|
رد: حبيباتى سيدات ليبيا تفضلو لأعرف ما حالكم
اوشي الغاليه اليوم فقدتني ماتفقدي غالي ياااااارب
|
رد: حبيباتى سيدات ليبيا تفضلو لأعرف ما حالكم
اثري تسلمي ياقمر علي سؤالك عالوالد
اليوم احسن ولله الحمد ومع العلاج الطبيعي امس واليوم كويسه وربي يحفظلك اميمتك تاج راسك ويعطيها صحيحتها وكل احبابك |
رد: حبيباتى سيدات ليبيا تفضلو لأعرف ما حالكم
اليوم جهزت فطور راجلي وعزوزتي بكري
شربه وبيتزا دوائر وخبيزات بالتن وشوي بالجبنه وسمبوسه بالعجينه المنتفخه وشوي امبطن لان للفطور بس مش للسحور وخضرا وفاكهه والحمد لله ومشيت ورشكلت معاي صونيه لحوش سلفي بعد العصر القيت سلفي جايب لحم ورشده كسكاس استغربت لاني امس امدايرتها وعجباته قالتلي سلفتي اختها امروحه من برا وخاطرها فيها وخواتها قاعدين ماجوش بوختها وحطيتها في سفره وغطيتها وقعمزت لعبت الوليد شويه مع اني طحت اليوم تو انقوللكم كيف لكن اضطريت اندير بديت انطيب فيها وكيف طابت البصله وانحط في الرشده تم الغاز ههه جئ سلفي ركبه وجو خواتها وحده ليها سنه ماشافوهاش ووحده كانت في العمره ماشاء الله طبعا بما اني خلاص انحس درت اللي عليا قدمتلهم العصير والشكلاته وروحت خليتهم علي راحتهم وعزوزتي روحت معاي لان باقي شوي عالمغرب روحت طيبت القهوه وجهزت سفره التمر والحليب ووو وصلينا وجهزت السفره وروح راجلي من الجامع وفطروا انا خديت بيزا مع طاسه مشروب فقط ونضتت انجهز في روحي استشورت شعري عالخفيف الحق ماياخدش وقت هلبه التجفيف من الدوش اكثر وتوضيت من جديد للعشاء ومكيجت مكياج ناعم وحلو رسمه العين بس اوفر والروج الياجوري لبست قفطان حوامل اخديته توه في العيد مستور في طوله وفي كمامه ولبست عليه اكسسواراته ورلفيت خصلتين من شعري بالفير والقصه ودرت ربطه في نص الشعر عرفتوها وجهزت بنوتي نفس لون قفطاني ولبستلها تاكمها وصلينا انا وبعدي عزوزتي ولما انصلي اتصلت سلفتي بعزوزتي رديت انا قالتلي وين عزوزتي خيرها قاعده ماجتش قلتلها اتصلي قالتلي باهي باهي ولكن قبل متسكر نسمع ف امها اتقوللها عيب قولي للمرا تعالي هدرزي قالتهالي وهي تضحك عرفت اني سمعتها المهم امشينا وهدرزت وحطيت معاهم العشاء داروا معاها الرشده خلوط حلبه وسلاطه ماعنديش نيه دقت الرشده لاني ماضقتهاش قنينه والكل عجباته غسلت الماعين ومرت خوها معاي شوي وبنتها عيطت كملتهم وسيقت عالسريع وطلعت وقعمزت شويه روحوا روحت علي طول مع راجلي ناداني امها الحق ماشاء الله عليها عيت اتقولي تعبناك وصحيتي ربي يحفظها عزوزتي قالتلي يوم نعرف بيجوا خواتها امشي شوفي بوك هههههه ربي يهديها ضحكتني ماتبينيش اندرير لما ايجوا غدوه سبوع الوليد بس مش حيدورا حيدبحوا بس ويحلقوا الولد يعني غدوه حووووسه بس في الجزار بيدبحوا لكن نفسه بتفرزي اللحم وبندير قلايه ووووووو ربي ايعاوني ويفوت النهار علي خير |
رد: حبيباتى سيدات ليبيا تفضلو لأعرف ما حالكم
شربت شاهي انحس في نفسي طاااااير عليا النوم
قاعده امقعمزه ونقرش في فاكهه شكلي بنوض انفرشي سنوني ونحاول نرقد مازال ساعتين بس عالفجر سوسو مبروك الاشراف توه اتذكرت وفروسه مبروك الالعاب بس ظلمتيني بصوره الحلوا خصوصا باكو الشكلاته آآآآآآآآآآآهههي <<بصاره هي سلام اليوم ونتلاقوا علي خير |
رد: حبيباتى سيدات ليبيا تفضلو لأعرف ما حالكم
اهلين جيجي شن اخبارك وكيف الحمل معاك
ربي يعاونك ان شاء الله ويشفي أوبيك يارب وبنيتي اسمها سما كانا عجبك خودي راحتك في الخنبة ولا يهمك هههه وربي يكون في عونك علي العوالة في حوش سلفتك ان شاء الله كله بأجره حتي أني سلفتي شهرها توا لكن الحمد لله إني بعيدة عليهم ومرتاحة من كل هالدوشة هههه ما تفهمونيش مش مانحبش نعاون او شي بالعكس والله أني خدومة هلبة الحمد لله لكن تحسي كان درتي هلبة فوق من طاقتك مش في صالحك وما حد حيقدر صدقيني وكان درتي باعتدال مرة ايه ومرة لا يلوموك ويطلعوك مادرتي شي حالة وخلاص ربي يعين |
رد: حبيباتى سيدات ليبيا تفضلو لأعرف ما حالكم
صباااح الخير كيف حالكم اليوم جميعا كيف أذن العشي توا عندنا الساعه 10ونص نحس في روحي عياااانة كنت موتية عشاي ومرتاحة لابيا لاعليا بالصدفة شفت تلفوني لقيت رسالة من راجلي قاللي اعبي معاي بشخص في العشي واني مش مكثرة الحق لأننا مانآكلوش الحق ديما يقعد لان راجلي يتغدا في الكلية واني طول اليوم اشية جاية عالمطبخ المهم نضت نجري زي المراة الفالحة اني قبل دايرة لحم دجاج في الكوشة وطريفات امبطن امشي زدت درت بيتزا وبطاطا مقلية وقبل منزيد ندير شربة والا حاجة امشي قاللي راجلي سااد قديش مناكلوا جهزتلهم السفرة ودرتلهم سلاطة ومشروب وعطيتهم العشي وارتحت شوي وبعدها صليت المغرب وضميت المطبخ ودرتلهم سلاطة فواكه وكلمت راجلي يجي يرفعها قاللي خلاص روح الراجل واني جاي قعمزت نتفرج وتوا بنوض نصلي العشي ومندير دورة علي سوما ومنرقد كان حصلت هههههه غضوة ان شاء الله عندي لمة وحدة جايبة فرحااانة اني منتلاقي مع ليبيات ومنتعرف عليهم لانه المدينة اللي احني فيها مافيهاش هلبة ليبين وعرب لانها مدينة سياحية واسعارها غالية والقراية فيها صعبة لكن توا بدو يتكاتروا فيها الليبيين ماشاء الله لكن للأسف ابعاد عليا ساعه الا ربع بالباص اني جاية علي جبل في جهة بروحي معزولة عالليبيين ههههه ااااخ دهشت وايديا عيوا من الكتيبة سلاااام
hwaml03 |
رد: حبيباتى سيدات ليبيا تفضلو لأعرف ما حالكم
صباااح الخير
|
رد: حبيباتى سيدات ليبيا تفضلو لأعرف ما حالكم
مني نايضة فيكم ؟؟
اكيد ام فراس لأنها عندها مني ينوضها زي حالتي ههههه |
رد: حبيباتى سيدات ليبيا تفضلو لأعرف ما حالكم
تعرفو خلاص نعسانة موت توا الساعة 12ونصف
بنيتي رقدت وأخيرا وراجلي راقد وهوا مقعمز علي الكمبيوتر حرااام نايض بكري وتعبان وكان انقوله نوض ارتاح يقولي لا مش نعسان بكل يكابر مايرقدش نين يكمل الحاجة اللي عنده حتي لو تستني ومش ضرورية |
رد: حبيباتى سيدات ليبيا تفضلو لأعرف ما حالكم
السلام عليكم صباح الخير كيف حالكم
حال يللى نايض من يوم عزومة متعب نحس فى روحى دااااااااهشة وماعندى نية فى شي جبت بورزة الشوكلاطة وحطيتها جنبى وقعمزت بنرتاح شوى ونوض للكوجينة نكمل تشطيبات الحوسة........... اقتباس:
ركزو على التعليقات باللون الأحمر شنو بتاخهدى قفطان أثرى عرسكم قريب |
رد: حبيباتى سيدات ليبيا تفضلو لأعرف ما حالكم
تعرفو مش عارفة لحد توا قداش طرف شوكلاطة كليت هههههههههههههههه
هذه الشوكلاطة جابتها الضيف أمس ومن حد ولت وقعمزت جبتلها الحكة يللى هى جايبتها وأفتحتهالها وقلتلها خليها جنبك وكولى لين تعيى وماتخليش فى خاطرك مانحبش حد يجيبلى حاجة ومانعطيهش منها...... حششششششششششششمة حكيتلكم خلى نمش نجيبلكم منها شوية ,,,,,,,, اصبرو شوى هههههههههه |
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
أم فروسي ماشاء الله علي الحلو مشكل ومنوع أثري حبيبتي ربي مايحرمني من ردودك الجميلة والتي توصل المعلومة بطريقة سلسلة جدا ايوا ابودراع اللي في الظهرة امام محطة الركاب مشيتله وبعدها اللي قدام مطعم الفروج بس كان مغلق عندهم صفحة علي الفيس وهذه هيا https://www.facebook.com/pages/%D8%A...476972?fref=ts مارايك في هذا https://fbcdn-sphotos-h-a.akamaihd.n...69257328_n.jpg https://fbcdn-sphotos-b-a.akamaihd.n...21662860_n.jpg |
رد: حبيباتى سيدات ليبيا تفضلو لأعرف ما حالكم
اسعاره من 25 الي 100
|
رد: حبيباتى سيدات ليبيا تفضلو لأعرف ما حالكم
ســـوسو شن اخبار العزومة
ان شاء الله تمام |
رد: حبيباتى سيدات ليبيا تفضلو لأعرف ما حالكم
اهلا بيك
هدية الخالق اسمك حلو وعجبني ان شاء الله ربي يصبرك في غربتك وتروحوا سالمين الي بلادكم احني خواتك امتة تقلقلي تعالي هدرزي معانا |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبر كاته
|
رد: حبيباتى سيدات ليبيا تفضلو لأعرف ما حالكم
أهلين جنودة ليييييييييييييييك وحششششششششششششششششششششة
الأسعار خييييييييييصة نقدر نشرى من النت زعمة |
رد: حبيباتى سيدات ليبيا تفضلو لأعرف ما حالكم
هدية الخالق اكيد راقدة توا فرق التوقيت ههههههه
نا قاعدة في بريطانيا فرق ساعه بس عن ليبيا يعني نفس الجو بس نهارنا طويل وتوا بدا ينقص بشوي قالو ف الشتاء اتظلم ساعه 4 العشسه خخخخخخخخخخ وماقلتيش اسم بنيتك ..ربي يحفظها وربي يعطيك الصحة ان شاء اللله ع عزايم بس كله بأجره خصيصا العزابه حرام ماعندهمش من يطيبلهم وحتي نا نفس الجوووو فيهن هنا... وموفقه ان شاء الله |
رد: حبيباتى سيدات ليبيا تفضلو لأعرف ما حالكم
سوسو صحة الشوكلاته كوالتي ستريت ...
هذه كل ضيف نمشيله نلقي زوجي جايبيلي منها مع بقلاوة وكنافه ههههههه كلاسيكي مايتغريش بكل بس نا مانفضلهش واجد فيها مرارة مش كيف منتجات النستله |
رد: حبيباتى سيدات ليبيا تفضلو لأعرف ما حالكم
جنووودة ماشاء الله عجبني الفستان الثاني بسيط وناعم ومستووور
بكم هضا واسعاره بجد رخيصـــه.... ماتفوتيش...بجد |
رد: حبيباتى سيدات ليبيا تفضلو لأعرف ما حالكم
سوسو توا فطنت انك زرقاء ههههههه
مباركـ الاشرااااااااااااااااااااااااااااااااااااااااااااف ياحلوة تستاهلي |
رد: حبيباتى سيدات ليبيا تفضلو لأعرف ما حالكم
اين ذهبتن...........؟؟؟؟؟؟؟
كالعادة ههههههههه جيت نا |
رد: حبيباتى سيدات ليبيا تفضلو لأعرف ما حالكم
يلآ ناخد لفة في المنتدي قبل ماينوضوا السنافر
|
رد: حبيباتى سيدات ليبيا تفضلو لأعرف ما حالكم
والله مش عارفة ياسوسو
مااعتقدش عندهم خدمة التوصيل شفتيها صفحتخم لبس حلو ورخيص |
رد: حبيباتى سيدات ليبيا تفضلو لأعرف ما حالكم
أهلا فروسة تسلى صح مش كل نكهاتها حلوة الشوكلاطة
كيفك انت وعلى فكرة هدية قالت على اسم بنتها سوما أ |
رد: حبيباتى سيدات ليبيا تفضلو لأعرف ما حالكم
هدا ام فروسي ب 100 كل الاسعار لاتفوت 100
مبروك الإشراف سوسو حتي انا لم انتبه |
رد: حبيباتى سيدات ليبيا تفضلو لأعرف ما حالكم
مفيش من سألني شن الإنجاز اللي درته ؟؟؟؟؟؟؟
|
رد: حبيباتى سيدات ليبيا تفضلو لأعرف ما حالكم
أى إنجاز لاأتذكر
انك قلتى حاجة بعد لبس الطرحة شنو قوليلى أنا بسسسسسسسسسسسسسسسسسسسسسسسسسسسسسسسسسسسسسسسسسسسسسسسسس |
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
سوما ... عاشت الاسامي
نحسابه دلع الاسم بس |
رد: حبيباتى سيدات ليبيا تفضلو لأعرف ما حالكم
وهذا مع فروووووووووووسة
https://fbcdn-sphotos-c-a.akamaihd.n...34681774_n.jpg ب100\ وكما هذا أكثرررررررررر نتوقع يعنى بس... https://fbcdn-sphotos-c-a.akamaihd.n...95751658_n.jpg ب45 |
رد: حبيباتى سيدات ليبيا تفضلو لأعرف ما حالكم
حلو هدا لو في رقم كبير ناخد منه لماما
بس انا شوفت الفرعين لااعتقد ان المحل اللي بالصور هوا فرع موجود بطرابلس ممكن تاجوراء لانهم المحلين صغيرات جدا |
رد: حبيباتى سيدات ليبيا تفضلو لأعرف ما حالكم
اقتباس:
والا اخباري واموري... عموما حالي بخير والحمدللله |
رد: حبيباتى سيدات ليبيا تفضلو لأعرف ما حالكم
نحكي علي اللي قلتي يناسب اثري
وانا شن يناسبني |
رد: حبيباتى سيدات ليبيا تفضلو لأعرف ما حالكم
فروسة هذا يشبه واحد انتى حطيتى صورته مرة صححححححح
https://fbcdn-sphotos-d-a.akamaihd.n...42933247_n.jpg |
رد: حبيباتى سيدات ليبيا تفضلو لأعرف ما حالكم
الاسعار رخيصة بجد يابنات ماتفوتنش المحل هضا ...
|
رد: حبيباتى سيدات ليبيا تفضلو لأعرف ما حالكم
الإنجــــــــــاز حفظت جزء عم قبل رمضان
في خلال أسبوع والحمد لله |
رد: حبيباتى سيدات ليبيا تفضلو لأعرف ما حالكم
جنودة شن الانجــــآز؟؟
كان عليا انا اعذريني ننسي ديما زهايمـــــــــر |
رد: حبيباتى سيدات ليبيا تفضلو لأعرف ما حالكم
هذه شفت منها علي الأحمر امس يابنات
https://fbcdn-sphotos-c-a.akamaihd.n...34681774_n.jpg نتوقعها غالية حتي في شارع القناعة سوسو |
| الساعة الآن 08:14 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .