رد: .·¤ تجمع الحوامل اللي ولادتهم في محرم¤·.
 

دلع ،،
لا ما بروح اقرقع هههههه اتخيل شكل اختج وهي تقعد على عتبة بيت الجيران ههههههه احنا بس نطرش اليهال يقرقعون بس احنا نتجمع في بيت اهلي وكل وحده تسوي لاعيالها قرقيعان ،، ان شاء الله بسوي لها السنه الجايه ،، عشان تكون هي موجوده فديت قلبها والبسها ملابس القرقيعان ،، ياناسو على الصوره ،، من شوي اقول لزوجي السنه الجايه برمضان بيكون عمري بنتنا او ولدنا 8 شهور تقريبا او 9 ،، ياقلبي انا ،، احس نفسي بصير مينونه ،، بفصل لها جلابيات لرمضان ،، هههههههه وكل يوم بلبسها شي جلابيه شكل ،،
حبوب الكالسيوم اللي اكلها نفس حبوبج ،، طعمها فانيلا وريحتها قويه ،، بس تصدقين انا ابلعها ماقريت عليها لو امصها او لا !! هههههه مفهيه ياربي ،،

رد: .·¤ تجمع الحوامل اللي ولادتهم في محرم¤·.
 

نوقا ،،
اي والله بجد شي يقهر اسلوب الدكاتره ،، الله يستر موعدي الاسبوع الجاي للسونار مدري وش بيقولون لي بعد !! ننطر المفاجأه ،، المستشفى الحكومي ما يقولون جنس الجنين ومكتوب بالخط العريض في ورقة الموعد ان هذا الفحص مو الغرض منه معرفة جنس الجنين !
تعالي زورينا بالبحرين عشان تقرقعين معانا ،، بتستانسين والله ،،

رد: .·¤ تجمع الحوامل اللي ولادتهم في محرم¤·.
 

وش صار يادلع الاحساء مص او بلع؟؟

رد: .·¤ تجمع الحوامل اللي ولادتهم في محرم¤·.
 

احب دادو ،،
هههههههه ليش تخافين منهم ،، إذا على سحب الدم تراه افضل لج ،، انا في بداية حملي سحبوا مني 7 قراش دم ،، عشان تحاليل شامله لكل شي ،، حتى اختي تقول لو بالخاص كانوا دفعوج اللي قدامج واللي وراج ،،
بس خبري الدكتورة ان انتي تتعبين وممكن يغمى عليج بسبب سحب الدم ،،

رد: .·¤ تجمع الحوامل اللي ولادتهم في محرم¤·.
 

ام التوينز ،،
هههههههههه فديتهم ربي يحفظهم لج ويحفظ اللي ببطنج يارب وتفرحين فيهم ،، وعقبالي اشوف البيت مليان اولاد وبنات ،،
تصدقين من يومين اقول لزوجي بيتنا هادئ ومافيه ولا صوت هههههه بعدين بيصير ربشه ،، حتى كل اللي يجون عندي يقولون حلو بيتكم للنوم لانه هادئ ومريح ،، ههههه
بعدها بيصير مزعج وشكله مافي حد بيزورني ،،

القرقيعان كل سنه نتجمع في بيت اهلي مع امي وخواتي وخالاتي وخوالي واعيالهم واعيال خواتي واخواني كلهم ،، وفيه مكسرات خاصه للقرقيعان تنباع في السوق لما يجون اعيال الفريج يطقون الباب ويغنون ونعطيهم شوي من الكسرات هذي ،،
كل عايله تسوي قرقيعان بشكل حلو ويتوزع علينا ،، يعني مثلا اختي عندها ولدين وبنت سوت قرقيعان لاولادها الاثنين لان بنتها كبيره 16 سنه ،، اخذت كوره من زجاج كبيره وحطينا فيها القرقيعان (المكسرات) وبعدها قمنا نزينها ،، وسوينا كميه كبيره منه عشان يتوزع على كل عايله من اهلنا ،، ونفس الشي اختي الثانيه عندها بنوته وحده وسوت لها قرقيعان في (يد الهاون) معلق ،، شغلات قديمه وتراثيه وبنفس الوقت حلوة ،، انا ان شاء الله راح اسوي لما اولد بالسلامه بقرقيعان الجاي باذن الله ،،

رد: .·¤ تجمع الحوامل اللي ولادتهم في محرم¤·.
 

مريم ،،
بسم الله عليج ،، ارتاحي حاولي تتمددين فديتج ،، انا صار لي يومين ظهري يألمني ،، احسه منفصل عن جسمي ،، امي تقول ممكن عشان البيبي يكبر الحين ،، وكل يوم بتحسين نفسج اثقل واثقل ،،

رد: .·¤ تجمع الحوامل اللي ولادتهم في محرم¤·.
 

ام ريم ،،
الحمدلله تطمنتي على البيبي ،، انا لما سألت دكتورتي قعدت تضحك وقالت لي صح ،، لكن مايعتمدون عليه كمقياس لمعرفة جنس الجنين ،، بس بشكل عام هذي دراسه صحيحه تقول ،، والله اعلم ،، انا بعد كانت دقات قلب الجنين فوق ال 140 وراح اتأكد بالسونار الجاي ان شاء الله لو خبروني الحكومي ،، وبعد العيد بسوي التراسوند ملون رباعي وهو بيكون الفاصل هههههه

رد: .·¤ تجمع الحوامل اللي ولادتهم في محرم¤·.
 

اثري في مدادي ،،
ربي يجعلها شفيعه لج في يوم القيامه ،، والحمدلله الله عوضج بأحلى علاوي ربي يخليه لج ويبلغج فيه معرس مثل القمر ،، ويتمم عليج هالحمل وتملين البيت اولاد وبنات يارب ،، وصج العلاجات متعبه للنفسيه قبل الجسد ،، خواتي كانوا يعانون من العلاجات ،، ونفسيتهم تتعب اكثر من جسمهم ،، ربي يعطيكم على قد نيتكم ،،

رد: .·¤ تجمع الحوامل اللي ولادتهم في محرم¤·.
 

غايتي الجنه ،،
يوووه خلي الكسل على جنب ،، ههههههه والله صايره ما اقدر اقعد ساعه ،، لازم اتمدد وساعات اغط بنوم عميق هههههه على قولة زوجي يقول في كل وقت وكل ساعه تبين تنامين ،، ويسأل امي هذا طبيعي هههههههه خايف يكون فيني بلا ،،

رد: .·¤ تجمع الحوامل اللي ولادتهم في محرم¤·.
 

مولود لا يتجاوز عمره ? دقائق
يبتسم مع امه بعد ولادته فوراً !!
صورة حققت انتشار واسع الشهر الماضي
» http://t.co/39rh6y7x