المشاركة الأصلية كتبت بواسطة توحة (المشاركة 1561563)

بنات

يعلم الله اني حبيت هالمنتدىمنكل قلبي

وحبيتكم انتم يابنات هالتجمع كثيير :( ويعز علي فراقكم بس مابيدي شيء ابدن وكنت اعتبركم خواتي الي ما لقيتهم ..

بس ساعات غصب عن الواحد يروح بهالدنيا ويمر بضروووف غصب عنه وتجبره

بنات اتمنى تذكروني بالخير وتحللوني لو غلطت او زعلت احد منكم وربي اسفه يمكن لحظة زعل او شيء بس انا جد اعتذر

ساااااااااااااااااااااااااااااااااااااااااااااااام حوني انا غصب عني معد اقدر اخش واتمنى ماتنسوني بدعواتكم ..

وماحدني على عدم الدخول غير امر مو بيدي والله يفرجها علي وعلى كل مسلمة يااارب ..

تمنيت اقابلكم واكلمكم لو مسن حتى لكن للاسف البعض رفض وهاذي حريته محد بيجبرها تمنيت نتواصل بس للاسف محد يبي وصالي وانا عاذرتها بعد
بس والله مابقلبي شيء عليها ابد واحبها واموت فيها ومحللتها بكل كلمة قالتها لي

وترى يافلانة مو عيب اني من الدار خذيها حلقة بإذنك الي انعم عليك بام واب وعايله ونسب قادر ياخذهم منك بلحظة ...


عموما هاذي رسالة حبيت اوصلها لإنسانة هيي عارفة نفسها مايحتاج ذكر اسمها

وبالنهاية والله العظيم اني حبيتكم وتعلقت فيكم بس مظطره للبعاد للاسف

واتمنى تكملوا مشوار القروب بشيء ينفعنا باخرتنا اذا كان عاجبكم بس كنت حابة شيء من مواضيعي يستمر لعل الله يكتب لي فيه الخير والاجر ..

أحبـــــــــــــــــــكم والله /

إختكم إن قبلتموها كماهي : تـــوحة

أستودعكم الله الذي لاتضيع ودائعه :(

المشاركة الأصلية كتبت بواسطة secret (المشاركة 1556895)

هلا حبيبتي:
اهي مب سالفة عندي خبرة بمجال الطب..
لا بس تعالجت وايد وقابلت اكثر من دكتور ودكتورة
ومعلوماتي من الكتب والسوالف..
فانا الي اشوفها عندها ضعف تبويض وهرمون الحليب..ما يباله سالفة من بعد الله تعالى غير الرياضة والميرمية
عندي اختي الكبيرة والله ان الدكتور قبل 4 او 5 سنوات قالها بالفم المليان مستحيل تحملين انتي كبرتي وبويضاتج قلت نشاطها وماعادت تنفع والعلاج صعب بها العمر،اتعرفين انها حملت بقدرة قادر طبيعي مرتين ،بنتها وحدة بالسنة الرابعة بتخلصها،وبنتها الثانية صار لها 4 شهور***وين كلام الدكتور راح.
.اختي الثانية نفس الشي قالو لها مستحيل علاج
حملت فجاة وولدها عمره 5 سنوات
يعني احنا المفروض نتوكل على ربنا الي خلقنا مب على كلام اي دكتورةـ بس هذا ما يمنع اننا نتعالج ونكشف ونسوي الي علينا..
انا مثلا الحين الدكتورة تقولي عندج هرمون الحليب مرتفع
شربت الدوى شهر وشي ما كملت الشهرين، رحت لدكتورة ثانية قالت لي الهرمون مختفي,,اصدق من والا من !! مب عارفة
قمت اشرب ميرمية واسوي رياضة الي اقدر عليها وانتظر الفرج من ربي
الشي الحلو اللي نقدر احنا نسويه اننا نروح لأي دكتورة ممتازة ونسوي فحص السونار علشان نشوف حجم البويضة والدكتورة تقولنا متى الجماع وباذن الله يصير جماع..

وشي ثاني بعد لازم نفسياتنا تكون مرتاحة ونشرب الفوليك اسيد قبل التفكير بالحمل من 3 شهور هذا عاد كلام علمي صحيح ..والله اعلم..
فانا الحين احاول احمل ونفسي في بنت..
بنتي كان عمرها 8 شهور واسبوعين توفت فجأة فجأة
كانت مريضة زكام وكحة عادي..قبل ما تتوفى بساعتين انقلبت فجأة وتعبت والانعاش سبحان الله ملك الموت جاي ياخذها يرجعها لربنا سبحانه وتعالى..
وراحت بنتي من بين ايدي والله يعني احساس صعب اوصفه
انا كل ما اتذكرها ابكـــــــــــــــــــي دم عليها هذي كانت اغلى شي بحياتيوالله اكتب لكم وانا ابكي لأني تدكرت كل شي..
اعظم مصيبة فقدان الولد..ربي لا يوريكم يارب هالموقف
كلن بمصيبته
فعلشان جي انا نفسيتي اكثر الوقت تعبانة افكر في بنتي بنتي متوفية بتاريخ 26/6
ما صار لها تكمل ال5 شهور ..حملت فيها ورضعتها وحممتها ولعبت معاها وسبحان الله سننت بدري، وجلست وماباقي لها اسبوع الا وتمشي ..طيرة الجنة ربي اسرع بنموها علشان ياخذها..
الله يفرحني فيها بالجنة وتاخذني من يميني وتكون شفيعة لي..
سامحوني طولت بالكلام..بس والله فيني الم بقلبي لا يعلمه الا الله من فقداني لآعز ما أملك واهي بنتي
ومتفائلة باذن الله ان ربي بيعوضني ما علي غير الصبر والصلاة والدعاء..
ربي يفرج همومنا ويرزقنا الحمل ويشفينا جميعا يارب العالمين

المشاركة الأصلية كتبت بواسطة ام الزين كله (المشاركة 1566020)

ياهلا وغلا

انا بخير الحمدلله أنتي كيفك يالغاااليه

ماشاءالله خلصتي من الدورة

انا لسى ماخلصت إن شاءالله بكره


وياااارب تكون تحاليل كلها سليمة ويرزقني وياك وجميع اخواتنا اللي بالتجمع وجميع اخواتنا المسلمات الحمل في هالشهر القادم ويرزق كل وحده مننا ماتتمنى ياااااااارب

المشاركة الأصلية كتبت بواسطة وسناء (المشاركة 1567388)

نسيت اقولك حبيبتي أم الزين
أنا راح أغير الدكتورة أحس ماخلت شي ماحطته فيني
بروح مستشفى ثاني بعد مأخذ النتايج يمكن يتغير الكلام hwaml03

المشاركة الأصلية كتبت بواسطة secret (المشاركة 1567643)

صباح الخير حبيباتي:
السلام للجميع فديتكم..
عجزت اكتب اسم اسم ههههههههههه
انا بقولكم شو شو سويت البارح..لا تضحكون علي
جربت فحص البارح وما ظهر لي شي
انا اعرف انه بدري وايد وانا دورتي يوم الاربعاء
بس احيانا والله تصير ويظهر الفحص قبل الموعد ب5 او 4 ايام ..
يارب اللهم اجعله خير يارب العالمين
الصبر ويا رب الصبر والدعاء

المشاركة الأصلية كتبت بواسطة لن أيئس (المشاركة 1567695)

السلام عليكم ورحمة الله وبركاته
كيفكم ياحبيباتي أشتقت لكم والله وحده وحده

وش آخر أخباركم ان شاءالله تمام ..
وربي لكم وحشه من قلب فصل علي النت الجمعه الي مضى ومعد رجعت اشحن عشاني بسافر لأهلي ..
وهالحين انا عند أهلي الحمدالله .. مشغولين بعرس أختي بعد أسبوعين ..
تكفون ادعو لنا ربي يتمم لنا بخير وستر ..
سامحوني يابنات معد قريت الصفحات الي وراء مدري في احد سأل عني ولا شيء ربي يسعدكم ويرزقكم ..