|
رد: دردشة بنات فلسطين, دردشة حوامل فلسطين, تجمع بنات فلسطين
هاد هو يا قلبي الله يعوضك خير يارب عسى ان تكرهوا شيئا وهو خير لكم ربنا اكرمك وراح يكرمك
|
رد: دردشة بنات فلسطين, دردشة حوامل فلسطين, تجمع بنات فلسطين
عسوله يا عمري ...........ربنا كريم وربي يعوضك عاجل غير اجل ما توزعيها ولا شي خليها وباذن الله بس يرتاح جسمك بتحملي بتشوفي ولادك حوليكي ............. حواء .............خبرينا عنك شو اخبارك؟ عيون المها وينك؟ |
رد: دردشة بنات فلسطين, دردشة حوامل فلسطين, تجمع بنات فلسطين
مسـاكم معطّـر بأجمل الهمسـات و ليلتكـــم مزّينه بأحلى ال ,,,,,, انتو اختارو هههههه كيفــــــكم صبـايااااا ~*~ جـــــارة القمــــــر ~*~ تسأل عنك العافيه و السعاده كيفك ام يزن ههههه ان شاء الله بتكملي شهرك ,,لا تنسي تخبرينا يومها اذا حسيتي في ولاده عندك لحتى اناااا و كل الصبااايا ندعيلك الله يعينك على مشوار شغلك اكتر من 1\2 ساعه بالسياره انا بوصل بناتي على مدرستهم بالسياره 4 دقائق و بسدئ ارجع من ضغط التقل ,,البنوته ضاغطه علي بشكل فظيع خلصتي كل اموورك حطي يزن عندي لمى تولدي خلي يتسلى مع لانا و اسيل ههه صحيح يزن عاااادي اذا تركتيه كم يوم و إلا من النوع اللي متعلق فيكي كتير و ممكن يبكي ~*~ مسك السنين ~*~ عااادي لا تقلقي كتير بالموضوع لانو كتير حوامل بيتعرضو لهاشي لانو الرحم بيسير يضغط على المثانه و بيسير ضعف في العضله الاحليليه المتحكمه باخراج (البول) تكرمي و متل ما حكت جارة تمارين كيجل بتساعد و الحرقه اذا ما في عندك التهابات بول او في المهبل(سوري على التعبير) معناتو اشربي مي علىقد ما تقدري معافيه حبيبتي |
رد: دردشة بنات فلسطين, دردشة حوامل فلسطين, تجمع بنات فلسطين
~*~ ام عزمـــي ~*~ كيفـــــك حبوبه شو عامله صحتين كنتي عامله بازيلا اليوم,, زكرتيني فيها بدي اعملها شو بحتار بالطبخ ,, انتي كان عندك فكره بالطبخ قبل ما تتزوجي؟ نلتقي فيكي في وقت تاني |
رد: دردشة بنات فلسطين, دردشة حوامل فلسطين, تجمع بنات فلسطين
~*~ عسـولة فلسطين ~*~ اناااا مقدره مشاعرك و متل ما انتي شايفه كل الصبااايا عم بشجعوكي لانو الحياه بفضل الله مستمره ان شاء الله تحملي بأحلى توأم و تلبسي العبااايه و تمليها بعافية و صحة حملك ((و إذا سألكَ عبادي عني فإني قريب أجيب دعوة الداع اذا دعان )) >الحمد لله هو اكرم من سُأل و اجود من أعطى بعد ولادتي ببنتي لانا حكيت خلص لسى عمري صغير و ما بدي احمل هلآ بدي ارتاح اقل شي 5سنين و بعدين افكر بالحمل ,,لمى كبرت لانا و الكل يحكيلي شو ما بدك مع لانا تجيبي كمان جبيلهم اخت او اخ يسليهم ,,و انا احكي بدري بس سبحان الله شعور الامومه تغلب علي لانو ارادة الله كانت قبل شي و كل شيء عنده بوقت و بمقدار ,, رغم كنت احكي خلص و بيكفي البنتين بس سبحان الله ربي اراد و انا فرحانه بنعمته و ربي يفرح قلبك و ينعم عليكي بما يقر به عيونك امي كانت تحكي لمرت اخوي بعد ما نزل حملها و هي تضل تبكي و مكتئبه ان شاء الله راح تجيبي و يملو عليكي البيت و حكيتلك قبل ربي انعم عليها ب3بنات و 2 ولدين طولت عليكي ليله هاااااديه |
رد: دردشة بنات فلسطين, دردشة حوامل فلسطين, تجمع بنات فلسطين
الله يسعدكم ويبارك فيكم وفي أطفالكم يارب
وتقوموا سالمين ومعافين انتوا وأطفالكم باذن رب العالمين بحق انكم خوات أسعدني التعرف عليهم وبتشرف كتير بهالشي كلماتكم رفعت من معنويتي الحمدلله نفسيتي منيحة ومتقبلة وراضية بصدر رحب قضاء الله وقدره ولكن لما شفت العباية لا اراديا تذكرتهم عيون المها كلماتك خلتني ادمع الحمدلله ع كل شي ربنا يتمملك على خير يارب وتفرحي فيهم ان شاء الله والله يخلي لمرة اخوكِ ولادها وتفرح فيهم ليلتكم يارب مليانة بالخير والهنا |
رد: دردشة بنات فلسطين, دردشة حوامل فلسطين, تجمع بنات فلسطين
مايا هلا بيكي من جديد لا تغيبي كتير
عيون المها هلا حبيبتي أنا ماما ما وقفتني جنبها بالمطبخ لأتعلم الطبخ بس يعني كنت أشوفها مرات و كمان هيك معرفة من الحياة كمان الواحد لما ياكل الطبخة تلقائي بيبين كيف طريقة تحضيرها أنا جربت كل شي و أنا متزوجة حتى العجين و لقيت حالي فنانة هههههههه (مداح نفسه كذاب) بس عنجد بعرف اطبخ كل شي عسوووووووولة ما تزعلي حبيبتي و الله حاسة فيكي انا كنت هيك أحاول أتناسى بس غلبت جوزي بالعياط بالذات لما أنفرد مع حالي كنت اتزكر حركة ابني ببطني حتى فيه ساعة بيلبسوها للبيبي و بيكتبوا عليها اسم امه هذه الساعة خبيتها محتفظة فيها لهلأ و بجد أنا لهلأ بحبو لابني مع انه ما عاش معي بس الحمد لله ريحت نفسيتي و كل ما أتزكر بقول الحمد لله يارب عوضني بالذرية الصالحة و بقول الله يخزيك يا شيطان لأنه هو اللي بيخلينا نتذكر و نقول لو و لو و بيخلينا نعترض على حكم ربنا و لا اعتراض على أمر الله يعني يا عمري احتسبيهم عند ربهم و هو راح يعوضك بالأحسن باذن الله و اعذريني طولت عليكي خلاص بقى راح اتخليني أفتكر هديك الأيام و أعيط و الله كنت متل المريضة لأنه كانت الدنيا رمضان و ما بشوف الناس كتير وأ نا كنت آكل لوحدي من دون الكل و ماما كانت تيجي عندي و تروح لانه الدنيا رمضان ما كانت تقدر تبات عندي بس انتي ما شاء الله عنك مامتك دايما حواليكي و كمان بدي أقولك شغلة ماما حكتلي اياها مشان ما تزعلي أبدا ماما قالت لو زعلتي و انتي نفسة بتزعل ام ولادك يعني الزعل بيأثر على الرحم و الرحم هو أم ولادك فهمتي عليا الله لا يقدر بلاش تتعوقي بسبب الزعل يعني خلاص اوعديني ما تبكي تاني و لو بكيتي تمسحي دمعتك و تستغفري ربك و تتعووذي من الشيطان متل ما كنت أعمل و هيني ما شاء الله صرت بالتامن عئباااااااااااال عندك يا عمري انشاء الله العوض قرييييب باذن الله و سامحيني لو قسيت عليكي بالحكي و طولت عليكي حبيبتي معلش انا برااامة كتير هههههه حبيبتي لا تزعلي |
رد: دردشة بنات فلسطين, دردشة حوامل فلسطين, تجمع بنات فلسطين
يسعد صباحكم كلكم انا الصبح الكهربا قاطعة عندنا يعني ما راح أبين للعصر
|
رد: دردشة بنات فلسطين, دردشة حوامل فلسطين, تجمع بنات فلسطين
ام عزمي و كل الصباياااا الللي عايشين في غزة الحبيبه الله يهونها مع قطع هالكهرباااااا خصوصا بالصيف شو هاد نفط الدول العربيه بنور كل عواصم العالم و غزه عم تنحرم الكهرباااا!!! ان شاء الله يتغير الحال للاحسن بس انتو كيف بتعرفو مواعيد القطع و إلا عشان الوضع صار روتيني مره هون في منطقتنا قبل سنه ا قطعت عنا الكهربا مره وحده خلال ال12 سنه العشتهم في امريكا,, و قطعت بس 5 ساعات من عاصفه تلجيه قويه و كانت كتير برد و تعطلت التدفئه و بيتي كبير و فيه اكتر من طبقه فشو صار البيت كتير بارد وبنااااتي يومهاههههه ماما برد كتيرماما و ماما و مش عارفه شو اسوي صرت اجيب كل الغطى اللي عندي و حط عليهم هههه ,, يالله يومها بس 5 ساعات حسيت بمعاناه و حزنت على بناتي,, سدئت و ترجع الكهربا و اشتغلت التدفئه في كل البيت,, فربي يكون معاكم ام عـــزمي لا لازم اجي ليوم عندك و احكم بنفسي ههههه عاشت ايديكي شكلك مرتبه بالطبخ انا متلك عمري ما عملت كاسة شاي عند اهلي و الحمد لله بعد الزواج تعلمت كل شي و زوجي بيضل يحكي لامي ما اطيب اكلاتها ,, كلامك لعسوله مزبوط الحاله النفسيه بتأثر على الحمل,المهم الواحد بالحياة ما يفقد الدين و الصحه لانو بفضل الله الصحه و العافيه بحد ذاتها سعاده و اكبر نعمه الحمد لله عسوله حملت و ان شاء الله بتحمل مره تانيه يالله نشوفك العصر ان شاء الله ههههههه لمى ترجع الكهرباااا |
رد: دردشة بنات فلسطين, دردشة حوامل فلسطين, تجمع بنات فلسطين
صباح الفل ام عزمي وعيون المها وكل الصبايا النايمين
يارب صباحكم حلو ورايق ام عزمي كلماتك كتير حلوة وعادي حبيبتي احكي وخدي راحتك الحمدلله كل يوم ع وقت السحرة بدعي ربنا وبحمده انه جعل بناتي عصفورتين وماما بتقولي انه ما ازعل بتزعل ام ولادي بس دموعي هاي لاني اشتقتلهم بيعين الله الحمدلله ع كل حال شكله خط الكهربا عكس عنا احنا اليوم بتقطع من الضهر لبعد العشا يمكن لل 11 بالليل بس تيجي لهيك بفوت متأخرة ببعض الاحيان عيون المها طمنيني عنك حبيبتي وشو طابخة اليوم؟ انا طبعا لسه عند أمي عاملة فيها نفسة ههههههه وماما اليوم عاملة سمك بركي الجمعة روحت ع بيتي انا زيكم بالطبيخ ... تزوجت مابعرف اسلق البيضة بحكم انه ماما مدلعانا وبنفس الوقت كنت بالجامعة وما كنت فاضية للمطبخ وبعد الجامعة تزوجت مباشرة ... بس ربنا بعتلي بزوج الحمدلله بيحب اشي اسمه مطبخ بيساعدني كتير وبسأل ماما جبت دفتر سجلت فيه كل شي والحمدلله الواحد بيتعلم يللا صاحية ع البرم هههههههه |
رد: دردشة بنات فلسطين, دردشة حوامل فلسطين, تجمع بنات فلسطين
صباح الخير صبايا شو اخباركم
كيف الصحه ان شاء الله تمام عسوله حبيبتي والله خلتيني اعيط لاني انا برضو متلك فقدت حملي السابق وكانت نفسيتي كتير تعبانه امانه ما تزعلي حالك وشدي حيلك وان شاء الله بتحملي عن قريب ام عزمي انا متلك العصر مابكون عندي كهربا للساعة 10 انا اليوم كمان مارحت على الشغل اجازة يابنات حاسه الحمل كتير صار تقيل عليه والنووم صار صعب كتير طول الليل على اااااااااه وااااااااااااه بجد تعبت كتير الفتره هاي |
رد: دردشة بنات فلسطين, دردشة حوامل فلسطين, تجمع بنات فلسطين
مسا الفل صبايا
|
رد: دردشة بنات فلسطين, دردشة حوامل فلسطين, تجمع بنات فلسطين
هلا مسا الورد
كيفكم اليوووووووم |
رد: دردشة بنات فلسطين, دردشة حوامل فلسطين, تجمع بنات فلسطين
مساء الخير كيفكم صبايا.......
|
رد: دردشة بنات فلسطين, دردشة حوامل فلسطين, تجمع بنات فلسطين
هلا بالجميع ام عزمي وجارة واحواء وبينك وعسولة والكل يا رب اتكونو لالف خيييرر..
تسلمي يا جارة ..بالنسبة لابني حماتو عودتو عاللهاية من هوي وعمرو عش ايام لهيك قبلها ..بس والله فايدتني كتيروحاسو اتعود عليها مرات ما بريرضا ينام او يطلع مشوار الا واللهياية بتمو..... .. بكره طالعه انا وزوجي مشوار وبدنا نشتري اغراض ويمكن انضل للمغرب ...قررت اخلي ابني عند حماتي وهاي اول مره بتركو وبدي اشتريلو علبة حليب بس ليوم واحد... بس خايفه ارجع وما يقبلني انا...شو رايكم..وشو احسن حليب لعمرو؟؟؟؟؟؟؟؟؟ |
رد: دردشة بنات فلسطين, دردشة حوامل فلسطين, تجمع بنات فلسطين
سلام عليكم بنات كيفكم ان شاء الله بخير
انا بخير جارة الحمدلله اليوم رحت على الدكتور واطمنت على برلنت كلشي تمام نشكر الله صحتها وضعها ما رضي يعطيني اي شي عشان معدتي ومرات بحس بصداع غير اني بصحى منفخة رجعلي لوحام من جديد قلي ما ضل شي ولازم اتحمل كل هاد والحمدلله وزني زايد 2كيلو ونص هاد الشهر انبسط كثير وراس البنت لتحت ان شاء الله راح اخلف طبيعي الله يسهلي والك وللكل يا رب |
رد: دردشة بنات فلسطين, دردشة حوامل فلسطين, تجمع بنات فلسطين
لا تخافي ما بظن انه في بيبي بيترك حليب امه
بس ممكن انه يتعود على الحليب الصناعي مع حليبك و يمكن ما يقبل الحليب الصناعي و بالنسبة لنوع الحليب اسألي الصيدلية بتعطيكي أفضل شي و المناسب لسنه |
رد: دردشة بنات فلسطين, دردشة حوامل فلسطين, تجمع بنات فلسطين
حواء الحمد لله انه وضعك تمام انتي و البيبي
الله يقومك سالمة حبيبتي و انشاء الله ولادتك طبيعية و سهلة باذن الله |
رد: دردشة بنات فلسطين, دردشة حوامل فلسطين, تجمع بنات فلسطين
يا بناااااااااااات
أختي من امبارح الساعة واحدة بعد نص الليل و هي بتطلق و لهلأ ما ولدت رحمها موسع 6 قراط بدها كمان 3 قراط لتولد ادعوووولها هي بنص شهرها التاسع و بكرية يعني مقدمة عن معادها يمكن بشي 10 أيام الله يعينها على الطلق |
رد: دردشة بنات فلسطين, دردشة حوامل فلسطين, تجمع بنات فلسطين
اقتباس:
ههههههههههههه يزن بحب البنات كتير .........يعني لو يجي عند بنوتاتك ما رح تشوفيهم لانه عنده اللعاب مسليه ههههههه كان حابب يسمي اخته دانا ........بس الله كتبنلنا احمل بولد عيني طالعه على بنوته والله ... بالنسبه ليزن لا ما بتفرق كتير معها يعني مرتين طلعت مع الشغل نوم برا البيت كان بيسأل علي وين روحت بس مادام هو عند ابوه بيمشي الحال الحمد لله انه هاي الصفه فيه .... |
رد: دردشة بنات فلسطين, دردشة حوامل فلسطين, تجمع بنات فلسطين
يا بنااااااااااات
أختي ولدت هلأ الله رزقها بولد راح يسموه حمزة لأنه جوزها بيقولولو أبو حمزة بس لسة ما شفت البيبي هي بعيدة عني بدها زيارة بمواصلة لأنها بالنصيرات عئباااااااااااااال عندكم و المشتهية الله يعطيها عئبااااااال سلامتنا جميعا |
رد: دردشة بنات فلسطين, دردشة حوامل فلسطين, تجمع بنات فلسطين
يسعد مسامم جميعا يارب
ام عزمي الله يسعدك ويخليكي وان شاء الله ربنا بكملك والي وللكل بالسلامة ويرزق كل مشتهية يارب الف الحمدلله على سلامتها اختك الله يحفظلها حمزة يارب ويكون من الذرية الصالحة يارب سما بعدوا ابنك صغير ما تعطي شي اذا حليبك بكفي وبشبع منو واذا المشوار الي بدك تروحي علي مو متعب خدي معك افضل ما في بعد حليب الام لولو حمادة زمان ما طلت كل البنات الله يسعد اوقاتكم يارب عسولة منورة ياقمر ايوا هيك انسي وارمي كلشي وراكي ربنا كريم ي |
رد: دردشة بنات فلسطين, دردشة حوامل فلسطين, تجمع بنات فلسطين
تسلمي حواء الله يخليكي
|
رد: دردشة بنات فلسطين, دردشة حوامل فلسطين, تجمع بنات فلسطين
http://forum.hwaml.com/imgcache2/hwa...999682_488.jpg ألــــــف مبـــــروك المـولود الجـــديد امــــ عــــزمــــي عئبـــال نفـــرح فيكي و قومتـك بالسلامه بهوـــيـــده |
رد: دردشة بنات فلسطين, دردشة حوامل فلسطين, تجمع بنات فلسطين
مسالخير للجميع
|
رد: دردشة بنات فلسطين, دردشة حوامل فلسطين, تجمع بنات فلسطين
ام عزمي الحمدلله على سلامتها اختك و الله يتمملك على خير و للجميع ان شالله
|
رد: دردشة بنات فلسطين, دردشة حوامل فلسطين, تجمع بنات فلسطين
سلام الله عليكم جميعكم جـــارة القمــــر ------------ ان شاء الله تجيبي احلى بنوته و تفرحي فيها و تتحقق امنيتك و تسميها دانا متل ما بدو الامور يزن بإذن الله سبحان الله في بجيبوا البنات اول و بعدين الاولاد و في العكس بينـــــك روز ------------- الله يعينك على التقل ,,و الله انا صايره امشي بطيء من التقل الحمد لله وزني ما زاد كتير بس بطني برز و امبارح ما عرفت انام من حركتهم (يالله لمى يتحركوا بنفس الوقت ,, و لتشوفي كم مخده بحطها حولي لاعرف انام ,, و لمى اقلب من جهه الى جهه و صار عندي اعلى الفخد الشمال وجع لاني مركزه النوم على الجهه الشمال فكل الضغط عليه صحيح كيف التنفيخ معك لسى عم بتعاني منه؟؟ لسى قدامنا مشوار ربي يتمم النا على خير ان شاء الله عســـــوله حبيبتي --------- كيف كان نهارك اليوم سألتيني شو طابخه لسى الوئت عندي بدري و يمكن اعمل منسف,,تفضلي عندي يا قمر نتغدى سوى ,,و انتي شو عامله سمـــا الدنيـــا ------------- صعب انك تعطي ابنك حليب صناعي و معدتو مو متعوده عليه لهيك اذا فيكي تسحبي من صدرك و تحطيه برضاعه زجاج مو بلاستيك و حطيه بالتلاجه و خلي حماتك قبل ما تشربو لابنك تفتر الحليب اذا ليوم واحد هيك افضلك سهى نهارك سعيد وينك ام يامن و بنت الضفتين طمنونا عنكم كل الصباااايا احلى تحيه لعيونكم |
رد: دردشة بنات فلسطين, دردشة حوامل فلسطين, تجمع بنات فلسطين
يسعد مساكم يارب
كيفكم شو اخباركم مشتاقلكم الجو برا بجنن |
رد: دردشة بنات فلسطين, دردشة حوامل فلسطين, تجمع بنات فلسطين
مرحبا ....:)
|
رد: دردشة بنات فلسطين, دردشة حوامل فلسطين, تجمع بنات فلسطين
مساااااااء الخير .... مع جية الكهربا جيتكم ^_^
بينك روز الله يسعدك ويقومك بالسلامة يارب انتي وكل الصبايا أم عزمي .... الف مبروك لأختك ويتربى بعزهم يارب عقبالك نيجي نهنيكِ أختك بتكون جارتي ع هيك ههههه أنا من مدينة الزهراء جنبها حوااء... الله يسعدك يارب ويسعد برلنت وتيجي بالسلامة الحمدلله كل شي تمام عيون المها ... اليوم سمك تغديت وصحة وعافية ع المنسف .... انا ما بحب اللحمة بكافة أنواعها ومساكم خير باذن رب العالمين |
رد: دردشة بنات فلسطين, دردشة حوامل فلسطين, تجمع بنات فلسطين
مسا الخير صبايا كيفكم شو اخباركم
كيف الصحة ان شاء الله تمام ام عزمي الحمد لله على سلامة اختك يتربى بعزها حمزة ان شاء الله، وعقبالك تقومي بالسلامة يارب عيون المها الله يخليكي يارب وتشوفي توأمك على خير يارب، بالنسبة للتنفيخ ما تحكي عليه شي رجليه بتنفخوا كتير بس مشان الي يومين ما بروح على الشغل وضعهم احسن من اول بس لابد منه صحيح شو بدي احكي هلا لما بنام بالليل وبقلب من جنب لجنب بقلب حالي من غير ما اسند حالي بالاول هل هاد بضر الجنين وممكن الحبل السري يضره |
رد: دردشة بنات فلسطين, دردشة حوامل فلسطين, تجمع بنات فلسطين
بينك روز يسعد مساكي
والله انا كانو يقولولي انو لازم اسند حالي و بعدين اتقلب , صراحة انا مع التقل ما كنت اقدر الف بسهولة فكنت اسند و اتقلب بس في كتير ما كانو يعملو هيك وفعلا الحبل السري لف على رقبة الجنين الله يبعد الشر عن ابنك , هو اوك الدكتور بفك الحبل السري عن رقبة الجنين بس الافضل انو تتندي و بعدها تتحركي |
رد: دردشة بنات فلسطين, دردشة حوامل فلسطين, تجمع بنات فلسطين
لا اله الا انت سبحانك اني كنت من الظالمين
|
رد: دردشة بنات فلسطين, دردشة حوامل فلسطين, تجمع بنات فلسطين
عسوله ان شاء الله دائما كل ايامك نور صحتين عمري على السمــــك اناااا قبل يومين عملت سمك مشوي ,, أنااااا هلآ على عطلة حبيباتي لانا و اسيل صرت اسألهم و اعمل شو بحبو لانو زوجي بياكل اي صنف فما بسأله ’’’ بينك روز يسعد مساكي ,, الراحه كتير مهمه لوضعك و ارفعي رجليكي دائما على مستوى.. ان شاء الله تمر الايام بسرعه و ربي لا يضيع النا تعب لمى تكوني على الجنب الايمن و بدك تغيري وضعيتك على الجنب التاني ,,اقلبي على الضهر ببطء و خليكي شي دقيقه و بعدين اقلبي على الجنب التاني و حطي مخده او 2 ورى الضهر لحتى تخففي الضغط على الرحم نتحمل عشان خاطر عيونهم |
رد: دردشة بنات فلسطين, دردشة حوامل فلسطين, تجمع بنات فلسطين
صباح الخير
صبحنا واصبح الملك لله |
رد: دردشة بنات فلسطين, دردشة حوامل فلسطين, تجمع بنات فلسطين
صباح الخير عيون المها
يسلمو حبيبتي على النصيحة انا بعمل هيك بس بضل خايفة والله |
رد: دردشة بنات فلسطين, دردشة حوامل فلسطين, تجمع بنات فلسطين
صباح الخير صبايا صرلي فترة ما عم شارك بس كل يوم بقرأ اخباركم وبطمن عليكم صايرة قعدة النت تتعبني خاصة انه البيبي راسه تحت فكتير بحس بتقل دوب بفوت عنت بشوف اخبار الكل وبرد بطلع والله ماني مصدقة ايمتى اولد نفسي احس حالي خفيفة واتحرك براحتي اشتئت انام ع بطني واتقلب براحتي هههههههه hwaml7hwaml7 ومشاء الله اتاري بالشهر السابع بتقوى اكتر حركة البيبي بحس في هزات ارضية ببطني خاصة بليل بسير بقول هييييي يا اخ العرب بدنا انام من بعد اذانك يعني اذا تكرمت علي hwaml17 جوزي بسير يقولو ولا غلبها لامك وعزبها اتحرك براحتك hwaml15hwaml15hwaml15 |
رد: دردشة بنات فلسطين, دردشة حوامل فلسطين, تجمع بنات فلسطين
صباحكم رضا ومحبة
|
رد: دردشة بنات فلسطين, دردشة حوامل فلسطين, تجمع بنات فلسطين
صباح الورد والفل والياسمين على كل الموجودين
|
رد: دردشة بنات فلسطين, دردشة حوامل فلسطين, تجمع بنات فلسطين
عيون المها - عسولة - بينك روز - هبة
تسلمو عئبال سلامتكم و عسولة عئبال عوضك حبيبتي بينك روز أنا ماما قالتلي لما بدك تقلبي حالك من الجنب اليمين للجنب اليسار اسندي حالك و بعدين يتتقلبي عشان ما يلف الحبل السري على رقبة الجنين و قالتلي انه مة عمي ما سمعت كلامها في واحد من ولادها و لف الحبل السري عليه سبع لفات يعني الله اللي سلمه و انا من يومها و نومي قلق لأنه كل ما بدي أتقلب بدي أقعد و أسند حالي و بعدين أتقلب بس كله يهوووووووووون لأجل عيون هويدة |
| الساعة الآن 11:21 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .