|
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
|
رد: حبيباتى سيدات ليبيا تفضلو لأعرف ما حالكم
كيف حالكن اليوم ياحلوات ياعسليات
انشاء الله كلكم طيبين |
رد: حبيباتى سيدات ليبيا تفضلو لأعرف ما حالكم
سوسو ... الحمد لله علي سلامة خالك
ان شاء الله طيب وصحته كويسة |
رد: حبيباتى سيدات ليبيا تفضلو لأعرف ما حالكم
بالنسبة لي انا مشغولة جدا جدا
تنظيف وترتيب ومشي للسوق .. آآآآآه خلاص كرعي وظهري من الوقوف ربي يستر من الدوالي وامس من الساعة 7 الى 11 في الليل وانا وزوجي ففوق في غرفة المخزن ركبنا فيها دولاب العيال القديم ماقبل حوتنا لايمناه وركبناه ومانحكيلكن علي توأم روحي متعقد عالاخر لانه اول مرة يركب دولاب وماحوته ركبه وطبعا التعصيب امتاعه مظطرة اني نمتصه بيش يسقد وننزلو تحت كملنا الدولاب وحطيت فيه امخاد وفوقه طراريح والجهة الثانية نبي انحط فيها مواعين زايدات عن الحاجة ولميت المخزن وسكرته ونزلت القيتها احداش ومانيش دايرة عشاء ... مشو العيال للمحل ورا حوشنا وتعشينا خفيف حليب جهينة وتمر وزبادي نوعين بالفواكه وطبيعي وحطينا عسل وبعدها دوشت وفتحت نبي نحكي معاكم القيتكم ماشاء الله 15 صفحة وانا من الضروري نقرى قبل وبعدها نسلم المهم قريت وقلت بكرة انجيهم بيش مايبقاش وراي صفاحي وجدات |
رد: حبيباتى سيدات ليبيا تفضلو لأعرف ما حالكم
جنودة الكيكة اتهبل ماشاء الله عليك
شن اخبار زوجك جا كانت عندي لك فكرة حلوة بس اكيد افكار شموسة وفروسة حلوات |
رد: حبيباتى سيدات ليبيا تفضلو لأعرف ما حالكم
فروسة ... صار تركية وطليانية وتوة انجليزية الله يبارك
المهم الجبل مازال يزاحم فيهن اصلية يابت |
رد: حبيباتى سيدات ليبيا تفضلو لأعرف ما حالكم
شمــــــــــــــــــوســــة ...
انت واخذينك عيت حمودة والا انا غالطة وبالمناسبة طلعتي بنت عمي حتى انا عبيـــــــــــدية وسهفتيني عالجو اللي درتيه ايهبل ... وماشاء الله الرز طلع تمام وسلفتك ... تاخذ السو ياحنة وشكلها باردة اللي دزت اعيالها عالعموم شكلها مقهورة منك عالاخر .. غـــــــــــــــــــيرة |
رد: حبيباتى سيدات ليبيا تفضلو لأعرف ما حالكم
توة نرد بعدين .. انتظـــــــــــــــــــــــرونا
|
رد: حبيباتى سيدات ليبيا تفضلو لأعرف ما حالكم
صباح الخير
حمد لله علي سلامة خالك سوسو أوشي لاغني عن أفكارك يلا قولي شن الفكرة هدية كيف حالك وينك مش باينة هلبة |
رد: حبيباتى سيدات ليبيا تفضلو لأعرف ما حالكم
بالنسبة لفكرتي جنودة
طبعا انت ماشاء الله عليك دايرة لوك جديد هظا بروحه ايسد بس فكرتي كانت ... انك بعد استقبالك له وتعشيتو وهدرزتو وجيتو للحظة الحميمية هنا فكرتي انها ماتكونش في غرفة النوم كالمعتاد لا خليها مثلا في دار المقعد امتاع الضيوف اتجيبي فراشين كبار واتحطيهن جنب بعض واتحطي عليهن مثلا ورغان فرحك او ورغان جديد لو عندك واديريله جو فراش ارضي وتزيني الغرفة بشموع معطرة اوشمعدانات واتحطي فيها بخورة عود اوديري اجواء ورد وبالونات امعزقات عالارضية ولو عندك نافورة صغيرة او شلال كهربائي مع صوت عصافير وولعي فيها سورة البقرة وسكريها واكيد لمساتك الاخيرة ستكون مؤثرة جدا انا عندي الفكرة في حد ذاتها تغيير المكان وتغيير الفراش بالارض... وراح يحب الفكرة جدا ان شاء الله نكون افدتك |
| الساعة الآن 03:36 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .