|
رد: ¤ô§ô ~أحلى تجمع حوامل التوأم 2011~ ô§ô
عشمانة أخبارج عساج بخير، شو صحتج اليوم وأخبار النفسية عندج أن شاءالله كل شي عال العال أمس صار لي موقف وتضيقت وزعلت بسرعة عقب تذكرتج وقلت سبحان الله أحنا الحوامل مثل أعواد الثقاب، سريعين الأشتعال hwaml15والانفعال hwaml4والغضب حاولت اسيطر على عمري والحمدلله أموري اليوم طيبة طمنينا عليج اليوم لا تنسين نفسيتنا تأثر على التوينز تبينهم يكونون هادين وحبوبين ولا عصبين وكثيري البكاء بيشيب شعرنا وياهم خلج دوووم فرفوووشة وكيوت عشان الله يبارك لج في التوينز وتفرحين بأحلى عسولتين |
رد: ¤ô§ô ~أحلى تجمع حوامل التوأم 2011~ ô§ô
أول غرام أخبارج عساج بخير أن شاءالله مافيج إلا العافية أعتقد السبب الرئيسي لتعب والأرهاق اللي تحسين فيه بما أنه الحمدلله فحوصاتج الطبية كلها طبيعية أظني السبب عدم انتظامج في نومج، ومافي شي يعوض نوم الليل يقول الله عز وجل في كتابه الكريم.. بسم الله الرحمن الرحيم "وَجَعَلْنَا اللَّيْلَ لِبَاسًا * وَجَعَلْنَا النَّهَارَ مَعَاشًا"، وقوله تعالى: "وَهُوَ الَّذِي جَعَلَ لَكُمْ اللَّيْلَ لِتَسْكُنُوا فِيهِ وَالنَّهَارَ مُبْصِرًا". حاولي تنظمين نومج وأن شاءالله بترتاحين وبالنسبة لسرعة دقات قلبج من أول ما حملت قالولي دقات قلبج زايدة وخفت الصراحة لأنه عندي مشكلة في الغدة الدرقية بس الحمدلله طلع السبب الرئيسي هو وجود التوينز تتسارع دقات القلب مع الأثنين لا تشغلين بالج، كلها تراها وسوسة من الشيطان وأحنا نحاتي التوينز عشان جذي نخاف من أبسط الأمور وكلي أمرج لربج، ومن توكل على الله كفاه الله يعافيج ويحفظج من كل شر |
رد: ¤ô§ô ~أحلى تجمع حوامل التوأم 2011~ ô§ô
ماء المسك أخبارج عساج بخير، اشتقنا لطلتج علينا ومعذورة في غيابج الله يعافي لج ولدج من كل شر كنت أعاني مثلج عيالي دوم مرضى حرارة وزكام وبلاعيم والتهاب في الصدر ....ألخ بس الحمدلله داومت على تحصينهم يوميا وخذت جهاز من الصيدلية لتنقية جو الغرفة من الغبار والحمدلله صحتهم صارت أفضل أذا حابة تشوفينة بنزل لج صورة الجهاز وفي طريقة بعد لتحصين بسورة الفاتحة سبحان الله قرأت مرة في احدى المنتديات عن التحصين "بسورة الفاتحة" خاصة عند وقت النوم في أي أوقات النهار أو الليل عن طريق النفث في اليدين 3 مرات بنية أن يحفظهم من كل شر ويعافيهم ومن.... " كل شي يخطر في بالج" وبعد ذلك قراءة سورة الفاتحة 11 مرة ثم المسح على سائر البدن تقول كاتبة الموضوع، الله يجزاها عنا خير جزاء أن قراءة الفاتحة تحصن كذلك من العين والحسد وأن أشخاص قاموا بقراءتها بنية الزواج وتيسرت أمورهم أهم شي أن يكون عندج يقين بأن الله بيستجيب لدعاءك جربي وطمنينا عليه وبأذن الله بتبشرينا بصحته وعافيته والسموووحة |
رد: ¤ô§ô ~أحلى تجمع حوامل التوأم 2011~ ô§ô
وينج يا عشمانة؟؟؟ الظاهر مافي حد غيري hwaml5 وأذن الظهر عندنا لا تنسونا بدعوة طيبة اليوم الجمعة الله يحفظنا ويتمم حملنا ويطمنا على ذريتنا ويبارك فيهم ويرزق كل محرومة بالذرية الصالحة أشووووووفكم على خير |
رد: ¤ô§ô ~أحلى تجمع حوامل التوأم 2011~ ô§ô
طوق الياسمينا
الحمدلله بخير ... اخبارك انتي واخبارك مع التعب ..؟! اليـــــاه صحيح نومي مب منتظم والسبب ولدي وزوجي ...اوقاتهم تتعارض مع بعض .. بحاول الحين انظم نومي قدر المستطاع ... الله يجزاك خير الياه ياقلبي ... عشمانه في ربنا .. الله يسلمك يارب من كل شر ... |
رد: ¤ô§ô ~أحلى تجمع حوامل التوأم 2011~ ô§ô
مساء الخير والأحساس والطيبة
كيف حالكم اليوم وشوأخباركم وأخبار التوينز آن شاء الله كل شي تمام |
رد: ¤ô§ô ~أحلى تجمع حوامل التوأم 2011~ ô§ô
الياه عشمانة اول غرام ماء المسك بروفكشن
منورين يالغوالي عساكم دوم بخير |
رد: ¤ô§ô ~أحلى تجمع حوامل التوأم 2011~ ô§ô
ماء المسك
الله يشفي ولدتج ويعافية ماء زير مامبينة يمكن السبب هو المودم آن شاء الله تكون بخير |
رد: ¤ô§ô ~أحلى تجمع حوامل التوأم 2011~ ô§ô
احلى توينز2011
الحمدلله تمام ... انتي اخبارك ...؟!! |
رد: ¤ô§ô ~أحلى تجمع حوامل التوأم 2011~ ô§ô
هذه قصة ولادتي
انا ماكان يجيني الام زي الدوره ولا شيء والرحم عندي مسكر قالت الدكتوره مو شرط احياناً يجي الطلق مره وحده المهم في نهاية الاسبوع 38 قررت اشرب زيت خروع وشربته وع وع وع منه المهم الساعه 2 الظهر والساعه 6 المغرب عالحمام وانتو بكرامه مرتين او ثلاث والساعه 8 بدء معي الام الطلق والتحجر صراحه فرحت وتقارب الطلق لمده 3 ساعات وبعدين صار متباعد كل ساعه اوكل 3ساعات رحت للدكتور وقاست عنق الرحم قالت مفتوح 3 سم قالت تحسين بطلق قلت صار متباعد قالت شكلك قريبه حدك يومين اوثلاثه وطلعت من عندها المهم نمت وصحيت الساعه 9 الصباح مافي شي الام متباعده زي الدوره وتحجر المهم يوم الخميس كله على هذا الوضع الى يوم الجمعه بعد الظهر وقلت ابي اروح المستشفى يمكن فتح الرحم زياده الا هو على 3 سم موقف قالو فيه طلق بس مو منتظم قلت اذا طلق صناعي لا ما ابيه قالو يمكن يزيد وتولدين اليله سولي اشعه العصر وروسهم تحت حتى سألت الي سوت الاشعه قالت تحت وشفته انا المهم على الساعه 10 كان زوجي عندي وقلت رح نام وان شاء الله بكره تجي وانا والده ولما راح زوجي على الساعه 11 ونص الا والدكتوره تتصل فيني بعد ماسوت الاشعه الدكتوره المناوبه اشعه ثانيه في غرفة الولاده وتقول تبين طبيعي او قيصري قلت لها ليش ورؤسهم تحت قالت ماقالولك قلت وش يقولون قالت واحد مقعدي مع انها قبل تقول اهم شي الاول برأسه الثاني يقلب بعدين وقالت بعدين اوزانهم كبيره 3 كيلو و3ونص كيلو كلمي زوجك على شان يوقع على العمليه قلت الحين هو نايم الصراحه خفت وتفاجأت كيف في 10 ايام ترتفع اوزانهم كذا المهم انا ولاداتي اللي قبل صراحه صعبه دفع ماعندي قوه على الدفع ولااحس اني ادفع هم يقولون لي ادفعي وفي الاخير شفط المهم زوجي كان نايم قلت استخير بعدين جتني الدكتوره بنفسها وقالت قلتي لزوجك قلت زوجي نايم انا متقفه معا على كذا واستخرت وقالت الله يهدي عيالك كيف زادت اوزانهم كذا بسرعه بتولدينهم بتاريخ مميز السبت الساعه 7 صباحاً نزلوني غرفه العمليات وانا عارفه انهم يكذبون علي في ان واحد مقعدي لأني احس بحركة رجولهم فوق عند صدري المهم الممرضات الله يسامحهم خلوني اتكشف على دكتور التخدير انا اغطي وهم يرفعون المهم الدكتوره وهي داخله زحلقت وطاحت على الارض صراحه قلت ربي حسيتها تكذب علي الله يسامحها وحطولي ابرة الظهر بعدين جلست احرك رجولي واقولهم استنو شوي انا احس فيكم لا تفتحون بطني استنو جلسو يظحكون شو ي الاواحس بحركتهم يطلعون البنت وشوي وتصيح وانا اقول احس فيكم ماطولو 40 دقيقه بس وخلصو وبعد ماخلصو جتني قالت تصدقين يوم فتحنا بطنك لين روسهم تحت لا واوزانهم صغيره السونار طلع غلط يالله الحمد لله على سلامتك وقالت شفتيني يوم طحت قلت لا سمعت الطيحه لأنهم حاطين حاجز العمليه على صدري واقول في نفسي هذا ربي يجازيها على الي سوته فيني انا ولدت في مستشفى الحبيب (والحين اسميها مستشفى الكريه) والله اني قريت عنها انها في كذا منتدى ان ماعندهم الا قيصري |
| الساعة الآن 09:03 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .