|
رد: اهلا باهل الجود والكرم **اهلا بسيدات ليبيا**
هلا وغلا كيف حالك جنووووودة ليك وحشة وسلم يدك على الحاجات الحلوة خزنتها الطريقة طووووووول وربي يحفظك
نورتينا ورفعتي شأننا تى قدام صاحبات ألأجنبيات .. وهما ذوقوك حاجة ولا لا .. وكيف حال راجلك ..وقرايتك وأهلك.. |
رد: اهلا باهل الجود والكرم **اهلا بسيدات ليبيا**
فيفي وينك تعالي طمنينا عليك ليك وحشة ..
أثورة وأم معاد تعالو هدرازي.. سهفتوني في البكلاوة والمقرض.. |
رد: اهلا باهل الجود والكرم **اهلا بسيدات ليبيا**
|
رد: اهلا باهل الجود والكرم **اهلا بسيدات ليبيا**
لا والله ماذوقونيش
انا نفضل مانذوقش لان عارفة هما ياكلوا في الخنزير ومرات حتي الدهن متاعه في الحلو وحسيت انه طباعهم مختلفة علينا والله اعلم بس ممكن لاني كنت انطوائية شوية ومش مخالطة هلبة من بعيد الي بعيد حسيت اكثر من مرة يجيبوا ياكلوا جنبي ولا يقولوا اتفضلي انا حتي لما نطلع مستكة نقول من يبي ولما مشينا انسخنوا في البراك في الميكرووويف في بنت كانت اتسخن جنبنا جتني تسال شن اسمه هدا وهدا اكلتنا المفضلة هيا من البرازيل ممكن اتحشمت قلتلها اتفضلي ذوقي وهيا مرة فاتت جنبي حتي الابتسامة مابتش تبتسملي سبحان الله طباعنا المسلمين في عده اشياء ارقي منهم رغم انهم حتي هما محترمين ويحترموك لو احترمتيهم |
رد: اهلا باهل الجود والكرم **اهلا بسيدات ليبيا**
الحمد لله زوجي كويس واهلي حتي هما
قرايتي ماشية كويس كانت فترة الضغط المده الفاتت ليمن نقول شن درت في نفسي عالمعموم حصلت قبول من جامعتين لشهر 5 الاكاديمي ومزالت فترة اللغة مزال والله محتارة نكمل اللغة او نبدا في الاكاديمي نبي استشارة منكم شن تنصحوني اكيد بالنسبة ليا اللغة اسهل بهلبة من الاكاديمي لان الاكاديمي هوا المصيري نجاح او رسوب في المواد وضغط تقارير ونصفيات وغيره وانا لما نقرا معادش نهتم باي شي ثاني فكرت اني نكمل مدة اللغة ونستغلها في العلاج زي ماانتم عارفين علاش حتي لو صار تعب تكون في اللغة مش هديكا المشكلة حتي لو غبت من الدراسة بالعكس من المحاضرات شن تنصحوني نكمل اللغة ونبدا العلاج ونستغل الوقت او نبدا اكاديمي للعلم اني هكي عندي فرصة نكمل بكري لو بديت في 5 |
رد: اهلا باهل الجود والكرم **اهلا بسيدات ليبيا**
ألأفضل لك عزيزتي تكملي اللغة أولا ,, ليش؟؟؟
من ناحية ألإستفادة عشان تستفيدي إستفادة تامة وتكون على علم بكل شىء .. والسبب الثاني هو أنه الوقت مايفوتش وتنسي العلاج لأنه أكيد ألأكاديمي ضغط مكثف وبهذا رح تخسري شهور معينة ألأفضل أنها ماتريحش وعلى ألأقل تاخدي فيها حتى علاج.. وربي يوفقك لما فيه خير وييسرلك مرك كيف ماتتمني.. |
رد: اهلا باهل الجود والكرم **اهلا بسيدات ليبيا**
اقتباس:
والله انا محتراة بين الدراسة وبين العلاج خاطري نكمل بسرعة رغم اني عارفة لو كملت بسرعة ممكن نحصل تمدييد دكتوراه وفي نفس الوقت مانبيش نضيع عمري في القراية وننسي نفسي مافيش حد راح يرحمني حتي لو جبت اعلي الشهادات |
رد: اهلا باهل الجود والكرم **اهلا بسيدات ليبيا**
ماشاء الله جيجي حاسبة روحي سهرانة مان أمتى بتجي أنت
هيا عطلتي ههههههه ربي يسعدك.. الفطيرة بالقازول ... |
رد: اهلا باهل الجود والكرم **اهلا بسيدات ليبيا**
ايه ياجنودة والله بديت مقتنعة أنه يللي يفوت من العمر يفوت وماتدريش مرات ماتصدفش معاك
ممكن تكملي القراية ومايعطوكش تمديد وتروحي وتريح عليك يا إما تتضطري تقعدي تعيش على حسابك أنا كنت نقدر نجيك بإسلوب أخر ونقولك ((ألهي بالقراية وكملي وأفتكي بعدين ألهي باصغار لأنهم حيشغلوك عالدراسة)) بس زي ماقلتلك ليفوت منت العمر يفوت وخساره الوقت |
رد: اهلا باهل الجود والكرم **اهلا بسيدات ليبيا**
ايه انا معاك ياسوسو بالنسبة ليا بعد ماتزوجت حطيت القراية في المرتبة الثانية
لان الحق ماكنتش مفكرة اني نحضر علي قد ماتشحورت في القراية وعارفة انها تبي وقت وجهد وزيادة تحرق الاعصاب وكله يرجع علي الصحة نحكي علي نفسي نبذل في مجهود كبير وتاخد في كل تفكيري والناس مش راح ترحمني زي ماقلتلك يعني مستقبلي هما الصغار توا مش القراية ونزيد نشوف أراء البنات |
| الساعة الآن 04:06 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .