|
رد: دردشة بنات ليبيا , دردشة حوامل ليبيا , تجمع بنات ليبيا
اقتباس:
وعندي اختي الثانية اسمها جيجي حتى هي زيك نظيفة وماتهمدش بكل بس هي نوعيتها تتعب وتقول انا درت ودرت ودرت وانت ما درتي غير هذي بس بينما فيفي ماتعدلش اتضم حتى وهي مريضة ولا تقول ولا تطلب من حد يساعدها جيتي ساعدتي باهي وان ما جيتي باهي .................................... وهي نفسك سبحان الله كل حاجة الا زوجها ضروري كل حاجته على احسن مايرام من ملبس وماكلة ونظافة ... وهي حشى عويناتك عندها 5 اولاد بنت و4 اولاد على فكرة راجلها من زليتن .... وديما انخاف عليها من العين كل حاجتها واتية وجاهزة وهي كيفك ديما تعارك في خواتي الاثنين الصغار علي لبس القصصير والعريان ربي يهديهم طبعا بحكم انها متدينة ومنقبة حتى من قبل انتشار الخمار حاليا اللهم احفظ اختي من كل اذى اقتباس:
سلمنا hwaml7خلاص يانا جينا ........ بس انت وين تمشي تكتبي كلمتين وتغطسي |
رد: دردشة بنات ليبيا , دردشة حوامل ليبيا , تجمع بنات ليبيا
ليا كم يوم نحاول انحمل مصحف الكتروني صوت وصورة للتحفيظ
وكل ماانحمل ونفرح يطلع مايشتغلش بالنت او يطلع صورة بس |
رد: دردشة بنات ليبيا , دردشة حوامل ليبيا , تجمع بنات ليبيا
السلام عليكم ورحمة الله وبركاته
|
رد: دردشة بنات ليبيا , دردشة حوامل ليبيا , تجمع بنات ليبيا
اتصدقن يابنات توا غير قمعزت من الحوسة عجاج امس اوعبسي ياروحي مازال واكلها انحس في راسي يبي ينفجرمن تعب قبل نبي نطلع لسوق ناخذ كم لبسه تركيب اودبش لصغار بس ماقدرتش
اودرت غدايا رز بلشعريه اودجاج كنتاكي او قلايا |
رد: دردشة بنات ليبيا , دردشة حوامل ليبيا , تجمع بنات ليبيا
يلنسبه لفستان مازلت نرجى في رد وصيت كم محل في طرابلس عل فستان لي نبيه اومازالوا ماردوا عليا ياربي ايصير منا
|
رد: دردشة بنات ليبيا , دردشة حوامل ليبيا , تجمع بنات ليبيا
مساااااااااااااااااااااااااااااااء الورد والتعب هههههههههههه
آآآآآآآآآه يارجليا توة كيف روحت نعتبر بسرعة ماشاء الله عليا |
رد: دردشة بنات ليبيا , دردشة حوامل ليبيا , تجمع بنات ليبيا
مشكورة اوشي عالكلمات والمدح الحلو والله كلك ذوق وانسانة صريحة ماشاء الله عليك
وربي يحفظ كل وخياتك ويهدي الصغيرونات عاجل غير اجل ياااااااارب شموسة ربي ايعاونك كل شئ يتم بشويش عليك |
رد: دردشة بنات ليبيا , دردشة حوامل ليبيا , تجمع بنات ليبيا
والله مانحكيلك علي الحوسة شموسة
انا البارح استغليت الفرصة ودرت جزء من الاعمال الخارجية تكنيس وتسيق واليوم الداخل كنس وغدوة مسح الأثاث بصراحة انقسم الاعمال افضل من تعب يوم واحد |
رد: دردشة بنات ليبيا , دردشة حوامل ليبيا , تجمع بنات ليبيا
شن صار في القفطان جيجي
صار منها التعديلات وبكم تكلف |
رد: دردشة بنات ليبيا , دردشة حوامل ليبيا , تجمع بنات ليبيا
اهلين جنووده اوجيجي
والله صدقتي الحوسه مافيهاش مفر بذات لاني نطلع كل يوم |
رد: دردشة بنات ليبيا , دردشة حوامل ليبيا , تجمع بنات ليبيا
وين سوسو كملت امتحانها ولا مازالت مقدرتش انلحق عل هدرزه لي فاتت
|
رد: دردشة بنات ليبيا , دردشة حوامل ليبيا , تجمع بنات ليبيا
اوشي سهفتيني في بسبوسها وهظا وقتها بس معندش جهد انديرها دزيلي تبسي سلم خيتي ماتخافش مش حنردلك التبسي فاضي
|
رد: دردشة بنات ليبيا , دردشة حوامل ليبيا , تجمع بنات ليبيا
هادا ياحنا صلي زوجي العصر وصليت انا ووتيت روحي انا ورنود والقفاطين ورفعتهم للخياطة وشرحتلها ونسيت حاجات ماقلتلهاش عليهم هههههه التهيت انهدرز عليها دوتي هلبة سلامتي
وبعدين امشيت لنادي الاتحاد <<اشهر امكان بالنسبة ليا للكنادر ناااااااااااازك وروعة شفت ممكن 4محلات بس واخترت وحدة كرستال اوان الطيف تمشي مع الذهبي والفضي ب70 وشنطة يد بسيطة بس نازكة فوشي في الفضي ب25 طبعا انجنيت علي اللي ب85 لكن في عرس اختي واخدة وحدة ب65 قاعدة جديدة ان شاء الله 3سنين معادش نشري لاني زي مانقوللكم نشري حاجة غالية وناعمة لكن منغيرش ديما نقعد علي حاجتي لو طلعت بها 10مرات عادي ننتقم من سعرها وهالشرح المفصل باش متقولوليش مسرفة والله لاااااااا لان كان من نوع نشري ديما والسعر معقول حنتجاوز الاسعار اللي نتعامل معاها بعد هكي خطمنا علي بن عاشور محل مارينا للمكياج ايهبببببببببببل اخديت ماسكارا ووروج السنة اللحمي وكحل تركواز وازرق كحلي واخضر وبثثثثث وروحت راجلي مش مصدق قالي دوم مش يوم وتوة راجلي وبنوتي قاعدين في الجنانات مع عمها وصغاره وعزوزتي |
رد: دردشة بنات ليبيا , دردشة حوامل ليبيا , تجمع بنات ليبيا
صليت المغرب اوجييت
|
رد: دردشة بنات ليبيا , دردشة حوامل ليبيا , تجمع بنات ليبيا
مبروك ماشريتي جيجي اتبيدي بلهناء
|
رد: دردشة بنات ليبيا , دردشة حوامل ليبيا , تجمع بنات ليبيا
السلام عليكم ورحمة الله وبركاته
كيف الحلوين اقتباس:
بالنسبة للحوسة راهو العمر يكمل والحوسة ماتكمل وحدة وحدة اهو انا ليا يومين ومازال ما كملت .. كيف ماقلت لكم الحوش كبير عليا وفيه 4 حواجر 3 مفتوحات علي بعضهن وواحد بروحه والحواجر تسييقهن بس يبي ساعتين ماقلتلكمش ... حصلنا في الحوش 400.000 وجماعتنا هلي وهل توام روحي واصحابه كلهم قنعونا اننا مانبيعوشي ... ايش داير عبسي توة ان شاء الله كويس اقتباس:
اقتباس:
صدقتي جنودة ... انا من قبل كنت هكي لين ظهري وكرعي يقعدو يسطرو فيا وبعدها قلت من يجري في جرتي خلني اندير حاجتي بالتقسيم اقتباس:
اقتباس:
ووين نمشي نجيب حاجة عليها القيمة ونادرة ونعرف انه مافيش منها واجد ونطلع بيها ياما من المرات تعرفو عندي 3 عبايات من اول ما اجوزت يعني من 12 سنة مازلت نلبس فيهم لاني والله بدون مبالغة ماشفتش حد لابس منهم اللهم الا عباية وحدة لقيت صبية صبيتي لابسة وحدة كيفها بس لونها مش حلو كيف امتاعتي |
رد: دردشة بنات ليبيا , دردشة حوامل ليبيا , تجمع بنات ليبيا
الله يبارك في عمرك ياشموسة عقبال ماتكملي لصغارك ويوصلك القفطان اللي تتمنية يااااااارب
|
رد: دردشة بنات ليبيا , دردشة حوامل ليبيا , تجمع بنات ليبيا
عندي موضوع بنستشيركم فيه وان شاء الله نلقى المساعدة منكم
|
رد: دردشة بنات ليبيا , دردشة حوامل ليبيا , تجمع بنات ليبيا
بس توة عاجنة عجينة بنمشي نرميها ونكمل عشاي ونجيكم
|
رد: دردشة بنات ليبيا , دردشة حوامل ليبيا , تجمع بنات ليبيا
الله يبارك فيك اوشي يارب
عندك الحق الواحد يشري شي علية القيمة ويريح باله اللي سالتني عالتكلفة في 170بالمساعدة طبعا لان سلامتي مبالغة في التغير وطالبة كرستال درجة عالية والفقطانين بنديرلهم خيوط من اخلف وتكلفة الخيوط ديما كل قفطان45 وطلبت فيوكة في نهاية الخيوط بالكرستال الذهبي |
رد: دردشة بنات ليبيا , دردشة حوامل ليبيا , تجمع بنات ليبيا
في انتظارك اوشي
حتي انا شوي تانية بيجوا اصحاب راجلي خميسية وحلفلي قالي نبي العشاء بيتزا في الطاجين القابسي بسسسسسسسسس صحابي ايحبوها مع الدلاع والقلعاوي ومشروب ريحني بالحلف لاني منهنيش روحي لازم انشكل السفرة ههههه وتوة نضرب في النسكافية نكتب شوي ونضرب شوي هههه |
رد: دردشة بنات ليبيا , دردشة حوامل ليبيا , تجمع بنات ليبيا
غفيت اشويه نضت عل نقنقت عبسي عند حراره درتلا دوش اوعطيتها كلبون بس الحمد لله انزلت اشويا ياربي اللطف بيه
|
رد: دردشة بنات ليبيا , دردشة حوامل ليبيا , تجمع بنات ليبيا
اه حمدلله تخلصت شموسه من البمبرز نهائي كنت انحول فيه الها نهار وليل انلبس فيها بس مسكينه حتى في الليل اتنوضلي اتقولي نبي الحمام ليا ليليتين متريحه منا
|
رد: دردشة بنات ليبيا , دردشة حوامل ليبيا , تجمع بنات ليبيا
السلام عليكم ماشاء الله عليكم هدرازات
انا العشية مشيت لشراك الخوخ متع عمى جووووووووووووو حنودة ابعثى توا نقصت منها الرسائل |
رد: دردشة بنات ليبيا , دردشة حوامل ليبيا , تجمع بنات ليبيا
الف سلامة عالغالي عبسي وارتحتي من البامبرز والله بنتي كان نلقي انحيهوله غير قاعدة انحسها ماتفهمش
مراحب سوسو ربي ايعاونك |
رد: دردشة بنات ليبيا , دردشة حوامل ليبيا , تجمع بنات ليبيا
جيجى ممكن نسألك سؤال بي ماتحرجيش منى
شن رأى راجلك فى طريقة صرفك يعنى نحسك تاخدى فى الغالى والغالى ماياخد غير الغالى بس نحس الراجل حتى لو ماتكبمش اكيد يضايق وان شاء الله منكونش قلت حاجة غلط غير نسأل بالك عندك طريقة جديدة للتخبيل خخخخخخ انا الحق زوجى مايقوليش لا ولو نبى ناخد يللى نبيه بس انا نتحشم ونقول مانبيش تضايقه ونخليه يتعقد منى ويقل انها تاخد ديما ومااتاهد غير الغالى فهمتينى منبيشه يحس الاخساس هدا ويضايق منى لا شعوريا ماتحرجيش من جيجي رانى حاسباتك اختى لانى ماعنديش خوات اهىءءءءءءءءءءءءءءء |
رد: دردشة بنات ليبيا , دردشة حوامل ليبيا , تجمع بنات ليبيا
اهلين سوسو شنوا الجو ان شالله كملتي امتحناتك
|
رد: دردشة بنات ليبيا , دردشة حوامل ليبيا , تجمع بنات ليبيا
وانتي زي اختي واعز والله امدايرة عليك كبيدة
انا لما نكتب قلت اكيد حيقولوا هذا الشئ لكن ياغالية كتبت اني مانشريش ديما ولما نشري الحاجة نشريها ماركة وغالية بس لو نشري ديما وبسعر عادي بتطلع التكلفة اكثر بهلبة يعني انا وزوجي الرابحين هههههههه ومانتحشمش من زوجي اولا لاني مانطلبش ديما هي مرتين في السنة وبنتي حتي انقول بهدرزة وعفوية اني خاطري نشريلها حاجة طول ايقولي تو نشروهالها وبالعكس يفرح بيا وبيتخطيطاتي لان الغالي بزعاك ومايعرفش وين ايحط فلوسة انا نقترح وعالغلب ايوافق من غير ان الحمد لله معاشة كويس ايكفينا مصروف حوش وتحويش علي جنب والله انا مامسرفة ومانطلب الا اللي فعلا مستحقاتة وماعنديش والله قعدت سنة بداية زواجي مطلبت حاجة اولا عندي وتانيا راجلي كان خاش جمعيات من نص الشهر انفلسوا ومع ذاك جبت بنتي بعد 9شهور من زواجي ومع ذالك دار عزومة كبيييييييييييييرة ومانقص شئ وجبت في عيادة خاصة والحمد لله من سنة كمل ديونة وترقي مدير فرع للشركة والحمد لله مرتاحين وفي نعمة والله مامسرفة وبشهادة زوجي وحتي امة وان شاء الله الصورة وضحت عندك ياعسولة |
رد: دردشة بنات ليبيا , دردشة حوامل ليبيا , تجمع بنات ليبيا
شهيتني بلبيتزا والعجن بلرغم معندش جهد بس مشيت عجنت خاطري في بيتزا الملفوفه نبي نحشيها صلصله اوجبنه مبشوره اوزيتون اوتن
|
رد: دردشة بنات ليبيا , دردشة حوامل ليبيا , تجمع بنات ليبيا
وينك يابنات ره نمشي نهرب
|
رد: دردشة بنات ليبيا , دردشة حوامل ليبيا , تجمع بنات ليبيا
معتها سلام توا انصلي العشاء ونبرم عل البيتزا وانجيكم ان شالله
|
رد: دردشة بنات ليبيا , دردشة حوامل ليبيا , تجمع بنات ليبيا
وطريقة للتلخبيط ماعندي لكن انا انقول بنمشي لفلانة او بنشري حاجة ايقولي لا انقولة حاضر المهم راحتك علي طووووووول ايقولي نوضي
راجلي من النوع اللي ميحبش العناد كان انقوله لا ضروري مستحقة او شئ يزيد ايعاند وبانسبة للشري تو المفروض عندي تحليلات لمتابعة الحمل وديما ندير فيهم في الخاص من 50الي 70 جنية فما اني صرفت هالشهر هلبة فحنضطر انوض بكري ونديرهم في مكان العام مستشفي او مستوصف وعلي فكرة لو انقولك اني من النوع اللي انجمع بالجني وخمسة واحيانا عشرة بتقوليلي مستحيل حتوفري حنقول لااااااااااا لاني حاليا من ثلات شهور انجمع ولما جتني المناسبة القيت نفسي عندي 285 ماشاء الله لما نغسل الحوايج انفتشهم وديما نلقي ونجمع وزوجي فرحان بيا هلبة لاني انوفر علية احيانا صح هو فلوسة مش خادمة انا عليهم لكن لما بنطلب بدل منقول 700انقول 550عرفتي كيف وبصراحة الطريقة هادي تعلمتها من اختي والله دارت بالتلقيط الجني والخمسا حديدة وتعليقة مش حتي خفاف لكن توة بعد مصغارها بدو يقروا قالت بديت نعطي فيهم مصروف ههههه |
رد: دردشة بنات ليبيا , دردشة حوامل ليبيا , تجمع بنات ليبيا
حبيبتى جيجى عرفتك بتتحسسى منى انا مانقصدش حاجة
وان شاء الله مانكونش رزنت عليك شنو رايكم نقول لأمى دير سفنز لمشيتنا غدوة بدى طرفة والناس تفرح بيه |
رد: دردشة بنات ليبيا , دردشة حوامل ليبيا , تجمع بنات ليبيا
لما بنطلب بدل منقول 700انقول 550عرفتي كيف
النقطة هذه مافهمتهاش حتى انا جيجى خر مرة درت شقاقة طلعت منها 800 ماشاء الله ودرت ب 600 منهم تعليقة حتانا فالحة هههههههههههههههههههههههههههههه |
رد: دردشة بنات ليبيا , دردشة حوامل ليبيا , تجمع بنات ليبيا
طبعا انا حاصلة فى الخوخ نعاند فيه
بندير مربى اكيد وبندير عصير عشان امتعينى غدوة ان شاء الله |
رد: دردشة بنات ليبيا , دردشة حوامل ليبيا , تجمع بنات ليبيا
حتى انا زيك جيجى ديما نقترح على زوى ويفرح باقتراحاتى هلبةةةةةة
ونحس نفسى نريح فيه بالقرارات وألأفكار يللى نعطيهاله نمشى نعاند الخوخ ونجيكم |
رد: دردشة بنات ليبيا , دردشة حوامل ليبيا , تجمع بنات ليبيا
من يعرف أى شىء عن غسالة الفراشات او البساطات لو سمحتم يتفضل يعطى رايه
|
رد: دردشة بنات ليبيا , دردشة حوامل ليبيا , تجمع بنات ليبيا
1 مرفق
[IMG]صورة 241.jpg (89.4 كيلوبايت)[/IMG]
هذه لك ياشموسة تفضلي |
رد: دردشة بنات ليبيا , دردشة حوامل ليبيا , تجمع بنات ليبيا
ربي ايعاون سوسو
لا محرجتش بس انا نقطة ضعفي حد يفهمني غلط انا منقولكش انسانة مثالية وكاملة لكن الحاجة اللي امقصرة فيها انقول وانا الحمد لله مش من النساوين اللي يطلبوا كل شهر وياريت قايمين حوشهم ومهتمين بازواجهم والحق زوجي ايقولي تستاهلي تاخدي عيوني زي ماحاطتينا في عيونك يقصد حتي امة بصراحة مش مقصرة انادي فيها كل يوم ونشريله واي حاجة اتخش لحوشي والله بالنص انا وياها والحمد لله ان شاء الله ربي مايغيرنا علي بعض بالرغم والله عندها حاجات لاتحتمل لكن انفوت لوجة الله وعلي خاطر عيون زوجي الغالي **لما عرف زوجي بالعرس قالي قداش مستحقة شفت قداش مجمعة وجمعت حق المكياج والبدلة الهندية والتعديلات فبدل منقول نبي 700قلتلة 550 فهمتيني ياعسل |
رد: دردشة بنات ليبيا , دردشة حوامل ليبيا , تجمع بنات ليبيا
لقيته قاعد سخون قلت خلى نجيكم شوية
جيجي عيب عليك معقول تزعلى منى اثبتى انك مش حرجانة ياستى باش نريحك اهو نحكيلك انا نشرى الحق ناخد طبعا مش كل مايعجبنى بس لما تعجبنى حاجة ورخيصة ناخدها بالرغم من انه لبة مرات تنازلت على هلبة حاجات بس انا منحبش ناخد الغالى هذه نعتبرها ميزة فيا منم لما كنت فى حوش عيالى منحبش ناخد الغالى ناخد حاجتين اسعارهم معقولة ومختلفات ولاناخد حاجة غالية بس اكيد فيه من لبسات ومناسبات بى حاجة فخمة وغالية ناخدها والحق مش من نوعية نبى لكل عرس يعنى الحاجة ناخدها غاليةونلبسها اكثر من مرة فى أكثر من مكان أتمنى ان تكونى مازعلتيش منى هذه هدرزة ناخذو ونعطو |
| الساعة الآن 10:57 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .