|
رد: دردشة بنات المدينه المنوره - تجمع حوامل بنات المدينه
بقايا ذكريات .. هادا يعتمد لانو كل وحدة لها وجهة نظر في ناس يمدحوا مستشفى وناس تانين يذموه بس يعتمد على راحتك في المعاملة معاهم..
اسوم .. انتي في الشهر التاني لسه ما خلصتيه.. حددي السعر اللي تبغي تحطيه للتوزيعات عشان اعطيكي افكار ولو تحبي اسويلك هيه كمان ياقمر انا خبرة سويت توزيعاتي في ولادتي الاولى وانشاء الله هادي المرة كمان واوريكم جديدي عما قريب .. |
رد: دردشة بنات المدينه المنوره - تجمع حوامل بنات المدينه
مرحبا ً بنات انا جديده عليكم وحامل في الشهر السادس واتمنى تهدو بالي وتريحو تفكيري لأن التفكير ذبحني والقلق مطير النوم من عيني طبعا انا ولادتي قيصري الله يسهلي وشايله هم المستشفى انا سبق وولدت قيصري في مستشفى الولاده الجديده طبعا وما ابغى أعيد المأساه أهم حاجه للحامل بعد الولاده حسن المعامله وانا ذقت المر تخيلو يابنات أول مآساه كانت وانا في غرفة العمليات قبل العمليه يتعازمو عليا من يبغى يسويلي العمليه قبل البنج كل هذا وانا أسمع لغاية ماصرخت فيهم واعطوني المخدر على طول ثاني مآساه اول ماتفوقي من البنج يبغوكي تخدمي نفسك وانتي في غرفة العمليات يعني هذا اصعب شي اتصدمت بصراحه ثالث مآساه انهم راميني مدري فين في الممر المهم مكان زي الثلج بااااااااااااااااااااارد وطلبت من الممرضه تغطيني لأن الروب قصير تبع العمليه واحس الهوا والبرد كله يضرب فيني من جو يعني قمة الذل والاهانه فين العنايه والاهتمام وقبل هذا كله الرحمه وما ارتحت الا لما نقلوني الغرفه وشفت أهلي حسيت روحي رجعتلي وما ابغى أعيد الكره مره تانيه ادفع فلوس واشتري راحة بالي وكرامتي وانا ماولدت في مستشفى الولاده الا لأنهم قالو كوادر طبيه ورعايه ..
الحين طلبتكم الله يفرج عليكم ويسهل امركم ..اي مستشفى خاص ترشحولي انا سمعت عن المواساة عند أيمن عفيفي وافكر في الالماني وناس مدحو الوطني اتوقع هو المطبقاني ابغى رأي سديد ريحو باي الله يريح بالكم علماً بأني مو ساكنه في المدينه وراح أجي وقت ولادتي عند أهلي أتمنى تفيدوني الله يجعلو في ميزان حسنات كل وحده ترد عليا |
رد: دردشة بنات المدينه المنوره - تجمع حوامل بنات المدينه
اقتباس:
|
رد: دردشة بنات المدينه المنوره - تجمع حوامل بنات المدينه
سبحان الله مستشفى الولاده حظوظ
انا كل مرة اقول ماراح اولد فيها بس يصير شي واضطر اولد عندهم حتى المرة دي قبل اسبوع جاني طلق وانا لسى بنص التامن واخدت ابرة الرئه وطبعا ما عندنا مستشفى احسن منها بالتجهيزات والاجهزة المتطورة وطبعا امي وجوزي ماراح يرضو الا اولد فيها وفيه ناس كتير تمدحها زي ما قلتللك حظوظ هههههههههه انا عن نفسي ماشي الحال اهم شي اتطمن علي البيبي وزا مصرة ما تولدي عندهم اختي تولد في المطبقاني وتمدحهم واخر مرة ولدت بعمليه قيصريه وبرضه تقول انو المستشفى كويسه وتعاملهم كويس جدا |
رد: دردشة بنات المدينه المنوره - تجمع حوامل بنات المدينه
حمره الورد
الله يعافيك ويقومك بالسلامه ابغاك تجاوبيني ع اسئلتي هذه لما تفتحي ملف في الولاده هل لازم معاك رجال ..لانه زوجي مسافر ومو حابه اتعب ابوي والمواعيد كيف هل لازم اروح من بدري اخذ موعد واذا احتجت التراساوند او تحاليل اسويها عادي عندهم ع طول ولا مواعيد ثانيه وحوسه انتظار كمان ومين يحدد اي دكتور اتابع معاه واذا كنت ابغى استشاري هل يسوون لي موعد معاه بسهوله سوري ع كثره الاسئله بس اناا وضعي شوي حرج ولا لازم اتابع في الولاده وافتح ملف من الحين عشان يتابعوا حالتي |
رد: دردشة بنات المدينه المنوره - تجمع حوامل بنات المدينه
اقتباس:
بس انا لو حولد طبيعي اقولك مو مشكله مستشفى الولاده بس انا عارفه انو حولد قيصري فحابه ارتاح لأني بصراحه اتمرمطت في مستشفى الولاده واهم شي المستشفى والدكتور اللي حيعمل العمليه لأن ولادتي كلها تجميليه وكبس ياريت البنات يفيدوني ويريحوني الله يريحكم ويسهل عليكم ويكتبلنا ولاده سهله وهيّنه يااااااااااااااااااااارب |
رد: دردشة بنات المدينه المنوره - تجمع حوامل بنات المدينه
^^^^^^^^
حبيبتي مستشفى الوطني ممتاز اخت زوجي كل ولاداتها قيصري وفي الوطني وختى سلفتي نفس الشئ بس مين الدكتور اللي يولدهم ما ادري اسال وارد لك ان شاء الله وبالنسبه للتعامل ،، تعاملهم جدا راقي ادعيلي ان الله يسهل حملي و ياحوامل ياكروشااات امس عمتي ولدت في مستشفى احد عند الدكتوره امل شااهين وجدا تمدح فيها وتقولي لا تولدي الا عندها اعطتها ابره الظهر تقول ريحتها من كل شئ ولما خيطتها قالت لعمتي راح تدعيلي ان شاء الله من الخياااطه وكانت مرررره مهتمه فيها حتى بعد ماولدت واللحين اناا مرره محتاااره فين اولد يالله ياارب كلها تساهيل من ربي والله يقومنا بالسلاامه ياارب * |
رد: دردشة بنات المدينه المنوره - تجمع حوامل بنات المدينه
يسلموا أختي أحلى ليان بترحيب
ومشكورة ع الرد والله يسهل ع كل حامل. ولادتها |
رد: دردشة بنات المدينه المنوره - تجمع حوامل بنات المدينه
تسلمي أحلى ليان ع الترحيب وأهلا بيك جارتي المستقبلية :) ..
توته موعد ولادتك يصادف 25 / رجب .. وتولدي بالسلامة |
رد: دردشة بنات المدينه المنوره - تجمع حوامل بنات المدينه
حمرة الورد .. أنـآ مـآ أعرف إذآ كانت النخلة عند تـآاله أو لا بس عنده كل شي يختص بالتمور و مرة رووعه
ومكانه تعرفي كلية التربية القديمة اللي في حي البحر اللي عند مسجد الجمعة .. تخلي الكلية ع يد اليمين و تمشي طوالي ح تلاقي بارنيز ع يدك اليمين فـ نفس اللوبي راح تلاقي تـآله |
| الساعة الآن 07:51 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .