|
رد: تجمع حوامل ليبيا
ام اسيل انا عندى شقه فى بنغازى بروحى لكن مسكرة وانا عيشه فى قطر وكل سنه نجيه مرة لليبيا ومعايا بنيه ان شاء الله ربي يفرحنى بشوفتها وعقبالكم كلكم تجيبو كوم عيال
|
رد: تجمع حوامل ليبيا
اقتباس:
وانا مثلك ازوجت فى 2003 /8 /21 |
رد: تجمع حوامل ليبيا
سبحان الله انى تزوجت في 23/7/2003
|
رد: تجمع حوامل ليبيا
أم أسيل وينك فيه بشاير ولاشنوو
|
رد: تجمع حوامل ليبيا
خير ياخيتي والله موعد الدورة بكرة او بعده وعندي لية الدورة بالزبط وافرازات شفافة ومائلة للابيض وانا قتلك درت تحليل السبت وطلع سالب الله غالب تو نحاول الشهر الجاي
|
رد: تجمع حوامل ليبيا
السلام عليكم
كيف حالكم يا مدامات سامحوني كان عندي ظروف منعتني انخش وانسلم عليكم ميرنا ربي يرزقك بالبيبي السليم المعافى انتي وحبل الوصل وام اسيل وخصوصا انتي هما الاتنين ربي يحفظلهم صغارهم عندهم من معبي عليهم حياتهم وربي يرزقهم من كرمه وانتي كثري الاستغفار والدعاء اكيد رح يرزقك رب العالمين بأحسن الذريه هنديه ردي بالك تعدلي ديري ودن من طين وودن من عجين الراجل راجلك وطز فيهم وخليك ديمة احسن منهم ما يسمعوا منك شي لا باهي ولا عافن اغلبيهم بسكوتك وماتفرطيش في راجلك كان مش على خاطره على خاطر ابنيتك الصغيرونه ربي يحفظها ام اسيل وحبل الوصل هلا بيكم وليكم وحشه واتهدريزكم زي العسل ياريتكم من منطقتي لكنا تعرفنا اكثر وتواصلنا مع بعض انا مكسدة ومدايرتها عالماكله ومسبله بالحمل ووزني فات 80 ومش عارفه وين ماشيه بيه والمشكله مانقدرش اندير حمل خايفه انضر الجنين ربي يحفظه قبل الزواج كان وزني 56حملت بعد 3شهور وجبت بنتي ربي يخليهالي وصار 83 ومشيت لدكتور تغديه قالي وزنك يخف بعد 6شهور من الولادة واطمنت ولله الحمد بعد 6شهور بدل الرشاقه طلعت حامل تاني والوزن مانقدرش انقوليلكم اخر مرة وانا في الرابع كان 93 تخيلوا ايش الحل انجدوني بالله اعليكم كيف اندير ورايا رجعه لبلادي والكل مشتاق يشوفني وورايا اعراس واولهم عرس خوي وورايا سوابيع متلتله وورايا والاهم راجل كل يوم يتفرج على رشاقه الالمانيات ســــــــــــــــــــــــــاعـــــــــــــدوني |
رد: تجمع حوامل ليبيا
هههههههههههههه ياعيون زوجها
توة بعد ما تجى ليبيا تقولى ثريتنى عليك الرقيقة بدون حمل ومسكرات العداد هاب لو كان يحملن |
رد: تجمع حوامل ليبيا
ام اسيل // شنو برجك خلينا انطلعوك من الجو الشين لى دايرتيه hwaml59 |
رد: تجمع حوامل ليبيا
لولى يسمع منك ربى وانجيبو كوم عويل بس بنسالك انتو تقرو ولا تشتغلو وشن جيبكم القطر ولكى كم سنة غادى اكيدة داير جارت اتكسدى امعهن عندنا ساجدة فى ابريطانيا متعرفة على مصرية المغتربة فى المنتدى حتى هى تسكن فى ابريطانيا حتى انتى تعرفى على البنات التى فى المنتدى ويسكننا فى قطر بلك تلقى وحدة منهن اقريبة منك اديرى امعها جوى وتساليها على احسن عيادة واحسن محلات فى المنطقة التى انتى سكن فيها باهى اقل شى انتى قاعده وسط عرب اسم الله على ساجدة وعيون زوجها لى تسكن فى المانيا حتى لو يتعرفنا على وحدة ما يعرفن كيف يحكن امعها انا تسكن احذى وحدة من نيجيريا راجلها لعيب كورة جايب النادى والله العظيم دايمة شغالتنى اندزلها فى الكسكسو وعصبان و رز امبوخ ولحاجة لى تعجبها تقولها الراجلها يكتبنا فى ورقة عطونى الطريقة يعنى انتعملو بالاوراق وراجلى دايمة يعلق على يقولى عليك اعطب يبست كبد على ها النيجيريا انقوله حرام اغريبة يقعد ايعلق على ويقولى لا بسبوسة
|
رد: تجمع حوامل ليبيا
يا جماعة كيف ما فيش حد واعى ؟؟؟؟؟؟؟؟؟؟؟؟؟؟؟؟ يلاه انعدى انكسد على روحى نبى ندير مقشر فازلين واسكر وندلك بيهن جسمى انرطب روحى اشوى اوكيه
|
| الساعة الآن 03:05 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .