|
رد: دردشة حوامل أهل القصيم - دردشة بنات القصيم - تجمع حوامل القصيم
اقتباس:
وامهاتنا يسمونه،السواليف، يدل على قرب الولاده ان شاء الله ولا تخافين كلها تساهيل من رب العالمين اكثري الدعاء والاستغفار وانك تولدين ولاده سهله ان شاء الله...،، دعواتك لي بثبات حملي يارب ... |
رد: دردشة حوامل أهل القصيم - دردشة بنات القصيم - تجمع حوامل القصيم
اهلين حبيباتي كيفكم ياكروشات والي يبغن الحمل الله يرزقهن ولا يحرمهن من الذرية الصالحة
اولا مستشفيات بريدة حظك نصيبك كلن يمدح وكلن يسب الوحدة تتوكل علئ ربة ثانياً الي تبغئ تحسب الحمل تحسب من اول خلصت اذ ميلادي تزودن 7 ايام و 9 اشهر واذا هجري تزودين 14 يوم و 9 اشهر يعني 3_2 17 / 11 موعد ولادتك والله اعلم ثالثاً الي تحسب بالاسابيع البكرية يكون حملة 41 اسبوع والباقين 40 اسبوع يقل او يزيد الشهر الاول= 1-2-3-4 أسابيع الشهر الثاني= 5-6-7-8 اسابيع الشهر الثالث= 9-10-11-12-13 اسابيع نلاحظ زيادة اسبوع الشهر الرابع=14-15-16-17 اسابيع الشهر الخامس=18-19-20-21 اسابيع الشهر السادس=22-23-24-25-26 اسابيع نلاحظ زيادة اسبوع الشهر السابع=27-28-29-30 اسابيع الشهر الثامن=31-32-33-34 اسابيع الشهر التاسع=35-36-37-38 -39اسابيع نلاحظ زيادة اسبوع الزيادة الطبيعية للحمل =40 اسبوع البكرية=41 اسبوع الله يسهل علينا وعلئ المسلمين اجمعين واي سوال انا حاضرة |
رد: دردشة حوامل أهل القصيم - دردشة بنات القصيم - تجمع حوامل القصيم
الي تسال عن جكادي مافتح في القصيم
|
رد: دردشة حوامل أهل القصيم - دردشة بنات القصيم - تجمع حوامل القصيم
بنات وينكن من امس للحين ماكتب الا انا او طافة هههههه
يالله نبي تشجيع نبي اي شي يخص الحمل والولادة والنفاس من تعب وتجهيز ومستشفيات واهتمام يالله نشجع بعض |
رد: دردشة حوامل أهل القصيم - دردشة بنات القصيم - تجمع حوامل القصيم
اهلين اخباركم
من زمان عنكم بنات الحبيب مره روعه وبالعكس مايستعجاون على العملية ولا شي عن تجربتي ووضعي بس حاولو فيني ورفضو العمليه لين ولدت طبيعي |
رد: دردشة حوامل أهل القصيم - دردشة بنات القصيم - تجمع حوامل القصيم
|
رد: دردشة حوامل أهل القصيم - دردشة بنات القصيم - تجمع حوامل القصيم
السلام عليكم ...
ضيفة جديده انضم الى حوامل القصيم ,,,, |
رد: دردشة حوامل أهل القصيم - دردشة بنات القصيم - تجمع حوامل القصيم
السلام عليكم
والله من زمان عن التجمع انا اولدت ب10 رمضان والحمدلله ولدت بالحبيب بس قمه بالتعامل وانا دخلته علشان ابرة الظهر بس ماناسبتني وحاولو بي بس الحمد لله على كل حال وطلبت عملبه ورفضوا وولدت طبيعي بس بعد عنا واي سؤال عن الولاده بمستشفى الحبيب انا حاظره |
رد: دردشة حوامل أهل القصيم - دردشة بنات القصيم - تجمع حوامل القصيم
السلام عليكم يا بنات القصيم من جربت ولادة مستشفى البكيرية
ومن جربت الدكتور ناظم هل هوزين باالعمليات القصرية او لا وتشخيصه زين في متابعة الحمل علموني جزكم الله خيررر؟؟؟ |
رد: دردشة حوامل أهل القصيم - دردشة بنات القصيم - تجمع حوامل القصيم
مرحبا بنات كيفكم
الوحدة توكل علي الله وتدعي تسهيل الولادة بيلسان لو سمحتي عند مين ولدتي بالحبيب اول كنت اراجع عند ندئ الملا بس حولوها ولادة طوارئ والحين عند هادية جميل لان سجيلا دايم مشغووووول |
رد: دردشة حوامل أهل القصيم - دردشة بنات القصيم - تجمع حوامل القصيم
اقتباس:
استفسار بسيط ممكن؟؟؟؟ كيف ماناسبتك ابرة الظهر؟؟يعني اخذتيها وماتبنجتي؟ او فيك شي بظهرك يمنعهم من تخديرك بالابره؟ وكيف حاولو فيك؟؟؟؟تقصدين الابره او حاولو فيك ولاده طبيعيه ومااستعجلو عليك بالعمليه؟ ياختي اعذرين على اسألتي بس ودي اخذ الابره وابي مجرب خصوصا بالحبيب وخايفه كثير لاني بكريه انا الحين بالاسبوع 29 يعني بقى لي اسبوع واخلص السابع ربي يسهل علي وكل حامل يااااااااااااااااااااااااااااااااااااااااااااااااا ارب ولك الف شكر ياقلبي واسفه عالاطاله |
رد: دردشة حوامل أهل القصيم - دردشة بنات القصيم - تجمع حوامل القصيم
ألف مبرووووووك والحمدلله على سلامتك يابيلسان
وعقبال ام ميتو يارب.. وعقبالي عسى الله يتمم على خير يارب |
رد: دردشة حوامل أهل القصيم - دردشة بنات القصيم - تجمع حوامل القصيم
مراحب كروشات كيفكم وكيف الثقل معكم
ابشركن ولدت والحمدلله والمنة وجبت احلي عبودي بتاريخ 13/10 وعقبالكن ياكروشات ومبروك للي ولدوا ونصيحة كروشات عليكن بالاستغفار وقراءة سورة الزلزلة اثناء الطلق والله يسهل عليكن حبيبتي ام روولا مانسيتك من الدعاء ام رموسة بشري عنك |
رد: دردشة حوامل أهل القصيم - دردشة بنات القصيم - تجمع حوامل القصيم
السلام عليكم
بنات ايش اسامي الدكتورات الي في الحبيب وجنسايتهم وكم اسعار الولاده الطبيعي والقيصيري الله يرضى عليكم ويسهلكم |
رد: دردشة حوامل أهل القصيم - دردشة بنات القصيم - تجمع حوامل القصيم
صبــاح الخير كروشات......
شذرات الله يسلمك ..امين يارب وعباه لك بكل يسر وسهوله مون فلاور..ولدت بمستشفى الوفاء الصراحه معامله زززفت وتوليد ازفت؟ واي ســوال انا حــــــــــــاظره حبيبتي |
رد: دردشة حوامل أهل القصيم - دردشة بنات القصيم - تجمع حوامل القصيم
بيلسان الحمدلله على سلامتك وسلامة البيبي
ردينه الف الف مبروووك ويتربى بعزكم......... |
رد: دردشة حوامل أهل القصيم - دردشة بنات القصيم - تجمع حوامل القصيم
الله يسلمكم حبيباتي
بالنسبه لابرة الظهر ماناسبتني لان ما قدرو يوصلون للعامود الفقري بعيد شوي ومقاس الابره 8 سانتي وما وصلت تخيلي جربو بي 3 مرات دخلوه الم ما تتصورينه وللحين احس بالالم احيانا وقالوا بنادي استشاري يحاول مره رابعه وانا وافقت بس امي انهارت بجنبي من المنظر اللي شافت وحلفت ما اجرب خافت علي وقلت للدكتوره وش تنصحيني قالت خلاص ما تاخذينه بس انت روحي وخليه تكشف علي قبل انا المفروض رايحه لان فيه اختبار سوته لي قبل تدخل الابره وقالت يمكن ما تناسب بس انا اصريت يجربون لاني خايفه من الم الولاده والحمد لله على كل حال واخرته من 5 الفجر وانا اتولد لل12 بالليل الله لا يخسر تعب وبالنسبه للي تسال عن الدكتورات فيه السودانيه انصاف هي دكتورتي تجنن وروعه سودانيه لا تعدونه وفيه شكيلا حلوه بس ما حبيته لانه ما تكلم عربي وفيه هاديه اعتقد لبنانيه هجو عنه توحش ماديه بحته ومره نومتني غصب وجيت مره ثانيه وقالت لازم تنومين ورفضت وشاشت علي وطلعت من الغرفه وخلتني ولا شافة الاشاعه وعلى طول غيرته وبالنسبه للاسعار حلوه مره على عنايتهم ابرة الظهر 1200 وانا اجمالي اللي دفعت 5700 مع سرير مرافق لامي وو3 وجبات بس ماقعدت الا يوم والا الاقامه لمدة 3 ايام والمرافق تدفعين 300 كل يوم وقيمة ابرة الظهر رجعوه لي لانه مانفعت وعلى فكره الزياره مفتوحه 24 ساعه يعني زوجي واهلي يجون باي وقت وان شاء الله افدتكم لاني بيوم من الايام كنت محتاجه احد مجرب |
رد: دردشة حوامل أهل القصيم - دردشة بنات القصيم - تجمع حوامل القصيم
ياسلام اخيرا لقيت احد يمدح دكتورة بالحبيب
مشكورة بيلسان علي المعلومة ان شاء الله راح اولد عند انصاف وربي يكون في عوننا وانتي والي ولدو الله يخليلكم اولادكم وتفرحو فيهم |
رد: دردشة حوامل أهل القصيم - دردشة بنات القصيم - تجمع حوامل القصيم
مشكوره سكر زماني على الرد
والله احترنا بهالمستشفيات مالنا الا الاستخاره ثم الاستخاره ثم الاستخاره والله ييسر للجميع ومبروك للي ولدو والحمـدلله على سلامتكم عقبالنا |
رد: دردشة حوامل أهل القصيم - دردشة بنات القصيم - تجمع حوامل القصيم
سبحان الله وبحمده سبحان الله العظيم
اللهم هون على جميع الحوامل ويسر ولادتهم واجعلها برداً وسلاماً عليهم كما جعلت النار برداً وسلاما على سيدنا ابراهيم عليه السلام اللهم لا سهل الا ماجعلته سهل وانت تجعل الحزن اذا شئت سهلاً |
رد: دردشة حوامل أهل القصيم - دردشة بنات القصيم - تجمع حوامل القصيم
مشكوره يابيلسان---قسم جتني الصيحه من سالفت ابرتك لاني ناويه اخذها
ماقصرتي ياعمري والله يتمم عليك بالعافيه وييسر لكل الحوامل يااااارب انا كنت ناويه اولد عند هاديه صديقتي ولدت عندها تمدحها بس دامك شفتي انها ماديه ونفسه شينه ماتلزم ابد---ان شالله عند انصاف بأذن الله تعالى اااه يالولاده متى تجي بسسسسسسسسسس مليت من الحمل احس اني من زمااان حامل-ههههههههه تنصحيني لما اجي اخذ الابره اسوي اختبار قبل يعني اعطيهم خبر اني ابغاها من قبل موعد ولادتي والا اطلبها وانا اولد؟؟؟؟؟؟؟ ومعليش نشبت بحلقك بس والله الخوف من المجهول يقتل والله يكتب الي فيه الخير يااااااااااارب |
رد: دردشة حوامل أهل القصيم - دردشة بنات القصيم - تجمع حوامل القصيم
اقتباس:
اااه ثم ااااااااه ثم اااااااااااااهhwaml15 الله يسهل ولادتنا ياااارب انتي بأي شهر ياقلبو؟ |
رد: دردشة حوامل أهل القصيم - دردشة بنات القصيم - تجمع حوامل القصيم
هلا حبيبتي ام ميتو
لا تخافين ولا شي واذا انت دافعه برنامج متاعبعة حمل من ضمن البرنامج زياره لاخصائية ابرة الظهر واذا مو دافعه تقدرين تروحين له استشاره انا عندي متابعة حمل بس واثقه انه تناسبني غبيه الله لا يخسر تعب والله ياقلبي انصحك نصيحه انك تروحين تختبرين قبل احسن من وقت الولاده يجربون بك وانت مو خسرانه شي اذا رحتي ماراح تتحسفين والاختبار ترى ما يوجع ولا شي بايدينه تفحصك ولا تدخل شي ولا ابر يعني لا تخافين وانصحك بانصاف ترى خياطته مره مره حلوه ونظيفه بس هي كبس وتجميلي مع بعض مع اني ما طلبت بس راح تلاحظين ان شكله غريب مو مثل الخياطات العاديه وتطول ماتروح يعني 3 اسابيع بعده تذوب ما تطيح يعني ما تشوفين خيوط تطيح والله يسهلك ياقلبي وتولدين بالسلامه والحوامل اجمعين |
رد: دردشة حوامل أهل القصيم - دردشة بنات القصيم - تجمع حوامل القصيم
لاااااه!!!! اجل ان شالله بزور اخصائية ابرة الظهر قبل لاني موعندهم اتابع حملي
ودي ادري انصاف وسيع صدره عليك يعني ماتستعجل عليك وتنافخ وكذا لاني بكريه يبي لي طولت باااااااال ماقول غير الله يجزاك خير ماقصرتي عالمعلومات القيمه ياعمري ويخليلك كتكوتك يارب ويجعله من عباده الصالحين البارين الله يسعدك ياااااااااااارب |
رد: دردشة حوامل أهل القصيم - دردشة بنات القصيم - تجمع حوامل القصيم
الله يفرج عنا بالعافية
|
رد: دردشة حوامل أهل القصيم - دردشة بنات القصيم - تجمع حوامل القصيم
سكر زماني
ابسال عن مستشفى الوفاء ليه معامله زفت سمعت العكس وبرضه بكم الولاده الطبيعيه |
رد: دردشة حوامل أهل القصيم - دردشة بنات القصيم - تجمع حوامل القصيم
مــرحبا لياليـ....على حسب الولاده اذا تعسرت لاقدرالله يعطونك اشيا ويحسبونهن عليك مثل
الطلق الصناعي التخدير الكامل الايام الي تجلسين عندهم المرافق...الخ بالنسبه لي ولادتي الاولى كــانت بـ11الف لاني جلست تقريبا يومين قبل الولاده وجلست امي مرافق معي ..ولادتي تعسرت واعطوني طلق صناعي وشق العجان مدري وشو؟وخياطه داخليه واصله عنق الرحم وتخديـر كامل يعني مثل العمليه وكـانت معاملتهم حلوه كأني اميره عندهم وهذا قبل 5 سنــوات بس والله ماهمتني الفلوس اهم شي راحتي وجلست امدح فيهم كل الخمس سنوات.. وفي ولادتي هذي؟؟؟؟كانت 7800وبعد تعسرت ولادتي بس جلست عندهم نصف يوم قبل الولاده ورافقت عندي اختي من بكره يعني نصف يوم وأخذوعليه500 وفي الولاده الأولى والثانيه اذا جيتي بتطلعين يعطونك كيس مليان ادويه من صيدليتهم لك وكيس مليان ادويه لنونو ويحسبونه عليك وهدايا لنونو ولك ومحسوبه عليك ..الولاده الاولى المعامله حلوه وماقلنا شي بس الثانيه معاملتهم شينه مثل السسترات انفسهن شينه واكلمهن وما يردن علي وغير اذا طلبتهم يجلسون ساعه مايجون لمي.مثل طلبت بنتي من الحضانه الساعه12الظهر وما جابوه الاالساعه4 العصر مع اني كل اشوي اضغط الجرس عليهم واتصل على الحضانه كل اشوي لكن لاحياه لمن تنادي ومواقف كثيره لو اكتبها كلها كان تمتلي صفحااات؟؟؟ وغير كذا طالبونا بدفع 2500 عشان التخدير الثاني والخياطه الثانيه لأنهم نسو بقايا المشيمه بعد ما خلصت الولاده والخياطه. ..واي سؤال انا حاضــره |
رد: دردشة حوامل أهل القصيم - دردشة بنات القصيم - تجمع حوامل القصيم
انا اختي ولدت فية وتسب تقول ماكأن بالمستشفي سستر
تقول احرق الجرس واصوت ومحد لمي ومرة تعبت نفسيتها منهم |
رد: دردشة حوامل أهل القصيم - دردشة بنات القصيم - تجمع حوامل القصيم
نصيحتي لكم
وانتي رايحه تولدين 7 تمرات ماء مقري فيه ورد الولاده ويفضل زمزم شمي حلتيته تفتح الرحم الصدقه الصدقه الصدقه وترديد هذه الادعيه اللهم لاسهل الا ماجعلته سهل وانت....الخ اللهم رحمتك ارجو فلا تكلني.....الخ الاستغفار وسيد الاستغفار حسبي الله لا اله الا هو عليه توكلت...الخ حسبنا الله سيؤتينا الله من فضله...الخ ايات السكينه اذا كنتي خايفه عشان تطمن قلبك *الدعاء بظهر الغيب لغيرك اخذ شهيق وزفير قدر المستطاع والتوكل على الله وحده وليس على مستشفى او دكتوره معينه |
رد: دردشة حوامل أهل القصيم - دردشة بنات القصيم - تجمع حوامل القصيم
السـلام عليكم...شخباركم يا كروشات الله يهون عليكم..
شخباركم يا نفوسات وش اخبار النونوات ههه هاه مليتو من النفاس مثلي اخ والله من ضيقه الصدر الحمدلله والشكر يالله عاد خلونا نسولف وش رايكم كل وحده تقول لنا وش راح تسوي من دهونات وخلطات وعنايه ياي ياعيني يالله اذا شفت تفاعل بقولكم وش سويت... |
رد: دردشة حوامل أهل القصيم - دردشة بنات القصيم - تجمع حوامل القصيم
اقتباس:
بخصوص السودانيه خياطتها زينه لاني بكريه واسمع ان بعضهم مو زينه واقصد الخياطه العاديه طبعا |
رد: دردشة حوامل أهل القصيم - دردشة بنات القصيم - تجمع حوامل القصيم
|
رد: دردشة حوامل أهل القصيم - دردشة بنات القصيم - تجمع حوامل القصيم
سكر زماني ,,Alih
يعطيكم العافيه والله واحترت وين اتجهه الله يستر يارب اما عن الخلطات ماعرف شيء لسى اول ولاده ,,, |
رد: دردشة حوامل أهل القصيم - دردشة بنات القصيم - تجمع حوامل القصيم
مراحب ياحلوات كيفكم كروشات..
بصراحه حابه افيدكم واستفيد معكم.. بصراحه ام زميلتي تسوي أدويه للدوره والنفاس وتحاميل تضييق وشاطره بهالأمور وبصراحه خواتي متعاملات مع وحده تسوي أدويه.. بس لما اختي ولدت قبل 4 أشهر أخذت من ام زميلتي.. وبصراحه غيييييييرررررررر... هي لاحظت تقول غير عن عيالي الأولين حتى زوجها لاحظ ماشاء الله تبارك الله... طبعا برنامج النفاس بـ 500 ريال وبرنامج الدوره بـ 150 ريال.. وتحاميل التضييق 170 ريال.. وكلهم عن تجررررربه وحبيت افيدكم معي..وان شاء الله راح أطلب منها لما تقرب ولادتي اللي حابه تقولي أرسله رقم الحرمه.. |
رد: دردشة حوامل أهل القصيم - دردشة بنات القصيم - تجمع حوامل القصيم
بالنسبه للسودانيه نفسيته مره ممتازه مره وسيع صدره وتخليك تقولين كل اللي بالك وتسمع لك لحد ما تخلصين حتى البيبي عندي صار راسه فوق وقالت بنلفه لك مو مولدينك قيصري بس سوي اشاعه قبل ولما سويته طلع الحمد لله نازل والله لما دخلت عليه علشان اشوف الاشاعه هي فرحانه اكثر مني وتضحك وتقول ابشرك نزل راسه تحت ربي رحمك من التعب
وبالنسبه للخياطه انا اقول انه حلوه مره بس هي كبس وتجميلي يعني مو عاديه |
رد: دردشة حوامل أهل القصيم - دردشة بنات القصيم - تجمع حوامل القصيم
سكر زماني انا ولدت بالوفاء قبل سنتين قمه الروعه كنت مستانسه بمعاملتهم
وليال دفعت 4000 بدون مرافق وجلست يوم واحد بس انتي سكر زماني ولادتك الثانيه متى كانت،،، لاني الحين حامل ولله الحمدوافكر اولد عندهم ،لان نفس الدكتورات الممتازات موجودات بس لاحظت تعامل الاستقبال تغير بمراجعاتي وكثير يقولون جربي الحبيب بس مااعرف شي هناك ولا دكتوره اعرفها وحماتي ولدت فيه تقول عادي هل يعطون كمامه التخدير بالطبيعي مثل الوفاء؟؟؟؟؟؟؟ |
رد: دردشة حوامل أهل القصيم - دردشة بنات القصيم - تجمع حوامل القصيم
راجيه رضى ربي هذي ام زميلتك باي مدينه وتوصل ولا لا
وهل ادويتها ترجع الرحم والجسم مثل ماكان لان ماهمني التضييق كثر مايهمني اني ارجع لصحتي...لان كان عندي ضعف وحملت تكفين لاتصير دعايه خخخخخ،، ترى خمس ميه |
رد: دردشة حوامل أهل القصيم - دردشة بنات القصيم - تجمع حوامل القصيم
توتو حياتي
يعطيك العافيه على ردك انا اراجع عند الوفاء لكن الولاده مادري اظل عندهم او لا لاني مرتاحه للدكتوره ولا اعتقد راح اجلس يوم ان شاءالله اذا كنت بخير انا والنونو طلعت ماحب المستشفيات |
رد: دردشة حوامل أهل القصيم - دردشة بنات القصيم - تجمع حوامل القصيم
اقتباس:
بصراحه لا دعايه ولا لي مصلحه ابد .. بس لما شفت الفايده بإختى وبنت عمي وانا ان شاء الله راح استخدمه.. قلت افيدكم.. وبعدين شوفي كون انك ترجعين مثل ماكنتي بكريه هذا مستحيييييييييل... بس مثل هالأدويه تقريبا تخليك قريبه من البكريه بـ 75%.. إذا تبين رقمه وتستفسرين أكثر أنا حاضره..هي بالقصيم وتوصل لأي مكان |
رد: دردشة حوامل أهل القصيم - دردشة بنات القصيم - تجمع حوامل القصيم
توتو حبيبتي ولادتي الثانيه في اخر رمضان انا نفاس الحين يعني قريب...
وكنت اراجع وانا حامل عشان عندي {خمول الغده }ومعاملة الاستقبال شينه واجلس احيانا في الانتظار 3سـاعات اوا 4 احيانا عشان ما اظلمهم ..والحين خلاص بفتح ملف عند الوطني وبراجع عندهم ان شــاءالله |
| الساعة الآن 08:49 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .