري افكر اروح ان شاءالله اذا ياني الطلق او بدايته يعني بالذات طلقي يبدي من نص التاسع وما اولد الا عقب موعدي، ببتي تاخرت 3 ايام وبولدي اسبوع ان شاءالله هالمره ما تاخر وايد . وجان زين اعرف وحده تسوي شغلات النفاس مضمونه نظيفه مانشوف، مافي الا السعوديات هابين في هالسوالف مره طلبت من النت وطرشوا ليي لوع جبدي وما قدرت اخذه يعني ماوثقت وش مكوناته، هالمره بروح اعسعس عند الحواج ابي شي جاهز حتى لو خلطات بس يقولي ويش فيها أم عايشه خوفتيني على طفلي حياتي بس الحمدلله مافيها الا كل خير ان شاءالله مختفيه هاليومين عسى المانع خير بس.. بالنسبه لش هونيها على روحش ماباقي شي على موعدش وتوش مسويه سونار والحمدلله تطمنتين على الجنين،، ترى فيه ناس وايد ما يتنسون بالمره لا تفاولين على روحش ويصيدش ماصادني، اني بالاسبوع الثالث تعبت وايد نساة فظيعه بس من الرابع وقف كل شي فييت اكتب هني موضوع وليتني ماكتبت ههههههه كتبته من صوب وانذبحت بالنساه من صوب الحمدلله.. انتظري لموعدش وان شاءالله مافيش الا العافيه .. حروف عاشقة ماتشوفين شر ان شاءالله والله يهونها عليش يارب فلونه عنافيييييييييييييييز الله الجمعه ان شاءالله اوصي الاهل يسوون لي لاني ماشتهي ريحة السمج بس اشتهي اكله ههههه ، اني اشتغل في معهد البحرين، والله يبارك فيش ان شاءالله ويعودنا السنه وكل سنه باحسن حال يارب.. وقبل مانسى على طاري تسوي الربيان مقشر احنا مايحبه بعلي الا بقشوره عاد تعالي وقت الاكل مناحه بتي تقولي تقشرين لخلي وماتقشرين ليي ادور ليكم لو ادور لابوكم ههههههههه،، بس طريقتش وايد حليوه نفس الباستا مثل ماقلتين.. |
رد: ديوانية البحرين - دردشة حوامل البحرين - البحرينيات
سلام
شخباركم أني بخير بمركم عقب شوي وبدردش زوجي مشغول ع النت شوي وبجي |
رد: ديوانية البحرين - دردشة حوامل البحرين - البحرينيات
على خير اهم شي انش بخيررر
|
رد: ديوانية البحرين - دردشة حوامل البحرين - البحرينيات
السلام عليكم ورحمة الله وبركاته
شخباركم اني بخير بس ظهري ذابحني الالم ان شاء الله يارب تهووون بس يجي سالم هالجنين وافرح به الله يوصلني لشهري واولد وياكم بالسلامه ان شاء الله ام خليل وباقي البنات شكرا ع السؤال اني بخير دامكم بخير |
رد: ديوانية البحرين - دردشة حوامل البحرين - البحرينيات
ام خليل وينش عفر مابينتين
ابغي اسألش عن مسند اعتقد مال الظهر اللي دورتين عليه فرامز لان من امشي السياره الالم يزيد ويذبحني اصير مثل المعوقه ماقدر اتحرك فأبغي اذا في للسياره من وين وشلون شكله ان شاء الله الشر بعيد عني وعنش وعن المؤمنين |
رد: ديوانية البحرين - دردشة حوامل البحرين - البحرينيات
اني كل اجي متأخر
حروف ما تشوفين شر والله يسهل عليج ام خليل ما دام يعور ما بروح كافي الطلق بعد مراخ روحي بتطلع ما أقدر اتحمل خخخخخخخ شكلي برافس اذا رحت الي المراخه هههههههههههههه خلني جدي احسن فلونة ولا يهمش اذا جربت بقول ليش النتيجة بس ابغي اتنشط اشوي لاني خايبة هالأيام بنااااااااااااااااات بسئلكم شي وخصوصا اللي بالسابع انه بنتي تتحرك عادي بس في حركات قوية تألمني وايد احس ان بطني راح ينفتح ما ادري شلون لكن احس مثل حركة كوع اليد بس واااايد يألمني من تسوي هالحركة اشير في مكاني واحس كانه ايدها بتطلع من بطني واقعد اضغط على المكان اللي يعورني فتغير هي حركتها وارتاح هذه طبيعي لاني قاعده افكر وايد في هذة الحركة وهل اقول للدكتورة ما تضحك على وتقول هذة هبله لان عندي موعد في الخاص يوم السبت الصبح |
رد: ديوانية البحرين - دردشة حوامل البحرين - البحرينيات
هلا شمس الصباح
ان شاء الله البنات يفيدونش شكلها بنتش تتمغط وفي كل تمغيطه تعطيش رفسه تحملي هههههههههههههه الفال لينا يارب ابغي اجرب الرفساااااااااااااااااااااااااات |
رد: ديوانية البحرين - دردشة حوامل البحرين - البحرينيات
هلا شمس هذي شي طبيعي يقولون حركة البنات اقوى من الأولاد والعلم عند الله انا سااعات قاعده في المحاضرة وترفسني مرة وحده ابي اصرخ بس ماقدر اخاف الدكتور يطردني، قولي حق دكتورتج اذا حابه تطمنين عادي ماتضحك عليج بالعكس تفيدج
|
رد: ديوانية البحرين - دردشة حوامل البحرين - البحرينيات
مساء الخير على الكل ،وحشتووني تعودت أسولف وياكم ،ليي كم يوم تعبانه من ظهري وإلتهاب المسالك البولية ذابحني ومسوي لي عوار موطبيعي ويجيني تقلصات أسفل البطن كل إشوي ويش أسووي ،الإلتهاب شديد وطلع فية بكتيريا وزلال ولمن رحت لدكتورتي ما عطتني علاج تقول مادام المزرعة نظيفة خلاص شربي ماي واايد بس ،محتارة ويش أسوي وويش أستخدم لروحي ،في وحدة تعرف شيء طبيعي يخفف إلتهاب الأبوال ،سمعت عن التوت البري بس ماأعرف شكله بالضبط ولاشلوون يحضرونه شراب وكم الجرعة ،الله يفرج واايد تعبانه وياه بحملي بولدي بعد رافقني
حبيت أسولف وياكم بس ماأقدر أطول مع السلامه |
رد: ديوانية البحرين - دردشة حوامل البحرين - البحرينيات
الله يشافيج كثري من الماي ترى جدا مفيد حق التهاب البول وماعليج شر ان شاء الله
|
رد: ديوانية البحرين - دردشة حوامل البحرين - البحرينيات
السلام عليكم
شخباركم؟ |
رد: ديوانية البحرين - دردشة حوامل البحرين - البحرينيات
عليكم السلام هلا وغلا شلونج ، باركي لي تغيرت صورة بنتي نقزت لي الشهر الثامن الاحقج هههههههههه بس المفروض اني على حسبة دكتورتي من الاحد الي طاف دخلت الثامن بس مايندرى شخبار تجهيزاتج للبيبي؟
|
رد: ديوانية البحرين - دردشة حوامل البحرين - البحرينيات
مبرروك الثامن
ومبرروك الشد العضلي ومبرووك الترفس خخخخخخخخخخخخخخ وان شالله مبرووك انقلبت يختج شريت لي مفرش وحق الياهل مفرش وجلابيه وحده وشريت التوزيعات وأخيرا كل ذي امس خخخخخخخخ قال لي ريلي اشتري قبل لتولديين خخخخخخخخ انتي شخبار تجهيزاتج |
رد: ديوانية البحرين - دردشة حوامل البحرين - البحرينيات
الله يبارك في حياتج ، عادي تعودنا على الشد والترفس صار روتين ، يوم الاحد عندي تلفزيون ان شاء الله افترت مايندرى، من وين حصلتي لج مفرش؟ انا امس رحت مجمع الرفاع مسويين تخفيضات في مذركير اسعارهم عجيبة طخيت سبع بدلات حق بنتي مع الطقم مالهم ب27 دينار تخيلي توقعت بتقولي 50 بس ربج كريم ورؤوف بعباده هههههه، الحين باقي تناتيش وباقي لي انا مفرش ابي اشوف الالوان وتوزيع سويت بس عشرين حبه عند محل في الرفاع وبسوي كب كيك بنوع شوي
|
رد: ديوانية البحرين - دردشة حوامل البحرين - البحرينيات
فجوره اذا بطلعين خبريني لاتخليني ابربر بروحي وانتي محد نفس ذيج المرة هههههههههههه
|
رد: ديوانية البحرين - دردشة حوامل البحرين - البحرينيات
خذت لي من جزيره المفارش ب 22
والتوزيعات خذت 70 حبه ويقولون لي مايكفوون عاد كفو ماكفو مشكلتهم خخخخخخ ناقصين نصرف على الاوادم ومجمع الرفاع يبيله روحه هالايام اطخ لي مع اني مخلصه اغراضه بس باقي لي طربال واغراض السبووح وستاند حدي متوهقه مو عارفه صاحب محل التويعات قال لي باسوي لج ستاند نفس الثيم مال توزيعاتج خشب وفيه اسم الياهل وحقج ب 45 هو يصلح كبت للياهل ومحل ثاني قال لي اجار ب 35 دينار عاد مادري اخذ اي واحد فيهم؟ |
رد: ديوانية البحرين - دردشة حوامل البحرين - البحرينيات
برب شويونه صايدني هبوط وحاسه بتعب
|
رد: ديوانية البحرين - دردشة حوامل البحرين - البحرينيات
امبيه ماتجوفين شر
خرعتيني |
رد: ديوانية البحرين - دردشة حوامل البحرين - البحرينيات
وينج قمت احاتي
|
رد: ديوانية البحرين - دردشة حوامل البحرين - البحرينيات
باقوم الحين وبارجع تالي
طمنيني عليج |
رد: ديوانية البحرين - دردشة حوامل البحرين - البحرينيات
الحمدلله مافيني شي لاتحاتين فديتج ، الصبح مساعه لان صادني وايد هبوط مساعه وانا اطبخ وبروحي في الشقة تخيلي ، الحين صادني بس كلت رطب وصرت اشوي احسن بس لازم اريح شوي احسن انشوفج ان شاء الله بعدين يمكن لاني يوعانه ماكلت شي من الغدى
|
رد: ديوانية البحرين - دردشة حوامل البحرين - البحرينيات
|
رد: ديوانية البحرين - دردشة حوامل البحرين - البحرينيات
بنت الاياويد // لازم تاكلين شي بسيط بين الوجبات لو عصيرر مب زين
اذا انتي ما تبين بنتج تبي hwaml02 فجوورة// سوي لج واحد احسن من الاجار خشيه حق المرة الياية ،، اختي جريب تولد وسوت لها ستاند ازرق وكلفها تقريبن 30 دينار ،، |
رد: ديوانية البحرين - دردشة حوامل البحرين - البحرينيات
بنت الاياويد لتخلين روحج جذي روحي سوي فحوصات جيكي دمج
ولازم تاكلين بين كل وجبه وجبه لو شي خفيف لو تفاحه لان مب زين اتمين يوعانه فتره ولا اتمين بروحج في الشقه روحي بيت ابوج وتغدي هناك ولي طلع ريلج من الشغل يرجعج وياه البيت فلونه تهقين يعني؟ وجان اييب بنيه اصبغه؟ |
رد: ديوانية البحرين - دردشة حوامل البحرين - البحرينيات
اي فجورة عادي شعاد
سويه وردي تالي ،، وو غيري فيه انا اذا قدرت باصور لج ستاند اختي اهو خشب وصبغته ازرق وخذت اشياء من روشان لصقتها ،، صار اشحلووه ناعم وعملي سوت لها توزيعات على فودر و لووشن صغار مال جونسوون وكب كيك |
رد: ديوانية البحرين - دردشة حوامل البحرين - البحرينيات
السلام عليكم
شخباركم حبايبي تمللت من الدراسة قلت ادخل اسلم عليكم باجر القسم الاول من الامتحان والقسم الثاني يوم السبت لاتنسونا من دعواتكم والمشكلة الامتحان يطول اربع ساعات مادري شلون بقدر اقعد كل هالمدة المهم طمنوني عليكم حروف ولدت مسكينة لو للحين؟؟؟ |
رد: ديوانية البحرين - دردشة حوامل البحرين - البحرينيات
شمس الصباح ةام خليل مشكورين والله على نصايحكم الحلوة
وافا عليج شموسة اييلج البيت واطبخلج المضروبة امري بس انتي ههههههههه بنت الاياويد بسم الله عليج اختي حاولي مثل ماقالولج تاكلين بين الوجبات عشان مايصيدج هبوط واحلام ام وربي وحشتيني وبسم الله عليج دشي عاد طمنينا |
رد: ديوانية البحرين - دردشة حوامل البحرين - البحرينيات
حنين الله يوفقج
حروف ماولدت بس تقول تعبانه وراجعه لها النساه |
رد: ديوانية البحرين - دردشة حوامل البحرين - البحرينيات
كروشات
يسعد الله صباحكم وصباااح الورد والريحه الطيبه على كل وحده في الديوانية بنت الأياويد وفلونة بشوف شنو تقول الدكتورة يوم السبت ام عائشة مشكورة وما تقصرين اكلت من المضروبة بس بالريحه مثل حجا ههههههههههههه احب مضروبة الجريش مممممممممم لذيذة اقول بنات الليلة عيد ميلادي وعلى حظي الكاميرا تصلحت خخخخخخخخخ وشكل زوجي مسوي مفاجئة بس ما حبيت اخذ ولدي الصغير واخليه يعطيني مقرر اشوفه امبارح طلع مع ابوه ورجع وهو يضحك ولما قلت له شنو فيك قال ما أقول وحط يده على فمه خخخخخخخخخخخ والله خاطري اخذه على جنب واعرف لكن بخليها مفاجئة افضل العام الماضي سوه زوجي عيد ميلادي مفاجئة في بيت ابوي ورتب مع اختي كل شي واني يا غافل لك الله بس كان حلو وايد العيد ميلاد بس في ناس ما حبت لي الفرحة وعمتهم الغيره وتسببت في اجهاضي مباشرة بعد العيد ميلاد الله لا يعود الشر المهم انه لليوم محتفظه بقطعه من الكيكة مجمده مع اني ما اكلت منها شي بس خليتها للذكري هالسنة شكلي اذا اخذ لي كيكة برمي القديمة لانها تفكرني بناس وجرح عميق ما احبه اذكره يالله اخليكم بروح اكمل شغلي علشان اكشخ الليلة خخخخخخخخ الي اللقاء |
رد: ديوانية البحرين - دردشة حوامل البحرين - البحرينيات
السلام عليكم حوامل وغير حواملhwaml02
شخباركم ؟ انا امس رحت موعدي وكل شي اوك .. بس دمي نزل لأن ماشرب الحبوب خخخ ويوم الاحد بسوي تحليل السكري..hwaml5 .. شموس..كل عام وانتي بخير مقدما وان شاء الله تكون سنة خير عليج.. وتحققين جميع مرادج يارب وكل اللي تتمنينه.. |
رد: ديوانية البحرين - دردشة حوامل البحرين - البحرينيات
هااااااااي بنات شخباركم
بغيت اسالكم متى ادخل السابع بالضبط بليز قولو ليي لاني موعدي الجاي 8_11 |
رد: ديوانية البحرين - دردشة حوامل البحرين - البحرينيات
اقتباس:
إنتين إللي وحشتيني قلت لش لاتحاتين التوائم مايبينون في البداية مع بعض لازم واحد يبين قبل الثاني ،هذا إحنا كله نوسوس ونفكر ونحاتي توكلي على الله ،وطمنينا اليوم عن زيارتش للدكتور ويارب تسمعينه الأخبار الحلوة ،أنا صرت أحسن الحمدللة بس هذا هو الإلتهاب من بعد ماصرت أشرب من غرشة الماي مثل المرضعة كل حين خخخخخخخ اقتباس:
مبروك حبيبتي وعيد ميلاد سعيد وعمر مديد وإنشاء الله سنة خير وفرح وسعادة تقضينها مع كل الحبايب يارب والنونو الجديد لاتفكرين حبيبتي في الماضي ،ومن الأصل ليش مخلية ليش ذكرى تذكرش بللي مضى من ذكريات تألمش ،الله يبعد عنش عيوون الحساد وقلوبهم السودة ،وهالمرة سوي كل شيء بالخش والدس على قولة المثل ،بعض الناس ماتحب الخير لأحد وهذا أني تعلمت كل شيء بالخش والدس من العوينات المكحلة إللي حايطتني ويارب أسلم . كملي حبيبتي شغلش وأكشخي وسهرة سعيدة وكل عام وأحبابش طيبين وأنتين قبلهم http://forum.hwaml.com/imgcache2/hwa...649633_132.gif |
رد: ديوانية البحرين - دردشة حوامل البحرين - البحرينيات
اقتباس:
|
رد: ديوانية البحرين - دردشة حوامل البحرين - البحرينيات
برب صـــــــــــلاة
|
رد: ديوانية البحرين - دردشة حوامل البحرين - البحرينيات
صبااح الخيرر
حنين // بالتوفيق ان شاء الله وذكرتيني بأيام الامتحانات والشقى ،، الله يعينج روز// دشيت السادس وانتي شكلج باجر بتلحقيني hwaml02 والله للحين ولا اعرف اشلون احسب ومتى اكمل السادس:D الحبوب ترى يرفع الدم بسرعة ،، انا كنت اخذ حبتين في اليوم واحين حبة وحدة انا عندي موعد يوم الاحد بعد ،، شمووسة // كل عام وانتي بخيرر ،،عقبال المليون hwaml7 الا ما اعترفتي لنا جم صار عمررج ؟؟ ولا تنسين الليلة ليلة الجمعة ،، الصدقة تدفع البلاء ... حطي تحت راسج الا شخبار ام عايشة ويا موعدها انا باقوم باحط اللحم يفوح وبارجع بعدين ،،شكله الغدى اليوم لي الساعة ثلاث ما يمديه يستوي hwaml03 |
رد: ديوانية البحرين - دردشة حوامل البحرين - البحرينيات
هلا فلونة
مبروك مبروك السادس انا وراج والزمن طويل ههههههه ذكرتيني اول امس سويت غداي لحم وما تغدينا الا ثلاث ونص ههههه طلعته متأخر وبالغصب على ما يستوي يملل ههههههه واليوم قلت بسوي صالونة عدس وعيش ابيض اريح واسرع ههههههه |
رد: ديوانية البحرين - دردشة حوامل البحرين - البحرينيات
شلون الحبوب اللي تستخدمينها
؟؟ انا قالت لي اشتري حبوب الحديد الوردي وامس شريته ولحين ما جرببيته لأن الاحمر ماقدرت عليه لوع جبدي من جذي تركت الحبوب |
رد: ديوانية البحرين - دردشة حوامل البحرين - البحرينيات
انا باسوي صالونة وتوني حاطة الخضرة ،، بس اشوة زوجي مسوي لي حشوات حق اسنانه ويبي الغدى متأخر على ما يروح البنج ،، وعليكم بالعافية العدس
انا كنت اخذ حديد كبسولات وماقدر عليه يصير لي حرارة وارجع من اخذه ،، وقلت حق الدكتورة غيرته لي من شهرين او اكثر حبوب وردي عجيب لونه جنه حلاوة واول ما تاكلينه في طبقة سكر نفس حبوب اليهال hwaml02 اسمه Tardyferon انتي بعد نفسه؟ اذا نفسه وردي ،، ترى يهوون ينبلع hwaml03 |
رد: ديوانية البحرين - دردشة حوامل البحرين - البحرينيات
اي نفسه خخ
انا دقايق وغداي جاهزhwaml02 .. وبو الشباب وصل بقوم اجهز السفرة خخخ |
| الساعة الآن 08:47 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .