منتديات حوامل النسائية - دردشة حوامل القطيف- تجمع بنات القطيف

اقتباس:

زوزو ....

اني ما بابيحش و لا ببري ذمتش اذا ضلت نفسيتش تعبانه شديه

لا تعبي نفسش و لا تصيري حساسه ابتعدي عن الضغوط النفسيه عشان ولدش يا غناتي و عشان نفسش و لا تقولي عن زوجش شديه مهما يكون هذا ابو القمر الي في بطنش و لا تنسي ان الرجال عليه مسؤليات و ضغوط واجد و يمكن هم من النوع الي ما يعرف يعبر عن مشاعره .....
استهدي بالله وصلي على محمد و لا تقولي شديه ترى اذا زعلتي منه ما بينوفق لا في الدنيا و لا الاخره و ما يرضيش تشوفيه متخسبق اصبري و استغفري ربش و احتسبي كل شي عند الله
و بالنسبه الا اهلش صحيح كلامش بس حطي في بالش هالمثل اذا كنت في كل الأمور معاتبا فلن تجد الذي تعاتبه يوما
عاتبيهم بموده و ابتعدي عن الزعل هذوله اهلش و مالش غنى عنهم و لا ليهم غنى عنش تصدقي اني لما صابني النزيف و تنومت في المستشفى و فتحت عيوني و شفتهم على راسي صرخت و تألمت و ما حبست ونتي هذوله خواتي ما ستحيت منهم و حسيتهم احن الناس عليي مهما ابتعدوا او قسوا و اللحمه اذا ما حبت غارت
استعيني بالصبر و الدعاء و الله يسهل عليش ترى الواحد ما تنفعه الا عيونه و عافيته

هلا بمشامر الزري كلها
يمكن لو اشرح ويش ما اشرح ماحد راح يحس بل حرقة الى اني فيها
والى ايدة في النار مو زي الى ايدة في الماي
المسئلة مو انة علية ضغوطات وما ضغوطات ان كان على هل شي فناس واجد عليهم ضغوطات ماتتحملها جبال وهم متحملين
اني زوجي ما كان من الاساس يبغا يتزوج ولا يتحمل مسئولية وقال هل شي بس بعد مافات الاوان لما قلت الة ليش تزوجتني قال انة ابوة ضاغط علية وانة اني الى صرت في النصيب
مايبغا يتحمل مسئولية ولا يصرف ولا يدري عني وعن ولدة عايش عزابي بس على ورقة اسمة متزوج
اهلي فلتوني علية ماسئلو عنة حتى يبغو الفكة مني
والحين يبغا يسافر لحالة في يوم عمليتي ويتركني في شدتي مابينتضر حتى اني اسويها واطلع منها بل سلامة
يكفي اني اصرف على نفسي وعلى ولادي واشابق علينا وعلى اكلنا وشربنا في هل دنيا
انتين لما قلتي انش تفرفري ويا رجلش في الناصفة اني انكسر خاطري وقلت الله يهنيها
اني ولا ناصفة طلع وياي او قال اليي متباركة دايما يطلع ويا الشباب هم اولى
ولا عرفت حب ولا غراميات ولا هدايا ولا اعياد زواج ولا كلمة طيبة
اني حتى بولادتي في بكري فلتني على باب المستشفى وراح البيت قفل جوالة ونام
مادرا عني الى يوم ثاني يوم اخوة يكسر علية الباب لانة مايرد على احد
ومع جدية ما عمري دعيت علية وموكلة امري الى الله
اما اهلي ما اكن اليهم غير المحبة والاحترام بس الناس لما تشوف احوالي المبهدلة
يقولو وين اهلش رواعي الفزعات والهمات هم همتهم للناس بس امي مثالياتها للناس مستعدة ترعى ولد اي وحدة في الدنيا الى ولدي تطردني بة
والله يحسن الاحوال اني لو وحدة ثانية ليش اتحمل واضغط على نفسي كان بئمكاني اهج من اول سنة بس علشان جاهل بريئ ماله دنب اني صابرة ومتحملة ما ابغاة يتشحطط ويعيش عيشة مو طبيعية والله اراد اني احمل بئخوة وباضل صابرة ومتحملة هدا غير كوارث ثانية ما اقدر اقولها او اتكلم عنها ......