|
رد: ديوانية البحرين - دردشة حوامل البحرين - البحرينيات
السلام عليكم
هلا بالحبايب ام بنين المكان ما يتشاهد غبار والعناكب لاعبه لعب هاووي تعبت واني انظف امشي ساعديني شوي لان خبرش شموس ماتلاعب ان دخلت واحنا نحوس بتغربلنا وام علي بميداليتها بعد ماليها حل هههههههههه |
رد: ديوانية البحرين - دردشة حوامل البحرين - البحرينيات
لا يكون تلعبون معاي القط والفار هااااااااااااااه
اشوف من اقوم اني تقعدون لااااااااااااا مو حالة اتفقو على وقت له بس مو مشكلة اهم شي تدخلون وتعرف اخباركم طف طووووف ويش اخبار زنوب اليوم ان شاء الله افضل ام بنين ويش اخبار قرعت بتنا هاااااااااه اهم شي القرعة يهبلون البنااااااااات القرعان ويلي عليهم |
رد: ديوانية البحرين - دردشة حوامل البحرين - البحرينيات
هلا ام يساف
الحمدلله بخير بس زنابي فيها اكزيما اسم الله عليكم وخدها ماكول اكال امس رحت السلمانيه وكتبت الدكتوره كريم فيوسيدين مره يوميا ويارب تصير زينه محد عنده حل ويختصر عليي الطريق شي مجربينه يعني؟؟ |
رد: ديوانية البحرين - دردشة حوامل البحرين - البحرينيات
اي والله حتا الصراصير نخرت الكباته يم زينب
شموس القرعه تعجبش ستااايلها محد يقدر يسويه طالع ليه شعر بس في الوسط وفالبرود قرعه ههههههه طفطوف ود اختي السيد نفس حالتش وكان السبب مسكين متحسس من القمح وودته الخاص عطوها كريم طبيعي من اعشاب ودوا والحين يصير زين ويرد يطلع ويرد يروح مسكين المهم اليوم خصصته لسامان لي وقلت لزوجي يوديني صيدليه اخد لي مقشر ومرطب وقناع ومرطب للبشره ماركة فابنيس شيري ريحته كرز ههههه هالمره اخترت مقشر هيمالايا بالفواكه |
رد: ديوانية البحرين - دردشة حوامل البحرين - البحرينيات
نقطة نقاشي واني احوس والوس في المستحصرات
لقيت ديودرنت للمنطقه الحميمه وعجبتني ريحته واخذته طبعن اني استخدم الغسول من نفس الماركة بس الديودرنت اول مره ويش رايكم في استخدامه هل يسبب مشاكل او حساسيه ؟؟؟ |
رد: ديوانية البحرين - دردشة حوامل البحرين - البحرينيات
هلا ام بنين
ما انصح اي شي معطر او اي للمنطقه هذي ماعليش سوي كلشي وخطري هالصوب اهم شي نظافته لمعانه ههههههههههه حلوه لمعانه.. بس نصيحه لاتستخدمين اذا مانضريتين الحين ماتدرين وش يسوي بعدين واني يبغي لي حفاف على طاري التزقرت مالي حال يبغي لي اروووووح |
رد: ديوانية البحرين - دردشة حوامل البحرين - البحرينيات
السلاااااااااااااااااااااااااااااااااااااااااام
شحوااااااااااااالكم ياااا سلااام وش هالمه الحلووة جاان عطيتوووني خبر اجي ويااااكم لكن ما عليه تسلم علييييكم ام بشرى وتقول لكم هي الحمد لله احسن بس لا تنسونهااا من دعاااكم ووحشتوونهاااا |
رد: ديوانية البحرين - دردشة حوامل البحرين - البحرينيات
هههههههه شكلي بستخدمه من برا
طفطوف علا سيرة الحفاف اني اخر مرتين حفيت سويت عقب الحفاف شي يسمونه فيلر يغطون الحواجب بحنه بلون شعر حواجبش وتالي يطير ويا الحفاف مرة ثانيه يعني ياخد له اسبوع ويطير الصراحه يطلع الحواجب عدل والحفه جنهم حواجب عجم وسعره معقول |
رد: ديوانية البحرين - دردشة حوامل البحرين - البحرينيات
ام الساده هلا بيش
ويش اخبار ام بشرا عندش تواصل وياهاثخل تدخ تكلمنه وتطمنه عن حالها قولي ليها ويش اخبار بشرا منزمان افكر فيها من يوم تحط كلام انهي مرضانه |
رد: ديوانية البحرين - دردشة حوامل البحرين - البحرينيات
هلا بيش هلا روووزي شخبااارش خيه شخبااار وردتش
يووصل ان شاااء اني البارحة كلمتهاا في الفيس بووك اخااف اتصل ليهاا تكوون تعبااانه تصدقين خاااطري اجرب صبغ الحوااجب بس اخااف بكبرهم مخرووبين |
رد: ديوانية البحرين - دردشة حوامل البحرين - البحرينيات
هلا ام يوسف لا كبرت دبتي ولاشي
وهذاني بس قاعده كل يوم وحده تشوفني بال ولاكانش في السابع واني بس يضربني الوسواس اقول اكيد الجاهل فيه شي معني اني مامبي تصير ليي كرشه تالي مو سهل تروح ويش شحوالكم بنات الباقي |
رد: ديوانية البحرين - دردشة حوامل البحرين - البحرينيات
صباح الخير على عيونكم الحلوة
صايرة ماأنام إلا خمس ساعات بس في اليوم وهي هجدة الليل ومن أصبح للمدارس تكون عليي أجحت hwaml15في البيت وأقعد ليهم غير النتفه إللي مايلبق القاكم على خير |
رد: ديوانية البحرين - دردشة حوامل البحرين - البحرينيات
سلام
شخباركم ؟ اليوم العصر لا تنسون الجاي والقهوة حياكم |
رد: ديوانية البحرين - دردشة حوامل البحرين - البحرينيات
سلااااااااااااام عليكم يا رقيقات
اروى ويش لج بالدبة خلج جدي احس اني اول حمل لي وصلت التاسع ولا يبين على الحمل اما بملاك طلعت دبة بس بعد مو مثل غيري لان القمصان اللي البسهم في نفسهم اللي البسهم الحين بس خنافررررري كشخة خخخخخخخخ روز ام بنون القرعة ملاك لما قرعت كانت قرعتها فضيعة قرعت اول شي من قدام مثل لرجال لشيوبة وظل فيها شعر وراء خخخخخخخخخخ بعدين صارت قرعة على الزيروو ام احلي قمر شكلش دخلتين الثامن يعني ما باقي شي على النونو ويشرف كللوووووووش احلام ام الله يعينش ويعيني وياش من سمعش والله سهر وتعب وشغل البيت ما يخلص اني صار لي سبوع مكيف المطبخ خربان اليوم جو شالو الجهاز ماله وقالو بيجيبون جديد لان خربان والمصيبة اني فرحانة انه اليوم خلاص بيحطون الجديد الا طلع اليوم بياخذون الجهار ويوم الأثنين بيجيبون الجديد هدرت وايد اليوم |
رد: ديوانية البحرين - دردشة حوامل البحرين - البحرينيات
اي تعالو صدق ملاك وايد احسها عصبية
ملاحظة عليها اذا عصبت تقوم تعض المشايه بقوة او تعض اي شي من العابها وش تقترحون هل احكرها وما اعطيها ويه ,اني من اشوفها جدي اقول اليها عيب تفهم وما تسوي الحركة يالله اعطوني من اقتراحاتكم |
رد: ديوانية البحرين - دردشة حوامل البحرين - البحرينيات
السلام عليكم
شخباركم خواتي تذكرتوني؟؟؟؟؟؟؟؟؟؟؟؟ انا كنت معاكم ذيج السنة وكنت حامل واجهضت والحين ربي عوض لي ولله الحمد والمنة المهم شخباركم مع البيبيات كان الله بعونكم على السهر والتعب |
رد: ديوانية البحرين - دردشة حوامل البحرين - البحرينيات
اقتباس:
اقتباس:
السلام عليكم شخباركم حبيبات قلبي اروي يقيني قلناها لش البجر اغلب الاحيان يكون صغير اني مثلا كلمن شافني كان يشكك واخر شهر والاسبع اللي ولدت فيه كأني توني في السابع ربي يقومش بالسلامه لاتحاتين ام عايشه اي نذكرش شلون ننساش وبينه وبينش صار عيش وملح؟؟ هلا فيش وربي يثبته لش هالمره وتستانسين بشوفته يارب ام بنين اني اخاف صراحة من هالاشياء معنه حواجبي تنتفوا على ايدي الحفافات كل مره وحده تسوي على طريقتها وشي ثاني اخاف لايحجز الوضوء يمكن هالماده تكون عازله ع الحاجب وتمنع الماي عفر!! ام علي يعينش ربي انتين وشميسان على اليهال وهالبيوت ماتخلص اشغالها ام الساده شخبارش؟؟؟ يالورده؟ ام بشوره القمر ويش اخبارش تعالي نوري المكان وخلي البنات يدعون لش سلمي عليهم ودعاء المؤمن لاخيه عن ظهر الغيب مجاب ان شاء الله ... ربي يقومش سالمه ياربي ام احلى قمر يالقمر انتين ويش اخبارش واخبار حساني القمر؟؟ كله قمر في قمر ويش نسوي هههههههههه ام حسين الدار ماتبين كلللللللللش من يابت هالنتفه عساهم يارب بخير بعد باقي البنات وحشتوني عدددددددددددل يلا تعالوووو |
رد: ديوانية البحرين - دردشة حوامل البحرين - البحرينيات
مساء الخير
شخباركم ؟ شموووووووووسة اني تمام ولله الحمد ,,,,, اي خيو دخلت الثامن ما بقى شي وانشاااااء الله اولد ولادة السلامة ادعووووا لي اولد في يوم النصر يارب أنصرنـــــــــــا ام زينب اني بخير وأسال عن زوووووووبتنا شخبارها؟ حسون زين يسلم عليكم ويلا برزوا بناتكم ترى ولدي مفكر يخطب !! بس أدعوا ليه يترك الحفاظة ,,,هههعهعهع أروي يقيني ويش لش بدبة ,, أهمشي سلامتش وسلامة النونووووو اني توها دبتي منفخة شوي ونازلة بعد الله يقومنا بسلامة يارب ويرزقنا ولادة ميسرة يارب رحمتك |
رد: ديوانية البحرين - دردشة حوامل البحرين - البحرينيات
سلالام
ام يساف هناااااااااا اشفش ترى نعالش يبين من تحت الباب مقلوعه منه نتفه هههههههههههههه تعالي احسن لش |
رد: ديوانية البحرين - دردشة حوامل البحرين - البحرينيات
سلام عليكم
ويش أخباركم من ياخذني ينيمني ينيمني فيي نوووومة حدددددددددددددددي وورايي شغل أكثر من شعر راسي شمووووسة فرحت يالغالية بشوفتش مع ملووكة الحلوة الغالية وصدق ملوكة عصبيية تضغط على روحها بقوة ،ليش تتعصب جدية صدق دليعه حبي هالصغيرة ضحكوني هي وهنوي هي متعصبة وهنوي يحك خده بقوة من الحرار وما قدروا يسولفون عدل هههه بنات دعواتكم نتوفق اليوم وتتيسر أمورنه بحق ليلة الجمعه هلااااااااااااااااااااا أم عايشة أفا عليش تصدقين عااااد مانتذكرش إنتين الغالية أم عيووووش ربي يجيبها بالسلامة تصدقين من اللعام وأني احاتيش وأدعي ربي يعوضش وتدخلين تفرحينه ودائما أدور جان ليش مشاركة في المنتدى نعرف اخبارش بس الحمدلله من فترة جفت لش مشاركة تبشر بالحمل وفرحت لش بس عندي الكمبيوتر خربان وماقدرت أرد عليش المهممممممم مبرووك وربي يتمم لش على خير وتولدين عايشة ووياها كتكوت أو إثنين ويش أخبار خالد وأخوه بعدهوا يتدلع عليش ألقاكم على خير ولاتنسونه من الدعاااء رجاءا |
رد: ديوانية البحرين - دردشة حوامل البحرين - البحرينيات
سلاام ويش اخباركم
ام عايشة ابدا ما نسناش اشلون ننسى العيش والملح يا رب يثبت حملش ويقولون لج فيش توائم يالله تحملي بروحش واكلي عدل وارتاحي طفلوووووه تصدقين ما ادري ليش كل خاطري اتصل لج واسمع صوتش ام علي يالغالية مشكورة اول شي على الدعوة واسعدني تواجدي معاكم وتشرفت بمعرفت أهل ويا رب نتلقى دائما في الأفراح ومشكورة على حسن الضيافة وطاري ملاك شفتين اشلون تصارخ خخخخخخخخ تبغي السهاية تحسب مرضعتها هي على العموم اذا فرحانة او متعصبة تضغط على روحها جدي وخصوصا اذا قامت تلعب وفرحانة تربش وتضغط على نفسها وتصارخ وتضحك شكلها بتطلع دلية غير اخونها الله يساعدني ,كان خاطري احمل هنوووي وادلعة عمري القرعان احبهم بس استحيت اتبادل وياش اعطيش ملاك واخذ هنوي ام السادة شخبارش وشخبار السيد الصغير وينش غاطه ماليش حس حنوووووووووون يا رب تكونين بخير وحشتيني وااااااااايد فلونة ماليش حل قلتين تالعو واختفتين يالله تعالي له ام احلى قمر ما قلتين ويش بتسمين النونو وشنو قالو لج بنت لو ولد يالله اعترفي روز سول ام بشرى يا رب تكونين بخير والله يمن عليش بالصحة والعافية ويفرج عنش همش وغمش ونشوفش منوره المنتدى واتمنى اليوم قبل بكرة تدخلين وندردش مع بعض احيانا لما نسولف مع بعض ننسى بلاوي الدنيا ويخف علينا الهم واحنا خوات لا تقطعينا جدي اروي يقيني ويش فيش تعالي نوري الدوانية له مو بس مشاركتين وتختفين ام بنين وينش امس ماليش حس في الدوانية بااااااااااااقي الشعب ويش اخباركم يالله تعالو وخبرونا عنكم يا رب تكونون بخير |
رد: ديوانية البحرين - دردشة حوامل البحرين - البحرينيات
شمس الصباح وطفلي حياتي فديت روحكم والله وربي يخليلكم اولادكم وتفرحون فيهم يارب
وربي يسمع منج ياشموسة الحمدلله دكتوري شاف كيسين بس الاول فيه جنين وسمعت نبضه ربي لك الحمد بس الثاني للحين عندي موعد عقب اسبوعين وربي يكتب اللي فيه الخير وين الباقي::احلام ام وام حمني وفجورة وفلونة وروز سول وبنت الاياويد والكل يارب تكونون بخير جميعا |
رد: ديوانية البحرين - دردشة حوامل البحرين - البحرينيات
اقتباس:
والله يسمع منج يارب والحمدلله اولادي بخير وخالد حده مستانس لاني حامل ماشاءالله عليج مانسيتيه هههههههه ولباجر الدلع عنده عاد ذي الجعدة هههههههههه كله يتدلع تصدقين للحين مايرقد الا اذا انبطحت يمه على السرير ومن يغفل اتسحب جني قطوةهههههه فديتج تحملي بروحج وباولادج وربي يسر لج امورج يارب |
رد: ديوانية البحرين - دردشة حوامل البحرين - البحرينيات
أهلا بكم
شخباركم ؟ ام يوسف (((( شمووووووسة )))) النونو الي في بطني أسمه انشااء الله أحمد على أسم أبوي الله يرحمة يارب ادعوااا ليه يوصل بسلامة يارب وييينكم يلا تعالوا اكوا اني كنست ونضفت الديوانية عنكم !! ويش المانع الي يخليكم ما تدخلووون طمنوننا عنكم ؟ يارب المانع خير وأفراح لا وبعد أزيدكم حطيت ليكم بخوووور عود جود يلا أنتظركم |
رد: ديوانية البحرين - دردشة حوامل البحرين - البحرينيات
انا هنا هل من مجيب
|
رد: ديوانية البحرين - دردشة حوامل البحرين - البحرينيات
ام احلى قمر شنو هالبخور الزين وش حلاته
اقول الأسم حلو ومن الأسماء العزيزين جدا على قلبي الله يجيب احمدي بصحة وعافية ويخلي اليه امة يالله هانت راح الوايد وظل القليل كلها ايام وتعدي وتصيرين ام كشة مثلنا |
رد: ديوانية البحرين - دردشة حوامل البحرين - البحرينيات
بقوم تمللت
|
رد: ديوانية البحرين - دردشة حوامل البحرين - البحرينيات
تعالي ماني
تعالي |
رد: ديوانية البحرين - دردشة حوامل البحرين - البحرينيات
هههههههههههههههههههههه
لا اني مامبي تصير ليي دبه بس الناس يقهروني كله يقولون متاكده في السابع فيحسسوني في شي ههههههههههه يالله مادري متى بيكمل هالجم شهر اخر الاشهر طويله ماتمشي بسرعه ويش احوالكم بعد |
رد: ديوانية البحرين - دردشة حوامل البحرين - البحرينيات
اي صحي نسيت تنصحوني اولد في اي مستشفى
اني الاقرب ليي مستشفى محرق مال الولاده بس مو طايقه اروحه احس محد بيجيني لانه بيقوولون بعيد والسلمانيه ماابي مادري اروح جدحفص ؟؟ |
رد: ديوانية البحرين - دردشة حوامل البحرين - البحرينيات
شموووووووسة
اصلاا اني ام كشة مثلكم .,,,خخخخ وين راااح حسون كحييييل لعيون اكوا مغربلني وياه الحفاظة وكل يوم نواح يبي يروووح المدرسة ويجي ليه الباص حلم حياتة كل يتخيل يروح المدرسة ويجي ليه باص |
رد: ديوانية البحرين - دردشة حوامل البحرين - البحرينيات
هلا بيكن كلكم
اولشي ابي ابارك لاحلام ام علا خطوبة اختها واعذريني يالغاليه كنتين علا بالي بس امس ولدت مرت اخوي بعملية قيصريه وجابت لينه فطوم مدنية يديده وكنا بالمستشفا معاها وكان خاطري يكون عندي رقمش عشان اتصلش شخصيا ابارك لش واعتذر اني ماقدرت اجي انزين فطوم اليديده فالعايله تهببببل ودكرتني ببنينووو اول ماولدت اليوم رحت بيت ابويي وقمت اتشجعت اني واختي وقلنه نبي نقص شعرنه وووين قلنه بنروح سن شاين فالبديع ياااااا انه احنه خفنه كل واحد يطووف ييطالعنه ويش ليي اطاوعش يختي وقفنه السياره قلنه بتروح ملح السياره بتتكسر اليوم ههههههههههههههه دخلنه الصالون وعقب شوي دخلو بنات من البديع يا انهي الدنيا تغيرت قبل يضحكون ويسولفون والحين مايطالعونه شي يحز بالخاطر وطلعنه احنه فاهمين الدنيا غلط وفاهمين الناس غلط لانه عمره الانسان الطيب مابيتغير علا اخوه مهما صار ومهما سمع المهم مايهمنه منهم قصينه شعرنه وطلعنه واحنه نضحك علا روحنه شجاعات ماشاءالله انخاف منويش صارت البديع بمبي الثانيه رجعت شقتي واكتشفت انه القصه معفوسه وقصيره وايد بل ويش اقول لريلي وطول مااحنه نتعشا واني مرفعه شعري بكلبسه لايشوفه هههههههههه |
رد: ديوانية البحرين - دردشة حوامل البحرين - البحرينيات
والحين طلع
وباقوم اتسبح واغسله واشوف هالفلبينيه ويش هببت بهالصوفتيييين ههههههههه يالهي |
رد: ديوانية البحرين - دردشة حوامل البحرين - البحرينيات
السلام عليكم
هلا ومرحبا بيكم أحلى خوات إعذروني أشوف ردودكم وماأقدر أرد هنوووي حبيبي مريض مسخن ومزكم وكل حين هالأدول والكمادات أشوى بدى اليوم عليهالزكام والسخونه وخلاني أتنفس البارحه شوي في الحفلة ،ألحين قلت أكتب كم كلمة واقوم له مو راضي يشرب حليب ولاماي وبس يصيح حتى بيت أبويي اليوم مارحت أم عايشة هلا حبيبتي ،إيه ماأقدر أنساش أني من سجلت في المنتدى ودخلت الديوانية إنتين أول وحدة رحبت بي وصارت تطمني على حملي وأكثر وحدة ترد عليي في البداية والحمدلله الله عوضش وجبر قلبش وفرحنه بيش لأنه وااايد زعلنه عليش ربي يفرحنه بخبر ولادتش بالكتاكيت وياارب تطمنين عليهم وتولدينه سالمين وبصه وعافية ،إذا أني مانسيتش للحين أكيد مانسيت ولدش خلود وسندويشت الهمبرجر الصبحيه إللي يصر تسوينها من إيدش له ربي يحفظه لش خليه يتدلع عليش شوي قبل لايشرفون إللي ياخذون وقتش عنه ،مشكورة حبيبتي ربي يسمع منش ويحفظ ليي هنووي وأخوته ويشافيهم صايرين مرضى من تغير الجو لين اليوم هنووي جاه الدور سخونه وزكام شمس الصباح هلا وغلا بالغالية المدللـه هي وبنتها الحبوبة إللي نورت بيت أبو هنووي ،أفا عليش نشيلش على راسنه وجيتش غالية وتسجل بماي الذهب في دفتر الذكريات ،ربي يحفظ ملوكة ،لاتحاتين بعض الأطفال عليهم حركات جدية ،تعبر عن حاجتها إللي ماتقدر توصل ليها بالتعصب بس لاتخلينها تاخذ على روحها في الشد لين تعصب صدق دلوعه ويحق ليها تدلع عروستنه وياارب دووم نلاقيش في الأفراح والمسرات روز عذرش مقبول حبيبتي وأأأأأأأأأأأأأأأأأأأأأأأأأأأألف مبروك قدوم (فاطمة ) ربي يحفظها ويعطي أمها العافية وتتربى في عز أبوها ودلال أمها عليش بالعافية اللوك اليديد ،لاتذكريني بالقصات /أني من طلعت من الأربعين ورحت سويت تغيير لروحي قصيت شعري للحين قصت شعري أستغفر الله صوب طويل وصوب قصير حتى القصة (في صالون الطاهره )حتى هالمرة يوم أروح الصالون إستغربوا من شعري ومأساته ياارب نتلاقى في الأفراح خيوتي وموبس إنتين ماحضرتين الضروف البارحة منعت ناااااس واااايد من الحضور أم أحلى قمر مشكورة حبيبتي على الرساله وياارب مرة ثانية في مناسبة ثانية تقدرين تشرفينه لأني ماشفتش شرفتينه يعني ماأعرفش بس ماسمعت وحدة سألت عني وعرفت إنها إنتين خلص وقتي هنوووي سهاري الليلة دعواتكم له بالشفاء مو ساكت |
رد: ديوانية البحرين - دردشة حوامل البحرين - البحرينيات
إيه نسيت شرفتنه( أم خليل )البارحه بس بدون راشد فرحت بها بس ماحصل ليي أهر وياها وااايد وهي بخير وراشد بخير بس رابطة سير على دبتها ههههه وتقول دبتي بعدهي على حالها ههههه
|
رد: ديوانية البحرين - دردشة حوامل البحرين - البحرينيات
صباح الخيرات ... شخباركم يا بنات اهل ديرتي
يمكن ماتعرفوني لاني عضوة جديدة تقريبا حبيت اسلم عليكم وتعرف ع الاخوات وابيكم تدعون لي ربي يسهل عليي لاني بشهر التاسع (*_*) |
رد: ديوانية البحرين - دردشة حوامل البحرين - البحرينيات
احلام ام فديت قلبج والله ماشاءالله عليج تبارك الرحمن وربي يشفيلج هنوي وتجوفينه معرس يارب فيج الخير وربي والف مبرؤك على خطوبة اختج الله يتمملها على خير ان شاءالله
هدوء الليل هلا فيج اختي نورتي الديوانية والله يهون عليج ويقومج بالسلامة يارب |
رد: ديوانية البحرين - دردشة حوامل البحرين - البحرينيات
سلاااااااااااااام شخباركم
اليوم فيني نووووومة عدلة زين مني افتح اعيوني روز بالعافية عليش نيولوك ان شاء الله تطلع القصة حلوه اما اني كلش مو حابة شعري وهو قصير لو ادري ما قصيته لا اشيل منه الكلبس ولا شي لان ملاك من تشوف شعري تهجك علية وتمشع فيه وبعدين تاكلة تقولين حلاوة شعر بنات بااااااااااااااقي الشعب ام عائشة واحلام ام وطف طووووووف وام السادة واروؤ يقيني وام احلى قمر وفلونة وسول روز وحبيبة حسوني وروز اتش وام امل والسيدة وحنوووون والكلللللللللللللل ويش اخباركم |
رد: ديوانية البحرين - دردشة حوامل البحرين - البحرينيات
هلا فيج شموسة شخبارج اختي وشخبار ملاك ربي يخليها لج يارب
البنات كله نايمين مايدشون الديوانية الا بين وين وين |
رد: ديوانية البحرين - دردشة حوامل البحرين - البحرينيات
السلااااااااااااااام عليكم
ويش أخباركم ،عذروني تعبانه مع ولدي هنووي مسكين من شي لشي أخر مرة قلت ليكم إنه مسخن ومزكم ،بعدين زادته أعراضة حدة ونقلناه للمستشفى فحصت عليه الدكتورة قالت عنده غحتقان وصرفت لينه دوى إحتقان بالإضافة للأدول والقطور ،المهم عطيته الدوى ونام شوي بعدين قعد يصيح ولانام طول الليل من الصياح أعطيه أدول مافي فايدة ويرفض الحليب وكل شيء ،رحنه لدكتورة ساهرة فحصته قلبته وتالي أخر شي فحصت حلقة شافت كله حبوب على البلاعيم مثل الفقاقيع الصغيرة حمرة وهو على عمري بس يصيح حتى راوتني إياهم مسكين الله يساعده وعطته مضاد وبروفين عن الألم بدال الأدول وجل يبلعه علشان الحبوب المنتشرة على بلعومه لمدة إسبوع الله يشافية ويساعده ويساعدني الجزء الثاني قبل كم يوم أخوه علاووي كان حاملنه ،أهدد وأضربه لاحد يحمله مافي فااايدة في غفلة بسيطة مني ماأشوفه إلا بين أياديهم المهم سمعت صياحه وأجي أركض والولد خلاس ماعنده حس من الصياح ويش فيه يقول طاح على ركبتي ماما قمت أسكت فيه بالغصب سكت مو راضي يسكت لمدة المهم هدأ بعد فترة طويلة ونسيت الموضوع وما لاحظت عليه ترجيع ولا إغماء أمس وأني أحاول أنيمة وأمسح على راسة ، كانه شيء صفعني بقوةراس هنووي فيه كتله كبيرة على صوب أصغر من الكف بشوي وهالكتله صايرة مثل المشحونه ماااي تخوف منفخه ومايرضى أحد يلمسها لين تلمسينه تحسين إيدك تغوص حملته لأبوه وراويته وهو خاف لأنه الكتله كبيرة وعصب عليي يقول من ويش هذا قلتله أذكر أخوه طيحه في غفلة مني هاوشني أكثر قال إنتين هاملتنه حطيت في خااطري بقوووة كانه مايدري عن شطانة اولادة ضليت لين الليل أتحسسها وقلبي يعورني من ملمسها وكانه ماااي واايد تغوص الإيد ومنتشرة على صوب راسة والكل يطمنه ،حصرت علاااوي وقلت له شلون طاح أخوك أني كم مرة مهددتنكم لاحد يشيله هنية علووي خاف وقال بعدين تضربيني قلت مابضربك خلاص بس قول أخوك تعبان طمني قال طاح على وجهه والأرض بورسلاين آآآآآآآآآآآآآآآآآآآآآآآآآآآآآآآه ياولدي بس إجابته ماشفت حيرتي أخذته للمستشفى البارحه وأني وأبوة شوي وإنصيح من خوفنه كشف عليه الدكتور وسألنه قال هذا شكله تجمع دموي بس لازم أشعه علشان نشوف الجمجمة آآآآآآآآآآآآآآآآآآآآه وكل لحظة أحس روحي بتطلع أخذوا عليه أشعه مرتين وأبوه مثبتنه على سرير الأشعه ،أخذت الأشعه للدكتور وماأشوف الطريق أحس رجولي كل ما أسرعت ماتمشي شافها الدكتور وقام يقلب فيها وأني عبرة في حلقي وعيون أبوه جاحظة من خوفه عليه ،قال الراس الحمدلله سليم مافيه كسور بس هالإنتفاخ الكبير لازم تتأكدوا منه وأغلب الظن تجمع دموي كبير وقال لازم تحويل السلمانية ورحنه الطوارىءمال الاطفال حاملينه شافه الدكتور المناوب مع الأشعه وأخذا إستفساراته مني وقال هذا نتيجه الطيحه على الأرض وصاير تجمع دموي وهذا التجمع مايروح بسهاله لازم أسابيع وقام يسوي له فحص للحواس علشان يشوف تجاوب الولد وإنه ماتأثر بالطيحه المهم قال لاتحطون له كمادات ولاشي وإخذوا مواعيد في عيادة الأطفال علشان يتابعه دكتور مختص بالرأس آآآآآآآآآآآآآآآآآآآآآآه إدعوا لهنوووي بالشفاء وإدعوا لأولادي بالهداية متعبيني بشطانتهم مع إني طول اليوم مايغيب الصغير عن عيوني وهذا إللي طيحه في الصف الثالث خااايف متعبني ربي يحفظك ياهاني ويبعد عنك كل شر ومرض سامحوني طولت عليكم لاتنسوني من الدعاااء |
| الساعة الآن 12:36 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .