المشاركة الأصلية كتبت بواسطة جهينة (المشاركة 1560761)

السلام عليكم ورحمة الله
أخواتى فالله بحبكم فالله وربنا يرزقنا جميعاً الذرية الطيبة الصالحة المعافاة .
ممكن سؤال :
اللى اتعالجت من الورم الليفى بدون جراحة تفيدنا الله يبارك لكم

المشاركة الأصلية كتبت بواسطة توحة (المشاركة 1556845)

ام الزين كلة / هلاااا وغلا وترليون مرحبا بالغاليه شلون ياحبوبة عساك بخير ياوجة الخير ^_*

المشاركة الأصلية كتبت بواسطة secret (المشاركة 1556895)

هلا حبيبتي:
اهي مب سالفة عندي خبرة بمجال الطب..
لا بس تعالجت وايد وقابلت اكثر من دكتور ودكتورة
ومعلوماتي من الكتب والسوالف..
فانا الي اشوفها عندها ضعف تبويض وهرمون الحليب..ما يباله سالفة من بعد الله تعالى غير الرياضة والميرمية
عندي اختي الكبيرة والله ان الدكتور قبل 4 او 5 سنوات قالها بالفم المليان مستحيل تحملين انتي كبرتي وبويضاتج قلت نشاطها وماعادت تنفع والعلاج صعب بها العمر،اتعرفين انها حملت بقدرة قادر طبيعي مرتين ،بنتها وحدة بالسنة الرابعة بتخلصها،وبنتها الثانية صار لها 4 شهور***وين كلام الدكتور راح.
.اختي الثانية نفس الشي قالو لها مستحيل علاج
حملت فجاة وولدها عمره 5 سنوات
يعني احنا المفروض نتوكل على ربنا الي خلقنا مب على كلام اي دكتورةـ بس هذا ما يمنع اننا نتعالج ونكشف ونسوي الي علينا..
انا مثلا الحين الدكتورة تقولي عندج هرمون الحليب مرتفع
شربت الدوى شهر وشي ما كملت الشهرين، رحت لدكتورة ثانية قالت لي الهرمون مختفي,,اصدق من والا من !! مب عارفة
قمت اشرب ميرمية واسوي رياضة الي اقدر عليها وانتظر الفرج من ربي
الشي الحلو اللي نقدر احنا نسويه اننا نروح لأي دكتورة ممتازة ونسوي فحص السونار علشان نشوف حجم البويضة والدكتورة تقولنا متى الجماع وباذن الله يصير جماع..

وشي ثاني بعد لازم نفسياتنا تكون مرتاحة ونشرب الفوليك اسيد قبل التفكير بالحمل من 3 شهور هذا عاد كلام علمي صحيح ..والله اعلم..
فانا الحين احاول احمل ونفسي في بنت..
بنتي كان عمرها 8 شهور واسبوعين توفت فجأة فجأة
كانت مريضة زكام وكحة عادي..قبل ما تتوفى بساعتين انقلبت فجأة وتعبت والانعاش سبحان الله ملك الموت جاي ياخذها يرجعها لربنا سبحانه وتعالى..
وراحت بنتي من بين ايدي والله يعني احساس صعب اوصفه
انا كل ما اتذكرها ابكـــــــــــــــــــي دم عليها هذي كانت اغلى شي بحياتيوالله اكتب لكم وانا ابكي لأني تدكرت كل شي..
اعظم مصيبة فقدان الولد..ربي لا يوريكم يارب هالموقف
كلن بمصيبته
فعلشان جي انا نفسيتي اكثر الوقت تعبانة افكر في بنتي بنتي متوفية بتاريخ 26/6
ما صار لها تكمل ال5 شهور ..حملت فيها ورضعتها وحممتها ولعبت معاها وسبحان الله سننت بدري، وجلست وماباقي لها اسبوع الا وتمشي ..طيرة الجنة ربي اسرع بنموها علشان ياخذها..
الله يفرحني فيها بالجنة وتاخذني من يميني وتكون شفيعة لي..
سامحوني طولت بالكلام..بس والله فيني الم بقلبي لا يعلمه الا الله من فقداني لآعز ما أملك واهي بنتي
ومتفائلة باذن الله ان ربي بيعوضني ما علي غير الصبر والصلاة والدعاء..
ربي يفرج همومنا ويرزقنا الحمل ويشفينا جميعا يارب العالمين

المشاركة الأصلية كتبت بواسطة وسناء (المشاركة 1558025)

كيفكم بنات شخباركم وحشتوني بس من جات الدورة أنهميت وجلست مكاني
أم الزين أنا بعده موعدي ماج حق القرحه الدكتورة قالت لي تعالي ويوم يوم ثاني او ثالث الدورةرحت يوم الأثنين وعملت تحليل حق هرمون الغدة والحليب وإن شاءالله بعد عشر ايام النتيجه وراح أشوف القرحه أنا الليلة على خير راح أغسل لاني جت لي وياك يوم السبت بالليل وهي موعدها خمس أيام وإن شاءالله أخر دورة لنا كلنا ياارب
..